Morgunblaðið - 21.10.2003, Blaðsíða 44

ÍÞRÓTTIR
44 ÞRIÐJUDAGUR 21. OKTÓBER 2003 MORGUNBLAÐIÐ
ÞÝSKA handknattleiksliðið Hamburger SV þarf að
losa sig við a.m.k. fjóra leikmenn til þess að draga úr
kostnaði við rekstur liðsins, sem glímir nú við nokkra
fjárhagsörðugleika. HSV varð til fyrir nokkrum miss-
erum þegar nokkrir peningamenn í Hamborg ákváðu
að reisa handknattleikslið borgarinnar við og sameina
það Bad Schwartau sem komið var að fótum fram
vegna peningaleysis. Fóru forvígismenn HSV mikinn
við kaup á sterkum handknattleiksmönnum, m.a. Tom-
as Svensson, landsliðsmarkverði Svía, og frönsku Gille-
bræðrunum. Þá flutti félagið í glæsilega íþróttahöll í
Hamborg, Color Line Arena. Vel hefur gengið innan
vallar og er HSV nú í öðru sæti 1. deildarinnar. Það
hefur hins vegar ekki nægt til þess að ná endum saman
og eiga nokkrir leikmenn inni laun frá því í maí auk
bónusgreiðslna frá síðustu leiktíð. Til þess að laga stöð-
una ætlar félagið að selja a.m.k. fjóra leikmenn, þeirra
á meðal er Norðmaðurinn Simon Muffetangen og landi
hans Tormod Moldestad, Svíinn Peter Möller og dansk-
marokkóski leikmaðurinn Mustafa Taj.
Rýmingarsala hjá
Hamburger SV
HARALDUR Ingólfsson var hetja
norska 1. deildarliðsins Raufoss á
sunnudag er hann skoraði sigur-
markið í 3:2 sigri liðsins gegn
Mandalskamaratene og tryggði
liðinu mikilvæg stig í baráttunni
um sæti í úrvalsdeild. Haraldur
kom inná sem varamaður þegar
átta mínútur voru eftir af venju-
legum leiktíma og hann sendi
knöttinn í netið þegar rúmlega 2
mínútur voru komnar fram yfir
venjulegan leiktíma.
Markið gerir það að verkum að
gríðarlegur áhugi er nú þegar
fyrir leik Raufoss gegn Sande-
fjord næsta sunnudag, í hreinum
úrslitaleik um hvort liðið fær
tækifæri til þess að leika um laust
sæti í úrvalsdeild – gegn þriðja
neðsta liði úrvalsdeildar. For-
ráðamenn Raufoss búast við allt
að 4.000 áhorfendum á leikinn og
segja að tekjur af þeim leik geti
skipt nokkrum milljónum ísl. kr.
Haraldur segir í viðtali við
staðarblaðið í Raufoss að hann
vonist til þess að fá að leika frá
upphafi í leiknum gegn Sande-
fjord og það yrði mikil ánægja að
taka þátt í því að koma liðinu í þá
aðstöðu að leika um laust sæti í
úrvalsdeild. „Ég mun samt sem
áður ekki skipta um skoðun hvað
varðar heimferð okkar, en það
væri yndislegt ef Raufoss færi
upp í úrvalsdeild.“ segir Har-
aldur Ingólfsson.
Miklar tekjur af
marki Haraldar
Hannes Þ. Sigurðsson fagnar hér marki sem hann skoraði fyrir
Viking gegn Moss. Hann vill nú fara frá Stavanger.

HALLDÓR Sigfússon var með eitt
mark fyrir Frisenheim þegar liðið
tapaði 30:27 fyrir Willstätt/Schutt-
erwald í suðurhluta þýsku 2. deild-
arinnar í handknattleik um síðustu
helgi. Frisenheim er í 13. sæti af 18
liðum í deildinni með fimm stig.

ÁSDÍS Sigurðardóttir var í liði
TuS Weibern sem tapaði fyrir
Buxtehuder SV, 29:22 í þýsku 1.
deildinni í handknattleik kvenna. Ás-
dís skoraði ekki í leiknum. Weibern
er í sjöunda sæti deildarinnar af tólf
liðum með 7 stig.

DAGNÝ Skúladóttir var með eitt
mark fyrir TV Lützellinden þegar
liðið lagði Borussia Dortmund,
24:23, á útivelli í þýsku 1. deildinni í
handknattleik. TV Lützellinden er í
fimmta sæti með átta stig.

HRAFNHILDUR Skúladóttir
skoraði sjö mörk fyrir Tvis/-
Holstebro þegar liðið tapaði 22:20 á
heimavelli fyrir Silkeborg-Voel
KFUM í vesturhluta dönsku 1. deild-
arinnar í handknattleik. Hanna Stef-
ánsdóttir þótti leika vel fyrir Tvis/
Holstebro í leiknum, skoraði fjögur
mörk, og var frammistaða hennar
lofuð á heimasíðu félagsins líkt og
frammistaða Helgu Torfadóttur,
markvarðar. Inga Fríða Tryggva-
dóttir skoraði ekki í leiknum fyrir
Tvis. Kristín Guðmundsdóttir, leik-
ur einnig með liðinu.

JÓN Arnór Stefánsson lék sex
mín. með Dallas Mavericks, er liðið
lagði San Antonio Spurs í fyrrinótt,
89:84. Jón Arnór náði ekki að skora.

MAGNÚS Magnússon, KR, var
ekki langt frá því að komast í 8-
manna úrslit á Evrópumóti einstak-
linga í keilu, sem fór fram í Vínar-
borg á dögunum. Hann hafnaði í ell-
efta sæti, af 38 landsmeisturum, með
205 í meðalskor, aðeins 43 pinnum
frá átta manna úrslitum. Fyrsta dag-
inn lék hann 1.539, annan daginn
1.652 og þann þriðja 1.733.

ELÍN Óskarsdóttir varð í 23. sæti
í kvennaflokki, en 37 landsmeistarar
voru með í keppni kvenna í Vín.
Meðalskor hennar var 178 pinnar.
Hún lék fyrsta keppnisdaginn á
1.438, síðan 1.314 og 1.524.

ÞÝSKI landsliðsmaðurinn í knatt-
spyrnu Christoph Metzelder, sem
leikur með Dortmund, þarf að gang-
ast undir aðra aðgerð vegna meiðsla
í hásin en hann hefur verið frá
keppni og æfingum frá því í mars
þegar hann þurfti að fara undir hníf-
inn. Reiknað er með að hann verði
frá í þrjá mánuði til viðbótar.

NOLBERTO Solano er sagður
hafa óskað eftir því í gær að verða
leystur undan samningi við New-
castle eftir áramót þegar opnað
verður fyrir kaup og sölu á leik-
mönnum í Evrópu. Solano hefur ver-
ið hjá Newcastle í fimm ár.
FÓLK
Tryggvi Guðmundsson, sem und-anfarin ár hefur verið á meðal
markahæstu leikmanna deildarinn-
ar, hefur aðeins skorað 2 mörk, einu
marki minna en markahæstu Íslend-
ingarnir í deildinni, Helgi Sigurðs-
son og Hannes Þ. Sigurðsson.
Haraldur Ingólfsson, sem leikur
með Raufoss í 1. deildinni, hefur
komið mest við sögu af íslenskum
knattspyrnumönnum í Noregi í ár en
Skagamaðurinn hefur skorað 15
mörk fyrir lið sitt og er á meðal
markahæstu leikmanna deildarinn-
ar.
Hér á eftir getur að líta tölulegar
staðreyndir um Íslendingana í
norsku knattspyrnunni.
 Árni Gautur Arason, Rosenborg,
hefur spilað einn leik í deildinni.
 Tryggvi Guðmundsson, Stabæk,
14 leikir (12 í byrjunarliði), 2 mörk.
 Hannes Þ. Sigurðsson, Viking, 21
leikur (aldrei í byrjunarliði), 3 mörk.
 Ríkharður Daðason, Lilleström,
5 leikir (aldrei í byrjunarliði). Fór til
Fredrikstad (1. deild) í september. 7
leikir (6 í byrjunarliði) 3 mörk.
 Indriði Sigurðsson, Lilleström,
18 leikir (alltaf í byrjunarliði). Ekk-
ert mark. Seldur til Genk í ágúst.
 Gylfi Einarsson, Lilleström, 15
leikir (12 í byrjunarliði) 2 mörk.
 Davíð Þór Viðarsson, Lilleström,
9 leikir (2 í byrjunarliði). Ekkert
mark. Fótbrotnaði í ágúst.
 Bjarni Þorsteinsson, Molde, 16
leikir (14 í byrjunarliði), ekkert
mark.
 Ólafur Stígsson, Molde, 13 leikir
(8 í byrjunarliði), ekkert mark.
 Helgi Sigurðsson, Lyn, 23 leikir
(18 í byrjunarliði), 3 mörk.
 Jóhann B. Guðmundsson, Lyn,
19 leikir (13 í byrjunarliði) 1 mark.
Meiddist í lok ágúst og fór í upp-
skurð á hné á dögunum.
 Óskar Örn Hauksson, Sogndal, 2
leikir (báðir sem varamaður). Kom
til félagsins frá Njarðvík í lok ágúst.
 Haraldur Ingólfsson, Raufoss, 26
leikir (22 í byrjunarliði), 15 mörk.
ÞAÐ er ekki hægt að segja að íslensku knattspyrnumennirnir hafi
gert neinar rósir í norsku úrvalsdeildinni þetta árið. Flestir þeirra
hafa átt á brattann að sækja og til að mynda hefur landsliðsmark-
vörðurinn Árni Gautur Arason aðeins leikið einn af 24 leikjum
Rosenborg í deildinni.
Íslendingarnir
í Noregi hafa
hægt um sig
FLAUTAÐ verður til leiks á Íslandsmótinu í blaki í
kvöld þegar Þróttur Reykjavík og ÍS reyna með sér í 1.
deild karla í Hagaskóla og Þróttur Reykjavík og HK
eigast við í 1. deild kvenna. Nú í vetur verður í fyrsta
sinn um nokkurra ára skeið keppt í tveimur deildum
karla og kvenna á Íslandsmótinu. Í 1. deild karla taka
fjögur lið þátt, HK, ÍS, Stjarnan og Þróttur Reykjavík
og í 1. deild kvenna leika einnig fjögur lið, það eru HK,
KA, Þróttur Neskaupstað og Þróttur Reykjavík. Leikin
verður fjórföld umferð í báðum deildunum og svo úr-
slitakeppni að deildakeppni lokinni.
Í 2. deild karla taka fjögur lið þátt í Suðurlandsriðli
og þrjú lið í Norðurlandsriðli en í 2. deild kvenna taka
níu lið í tveimur riðlum þátt í á Suðurlandi og fimm lið
eru í Norðurlandsriðli. Efstu lið í riðlunum spila til úr-
slita í 2. deild. Átta lið taka þátt í bikarkeppni karla og
þrettán lið í bikarkeppni kvenna á vegum BLÍ í vetur.
Varðandi uppbyggingu blakíþróttarinnar er átak í
gangi hjá BLÍ að koma á krakkablaki hjá félögunum,
auk þess að hafa hæfileikabúðir fyrir efnilega krakka.
Tvær deildir karla
og kvenna í blaki
Tranmere vill fá
Julian frá ÍA
KNATTSPYRNUFÉLAG ÍA hefur fengið beiðni frá enska 2.
deildarfélaginu Tranmere Rovers um að fá Julian Johnsson, fær-
eyska landsliðsmanninn í knattspyrnu, í sínar raðir. Julian kom til
liðs við Skagamenn í júní frá B36 í Þórshöfn og þeir sömdu við
hann í kjölfarið til næstu tveggja ára. Hann var einn besti leik-
maður þeirra seinni hluta tímabilsins og lék alla leiki liðsins eftir að
hann kom til landsins, ávallt í byrjunarliði.
„Málið er í skoðun hjá okkur en við höfum engan áhuga á að láta
Julian fara, viljum hafa hann áfram í okkar röðum,“ sagði Gunnar
Sigurðsson, formaður meistaraflokksráðs ÍA, við Morgunblaðið í
gær.
Tranmere kemur frá Birkenhead, útborg Liverpool, og er í 19.
sæti af 24 liðum í ensku 2. deildinni en liðið lék lengi í 1. deild og
vakti þá oft athygli fyrir frammistöðu sína í bikarmótunum. Það
féll úr 1. deildinni vorið 2001. Julian, sem er 28 ára miðjumaður og
hefur spilað 52 landsleiki fyrir Færeyjar, hefur leikið í Englandi.
Hann lék um tíma með Hull í 3. deild en dvaldi ekki lengi þar af
persónulegum ástæðum.