Morgunblaðið - 21.10.2003, Blaðsíða 23

LANDIÐ
MORGUNBLAÐIÐ ÞRIÐJUDAGUR 21. OKTÓBER 2003 23
Minni
vinna!
w w w . b e s t a . i s
Nýbýlavegi 18 • 200 Kópavogi • Sími: 510 0000
Brekkustíg 39 • 260 Njarðvík • Sími: 420 0000
Miðási 7 • 700 Egilsstöðum • Sími: 470 0000
Labbakúturinn!
•Enginn burður
•Hleður sig sjálfur
RSH.is
Dalvegi 16b • 201 Kópavogur
Sími 544 5570 • Fax 544 5573
www.rsh.is • rsh@rsh.is
Handtalstöðvar
VERSLUN • VERKSTÆÐI
Radíóþjónusta Sigga Harðar
Drægni allt að 5 km
Verð frá kr. 5.900,-
UHF talstöðvar
í miklu úrvali
w
w
w
.d
es
ig
n.
is
©
20
03
#4 HEITA VATNI‹
ICELAND REVIEW
ÁSKRIFTARSÍMI 512-7517
askrift@icelandreview.com
HVERS VEGNA ÍSLAND?
40 ÁSTÆ‹UR
Blönduósi | Kvennaskólinn á
Blönduósi hefur mikið verið í um-
ræðunni að undanförnu. Skólinn var
auglýstur til sölu eða leigu en öllum
tilboðum hefur verið hafnað. Mikið
er hugsað um hlutverk fyrir þessa
byggingu sem hýsti á árum áður
starfsemi sem sumir segja að gjör-
breytt hafi húnvetnsku mannlífi á
ýmsa lund. Ein er sú kona sem velk-
ist ekki í vafa um hvernig nýta beri
skólabygginguna en það er Hrönn
Vilhelmsdóttir, textílhönnuður í
Reykjavík, en hún vill tengja nýt-
inguna við konur og handverk
kvenna.
Hrönn, sem reyndar ólst upp á
Blönduósi, kom á laggirnar í sumar á
efstu hæð kvennaskólans textíl-
verkstæði sem leggur áherslu á
framleiðslu á rúmfötum fyrir börn
eða „rúmföt fyrir sólargeisla“ eins og
Hrönn orðar það. Hrönn hefur mjög
ákveðnar skoðanir hvernig best væri
að nýta kvennaskólann. Hún segir að
mikilvægt sé að tengja kvennaskól-
ann og starfsemi sem þar yrði við
Heimilisiðnaðarsafnið á Blönduósi.
„Blönduós á að vera miðstöð kvenna-
menningar“ segir Hrönn. Hún vill
sjá austurhúnvetnskar konur, sem
víða vinna merkileg handverkstörf
hver í sínu horni, allar samankomnar
í kvennaskólanum með sína starf-
semi og á sumrin mætti opna þessar
vinnustofur almenningi og gera þær
bæði að lifandi safni og iðnaði. „Við
þetta allt saman má síðan tengja
námskeiðahald eða námsbrautir
framhaldsskóla, tengdar textíl. Það
sárvantar verklega kennslu í þessum
fræðum og hér er svo sannarlega
tækifæri,“ segir Hrönn Vilhelms-
dóttir að lokum.
„Blönduós verði mið-
stöð kvennamenningar“
Morgunblaðið/Jón Sigurðsson
Gengið frá „rúmfötum fyrir sólargeisla“: Þær Áslaug Ottósdóttir og Oddný
Gunnarsdóttir vinna á textílverkstæðinu og sjá um að koma hönnun Hrann-
ar í markaðshæft form en til að svo megi verða þarf mörg handtök.
Mikil eftirspurn: Hrönn Vilhelms-
dóttir við eitt sköpunarverk sitt
sem bráðlega mun umvefja sæng
eða kodda einhvers barns.
Hrönn Vilhelmsdóttir er ekki í vafa
um hvernig nýta á kvennaskólann
Tálknafirði | Síðla sumars var komið
á laggirnar aðstöðu til fjarnáms fyrir
íbúa á Tálknafirði. Fyrirmyndin er
sótt til Grundarfjarðar, þar sem slík
aðstaða hefur verið um nokkurra ára
skeið. Aðstaðan á Tálknafirði er í
íþróttahúsinu og þar gefst ein-
staklingum sem stunda fjarnám á
framhaldsskólastigi kostur á ADSL-
tölvutengingu og aðgangi að tölvu og
prentara. Sigríður I. Birgisdóttir
viðskiptafræðingur hefur verið nem-
endum til halds og trausts og veitt
aðstoð við námið. Sjö nemendur hafa
nýtt sér þennan möguleika í vetur,
þar af tveir sem eru á fyrsta ári í
framhaldsskóla. Fram kom hjá nem-
endum að þeim líkar vel þessi ný-
breytni. Einn nemendanna er Pálína
Kr. Hermannsdóttir, húsfreyja á
Lambeyri í Tálknafirði. „Það er frá-
bært að eiga kost á því að stunda
nám með þessum hætti,“ sagði Pál-
ína í samtali við fréttaritara. „Ég
hafði ekki tök á því að fara í fram-
haldsnám eftir grunnskólann, vegna
heimilisaðstæðna. En mér þótti allt-
af gaman að læra og líkar mjög vel
að koma hérna og upplifa mig sem
nemanda aftur. Það að geta komið á
einhvern stað þar sem fleiri eru að
læra og ekki er utanaðkomandi
truflun gerir þetta enn skemmti-
legra,“ sagði Pálina og sneri sér síð-
an að tölvunni og íslenskuhugleið-
ingum. Þess má geta að sonur
Pálínu, Valdimar Hannesson, er
einnig í fjarnámi, en hann lauk
grunnskólanámi sl. vor. Flestir nem-
endurnir sækja námsefni til Verk-
menntaskólans á Akureyri. Eftir því
sem næst verður komist eru fleiri í
fjarnámi á Tálknafirði, en hafa ekki
nýtt sér þessa aðstöðu. Má þar nefna
einstaklinga sem eru í fjarnámi við
Kennaraháskólann o.fl.
Ánægja með
fjarnám á
Tálknafirði
Morgunblaðið/Finnur
Ánægðir nemendur á Tálknafirði: Í aftari röð eru, frá vinstri, Jónas Snæ-
björnsson, Sigríður I. Birgisdóttir, viðskiptafræðingur og leiðbeinandi,
Kristinn Marinósson, Hjalti Þ. Heiðarsson og Valdimar Hannesson. Fyrir
framan sitja þær Pálína Kr. Hermannsdóttir og Birna Benediktsdóttir.
Þegar myndin var tekin Helga Birna Berthelsen fjarverandi.
Bolungarvík | Minnisvarði um horfna, látna og
drukknaða sem hvíla í fjarlægð var vígður í
Grundarhólskirkjugarði í Bolungarvík síðastlið-
inn laugardag.
Fjöldi fólks var viðstaddur vígsluna. Formað-
ur sóknarnefndar, Einar Jónatansson, flutti
ávarp, sr. Agnes Sigurðardóttir, sóknarprestur í
Bolungarvík, helgaði minnisvarðann og flutti
blessunarorð og kirkjukór Bolungarvíkur söng.
Minnisvarðinn er gefinn til minningar um
Guðfinn Einarsson útgerðarmann f. 17. október
1922, d. 27. ágúst 2000 og eru gefendur ekkja
hans, frú María Haraldsdóttir, sem afhjúpaði
minnisvarðann, og börn þeirra, þau Einar K.
Guðfinnsson, Haraldur Guðfinnsson og Guðrún
Guðfinnsdóttir.
Listaverkið sem prýðir minnisvarðann er eftir
leirlistakonuna Elísabetu Haraldsdóttur á
Hvanneyri en hún er systurdóttir Guðfinns heit-
ins.
Í máli formanns sóknarnefndar kom fram að
„við sköpun verksins hafði listakonan í huga öld-
ur hafsins. Hafsins sem í aldanna rás hefur fært
íbúum sjávarbyggðanna eins og hér í Bolung-
arvík lífsbjörgina. En hafið hefur bæði gefið og
tekið. Listaverkið sýnir okkur lygnar öldur. Það
er áminning til okkar um, að aðeins sá sem öllu
ræður, hinn hæsti höfuðsmiður, getur lægt
storma og brim, jafnt í óblíðri náttúrunni sem í
hugum okkar mannanna.“
Á stöpul minnisvarðans er letrað erindi úr
ljóði Hannesar Péturssonar.
Sá er eftir lifir
deyr þeim sem deyr.
En hinn dáni lifir
í hjarta og minni manna
er hans sakna.
Við minnisvarðann er fjörugrjót, sem raðað er
í kross, og á steinana má grafa nöfn þeirra sem
horfið hafa og hvíla í fjarlægð, í votri gröf eða
annars staðar.
Að athöfn lokinni var viðstöddum boðið á veit-
ingar í safnaðarheimilinu. Kom þar saman mikill
fjöldi fólks og var góður rómur gerður að lista-
verkinu.
Minnisvarði vígður í Bolungarvík
Ljósmynd/Gunnar Hallsson
Við minnismerkið: Gefendur og höfundur listaverksins. F.v. Einar K. Guðfinnsson, Elísabet Haralds-
dóttir listamaður, Guðrún Guðfinnsdóttir, Haraldur Guðfinnsson og María Haraldsdóttir.