Morgunblaðið - 22.10.2003, Blaðsíða 8

8 B MIÐVIKUDAGUR 22. OKTÓBER 2003 MORGUNBLAÐIÐ
bílar
RSH.is
Dalvegi 16b • 201 Kópavogur
Sími 544 5570 • Fax 544 5573
www.rsh.is • rsh@rsh.is
Pro-Clip
VERSLUN • VERKSTÆ‹I
Radíófljónusta Sigga Har›ar
Vanda›ar festingar fyrir
öll tæki í alla bíla.
Festingar sérsni›nar fyrir flinn bíl.
Engin göt í mælabor›i›.
w
w
w
.d
e
si
g
n
.is
©
2
0
0
3
BÖÐVAR Jónsson er formaður bæjarráðs
Reykjanesbæjar og keypti sér fyrir nokkrum ár-
um Yamaha 750-mótorhjól, sem hann ekur um
sér til skemmtunar. Frúin á heimilinu, Anna
Karlsdóttir Taylor, er einnig með próf á mótorhjól
og fara þau hjónin stundum saman út að hjóla
þegar faðir Önnu, Karl Taylor, lánar dóttur sinni
hjól sitt af gerðinni Honda Shadow 1100. Það má
því segja að mótorhjólaáhuginn hafi þarna skotið
rótum í heilli fjölskyldu.
„Þetta er auðvitað bara ein af þessum dellum
sem maður fær. Ég var í jeppamennskunni hér
áður fyrr og þegar tíminn fór að verða takmark-
aðri færði maður sig yfir í þetta fyrir um þremur
til fjórum árum. Þá keypti ég mér hjól, Yamaha
Virago 750, en við erum bæði hjónin með próf á
mótorhjól,“ segir Böðvar. Hann er félagi í Örnum
–Bifhjólaklúbbi Suðurnesja, ásamt tengdaföður
sínum, en segist þó ekkert sérstaklega virkur í
starfinu. „Það er rosalega stór hópur sem er í
þessum klúbbi og maður sér í tölvupóstinum að
það er heilmikið líf í kringum hann, þótt ég geti
ekki státað af því að taka mikinn þátt í starfinu.
En maður reynir að fara út að hjóla öðru hverju.“
Var langyngstur í fyrstu ferðinni með Örnum
Böðvar segir það koma fyrir að þau hjónin fari
að hjóla saman þar sem tengdapabbi hans eigi
einnig hjól, þótt það gerist ekki oft.
„Ég myndi segja að við hjónin hefðum jafnmik-
inn áhuga á þessu en ég get ekki sagt að ég sé
dellukarl þótt ég hafi mjög gaman af því að fara á
góðum degi út að hjóla. Ég veit ekki hvað það er
sem heillar mann, það er alltaf gaman í góðu
veðri að vera útivið, það er sama hvort það er í
þessu, jeppamennskunni eða úti að ganga, það er
alltaf gaman að skoða umhverfið og nágrennið.“
Hann gekk í bifhjólaklúbbinn Erni fljótlega eftir
stofnun og segir að þá hafi verið skemmtilegast
að sjá að hann var langyngstur, 33 ára, í fyrstu
ferðinni sem hann fór með klúbbfélögunum.
„Mér fannst skemmtilegast við það þegar ég
fór í fyrsta sinn út að hjóla eftir að ég gekk í
klúbbinn, að þá voru sennilega fimmtán í ferðinni
og ég var langyngstur, sá sem var næstur mér
var tíu árum eldri. Þannig að ég var bara unglamb
íþessu til að byrja með. Síðan hefur fjölgað og nú
er fólk frá tvítugu upp í sjötugt í klúbbnum.“
Formaður bæjarráðs Reykjanesbæjar keypti sér Yamaha 750
Bæði hjónin með
mótorhjólapróf
Ljósmynd/Jóhannes Kr. Kristjánsson
Hjónin Böðvar og Anna eru bæði með mótorhjólapróf.
SPRENGING hefur orðið í áhuga
manna á vélhjólum á Suðurnesjum
undanfarin misseri og hafa menn
sést víða um Reykjanesbæ að æfa
sig á nýjum hjólum. Svo virðist sem
mótorfákarnir hafi á ný kveikt upp
áhugann hjá mörgum sem hafa jafn-
vel ekki hjólað áratugum saman á
meðan aðrir eru að láta gamlan
draum rætast. Til marks um þenn-
an mikla áhuga eru nú tæplega 150
félagsmenn skráðir í Erni – Bif-
hjólaklúbb Suðurnesja, sem stofn-
aður var 27. apríl 2001. Í klúbbnum
er fólk á öllum aldri frá tvítugu upp
í sjötugt og kom þessi gífurlegi
áhugi stofnendum klúbbsins mjög á
óvart.
Einar Björnsson er formaður
Arna og segir klúbbinn upphaflega
stofnaðan til að stuðla að betri um-
ferðarmenningu og vera vettvangur
áhugafólks um mótorhjól. Hann
segist hafa reiknað með að félagar í
klúbbnum yrðu í mesta lagi 40, en í
dag eru skráðir félagar 147.
Nýtur þess að hjóla í góðu veðri
„Þetta er alls kyns fólk, þó meira
í þeim kantinum að menn séu komn-
ir yfir fertugt. Obbinn er sá aldur,
en félagar eru þó á öllum aldri,“
segir Einar. Hann segist sjálfur
hafa fengið delluna á ný fyrir tveim-
ur og hálfu ári og hafði þá ekki stig-
ið á bak mótorfáki í meira en 30 ár,
eftir að hafa verið á skellinöðrum
sem unglingur. Um svipað leyti
virðist áhuginn hafa smitast víða um
Suðurnesin, menn fóru að tala um
að stofna klúbb og segist Einar hafa
tekið af skarið og hrint því í fram-
kvæmd. Eftir það jókst áhuginn og
sífellt fleiri gengu í klúbbinn.
„Þegar það fór að verða gott sum-
ar og maður fór að sjá einn og einn
hjóla, þá fékk maður þennan áhuga
aftur. Mér leist ekkert á þegar
menn voru að hjóla hér fyrir nokkr-
um árum í rigningu og roki og
fannst það tóm vitleysa. Síðan fékk
maður bara þennan fiðring aftur og
kýldi á þetta. Ég hef voða gaman af
að hjóla í góðu veðri og bara njóta
þess. Það er ekki verið að leita eftir
hraða eða slíku, það er bara svo
gaman að þessu,“ segir Einar.
Sjálfur á hann nú tvö hjól, Yam-
aha 1100 og Harley Davidson, og
fór m.a. í sumar til Barcelona með
Harley Davidson-klúbbnum og seg-
ir að það hafi verið virkilega gaman
og góð viðbót við starfið í Örnum.
„Þar erum við með fundi reglulega
og yfir sumarið hittumst við alltaf
einu sinni í viku og yfir veturinn
einu sinni í mánuði og hjólum eitt-
hvað saman. Þá fáum við ýmsa aðila
til að vera með kynningar á örygg-
isbúnaði og öðru því sem mótorhjól-
unum tengist og jafnframt koma
hingað menn og kynna hjól sem þeir
eru að selja,“ segir Einar.
Sniglarnir urðu hissa á
þessum mikla áhuga
Hannes H. Gilbert gekk í klúbb-
inn skömmu eftir að hann var stofn-
aður, en líkt og Einar hafði hann
ekki snert mótorhjól árum saman
þegar fiðringurinn tók völdin fyrir
þremur árum.
„Þetta byrjaði þannig að menn
voru að sjá einn og einn hjóla og
klúbburinn var settur á laggirnar til
að þjappa mannskapnum saman og
fara eitthvað saman.“
Að sögn Hannesar hafa menn
keypt sér hjól í auknum mæli og
m.a verið að flytja inn notuð hjól frá
Bandaríkjunum. „Það reiknaði eng-
inn með þessum ósköpum. Við erum
t.d. með þannig lög að það er bara
einn formaður sem er einræðis-
herra, en núna stöndum við frammi
fyrir því að þurfa að breyta öllu
saman, því við héldum að þetta yrði
í mesta lagi 20 til 30 manna klúbbur
þar sem slíkt myndi ganga upp. En
nú er þetta sprungið,“ segir Hann-
es.
Hann segir að Sniglarnir, Bif-
hjólasamtök lýðveldisins, hafi orðið
forviða á þessum mikla áhuga og
jafnvel talið að verið væri að stofna
klúbb þeim til höfuðs. Hannes segir
klúbbinn hins vegar eingöngu hafa
verið stofnaðan til að þjappa saman
vélhjólafólki á Suðurnesjum og
klúbbfélagar séu í góðu samstarfi
við Sniglana. „En þeir voru forviða
á því að úti á landi gæti sprottið upp
klúbbur með yfir 100 félaga, þegar
illa gengur hjá þeim að fá mann-
skap. Síðan hafa menn gengið í
Sniglana einnig sem eru í okkar
klúbbi.“
„Ef þú færð þessa dellu einu sinni
losnarðu aldrei við hana“
Aðspurður af hverju þessi mikli
áhugi á mótorhjólum stafi þarna
suður með sjó, segist Hannes kunna
litlar skýringar á því. „Kannski eru
þetta bara gamlir draumar sem
hafa blundað í mönnum lengi. Mað-
ur sér einkum að menn sem eru
komnir yfir fimmtugt eru að fá sér
mótorhjól og þá jafnvel í fyrsta
skipti og hafa aldrei komið nálægt
þessu áður. Kannski er þetta grái
fiðringurinn, ég hef enga haldbæra
skýringu á þessu aðra en þá að
menn séu bara að láta gamlan
draum rætast,“ segir Hannes.
Sjálfur ekur hann um á gömlu
Yamaha FJ 1100 hjóli, árgerð 1985.
sem hann kallar sportferðahjól.
Hann segist hafa fengið áhugann
upphaflega sem unglingur á skelli-
nöðru, síðan hafi stærri hjól fylgt í
kjölfarið þegar árin færðust yfir, en
skyndilega hafi hann hætt og tekið
sér hlé frá mótorhjólum í 14 ár. Þá
segist Hannes hafa fengið ókeypis í
hendurnar hjól sem hann gerði upp
og seldi og keypti síðan annað hjól.
Áhuginn var þá vakinn á ný og ekki
aftur snúið.
„Ef þú færð þessa dellu einu sinni
þá losnarðu aldrei við hana, aldrei.
Alltaf þegar maður sá einhvern á
hjóli, þá fór um mann fiðringur að
vera með. Þegar tækifæri gafst lét
maður slag standa.“
Mikill áhugi á mótorhjólum hefur sprottið upp á Suðurnesjum og eru nú 147 manns skráðir í Erni – Bifhjólaklúbb Suðurnesja
Mótorfákar vekja gamlan fiðring
Ljósmynd/Hilmar Bragi
Nokkrir félagar í Örnum áður en haldið var í hópferð á flugsýninguna á Reykjavíkurflugvelli síðasta laugardag.
Einar Björnsson, formaður Arna. Hannes Gilbert ekur á Yamaha-vélfáki.