Morgunblaðið - 20.10.2003, Blaðsíða 4
FRÉTTIR
4 MÁNUDAGUR 20. OKTÓBER 2003 MORGUNBLAÐIÐ
Skógarhlíð 18, sími 595 1000 • www.heimsferdir.is
Síðustu sætin til Prag þann 27. okt. Þú bókar tvö sæti, en greiðir bara
fyrir eitt. Kynnstu þessari yndisfögru borg á besta tíma ársins þegar
haustið er að bresta á. Þú bókar núna, og tryggir þér síðustu sætin og að
auki getur þú valið um úrval hótela,
þriggja og fjögra stjarna og að
sjálfsögðu nýtur þú traustrar þjónustu
fararstjóra Heimsferða allan tímann.
Munið Mastercard
ferðaávísunina
Verð kr. 19.950
Fargjald kr. 32.600/2 = 16.300.
Skattar kr. 3.650.
2 fyrir 1 til
Prag
27. okt.
frá kr. 19.950
SÝNING á verki bandarísku mynd-
listarkonunnar Roni Horn, Some
Thames, var formlega opnuð í Há-
skólanum á Akureyri á laugardag-
inn. Sýningin var sett þar upp til
frambúðar, en hún er gjöf lista-
mannsins til skólans.
Verkið er svokölluð innsetning
sem samanstendur af 80 ljósmynd-
um. Þær voru teknar í miðborg
Lundúna á ánni Thames 1999-2000.
Verkið má finna á ýmsum stöðum í
háskólabyggingunum, m.a. í
kennslustofum, bókasafninu, á göng-
um og í stigahúsum.
Þorsteinn Gunnarsson, háskóla-
rektor, sagði í ávarpi við þetta tilefni
að hógværð og einfaldleiki ein-
kenndu verk Roni Horn „þar sem
þau flæða sem á í gegnum byggingar
Háskólans á Akureyri. Vatnið, sem
eitt af frumefnum og undirstaða lífs-
ins, er sígilt viðfangsefni daglegra
athafna og lista. Some Thames,
byggingar háskólans og hið náttúru-
lega umhverfi, sem umlykur háskól-
ann, eru ein heild sem í samspili
skapa nýtt og einstakt listaverk“.
Rektor sagði starfsemi háskóla
flæða sem á í gegnum tilveru fólks;
„nemendur koma og fara, sú þekking
sem þeir afla sér er síkvik og breyti-
leg og samfélag kennara og nemenda
skapar nýjar kvíslar og uppsprettur
fyrir læki og ár. Háskólinn á Akur-
eyri óx upp úr engu, þ.e. hann er al-
gjörlega ný stofnun en ekki byggður
upp úr eldri stofnun. Vatnið á sér oft
enga sýnilega uppsprettu, það birtist
allt í einu án nokkurs fyrirvara og
hrífur síðan smátt og stórt með sér.
Þannig birtist einnig oft hin vísinda-
lega þekking sem er afurð háskóla-
starfsins. Some Thames er brú milli
margra ólíkra heima, eða – milli vís-
inda og lista, manngerðs umhverfis
og náttúrulegs umhverfis, þekkingar
og tilfinninga,“ sagði Þorsteinn.
Hlynur Hallsson, myndlistarmað-
ur á Akureyri, flutti einnig ávarp við
opnun sýningarinnar og sagðist m.a.
hafa orðið djúpt snortinn í vor þegar
hann sá hluta verksins komið upp;
„hvernig byggingin öðlaðist nýtt líf
með þessum verkum, hvernig þetta
harmoneraði við nemendur sem
gengu hér um ganga og ég hugsaði:
Hérna á þetta verk heima!“
Roni Horn var viðstödd athöfnina
á laugardag og sagði, þegar hún
ávarpaði viðstadda, að eitt væri að
gefa stofnun eitthvað eins og í þessu
tilviki – sem hún hefði reyndar aldrei
gert áður – en allt annað væri að
stjórnendur viðkomandi stofnunar
sýndu gjöfinni áhuga. Það hefði hún
skynjað hér og sagðist aldrei hafa
upplifað jafn mikla gleði og þá sem
hefði fylgt því að hengja umræddar
myndir upp í byggingum Háskólans
á Akureyri með starfsmönnum þar.
Uppgötvar engla á Íslandi
Horn sagði flest verk sín í gegnum
tíðina raunar hafa orðið að veruleika
vegna þess að hún hefði sífellt upp-
götvað engla hér og þar um heiminn.
„Ég hef fundið nokkra hér á landi og
ég verð að segja, að minnsta kosti á
þessu augnabliki, að Þorsteinn
Gunnarsson er engill númer eitt.“
Hún þakkaði einnig Pétri Arasyni
sem lengi hefði aðstoðað sig og hann
hefði átt hugmyndina af því að koma
verkinu Some Thames upp á þessum
stað. Pétur væri fyrsti íslenski „eng-
illinn“ sinn. „Edda Jónsdóttir er ekki
orðinn engill ennþá en er komin vel á
veg!“ sagði Roni, en Edda rekur gall-
erí í Reykjavík. Einnig þakkaði Roni
Styrmi Gunnarssyni, ritstjóra Morg-
unblaðsins, sem hefði upphaflega
kynnt Þorsteini Gunnarssyni verk
hennar.
Roni sagði Íslendinga hafa sýnt
sér ótrúlegan höfðingsskap og mikla
manngæsku, „sem ég verð að segja
ykkur að er ekki algengt í dag“. Hún
kveðst jafnan finna fyrir mikilli orku
á Íslandi en eigi þó bágt með að
sætta sig við kæruleysislega um-
gengni þjóðarinnar við umhverfið,
eins og hún orðaði það.
Morgunblaðið/Skapti Hallgrímsson
Margir voru viðstaddir athöfnina í háskólanum. Lengst til vinstri er Björn Jóhannsson, rekstrarstjóri Háskólans á
Akureyri, Þorsteinn Gunnarsson rektor, Roni Horn og Pétur Arason, fyrsti íslenski „engill“ listakonunnar.
Some Thames er brú
milli margra ólíkra heima
Roni Horn og Hlynur Hallsson
myndlistarmaður höfðu um margt
að ræða við athöfnina á laugardag.
Akureyri. Morgunblaðið.
Gaf Háskólanum á Akureyri listaverk sem samanstendur af 80 ljósmyndum
TALSVERÐUR fjöldi fólks lagði leið sína á flugsýningu á
Reykjavíkurflugvelli á laugardag, en sýningin var sú stærsta
hér á landi í rúman áratug, að sögn forsvarsmanna hátíð-
arinnar. Flugdagurinn var tileinkaður 100 ára afmæli flugs,
en í ár er liðin öld frá því Wright-bræður fóru í fyrstu flug-
ferðina. Boðið var upp á ýmiss konar skemmtun; hópflug,
listflug, þyrluflug, svifflug, svifdrekaflug, fallhlífarstökk og
módelflug.
Á stóru myndinni má sjá hvar Sigurður Ásgeirsson þyrlu-
flugmaður týnir plastkeilur af jörðinni með skíðum þyrlunnar
og setur í fiskikar af ótrúlegri nákvæmni. Minni myndin sýnir
Þórólf Árnason borgarstjóra, en hann var farþegi í rússneskri
listflugvél sem ásamt annarri flugvél setti á svið loftbardaga
fyrir viðstadda.Morgunblaðið/Árni Sæberg
Fagna aldarafmæli flugsins
Stærsta sýningin í rúman áratug
VIGDÍS Finnbogadóttir, fyrrver-
andi forseti Íslands, las fyrir börn
og foreldra úr bókinni Dimmalimm
eftir Guðmund Thorsteinsson
(Mugg) í Þjóðmenningarhúsinu sl.
laugardag, en Vigdís sagði að þetta
væri ein af hennar eftirlætis barna-
bókum.
Vigdís sagði áður en hún hóf lest-
urinn að íslenskar barnabækur
væru í miklu uppáhaldi hjá sér. Hún
hefði sem ung stúlka kosið að lesa
bækur og nota þær þannig til að búa
sjálf til myndir í sínu eigin höfði
frekar en að láta aðra búa til mynd-
ir fyrir sig.
Auk Vigdísar las Embla Ýr Báru-
dóttir úr nýútkominni bók sinni
Blóðregn – Sögur úr Njálu.
Næstu laugardaga, fram til 13.
desember, munu fleiri barnabóka-
höfundar lesa úr nýjustu verkum
sínum í Þjóðmenningarhúsinu. Felix
Bergsson mun nk. laugardag lesa úr
bók sinni Ævintýri um Augastein.
Morgunblaðið/Þorkell
Las upp úr
Dimmalimm
TVÖ börn voru flutt til skoðunar á
sjúkrahús eftir árekstur á Norður-
landsvegi á fimmta tímanum í gær.
Meiðsl barnanna, sem eru á aldrin-
um 8-10 ára, voru þó talin minnihátt-
ar. Atvikið varð með þeim hætti að
ökumaður bifreiðar sá ekki kyrr-
stæðan bíl er hugðist beygja inn á
Skagastrandarafleggjara vegna þess
að fram úr honum tók þriðji bíllinn.
Fyrsti bíllinn, sem er óökufær eftir
áreksturinn, hafnaði því aftan á þann
kyrrstæða.
Tvö börn á
sjúkrahús eftir
árekstur
♦ ♦ ♦