Morgunblaðið - 21.10.2003, Blaðsíða 41
FRÉTTIR
MORGUNBLAÐIÐ ÞRIÐJUDAGUR 21. OKTÓBER 2003 41
Sími 552 1400
fax 552 1405
Laugavegi 170, 2. hæð, 105 Reykjavík
Viðar Böðvarsson
viðskiptafræðingur
löggiltur fasteignasali
Heimasíða: www.fold.is - Netfang: fold@fold.is
Einbýli, par- og raðhús
Okkur hjá Fold fasteignasölu hefur verið falið að leita að einbýli-, rað- eða parhúsi
í Hóla hverfi. Húsið þarf að vera með útsýni og í góðu ástandi. Önnur hverfi gætu
komið til greina en útsýni er skilyrði.
Einnig erum við að leita að tveggja íbúða húsi með tveimur rúmgóðum íbúðum.
Staðsetning nokkuð opin. Bein kaup eða í skiptum fyrir mjög góða 4ra herb. íbúð
við Dunhaga.
Vinsamlegast hafið samband við sölumenn Foldar í síma 552 1400 eða gsm hjá
sölumönnum: Ævar 897 6060, Böðvar 892 8934, Helgi 897 2451, Þorri 897 9757.
Á HVERJU ári er í október haldin
röð alþjóðlegra danskeppna í London
þar sem saman koma danspör víðs veg-
ar að úr heiminum. Nýlega lagði hópur
íslenskra danspara land undir fót og
tók þátt í þessum mótum.
Fyrsta keppnin, „The London Open
Championships“, fór fram laugardag-
inn 4. október. Þar var keppt í öllum
aldursflokkum og voru íslensk pör
þátttakendur í þremur flokkum.
Í aldursflokki 11 ára og yngri kepptu
þrjú íslensk pör. Í standarddönsum
komust þau öll í úrslit og í 4. sæti voru
Magnús Arnar Kjartansson og Ragna
Björk Bernburg frá DÍK (Dansíþrótta-
félagi Kópavogs), í 5. sæti voru Alex
Freyr Gunnarsson og Sara Kristín
Rúnarsdóttir, einnig frá DÍK, og í 7.
sæti höfnuðu Sigurður Már Atlason og
Sara Rós Jakobsdóttir frá DÍH (Dans-
íþróttafélagi Hafnarfjarðar). Í keppni í
s-amerískum dönsum komust öll pörin
í 12 para undanúrslit og eitt þeirra, Sig-
urður Már og Sara Rós, DÍH, komst
alla leið í úrslit og hafnaði í 5. sæti. Sig-
urvegarar í báðum greinum í flokki
barna 11 ára og yngri voru Yuri Solda-
tov og Tatiana Iakovelva frá Rússlandi.
Í flokki 12–13 ára náðu Aðalsteinn
Kjartansson og Edda Guðrún Gísla-
dóttir frá dansdeild ÍR þeim árangri að
dansa í 11 para undanúrslitum í s-am-
erískum dönsum.
Í flokki unglinga 12–15 ára komust
tvö íslensk pör í 2. umferð í s-amerísk-
um dönsum ásamt 28 öðrum pörum.
Það voru þau Þorleifur Einarsson og
Ásta Bjarnadóttir frá dansdeild ÍR og
Björn Einar Björnsson og Sóley Em-
ilsdóttir frá Hvönn.
Önnur keppnin sem fór fram á
Lundúnasvæðinu er kölluð „The Im-
perial Championships“ og fór hún fram
sunnudaginn 5. október. Þar var ekki
keppni í flokki barna. Í flokki unglinga
12–15 ára náðu Þorleifur og Ásta frá
ÍR besta árangrinum af íslensku pör-
unum og komust inn í 24 para úrslit í
standard-dönsum. Þarna voru einnig
mætt til leiks Robin Sewell og Elísabet
Sif Haraldsdóttir sem keppa í flokki
fullorðinna og keppa þau í s-amerísku
dönsunum. Þau náðu þeim árangri að
komast í 12 para undanúrslit. Einnig
kepptu í standard-dönsum í flokki at-
vinnumanna þau Adam Reeve og Kar-
en Björk Björgvinsdóttir Reeve og
náðu þeim frábæra árangri að komast í
4. sæti.
Stærsta keppnin og jafnframt sú
sterkasta er keppnin „The Internation-
al Championships“ og tekur hún þrjá
daga. Sú keppni hófst þriðjudaginn 7.
október og þá var einungis keppt í s-
amerískum dönsum og miðvikudaginn
8. október var keppt í standard-döns-
um. Í yngsta hópnum voru 25 pör skráð
til keppni í standard-dönsum og voru
þrjú íslensk pör með í keppninni. Kom-
ust þau öll inn í 14 para undanúrslit en
eitt þeirra, Alex Freyr og Sara frá
DÍK, komust alla leið í úrslit og enduðu
í 3. sæti. Að sögn Auðar Haraldsdóttur
danskennara sem stödd var á keppn-
inni „dönsuðu þau mjög yfirvegaðan
dans, voru með gott danshald og sýndu
góðan fótaburð“. Í s-amerísku dönsun-
um voru 29 pör skráð til leiks og kepptu
sömu íslensku pörin í þeirri grein. Aft-
ur komust þau öll inn í 14 para undan-
úrslit en í þetta sinn voru það Sigurður
Már Atlason og Sara Rós Jakobsdóttir,
DÍH, sem komust í úrslit og náðu þeim
frábæra árangri að hafna í 2. sæti. Auð-
ur Haraldsdóttir sagði „að þau döns-
uðu ljómandi vel þennan dag, mjög
sterk og áberandi á gólfinu, stílhrein og
með mikla útgeislun“. Í flokki unglinga
voru 102 pör skráð til keppni í stand-
ard-dönsum og 106 pör í s-amerískum
dönsum. Í þessum flokki voru 5 pör frá
Íslandi. Tvö þeirra komust í 2. umferð í
standard-dönsum og eitt par komst í 2.
umferð í s-amerískum dönsum. Í flokk-
um fullorðinna var forkeppni fyrstu
dagana og valin 45 pör í hverjum flokki
til þess að dansa í úrslitakeppninni sem
fór fram í Royal Albert Hall fimmtu-
daginn 9. október. Tvö pör kepptu fyrir
Íslands hönd í þessum flokkum. Í flokki
Fullorðinna áhugamanna kepptu Rob-
in og Elísabet Sif í s-amerískum döns-
um. Þar hófu leik alls 214 pör. Robin og
Elísabet náðu að dansa í úrslitakeppn-
inni en komust ekki lengra. Ég er viss
um að þessi árangur sé undir vænt-
ingum þeirra.
Í flokki atvinnumanna kepptu Adam
og Karen í standard-dönsum. Þar voru
skráð til keppni 119 pör. Þau náðu einn-
ig að dansa í úrslitakeppninni og eina
umferð til viðbótar sem í voru 30 pör. Í
þessari keppni eru tveir dómarahópar
skipaðir 8 dómurum hvor. Þessir hópar
skiptast á að dæma keppnirnar en þeg-
ar að úrslitum kemur eru báðir hóp-
arnir saman á gólfinu þannig að í úrslit-
um eru 16 dómarar á gólfinu sem
dæma.
Það er alltaf gaman þegar hópur Ís-
lendinga leggst í víking og tekur þátt í
dansmótum. Við höfum átt þátttakend-
ur í þessum mótum mörg undanfarin
ár og gaman að geta sagt frá því að
flest árin hafa í yngsta aldursflokknum
verið íslensk pör á verðlaunapöllum. Til
hamingju, krakkar.
Dansvika í London
DANS – LONDON
Samkvæmisdansar
Alþjóðlegt dansmót haldið í London dag-
ana 4. til 9. okóber sl.
Frá verðlaunaafhendingu eftir keppni í alþjóðlegu dönsunum.
Alex Freyr Gunnarsson og Sara
Kristín Rúnarsdóttir frá DÍK kom-
ust í úrslit í standard-dönsum og
enduðu í þriðja sæti.
Sigurður Már Atlason og Sara Rós
Jakobsdóttir, DÍH, komust í úrslit í
suður-amerískum dönsum og náðu
þeim árangri að hafna í 2. sæti.
Kara Arngrímsdóttir
Félag stjórnmálafræðinga stend-
ur fyrir umræðufundi um Evr-
ópumál í dag, þriðjudaginn 21.
október kl. 12.05–13.15, í Lögbergi,
húsnæði lagadeildar Háskóla Ís-
lands, stofu 101. Fjallað verður um
ríkjaráðstefnu ESB, stækkun Evr-
ópusambandsins til austurs og
breytingar á stofnsáttmála sam-
bandsins o.fl.
Framsögumenn fundarins eru:
Auðunn Arnórsson, blaðamaður á
Morgunblaðinu, og Eiríkur Berg-
mann Einarsson, verkefnisstjóri
Evrópumála hjá Rannsóknaþjón-
ustu Háskóla Íslands.
Málþing um brjóstakrabbamein.
Samhjálp kvenna efnir til málþings
um brjóstakrabbamein í dag,
þriðjudaginn 21. október, kl. 20 í
Hringsal Landspítala háskóla-
sjúkrahúss við Hringbraut. Yf-
irskrift þingsins er „Brjósta-
krabbamein – hvar stöndum við?“
Málþingið er hluti af árveknisátaki
um brjóstakrabbamein nú í október,
en átakið miðar að því að fræða um
sjúkdóminn og hvetja konur til að
nýta sér boð Leitarstöðvar Krabba-
meinsfélagsins um röntgen-
myndatöku.
Að loknu ávarpi Guðrúnar Sig-
urjónsdóttur, formanns Samhjálpar
kvenna, mun Mary Buchanan, for-
seti Europa Donna, segja frá starfi
þessara Evrópusamtaka gegn
brjóstakrabbameini. Einnig halda
erindi: Laufey Tryggvadóttir, fram-
kvæmdastjóri Krabbameinsskrár-
innar, Baldur F. Sigfússon, yf-
irlæknir á Leitarstöð
Krabbameinsfélagsins, og Sigurður
Björnsson, yfirlæknir á Landspít-
alanum.
Í tilefni af fundinum mun framhlið
aðalbyggingar Landspítalans við
Hringbraut verða lýst upp í bleikum
lit.
Samskiptaþjálfun – kynning-
arfundur. ITC-deildin Irpa heldur
kynningarfund í dag, þriðjudaginn
21. október, kl. 20 í sal sjálfstæð-
ismanna, Hverafold 3–5, 2. hæð,
Reykjavík. ITC (þjálfun í sam-
skiptum) er félagsskapur sem býð-
ur upp á sjálfsnám og sjálfstyrk-
ingu, t.d. þjálfun í ræðumennsku,
fundarsköpum, nefndarstörfum,
mannlegum samskiptum o.fl. Fund-
urinn er öllum opinn og nýir félagar
velkomnir.
Samanburður á hugsun íslenskra
og kínverskra barna. Í dag,
þriðjudaginn 21. október, mun Mon-
ika Keller fræðimaður við Max
Planck-stofnunina um þroskarann-
sóknir í Berlín og prófessor í þróun-
arsálfræði við the Free University
of Berlin, flytja opinn fyrirlestur á
vegum félagsvísindadeildar og upp-
eldis- og menntunarfræðiskorar.
Yfirskrift fyrirlestursins er:
Ábyrgðarkennd í samskiptum:
Samanburður á hugsun íslenskra og
kínverskra barna. Fyrirlesturinn
verður í stofu 202 í Odda kl. 15.30 og
verður fluttur á ensku. Í erindinu
mun hún segja frá niðurstöðum sín-
um, sem sýna bæði algildan þroska-
feril og áhrif menningar.
Í DAG
Hrafnaþing á Hlemmi – fræðslu-
erindi Náttúrufræðistofnunar Ís-
lands verður haldið á morgun, mið-
vikudaginn 22. október, kl. 12.15 í sal
Möguleikhússins á Hlemmi.
Þóra Hrafnsdóttir líffræðingur flyt-
ur erindið „Íslenska rykmýsfánan:
fjölbreytileiki og útbreiðsla teg-
unda“. Hrafnaþing eru öllum opin.
Fyrirlestur hjá Stofnun Vigdísar
Finnbogadóttur. Þórdís Gísladóttir,
verkefnisstjóri Hugvísindastofnunar
Háskóla Íslands, flytur fyrirlestur á
vegum Stofnunar Vigdísar Finn-
bogadóttur á morgun, miðvikudag-
inn 22. október kl. 12.15 í stofu 101 í
Odda. Fyrirlesturinn nefnist Hvað
er tvítyngi og mun Þórdís fjalla um
nokkrar helstu skilgreiningar á tví-
tyngi, tvítyngt uppeldi og málvíxl.
Fyrirlestur um ótta og orku. Gitte
Lassen heldur fyrirlestur um efnið
frá ótta til orku á morgun, miðviku-
daginn 22. október, kl. 20–22, í Ljós-
heimum, Brautarholt 8, 2. hæð til
vinstri. Gitte fjallar um hvernig
hægt er að læra að skilja óttann og
takast á við hann. Verð á fyrirlest-
urinn er kr. 1.500.
Sviptingar á fjármálamarkaði og
framtíðarsýn nýrrar kynslóðar
verða til umræðu á morgunverð-
arfundi Verslunarráðs Íslands mið-
vikudaginn 22. október kl. 8.15 á
Grand hótel. Framsögu flytja Sig-
urjón Þ. Árnason bankastjóri og
Þórður Már Jóhannesson fram-
kvæmdastjóri og munu þeir velta
fyrir sér hvaða áhrif sviptingar á
fjármálamarkaði undanfarin misseri
muni hafa á markaðinn. Þá verður
einnig til umræðu möguleg útrás ís-
lenskra fjármálafyrirtækja. Fund-
urinn er öllum opinn.
Á MORGUN
Lagastofnun Háskóla Íslands
Málstofur haustið 2003
Allir velkomnir
Í málstofum Lagastofnunar verða kynntar rannsóknir
starfsmanna og gesta lagadeildar Háskóla Íslands.
Málstofurnar verða haldnar á miðvikudögum
kl. 12.15 í Lögbergi, stofu 101.
22. október: Skúli Magnússon, lektor við lagadeild Háskóla Íslands;
Réttarheimildirnar og hin lagalega aðferð.
29. október: Brynjar Níelsson, hæstaréttarlögmaður;
Almennar hugleiðingar um refsingar, eru þær of vægar eða þungar? Eru auknar
kröfur í samfélaginu um að „óæskileg hegðun“ verði gerð refsiverð og hvernig
samræmast slíkar kröfur ákvæðum stjórnarskrárinnar og Mannréttindasáttmála
Evrópu um einstaklingsfrelsi?
5. nóvember: Brynhildur Flóvenz, héraðsdómslögmaður;
Réttaröryggi fatlaðra á Íslandi.
12. nóvember: Hrafnkell Óskarsson, deildarsérfræðingur í iðnaðar- og viðskiparáðuneyti;
Notkun söluveðs í viðskiptum birgja.
19. nóvember: Aðalheiður Jóhannsdóttir, aðjúnkt við lagadeild Háskóla Íslands;
Alþjóðlegar skuldbindingar um loftslagsbreytingar og íslenskur réttur.
26. nóvember: Sif Konráðsdóttir, hæstaréttarlögmaður og
Hulda Elsa Björgvinsdóttir, lögfræðingur;
Sönnun í málum er varða kynferðisbrot gagnvart börnum.
3. desember: Hjördís Halldórsdóttir, héraðsdómslögmaður;
Tölvupóstur starfsmanna og einkalífsvernd.
Lagastofnun Háskóla Íslands