Morgunblaðið - 18.10.2003, Blaðsíða 63
ÍÞRÓTTIR
MORGUNBLAÐIÐ LAUGARDAGUR 18. OKTÓBER 2003 63
ÍSLENSKA 19 ára landslið pilta í
knattspyrnu gerði 1:1 jafntefli við
Hollendinga í fyrsta leik sínum í
undankeppni EM í knattspyrnu en
riðillinn er spilaður í Moldavíu. Hol-
lendingar komust yfir á 4. mínútu
en Fylkismaðurinn Eyjólfur Héð-
insson, fyrirliði liðsins, jafnaði met-
in á 21. mínútu. Leikurinn þótti jafn
og skemmtilegur en Íslendingar
voru nær því að skora sigurmarkið
en Hollendingar. Næsti leikur ís-
lenska liðsins er á móti Ísraels-
mönnum á morgun og síðasti leik-
urinn er á móti heimamönnum í
Moldavíu á þriðjudaginn.
Þjálfari piltanna er Guðni Kjart-
ansson.
Eyjólfur
jafnaði gegn
Hollandi
Markverðir Fram og Aftureld-ingar létu strax vita af sér í
gærkvöldi með því að hirða tvö
fyrstu skot hvors
liðs. Mosfellingar
vissu að þeim dugði
ekkert annað en fara
langt út á móti
skyttum Fram og spiluðu fyrir vikið
3-3 vörn. Það gekk svo sem ágæt-
lega að hemja skytturnar þótt Héð-
inn Gilsson hæfi sig stundum á flug
með tilheyrandi þrumuskotum en
Framarar fundu aðrar leiðir og
skoruðu úr 13 af fyrstu 16 sóknum
liðsins – tvö skot voru varin og víti
fór í slána. Hinum megin var sókn-
arleikur Mosfellinga lengi að ganga
upp og loks þegar það gekk beið
Egidijus Petkevicius í markinu og
varði án afláts. Um miðjan fyrri
hálfleik skoraði Fram fimm mörk í
röð svo að eftir 21 mínútu var staðan
13:5. Sigur í höfn? Síður en svo, því
þegar Framarar leyfðu sér að slaka
á rifu gestirnir upp sokkana með
fjórum mörkum í röð og heima-
mönnum þar með ljóst að kæruleysi
gæti komið þeim í koll. Eftir hlé
héldu heimamenn í horfinu, oftast
með fimm marka forskot og gættu
þess að sofna ekki á verðinum. Þeg-
ar leið á leikinn fór mikil barátta
Mosfellinga að taka sinn toll svo að
Fram jók forskotið hægt og bítandi í
8 mörk. Þjálfari Fram leyfði sér að
skipta mörgum inná af varamanna-
bekknum en þeim tókst ekki að
halda í við Aftureldingu, sem minnk-
aði muninn í fjögur mörk.
„Við vissum að þetta yrði erfitt
því Afturelding er með unga spræka
stráka hungraða í sigur svo að við
vanmátum þá alls ekki,“ sagði Haf-
steinn Ingason, sem átti góðan leik
og var auk þess markahæstur hjá
Fram með 6 mörk. „Við lögðum upp
með að stöðva hraðaupphlaup þeirra
og síðan ná að halda haus í vörninni
og gera sem fæst mistök. Við fórum
að slaka á í vörnin í byrjun seinni
hálfleiks sem kostaði okkur hraða-
upphlaup Mosfellinga en það var
einmitt það sem ætluðum að koma í
veg fyrir og því fór sem fór. Þeir
hafa spilað allar gerðir af vörnum í
vetur og við áttum alveg eins von á
svona framliggjandi vörn.“ Fram er
sem stendur í efsta sæti norðurriðils
deildarinnar. „Miðað við veikindi og
afföll í liðinu er ég ánægður með sig-
urinn. Við höfum alveg mannskap og
alla burði til að ná mjög langt í
mótinu svo að staðan í riðlinum kem-
ur okkur ekkert á óvart,“ bætti Haf-
steinn við. Markvörðurinn Egidijus
og Björgvin Þór Björgvinsson voru
einnig góðir og vörnin var ekki
árennileg með Héðin og Guðlaug
Arnarson fremsta í flokki. Hjálmar
Vilhjálmsson var fjarri góðu gamni,
veðurtepptur á Grænlandi.
„Við komumst aldrei í gang,“
sagði Hilmar Stefánsson, fyrirliði
Aftureldingar, eftir leikinn, síður en
svo ánægður með tapið. „Baráttuna,
sem við höfum sýnt í undanförnum
leikjum, vantaði og þeir völtuðu yfir
okkur. Við reyndum að spila 4-2
vörn en þeir löbbuðu sig í gegnum
það. Það munaði því að reynslan er
öll þeirra megin,“ bætti Hilmar við
en sá samt fram á bjarta tíma. „Við
unnum seinni hálfleik og það er þó
jákvætt en við þurfum að koma mun
einbeittari til leiks enda hver leikur
úrslitaleikur fyrir okkur og við ætl-
um að næla í stig gegn þessum lið-
um. Þetta er bara uppá við hjá okk-
ur og við vitum það allir.
Uppbyggingin tekur tvö til þrjú ár
og við erum tilbúnir í það.“ Mosfell-
ingar voru sprækir og duglegir,
hlupu næstum allan leikinn þótt það
hafi skort aðeins á gæðin hjá þeim.
Þeir báru enga virðingu fyrir mót-
herjum sínum og eiga sannarlega
framtíðina fyrir sér. Davíð Svansson
sýndi góða takta í markinu og Hilm-
ar, Níels Reynisson, Daníel Berg
Grétarsson og Vlad Trufan voru
góðir.
Öruggur sigur Vals
Valsmenn sigruðu Þórsara býsnaörugglega á Akureyri í gær í
miklum markaleik. Lokatölur urðu
36:27. Úrslitin koma
varla á óvart en hins
vegar stóðu Þórsar-
ar lengi í Hlíðar-
endapiltum en þeir máttu ekki við
því að missa einn lykilmanna sinna
af velli með þrjár brottvísanir
skömmu fyrir miðjan seinni hálfleik
og eftir það hertu Valsmenn tökin til
muna. Þórsarar sitja því enn á botn-
inum án stiga.
Fyrri hálfleikur einkenndist af því
að Valsmenn rifu sig öðru hverju
upp í 3–4 marka forskot og héldu
Þórsurum niðri með góðri vörn og
markvörslu en Þórsarar náðu þó
alltaf að klóra í bakkann með mikilli
baráttu. Staðan í leikhléi var 13:15
og Þór minnkaði muninn í eitt mark
í byrjun seinni hálfleiks. Þeir voru
enn inni í leiknum í stöðunni 18:20
en skömmu síðar fékk Davíð Már
Sigursteinsson sína þriðju brottvís-
un og munurinn jókst jafnt og þétt
enda ekki úr miklu að moða í her-
búðum Þórs.
Pálmar Pétursson varði fantavel í
marki Vals, alls 22 skot. Markús
Máni Mikaelsson virtist geta skorað
að vild og gerði 12 mörk og ýmsir
aðrir áttu góðar rispur, t.d. Baldvin
Þorsteinsson í fyrri hálfleik. Hjá Þór
var Árni Sigtryggsson afar lunkinn í
skotum sínum og skoraði 9 mörk.
„Já, ég get verið sáttur við þessa
frammistöðu. Ég verð að halda því
sem karlinn (Roland Valur Eradze)
hefur lagt grunninn að en hann er
búinn að hjálpa mér mjög mikið.
Þessi leikur var fín skotæfing en við
fengum á okkur allt of mörg mörk
og við verðum að slípa vörnina bet-
ur. Ég verð svo að reyna að standa
mig áfram því það er komin aukin
pressa á mig eftir að Roland datt
út,“ sagði Pálmar Pétursson, hinn
efnilegi markvörður Vals.
Morgunblaðið/Þorkell
Krosslagðar hendur! Hafsteinn Ingason, Fram, fer inn af línunni gegn Ásgeiri Jónssyni og Ólafi I. Guðjónssyni úr liði Aftureldingar.
Góð byrjun skilaði
Fram góðum sigri
EFLAUST hafa einhverjir búist við að Afturelding yrði auðveld bráð
fyrir Fram þegar liðin mættust í Safamýrinni í gær. Leikmenn Fram
vissu hinsvegar að svo var ekki eftir að hafa lent í hremmingum
gegn drengjunum úr Mosfellsbænum í Reykjavíkurmótinu en góð
byrjun þeirra lagði grunn að 33:29 sigri því Mosfellingar söxuðu
jafnt og þétt á forskotið allann leikinn. Á Akureyri kom Valur í heim-
sókn til Þórs og hélt suður með bæði stigin í farangrinum eftir
36:27 sigur og Þórsarar því enn án stiga.
Stefán Þór
Sæmundsson
skrifar
Stefán
Stefánsson
skrifar
LÍNUMAÐURINN Hörður Sig-
þórsson er enn í ótímabundnu leyfi
frá Þórsliðinu og var hans saknað
sárlega í leiknum á móti Val.
MEGNIÐ af KA-liðinu var meðal
áhorfenda á leik Þórs og Vals og
var Hans Hreinsson markvörður
m.a. að kortleggja skot leikmanna
af vísindalegri nákvæmni.
AÐKEYPTIR trumbuslagarar
frá KA héldu upp býsna góðri
stemmningu á heimavelli Þórs og
voru áhorfendur öllu fleiri en á síð-
asta heimaleik.
DANINN Thomas Björn leikur
til undanúrslita í heimsmeistara-
mótinu í holukeppni í golfi en hann
lagði Mike Weir frá Kanada í átta
manna úrslitum.
BJÖRN mætir Ben Curtis í und-
anúrslitum en hann lagði Banda-
ríkjamanninn Chad Campbell í átta
liða úrslitum.
VIJAY Singh komst einnig í und-
anúrslit en hann lagði Shaun Mich-
eel í átta manna úrslitum og mætir
Singh sjálfum Ernie Els, frá S-Afr-
íku. Els lagði Tim Clark í átta
manna úrslitum.
SHAUN Micheel tapaði ekki að-
eins gegn Vijay Singh þar sem
einnig var brotist inn í íbúðina sem
hann var með til umráða á meðan
mótinu stendur. Innbrotsþjófurinn
fór inn í íbúðina nóttina fyrir við-
ureign Micheel gegn Singh og var
bandaríski kylfingurinn í fasta-
svefni á meðan innbrotið átti sér
stað. „Ég hringdi á lögregluna, og
átti erfitt með að sofna eftir að lög-
reglan hafði tekið skýrslu og skoð-
að sig um á staðnum. Þetta var ekki
besti undirbúningurinn sem ég hef
haft fyrir golfmót,“ sagði Micheel.
MICHEEL sigraði sem kunnugt
er á PGA-meistaramótinu í haust,
síðasta „risamóti“ ársins en þjóf-
urinn náði til sín um 150 þúsund kr.
í reiðufé, greiðslukortum og ýms-
um smámunum.
FRAMKVÆMDASTÓRN Al-
þjóðaknattspyrnusambandsins,
FIFA, ákvað á fundi sínum í gær að
fresta því að taka ákvörðun um
leikjaniðurröðunina á HM í Þýska-
landi árið 2006. Ákvörðun þess efn-
is verður tekin á fundi FIFA í des-
ember n.k.
SEPP Blatter forseti FIFA til-
kynnti einnig í gær að FIFA hefði
lagt um 56 millj. kr. í sérstakan
sjóð sem börn Marc-Vivien Foe
munu fá að njóta í framtíðinni. Foe
lést í landsleik með liði sínu Ka-
merún í Frakklandi í júní s.l. úr
hjartaslagi.
GLENN Hoddle segir við London
Evening Standard að hann sé tilbú-
inn að takast á við ný verkefni.
Hoddle var sagt upp á dögunum hjá
Tottenham Hotspur.
FÓLK