Morgunblaðið - 22.10.2003, Blaðsíða 52

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MIÐVIKUDAGUR 22. OKTÓBER 2003 VERÐ Í LAUSASÖLU 190 KR. MEÐ VSK.
SÝNING Ólafs Elíassonar, The Weather
Project, í Tate Modern-safninu í London,
sem opnuð var sl. fimmtudag, hefur nú
þegar laðað að rúmlega 100.000 sýning-
argesti og hafa aðsóknartölur ekki verið
jafngóðar frá því fyrst eftir að safnið var
opnað í maí 2000.
Að sögn netfréttamiðla dagblaðanna
The Scotsman og Evening Standard má
líkja stemningunni í safninu við nútíma-
gjörning. En hópar af fólki safnast nú
saman í Túrbínusalnum, forma munst-
urmyndanir á gólfinu og fylgjast svo með
útkomunni í speglunum sem listamað-
urinn kom fyrir í lofti salarins.
Auk speglanna hefur Ólafur komið fyr-
ir hálfhringlaga ljósi er minnir á sólu í
lofti salarins og er rýmið þess utan fyllt
mistri. Misturkennt sólsetrið er hins veg-
ar erfitt að virða fyrir sér standandi með
höfuðið reigt aftur og virða flestir gest-
anna því sýninguna fyrir sér ýmist sitj-
andi eða liggjandi á gólfinu.
„Fólk leggst á gólfið í allt að klukku-
tíma í einu,“ sagði talsmaður Tate Mod-
ern. „Með svo marga liggjandi á gólfinu
líkist stemningin helst því sem finna má á
sólarströnd. Fólk ýmist situr í hring eða
liggur hönd í hönd í eins konar stjörnu-
myndun.“
Reuters
Sýningargest ber við risastóra sólu Ólafs
Elíassonar í Túrbínusal Tate Modern.
Sýning Ólafs Elíassonar
í Tate Modern
100.000
gestir séð
sýninguna
HNÚFUBAKUR flækti sig í netatrossu í
Eyjafirði í gær og varð hann frelsinu feg-
inn þegar þeir frændurnir Árni Halldórs-
son og Garðar Níelsson á Gunnari Níels-
syni EA höfðu skorið hann úr trossunni.
Taldi Árni að hann hefði verið flæktur í
trossuna frá deginum áður eða frá því
seinnipartinn á mánudag.
Morgunblaðið/Kristján
Hnúfubakurinn var orðinn mjög dasaður.
Hnúfubakur
skorinn úr
netatrossu

Var orðinn/19
MIKIÐ hefur borið á stórfenglegu sjónarspili
norðurljósa á kvöld- og næturhiminum að und-
anförnu. Að sögn Þorsteins Sæmundssonar
stjörnufræðings er ekki hægt að halda því fram
að eitthvað óvenjulegt sé við það þó að mikið beri
á norðurljósum. Norðurljósin orsakast af flæði
rafagna frá sólinni og að sögn Þorsteins hefur
verið órólegt segulsvið undanfarna mánuði og á
björtum dögum hafa menn séð vel til norðurljós-
anna. „Það hefur verið mikið um norðurljós í
haust en þetta hefur hefur verið mjög truflaður
tími. Það eru rafagnastraumar frá sólinni sem
ráða þessu og það hefur verið afar mikið um þá í
allt sumar og haust,“ segir hann.
Hópur japanskra vísindamanna var hér á
landi við norðurljósamælingar í september
sem tókust með afbrigðum vel, að sögn Þor-
steins. Koma þeir nokkuð reglulega til Íslands
vegna þessara athugana en um samvinnuverk-
efni er að ræða og að sögn Þorsteins var leið-
angur þeirra í haust sá best heppnaði til þessa.
Morgunblaðið/Brynjar Gauti
Norðurljósin dönsuðu á heiðskírum himninum við Rauðavatn í fyrrakvöld en þessir hestar létu þó ljósadýrðina ekkert á sig fá.
Mikið sjónarspil norðurljósa í allt haust
HÚSAVÍKURBÆR hefur selt útgerðarfélag-
inu Vísi hf. í Grindavík allan hlut sinn í Fiskiðju-
samlagi Húsavíkur en leggur í staðinn 150 millj-
ónir króna í hlutafé nýs félags sem stofnað
verður um rækjuvinnslu á Húsavík. Þetta var
samþykkt á fundi bæjarstjórnar Húsavíkur í
gær. Stefnt er að aukinni rækjuvinnslu á Húsa-
vík í framtíðinni.
Í samkomulagi milli Vísis, Húsavíkurbæjar og
Fiskiðjusamlags Húsavíkur felst að Vísir kaupir
allan hlut Húsavíkurbæjar, 26,3%, í Fiskiðju-
samlagi Húsavíkur á um 313 milljónir króna.
Samhliða því hefur verið stofnað nýtt félag um
rækjuvinnslu á Húsavík, FH-Rækja hf., og
verða allar eignir FH sem lúta að rækju, sem
metnar eru á um 500 milljónir króna, lagðar
skuldlaust inn í hið nýja félag. Húsavíkurbær
mun leggja um 150 milljóna króna hlutafé í nýja
félagið, auk þess sem aðrir fjárfestar hafa lagt
til um 100 milljónir króna. Húsavíkurbær kemur
því þannig ekki lengur að bolfiskvinnslu í bæj-
arfélaginu. Stefnt er að því að vinna úr um 10
þúsund tonnum af rækju hjá hinu nýja fyrirtæki
á ári en verksmiðjan hefur unnið úr 6–8 þúsund
tonnum á ári á undanförnum árum.
Jafnframt hefur FH-Rækja hf. samið við út-
gerðarfélagið Ljósavík í Þorlákshöfn um kaup á
tveimur rækjuskipum félagsins, Aski ÁR og
Gissuri ÁR, ásamt aflaheimildum sem nema um
6% af heildarúthafsrækjukvótanum. Kaupin eru
gerð með fyrirvara um samþykki veðhafa.
Pétur Pálsson, framkvæmdastjóri Vísis, segir
viðskiptin fyrst og fremst til að tryggja rækju-
vinnslunni öruggari aðgang að hráefni. Slíkt sé
nauðsynlegt í þeim hremmingum sem rækjuiðn-
aðurinn hefur gengið í gegnum á undanförnum
árum.
Reinhard Reynisson, bæjarstóri á Húsavík,
segir að með samkomulaginu skapist tækifæri
til að efla bæði rækjuveiðar og -vinnslu á Húsa-
vík, auk þess sem uppi séu áform um að efla þar
bolfiskvinnslu. Auk þess losi bæjarfélagið með
samkomulaginu um umtalsverða fjármuni.
Nýtt félag stofnað um
rækjuvinnslu á Húsavík

Nýtt rækjufyrirtæki/12
ÍSLENSK börn, sem búsett eru er-
lendis, eiga þess brátt kost að við-
halda móðurmálinu á Netinu þar
sem í smíðum er íslenskuskóli. Verk-
efnið er unnið af Símenntunarstofn-
un Kennaraháskóla Íslands fyrir
mennta- og utanríkisráðuneyti og er
ráðgert að skólinn verði formlega
opnaður í janúar næstkomandi.
Fyrsta námskeið skólans hefst 26.
október. Þar geta nemendur æft sig í
íslensku með því að fást við náms-
efni, fara í leiki og skoða vefsíður.
Íslenskuskóli
á Netinu

Daglegt líf/23
„ÞAÐ er ágætur bragur hér í
Grímsey en óneitanlega bregður
manni við. Það er minna um að
maður hitti fólk á förnum vegi og
margt er öðru vísi en vant er. En
það er alltaf létt yfir okkur,“ segir
Óttar Jóhannsson, oddviti í Gríms-
ey, en í gærmorgun héldu tæplega
40 Grímseyingar á brott í vikuferð
til Portúgals með beinu flugi frá
Akureyri. Þetta er hátt í helming-
ur íbúa í Grímsey.
Mannlífið ber þessa merki en
ekki liggur þó athafnalífið niðri á
meðan, að sögn Óttars. Meðal ann-
ars er í Grímsey töluverður hópur
manna sem vinna að stórfram-
kvæmdum við flugvöllinn og dýpk-
un hafnarinnar um þessar mundir.
Heldur tómlegt var um að litast
í grunnskólanum í gær því aðeins
fjórir nemendur eru eftir í eynni.
10 nemendur héldu til dvalar og
náms „uppi á Íslandi“ og koma
heim eftir rúma viku.
40 Grímseyingar brugðu sér til Portúgals
Ágætur bragur þrátt
fyrir fámennið

Bátarnir bíða/6
♦ ♦ ♦