Morgunblaðið - 22.10.2003, Blaðsíða 18
HÖFUÐBORGARSVÆÐIÐ
18 MIÐVIKUDAGUR 22. OKTÓBER 2003 MORGUNBLAÐIÐ
Sóknarfundur | Stofnfundur Graf-
arholtssóknar verður haldinn í
kvöld klukkan átta í sal Ingunn-
arskóla í Grafarholti. Þar verður
gerð grein fyrir aðdraganda að
stofnun sóknarinnar og kynntar
framtíðarhugmyndir um kirkju-
starf á svæðinu. Einnig verður kos-
ið til sóknarnefndar og ýmissa
trúnaðarstarfa á vegum sókn-
arinnar.
Allt þjóðkirkjufólk á svæðinu er
hvatt til þátttöku. Kosningarétt og
kjörgengi hefur þjóðkirkjufólk,
sem samkvæmt þjóðskrá átti lög-
heimili í sókninni 1. október 2003
og hefur náð sextán ára aldri á
fundardegi.
Breiðholti | Hverfisráð Breiðholts
hvetur ráðamenn Íslandsbanka til
að kynna sér vel sjónarmið íbúa-
samtaka Efra-Breiðholts en íbúar
segjast afar óhressir með lokun eina
bankaútibúsins í hverfinu og leita
því á náðir hverfisráðsins.
Í ályktun sem samþykkt var sam-
hljóða á fundi hverfisráðsins er vak-
in athygli á því að í Fella- og Hóla-
hverfi búi um 9.000 manns og
hverfið því á stærð við bæjarfélögin
Garðabæ og Reykjanesbæ. Í álykt-
un hverfisráðsins segir: „Það er ekki
á valdi borgaryfirvalda að skipu-
leggja þjónustu einkaaðila í hverfum
en ráðið bendir á að það er stefna
borgaryfirvalda að styrkja hverfin,
færa þjónustu nær íbúunum og efla
hverfisvitund. Stjórn hverfisráðs
Breiðholts hvetur forráðamenn Ís-
landsbanka að skoða vel ofangreind
sjónarmið.“
Alfreð Þorsteinsson, formaður
hverfisráðs Breiðholts, segir
að þó mikil tæknivæðing hafi orðið
í allri bankastarfsemi og menn séu
farnir að nota heimabanka og slíkt
sé engu að síður ljóst að það er þörf
á útibúi í þessu hverfi. „Mér sýnist
ljóst að ef Íslandsbanki endurskoðar
ekki þessa ákvörðun sína muni aðrir
bankar eða sparisjóðir fylla í það
skarð sem myndast í Efra-
Breiðholti. Ég tek eindregið undir
þessar áhyggjur íbúanna og við höf-
um skorað á Íslandsbanka að skoða
hug sinn vel í þessu máli og endur-
skoða afstöðu sína. Þetta er líka á
skjön við stefnu Reykjavíkurborgar
að koma á nærþjónustu við íbúa
hinna ýmsu hverfa borgarinnar og
það er næst á dagskrá hjá Reykja-
víkurborg að koma á samræmdri
þjónustumiðstöð fyrir Breiðholtið.“
Íbúar mótmæla
lokun bankaútibús
Morgunblaðið/Ásdís
Ármúla | Tveir kínverskir Kung Fu-
meistarar hafa dvalið hér á landi
undanfarið í boði kínversku heilsu-
ræktarmiðstöðvarinnar Heilsu-
drekans, í því skyni að þjálfa ís-
lenska Kung Fu-iðkendur og leiða
þá lengra inn í leyndardóma þess-
arar fornu kínversku sjálfsvarn-
arlistar. Þau Wen Tai Feng og
Zhang Su Hong frá Shang Xi-
héraði í Kína hafa bæði numið
Kung Fu-listina frá barnæsku, Wen
Tai hefur æft í þrjátíu og sjö ár en
Zhang Su í þrjátíu og fimm. Þau eru
afar fim og reynd í listinni og hafa
vakið mikla aðdáun og innblástur
hjá nemendum sínum hér á landi.
Að sögn Dong Quing Guan, eig-
anda Heilsudrekans, er Kung Fu Ís-
lendingum afar nýtt, en hún segir
Íslendinga hafa sýnt listinni mikinn
áhuga og hafi margir notið leið-
sagnar þeirra Wen Tai og Zhang
Su. „Það má segja að það séu tvær
grundvallarútgáfur af Kung Fu
sem við erum að þjálfa hér. Annars
vegar hið hraða Kung Fu, sem er
afar vinsælt hjá börnum og ung-
lingum, og hins vegar Tai Chi, sem
er mjúkt Kung Fu og notað til
heilsubótar, bæði fyrir eldra fólk og
aðra sem hugsa um líkamlega og
andlega vellíðan.
Kung Fu er holl líkamsrækt fyrir
alla, og ekki bara líkamleg heldur
einnig góð fyrir sálina.“ Tai Chi er
meðal annars stunduð sem morg-
unleikfimi í Kína og víða um heim,
enda er þar um að ræða bæði hug-
leiðslu og heilbrigða áreynslu fyrir
allan líkamann án mikillar hættu á
meiðslum þótt mörgum komi á
óvart hversu mikið maður getur
svitnað í hægum og mjúkum hreyf-
ingum.
Áhugasömum er bent á vefsíðu
Heilsudrekans.
Heilsurækt líkama og sálar
Morgunblaðið/Þorkell
Kínverskir Kung-Fu-meistarar heimsækja Ísland
TENGLAR
.....................................................
www.heilsudrekinn.is.
Þau Wen Tai Feng og Zhang Su Hong brugðu á leik í Heilsudrekanum.
Kópavogur
Einbýli með aukaíbúð/vinnuaðst. óskast
Óskum eftir einbýlishúsi á góðum útsýnisstað í Kópavogi fyrir traustan kaupanda.
Aukaíbúð eða vinnuaðstaða t.d. í kjallara er skilyrði. Verð allt að kr. 25 millj.
Allar nánari upplýsingar veittar á skrifstofu
FASTEIGNA-
MARKAÐURINN
ÓÐINSGÖTU 4 • Sími 570 4500 • Netfang: fastmark@fastmark.is
Jón Guðmundsson, sölustjóri, lögg. fasteigna- og skipasali.
Í dag, miðvikudaginn 22. október kl. 12.15, mun Skúli Magnússon,
dósent við lagadeild Háskóla Íslands, flytja erindi
í málstofu Lagastofnunar í Lögbergi, stofu 101.
Í málstofunni mun Skúli ræða um hvers vegna menn greini á um lög og rétt. Er hægt
að gera upp á milli ólíkra fullyrðinga um gildandi rétt? Á hvaða grundvelli eru laga-
legar niðurstöður reistar. Hvernig tengjast niðurstöður um gildandi rétt almennum
hugmyndum um lög og siðferði.
Allar þessar spurningar lúta með einum eða öðrum hætti að hinni lagalegu aðferð.
Viðteknar skoðanir íslenskra lögfræðinga um hina lagalegu aðferð verða reifaðar í
ljósi almennra kenninga um lögin og í því sambandi rætt um réttarheimildarhugtakið
og gagnrýni á það, en umfjöllun íslenskra fræðimanna um hina lagalegu aðferð hefur
mjög beinst að því að gera grein fyrir réttarheimildunum.
Allir velkomnir.
„Hvers vegna greinir lögfræðinga á um lög?
Hin lagalega aðferð og réttarheimildirnar“
Lagastofnun Háskóla Íslands Lögbergi við Suðurgötu - Sími 525 5203 - Netfang lagastofnun@hi.is
NÝIR þjónustusamningar við einkarekna leikskóla í
Reykjavík voru undirritaðir í Tjarnarbúð Ráðhúss
Reykjavíkur í gær eftir þeir voru samþykktir á borg-
arráðsfundi. Taka þeir gildi um næstu mánaðamót.
Mun nú Reykjavíkurborg, samkvæmt samþykktum
borgarráðs, veita einkareknum leikskólum húsnæð-
isstyrki auk rekstrarstyrks sem miðast við aldur barna.
Nú verða stofnstyrkir aflagðir og húsnæðisstyrkir
tvöfaldaðir. Rökin fyrir því eru meðal annars einföldun
aðgangs einkaleikskóla að húsnæði, hvort sem ætlunin
er að leigja eða kaupa. Einnig er um að ræða einföldun
á samskiptum í sambandi við styrki og jafnræði, bæði
innbyrðis og gagnvart borgarskólum.
Héðan í frá greiða Leikskólar Reykjavíkur einka-
leikskólum rekstrarstyrk vegna reykvískra barna frá
18 mánaða aldri. Styrkurinn samsvarar meðalkostnaði
á barn miðað við aldur og dvalarstundir eins og hann
er í fimm hagkvæmustu leikskólum Leikskóla Reykja-
víkur hverju sinni.
Þjónustusamningurinn er til tveggja ára og uppsegj-
anlegur með sex mánaða fyrirvara. Síðan framlengist
hann sjálfkrafa um eitt ár sé honum ekki sagt upp.
Í bókun borgarráðsfulltrúa Sjálfstæðisflokks segir
meðal annars að sjálfstæðismenn styðji tillöguna heils-
hugar, „en hefðu gjarnan viljað sjá hana fyrr fram-
komna. Það er ekki nokkur vafi að ef reglur sem þessi
hefðu komið fram fyrr þá hefði ekki verið til staðar
þessi biðlistavandi sem Reykvíkingar hafa upplifað á
undanförnum áratug.“ Fulltrúar Reykjavíkurlista í
borgarráði bókuðu síðan meðal annars eftirfarandi:
„Með samþykkt þessari er vandi einkarekinna leik-
skóla í borginni leystur og um leið munu þeir geta sinnt
fleiri börnum en nú er.“
Reykjavíkurborg gerir þjónustusamning
„Vandi einka-
rekinna leik-
skóla leystur“
Morgunblaðið/Ásdís
Garðabæ | Níu af hverjum tíu að-
spurðum eru ánægðir með fram-
komu starfsfólks íþróttamiðstöðv-
arinnar Ásgarðs ef marka má
þjónustukönnun sem lögð var fyrir
viðskiptavini hennar í júní.
Viðskiptavinir íþróttamiðstöðv-
arinnar eru tryggir, sjötíu og níu
prósent svarenda sögðust koma
þrisvar sinnum í viku eða oftar.
Hafnarfirði | Í gærkvöldi var hald-
inn upplýsingafundur fyrir aðila sem
vinna að forvarnar- og félagsmálum
meðal barna og unglinga í Hafn-
arfirði í Álfafelli, íþróttahúsinu við
Strandgötu. Meginmarkmið fund-
arins er að auka upplýsingaflæði um
það góða félags- og forvarnarstarf
sem unnið er í Hafnarfirði og nota
þessar upplýsingar til að auðvelda
börnum og unglingum að notfæra
sér þjónustuna. Að sögn Guðmundar
Rúnars Árnasonar, formanns For-
varnanefndar Hafnarfjarðarbæjar
gekk fundurinn afar vel og var mjög
vel sóttur af fólki sem starfar með
börnum og unglingum í bænum.
Forvarnafundur
Fimmtudagsforleikur | Annað
kvöld, fimmtudagskvöldið 23. októ-
ber, verða tónleikar á Loftinu í Hinu
húsinu. Fram koma Nögl, Innvortis,
Lokbrá og Enn ein sólin og fara
sveitirnar að eigin sögn með ljúfa
tóna. Tónleikarnir eru hluti af svo-
kölluðum Fimmtudagsforleik þar
sem ungar hljómsveitir leika listir
sínar og flytja frumsamda rokk-
tónlist. Þarna er kjörið tækifæri til
að fylgjast með því hvað ungar kyn-
slóðir tónlistarmanna eru að gera.
Frítt er inn á tónleikana og hefjast
þeir klukkan 20.00.
Hitt húsið heldur uppi innihalds-
ríkri og uppbyggilegri starfsemi á
sviði lista, menningar og fræðslu
fyrir ungt fólk. Hitt húsið er menn-
ingar- og upplýsingamiðstöð þar
sem ungu fólki er veitt ýmis aðstoð
og ráðgjöf, við að koma hugmyndum
sínum í framkvæmd.