Morgunblaðið - 22.10.2003, Blaðsíða 4

4 B MIÐVIKUDAGUR 22. OKTÓBER 2003 MORGUNBLAÐIÐ
bílar
AUDI hefur sett á markað nýjan A3
sem er talsvert breyttur í útliti. Hann
er nokkru stærri, með meiri örygg-
isbúnað og um leið lítið eitt dýrari en
fyrri gerðin.
Það hefur ekki selst mikið af A3 hér
á landi í gegnum árin. Bíllinn kom
fyrst á markað árið 1996 og frá byrjun
var hann í boði með tveimur bensín-
vélum og dísilvél. Nýi bíllinn er á
sömu botnplötu og VW Golf og Skoda
Octavia, en sækir á önnur mið enda
mun betur búinn bíll og efnisval og
frágangur eins og best gerist.
Prófaður var Audi A3 með 1,6 lítra
bensínvélinni en auk hennar er nú
boðið upp á 2ja lítra FSI-bensínvél.
Þegar fram líða stundir ætlar Audi
einnig að bjóða bílinn með quattro-
fjórhjóladrifskerfinu og 3,2 lítra, V6
vél, 250 hestafla.
Eingöngu þrennra dyra
A3 er orðinn mun stæðilegri og
kraftalegri bíll á að líta, þökk sé
breiðari brettaköntum. Í staðalgerð-
inni, Attraction, kemur hann á 16
tommu stálfelgum en í Ambiente-út-
færslu á 17 tommu álfelgum. Þetta er
bíll sem fellur í flokk millistærðarbíla,
C-flokk, en höfðar meira til þeirra
sem sækjast eftir bílum í dýrari verð-
flokki sem hafa útlitið með sér. Fram-
endinn er snaggaralegur og um leið
kraftalegur. Grillið er fremur stórt
með hringjunum fimm og listar eru
samlitir yfirbyggingunni. Prófunar-
bíllinn er á breiðum dekkjum, 205/55
R16, og hann virkar verklegur og
spennandi farkostur á að líta.
Stóri ókosturinn við Audi A3 er sá
að enn sem komið er fæst hann ein-
göngu í þrennra dyra útgáfu. Fimm
dyra útgáfan kemur ekki á markað
fyrr en næsta haust. A3 er því fyrst
um sinn bíll sem hentar best barn-
lausum einstaklingum, þótt vissulega
sé hægt að koma þremur fyrir í aft-
ursætunum. Þar er þó frekar þröngt
um manninn og sömuleiðis er það
ókostur að framsætin hafa ekki
minni, þ.e.a.s. þau falla ekki í sína
upphaflegu stöðu eftir að farþega hef-
ur verið hleypt inn í aftursæti. Þessu
fylgir því að ökumaður þarf að end-
urstilla sætið.
Mælaborðið og umhverfi öku-
manns er fremur einfalt og látlaust en
verulega er vandað til alls frágangs
og efnisvalið er sömuleiðis í hæsta
gæðaflokki.
Lítil vél
1,6 lítra vélin skilar 102 hestöflum
við 5.600 snúninga á mínútu. Þetta er
sama vélin og í VW Golf. Þetta er vél
sem dugar til allra almennra nota en
hún býður ekki upp á skemmtilega
takta fyrir þá sem hafa ánægju af
sportlegum akstri. Audi A3 er þannig
gerður bíll, hvað varðar þægindi og
klassískar línur í hönnun, að hann
kallar eiginlega á meira afl. Það fá
menn strax í 2,0 lítra vélinni, en svo
virðist sem Audi ætli ekki að bjóða
bílinn með hinni velheppnuðu 1,8 lítra
túrbóvél, sem er fáanleg m.a. í A6 og
svo auðvitað VW Passat.
Það sem vekur hvað mesta ánægju
með nýjan A3 eru aksturseiginleikar
bílsins. Hjólaupphengjur að framan
eru úr áli sem gerir það að verkum að
ófjaðrandi þyngd bílsins er minni en
ella og að aftan er fjölarma, sjálfstæð
fjöðrun. Bíllinn liggur feiknavel á
götu og þrátt fyrir framhjóladrifið
undirstýrir hann ekki að ráði fyrr en
virkilega er látið á hann reyna á mikl-
um hraða í kröppum beygjum.
Fjöðrunin er dálítið sportleg en
engu að síður fer hún létt með að éta
upp allar ójöfnur svo aksturinn er
þýður, eins og í mun stærri bíl. Stýr-
ingin er nákvæm og bíllinn er léttur í
stýri og leggur sig minna í beygjum
en vant er um bíla í þessum stærð-
arflokki. Staðalbúnaður í öllum gerð-
um A3 er spólvörn, sem er góður
kostur jafnt innanbæjar að vetrarlagi
sem í akstri á malarvegum.
Bíllinn er með loftkældar diska-
bremsur að framan og en venjulegar
aftan og hemlunareiginleikar hans
eru með miklum ágætum. Skemmti-
leg hönnun er á handbremsunni sem
miðar ekki síst að því að spara plássið
frammi í bílnum.
Audi A3 1.6 er lítill millistærðarbíll
sem er vel smíðaður og vandaður í
frágangi og hann státar af einhverj-
um bestu aksturseiginleikum í sínum
flokki. Stærsti ókosturinn við þessa
gerð bílsins er vélin, sem er ekki nógu
aflmikil til þess að veita mikla akst-
ursánægju. Sömuleiðis er verðið
nokkru hærra en fyrir aðra bíla í
sama stærðarflokki, eða 2.360.000 kr.
með 5 gíra beinskiptingu og tæpar 2,6
milljónir kr. með sjálfskiptingu, en á
það ber að líta að menn þurfa að
borga aukalega fyrir meiri búnað og
líka merkið.
Morgunblaðið/Jim Smart
Audi A3 er stæðilegur á vegi en hér er hann sýndur á 17 tommu álfelgum.
Stærri og breyttur Audi A3
REYNSLUAKSTUR
AUDI A3 Attraction
eftir Guðjón Guðmundsson
Mælaborðið er stílhreint og frágangur
allur vandaður.
Morgunblaðið/Jim Smart
Morgunblaðið/Jim Smart
Bíllinn er hlaðbakur en einungis fáanlegur þrennra dyra enn sem komið er.
Hægt er að fella niður aftursætisbök og mynda allt að 1.100 lítra farang-
ursrými.
gugu@mbl.is
Vél: Fjórir strokkar, 16
ventlar, 1.595 rúmsentí-
metrar.
Afl: 102 hestöfl við 5.600
snúninga á mínútu.
Tog: 148 Nm við 3.800
snúninga á mínútu.
Hröðun: 11,9 sekúndur úr
kyrrstöðu í 100 km/klst.
Hámarkshraði: 185 km/
klst.
Lengd: 4.205 mm.
Breidd: 1.765 mm.
Hæð: 1.420 mm.
Gírkassi: 5 gíra bein-
skiptur.
Eigin þyngd: 1.295 kg.
Fjöðrun: Sjálfstæð álfjöðr-
un að framan, sjálfstæð
fjölarma fjöðrun að aftan.
Hemlar: Diskar, kældir að
framan, ABS, EBD og
ASR-spólvörn.
Hjólbarðar: 205/55 R16
Farangursrými: 350–
1.100 lítrar.
Eyðsla: 7,9 lítrar í blönd-
uðum akstri.
Verð: 2.360.000 kr.
Umboð: Hekla hf.
Audi A3 1.6
Attraction
Mælarnir eru fíngerðir en gott er að
lesa af þeim.