Morgunblaðið - 22.10.2003, Blaðsíða 45
MORGUNBLAÐIÐ MIÐVIKUDAGUR 22. OKTÓBER 2003 45
ÓHÆTT er að telja Niccolo Amm-
aniti einn efnilegasta rithöfund Ítalíu.
Hann hefur skrifað þrjár skáldsögur
og er meðal ann-
ars þekktur fyrir
það í heimalandi
sínu að vera
yngsti rithöfund-
urinn sem unnið
hefur Viareggio-
Repaci bók-
menntaverðlaun-
in sem þykir mik-
ill heiður. Þessi
bók Ammanitis er
fyrsta bók hans sem gefin er út á
ensku, en einnig skilst mér að til
standi að gefa hana út á íslensku í
haust, sem er vel.
Bókin segir frá piltinum Michele
Amitrano sem býr með foreldrum sín-
um og yngri systur í húskofa í sveita-
þorpi. Reyndar er vafasamt að hægt
sé að kalla þorpið því nafni, því ekki
eru nema fimm hús í því sem öll hafa
séð betri daga. Sagan gerist hita-
sumarið mikla 1978. Eitt sinn þegar
Michele er að leik með félögum sínum
finnur hann nokkuð óhugnanlegt í
hrörlegu húsi sem á eftir að breyta lífi
hans. Faðir Micheles, sem er iðulega
fjarverandi, flækist í málið og smám
saman fær það á sig á ógurlegri blæ.
Ammaniti er snilldarhöfundur og
nær að fanga vel tilfinningasveiflur
piltsins, ranghugmyndir æskunnar
og hvernig þær spegla heim hinna
fullorðnu og draga fram sannleikann
og ljótleikann. Málið er nefnilega að
sannleikurinn um það sem Michele
finnur snertir nánast alla í þorpinu
hans, allir eru flæktir í illvirki sem
Michele ákveður að koma í veg fyrir.
Stíllinn hjá Ammaniti er sérdeilis
skemmtilegur, ef marka má þýð-
inguna, setningar knappar og samtöl
vel skrifuð. Honum tekst sérstaklega
vel að draga upp mynd af umhverfi og
aðstæðum í fáum dráttum og gæða
sögusviðið lífi. I’m Not Scared er frá-
bær átakanleg dæmisaga um það
hvernig fólk getur talið sér trú um
hvað sem er, blekkt sjálft sig og svæft
siðferðiskennd og samvisku, með því
einu að telja sér trú um að það eigi
annað skilið en það sem lífið býður
upp á.
Átakanleg
dæmisaga
I’m Not Scared eftir Niccolo Ammaniti.
Útg. Canongate 2003. 144 síður innb.
Árni Matthíasson
Forvitnilegar bækur
HLJÓMSVEITIN Dúndurfréttir hef-
ur undanfarin ár gert garðinn fræg-
an með hljómleikum þar sem þeir
hafa rennt sér í gegnum sígild verk
meistara eins og Led Zeppelin og
Pink Floyd (þar sem þeir hafa tekið
plöturnar Dark Side of the Moon og
The Wall eins og þær leggja sig). Á
morgun munu þeir félagar einhenda
sér í gegnum lagabálk Led Zeppelin
og verða tónleikarnir í Loftkast-
alanum.
„Þetta virðist nú bara ætla að
verða vinsælla með árunum,“ segir
Matti, einn meðlima Dúndurfrétta
þegar blaðamaður spyr hvort þetta
sé alltaf jafnvinsælt hjá þeim. Í
fréttatilkynningu frá Dúndur-
fréttum er vísað í hið virta rit Roll-
ing Stone þar sem blaðið lýsir því yf-
ir að Dúndurfréttir séu besta Led
Zeppelin/Pink Floyd heiðrunarband
í heimi. Blaðamaður spyr nú bara
hreint út, er fótur fyrir þessu?
„Já, já,“ segir Matti. „Þetta var í
einhverju sumarblaði þeirra árið
1997. Það var smáúttekt á Gauknum
þar sem staðurinn var búinn að
keyra tónleikakvöld upp á hvern
einasta dag í tíu ár. Við vorum svo
heppnir að vera að spila þegar
blaðamaður frá Rolling Stone rak
inn nefið. Og hann lýsti þessu yfir.
Sem er auðvitað frábært.“
Er það kannski of langt gengið að
gefa út plötu, einungis með tökulög-
um, er pæling sem borin er undir
Matthías. Hann svarar því til að þeir
hafi ekki hugleitt það sérstaklega.
Segir hlæjandi að það væri örugg-
lega ekki sniðugt markaðslega séð.
„Við erum samt búnir að fullgera
þrjár plötur. Ein er blönduð töku-
lagaplata, svo erum við með eina
Dark Side og eina Wall klárar. Frá-
bærar upptökur allt saman en alls
óvíst er með útgáfu. Síðan erum við
líka með frumsamið efni tilbúið.“
Matti segir sposkur að bandið hafi
nú verið stofnsett á sínum tíma svo
meðlimir gætu skrifað á sig bjór á
Gauknum. Hann hafi nú ekki séð
fram á að þetta myndi endast svona
lengi. En kann hann einhverjar
skýringar á þessum miklu vinsæld-
um þessarar efnisskráar?
„Ég held að fólk hafi bara gaman
af því að heyra þessa tónlist flutta á
tónleikum. Þetta er auðvitað frá-
bært efni. Ég held að það saki ekki
heldur að við höfum alveg óskaplega
gaman af þessu sjálfir.“
Algjört
dúndur!
Morgunblaðið/Billi
Pétur og Matti á sviði.
Um tvenna tónleika er að ræða.
Þeir hefjast kl. 20.00 og kl.
22.30. Miðaverð er 2.300 kr.
Dúndurfréttir flytja tónlist Led Zeppelin í Loftkastalanum
Með ástarkveðju Lísa
(Love Liza)
Drama
Bandaríkin 2002. Myndform VHS. Bönn-
uð innan 12 ára. 95 mín. Leikstjórn Todd
Louiso. Aðalhlutverk Philip Seymour Hof-
man, Kathy Bates.
ÞESSI fyrsta mynd leikarans
Todd Louiso (væskilslegi afgreiðslu-
maðurinn í Champ-
ionship Vinyl-
plötubúðinni í High
Fidelity) fjallar um
sorgina, ástvinar-
missinn. Hversu
veröldin getur ver-
ið óbærileg þeim
sem slíkt upplifar,
hreint út sagt fá-
ránlega andstyggileg. Og þessi fá-
ránleiki er alveg að fara með Wilson
Joel eftir sjálfsmorð Lizu kærustu
hans. Hann missir fótfestuna í lífinu
og til að flýja þennan óréttláta heim,
sefa sársaukann, ánetjast hann
bensínsniffi. Hér fer þungbært
drama en gráglettið í fáránleika sín-
um og eymd Joels, sem Hofman
túlkar frábærlega en bróðir hans
Gordy á handritið og fékk verðlaun
fyrir það í Sundance. Skarphéðinn Guðmundsson
Myndbönd
Á síðustu
dropunum