Morgunblaðið - 20.10.2003, Blaðsíða 55
MORGUNBLAÐIÐ MÁNUDAGUR 20. OKTÓBER 2003 C 55Fasteignir
V
ið hjónin erum nýlega
búin að festa kaup á
þessari íbúð en húsið er
mér ekki ókunnugt þar
sem ég ólst hér upp,“ segir Ás-
geir. „Við vorum búin að leigja
hér um nokkurt skeið af föður
mínum og þegar okkur bauðst að
kaupa þá tókum við því. Við
kunnum bæði bæði afar vel við
okkur í miðborginni og erum
ánægð með að vera hér áfram.“
„Húsið þarfnast þó nokkurs
viðhalds bæði að innan og utan,
okkur finnst það ekki verra því að
það gefur okkur kost á að setja
okkar eigin svip á húsið. Það er
líka ágætt að hafa búið hérna áð-
ur og vita því alveg að hverju
maður gengur,“ segir Ásgeir.
Upprunalegur panell
á veggjum
„Við höfum ákveðið að taka
þetta í áföngum. Við byrjuðum á
því að vinna inni í íbúðinni en
áætlum að taka húsið í gegn að
utan ekki seinna en eftir tvö ár,“
heldur hann áfram.
„Það sem heillaði okkur meðal
annars við húsnæðið var að hér
var upprunalegur panell á sumum
veggjum. Það hafði hins vegar
verið málað all oft yfir viðinn í
gegnum árin og þar af leiðandi
var komið þykkt og hrjúft máln-
ingalag yfir veggina. Við
ákváðum því að leggjast í það
verk að skafa málningarlagið af,“
segir Ásgeir. „Þegar sú ákvörðun
var tekin gerðum við okkur ekki
grein fyrir því að þetta yrði jafn-
tímafrekt og raunin varð.“
Þegar komið er inn í íbúðina
blasir við myndarlegt hol og gam-
all fallegur stigi sem liggur upp í
íbúðina.
„Í holinu hófumst við handa því
að þar eru allir veggirnir með
panel. Það flækti hins vegar mál-
in töluvert að vinna yfir stigan-
um. Við leystum málið þannig að
handriðið var tekið af og sent í
viðgerð á meðan á framkvæmdum
stendur enda var kominn tími til
þess,“ heldur hann áfram.
Best að nota
hitablásara
„Til að byrja með keypti ég
mér efni sem að losar um og leys-
ir málningu af veggjum og nánast
af hvaða yfirborði sem er. Þetta
bar ég á veggina og byrjaði svo
að skafa. Þessi aðferð bar ekki
nógu góðan árangur. Ég kannaði
hvort ekki væru til heppilegri og
fljótlegri leiðir til að vinna þetta
og þá var mér bent á að kaupa
mér hitablásara sem ég og gerði.
Sú aðferð dugði mun betur. Hita-
blásaranum er beint á vegginn og
við það bólgnar málningin upp og
þá er kjörið að skafa hana af. Það
sem flækir málið er að þetta er
panell og því þarf að fara með
minni sköfu inn í rifurnar,“ segir
Ásgeir.
Ein klukkustund
á hvern fermetra
„Þetta hefur tekið töluverðan
tíma hjá mér og ég á enn nokkuð
í land, ætli að það megi ekki
segja að ég sé um eina klukku-
stund með hvern fermetra. Þegar
ég er búin að skafa alla máln-
inguna af, en það eru um fjögur
lög á veggnum, pússa ég yfir og
að því loknu verður málað yfir í
ljósum lit.
Það hefði vel mátt fara auð-
veldu leiðina og mála enn eina
umferð yfir panelinn í staðinn
fyrir að leggja á sig þessa miklu
vinnu, við erum hinsvegar sann-
færð um að þetta sé þess virði
þar sem áferðin á veggnum verð-
ur svo miklu fallegri þegar upp er
staðið,“ segir Ásgeir að lokum.
Gamall panell tekinn í gegn
Hjónin Ásgeir Mikael Ein-
arsson og Dagrún Leifs-
dóttir keyptu nýlega sína
fyrstu íbúð í gömlu húsi í
Þingholtunum. Þar þarf
ýmislegt að gera og hafa
þau hjón ákveðið að vera
trú upprunalega stíl húss-
ins. Eitt það fyrsta sem
þau gerðu var að pússa
upp og taka í gegn gaml-
an panel á veggjum íbúð-
arinnar. Perla Torfadóttir
ræddi við Ásgeir Ein-
arsson um hvaða aðferðir
nýttust honum best við
þetta verkefni.
Morgunblaðið/Kristinn
Ásgeir Einarsson við panelvegginn sem hann er að endurvinna.
BLÓM í stórum pottum á gólfi eru
mjög til prýði þar sem pláss er
gott. Það henta þó ekki öll blóm til
slíkra nota, fallegast er að hafa
hávaxin blóm, t.d. pálma af ýmsu
tagi eða þá aðrar plöntur sem
verða dálítið tignarlegar þegar þær
tosast upp.
En úr því við minnumst á pálma
má nefna hinn skemmtilega máls-
hátt; að standa með pálmann í
höndunum.
Pálmar eru raunar merkilegar
plöntur og mikilvægar fyrir fjölda
manns í heitum löndum. Ýmsir
þeirra nýtast í smíðavið, æta
ávexti, trefjar til vefnaðar og úr
pálmum eru auk víns unninn sykur
og pálmaolía. Þess má geta að
jurtafeiti er framleidd úr aldinum
olíupálmans og kókospálmans og
sagógrjón úr merg sagópálmans.
Blóm á gólfi
Morgunblaðið/Guðrún