Morgunblaðið - 17.10.2003, Blaðsíða 22

22 | FÓLKIÐ | FÖSTUDAGUR 17|10|2003 MORGUNBLAÐIÐ
BANG, BANG!
TARANTINO Í
BANASTUÐI
Í upphafslaginu gefur „bang, bang“ tóninn fyrir mynd Tarantinos. „Brúð-
urin“ (Uma Thurman) er staðráðin í að drepa Bill (David Carradine), í
Bana Bill: Hluti 1, (Kill Bill: Volume 1). Hann á það inni. Á brúðkaupsdegi
þeirra fyrir fjórum árum slátraði karlinn öllum gestunum með aðstoð
hóps fjögurra harðsvíraðra leigumorðingja sem hann stjórnaði. Brúð-
urin, eða „Svarta mamban“ eins og hún var kölluð, var sú fimmta í geng-
inu. Bill taldi sig fullvissan um að hafa komið konuefninu, sem þá var
þunguð af hans völdum, einnig yfir í eilífðina.
Svarta mamban er lífseigari en Bill grunar því hún rankar við sér á spít-
alanum eftir fjögurra ára legu í dauðadái. Tekur til óspilltra málanna um leið
og hún hefur gert sér grein fyrir högum sínum. Punktar hjá sér dauðalista yfir
fyrrum félaga sína í morðgenginu, nú skal safna kröftum og hefna.
SÍÐARI HLUTI AÐ ÁRI
Quentin Tarantino er aftur kominn á kreik, kraftmikill sem fyrr. Nýja mynd-
in hans, Bana Bill, var frumsýnd í gær, aðeins viku eftir að hún kom fyrir augu
Bandaríkjamanna. Sem hafa tekið henni fagnandi. Menn virðast almennt
þeirrar skoðunar að hér sé kominn verðugur arftaki Pulp Fiction, tímamóta-
myndarinnar sem var frumsýnd fyrir tæpum áratug. Hún kom í kjölfar Re-
servoir Dogs (’92), einnar athyglisverðustu frumraunar í sögunni. Þriðja
mynd þessa umtalaða hæfileikamanns er Jackie Brown (’97), glæpatryllir
byggður á samnefndri skáldsögu Elmores Leonard. Hún fór nokkuð halloka í
samanburði við fyrri myndir leikstjórans, en hún er fyrsta og eina myndin þar
sem Tarantino er ekki höfundur sögunnar.
Það eru því löng sjö ár (fyrir aðdáendurna, a.m.k.) liðin frá síðasta leik-
stjórnarverkefni hins fertuga Tarantinos. Á þessum tíma hefur hann atast í
ýmsu. Framleitt tvær myndir, leikið í annarri og verið stórum vinahópi til ráð-
gjafar. Nánast fullklárað tvö ný kvikmyndahandrit, en fyrst og fremst notað
tímann til að undirbúa sig fyrir næsta stórvirki. Nú verður biðin skemmri því
seinni hluti Bana Bill verður frumsýndur á öndverðu næsta ári og eins er von
á nýrri mynd, Inglorius Bastards, undir áramótin 2004-5.
Ofbeldi, spenna og ómældur gálgahúmor hefur einkennt myndir Tarant-
inos. Unnendur blóðsúthellinga verða ekki fyrir vonbrigðum nú frekar en
endranær en yfirbragðið er engu að síður eins „smekklegt“ og það getur orð-
ið, ef svo mætti að orði komast. |saebjorn@mbl.is
FR
UM
SÝ
NT