Morgunblaðið - 22.10.2003, Blaðsíða 12

12 B MIÐVIKUDAGUR 22. OKTÓBER 2003 MORGUNBLAÐIÐ
bílar
480 8000
SELFOSSI
Bílasala Suðurlands - Fossnesi 14 - 800 Selfossi
www.toyotaselfossi.is • toyotaselfossi@toyotaselfossi.is
Toyota Landcruiser 90 VX NEW,
árg. 2003, sjálfsk., ekinn 24 þús.
Einn með öllu. Verð 5.290 þús.
Mitsubishi Pajero 2,8 TDI, 35",
árg. 1999, 5 gíra, ekinn 82 þús.,
Mjög gott eintak. Verð 2.790 þús.
Toyota Landcruiser 90 VX D4-D
Common rail 33" árg. 2000, sjálfsk.
ekinn 193 þús. Verð 2.950 þús.
Chevrolet Silverado 1500 Z 71,
33", 5,3 bensín, árg. 2000, sjálfsk.,
ekinn 50 þús. Verð 2.690 þús.
480 8000
HVORT sem mönnum líkar betur við
manninn eða ekki verður því ekki á
móti mælt að Michael Schumacher er
mestur allra ökuþóra Formúlu-1 í
seinni tíð. Hann vann á dögunum
heimsmeistaratitil ökuþóra í sjötta
sinn, afrek sem seint verður jafnað.
Sjálfum finnst honum hann ekki verð-
ugur í samanburði við argentínska
ökuþórinn Juan Manuel Fangio sem
varð fimm sinnum meistari á árunum
1961–67 og vann þá 24 mót af 51 sem
hann tók þátt í. Schumacher hefur
keppt 194 sinnum og unnið 70 sinn-
um. Sérfræðingar formúluvefjar ITV
hafa valið 10 merkustu sigrana á ferli
Schumachers og er niðurstaða þeirra
eftirfarandi, auk sigranna í San Mar-
ínó og Austurríki á þessu ári og í Mal-
asíu árið 2001:
Belgía 1992
Fyrsti sigurinn og einn sá besti, ná-
kvæmlega ári eftir að hann hóf
keppni í sömu braut. Schumacher
sýndi þar hæfileika sína í bleytu og
við breytilegar aðstæður. Það byrjaði
að rigna á öðrum hring kappaksturs-
ins og setti það mikinn strik í reikn-
inginn. Schumacher var einna fyrstur
til að skipta yfir á regndekk, eða á
fimmta hring. Ayrton Senna reyndi
hins vegar að halda áfram á þurr-
dekkjum við stöðugt versnandi að-
stæður. Þegar brautin var tekin að
þorna á ný ákvað Schumacher að
skipta yfir á þurrdekk í lok 30. hrings
og var því með sex sekúndna forystu
þegar keppinautarnir höfðu einnig
stoppað og skipt yfir á þurrdekk. Er
svo pústkerfi yfirburðabíls Nigel
Mansell hjá Williams bilaði var hann
á grænni grein og ók til glæsilegs
jómfrúarsigurs.
Portúgal 1993
Schumacher lét það ekki aftra sér
þótt Benettonbíll hans stæði Willi-
amsfákum Alain Prost og Damon Hill
langt að baki hvað hraða varðar.
Dæmigerð kænska tæknistjórans
Ross Brawn og frammistaða Schu-
machers í stjórnklefanum færði hon-
um sigur öðru sinni. Var hann fimmti
á eftir bílahóp er hann stoppaði á 21.
hring til dekkjaskipta. Að þjónustu-
stoppum búnum var hann orðinn á
undan Prost sem tafðist í förum fyrir
tilstilli Jean Alesi á Ferrari. Afréð
Schumacher að halda áfram og
stoppa ekki aftur. Knúði hann bíl sinn
sem ákafast mátti og varðist atlögum
Prost undir lokin og kom tæpri sek-
úndu á undan honum á mark.
Belgía 1995
Helgin byrjaði illa er Schumacher
rann á svellinu í vætusamri tímatöku
og hafnaði í 16. sæti. En með dæmi-
gerðri baráttu keyrði hann í krókum
framhjá keppinautunum og á 16.
hring hafði hann komist upp í annað
sætið á eftir keppinaut sínum um
heimsmeistaratitilinn, Damon Hill
hjá Williams. Tók að rigna fjórum
hringjum seinna og íhaldssamari Hill
fór fljótt inn að bílskúr og skipti yfir á
regndekk. Schumacher ók áfram á
þurrdekkjum og freistaði þess með
góðri bílstjórn að halda forystu. Hill
dró hann uppi og hófst hörð rimma og
nýtti Schumacher alla keppnishörku
sína og hæfileika til að halda mun
hraðskreiðari Williamsbílnum fyrir
aftan.
Á endanum komst Hill fram úr eft-
ir að bílar þeirra snertust í fyrstu
beygju brautarinnar, Les Combes, en
fljótlega þornaði brautin svo þurr-
dekk Schumachers nutu sín betur og
hann komst fljótt aftur fram úr. Aftur
byrjaði að rigna á 28. hring svo að ör-
yggisbíll var sendur út í brautina.
Notuðu bæði Michael og Damon
tækifærið til þess að skipta um dekk
en Hill fékk 10 sekúndna refsistopp
fyrir að aka of hratt í bílskúrareininni
og mikilfenglegur sigur var því Schu-
machers.
Nürburgring 1995
Ef til vill mesti sigur Schumachers
á heimavelli en Schumacheræði hafði
skotið rótum í Þýskalandi haustið
1995. Damon Hill þurfti einkar mikið
á því að vinna kappaksturinn til að
kljást við Michael um heimsmeistara-
titil ökuþóra en Benettonþórinn gerði
fljótt út um vonir enska ökuþórsins.
Michael var annar framan af í rign-
ingarakstri og valdi þriggja stoppa
keppnisáætlun í þessu móti eins og
Benetton gerði í mörgum öðrum.
Botnkeyrði hann á milli stoppa og
gekk áætlunin upp. Kom hann út úr
lokastoppinu 24 sekúndum á eftir for-
ystumanninum Jean Alesi er 16
hringir voru eftir. Hóf hann mikinn
eltingarleik og minnkaði bilið um
tvær sekúndur á hring og tók svo
fram úr með ævintýralegum hætti ut-
anvert í hlykkbeygjunni í lok hrings-
ins er þrír hringir voru eftir.
Spánn 1996
Schumacher er yfirleitt óviðjafnan-
legur í bleytu en í Barcelona árið 1996
var sem hann gengi á vatni. Enginn
átti neitt svar við akstri hans er himn-
arnir rifnuðu yfir Katalóníu og regnið
buldi á brautunum.
Sérfræðingar höfðu lengst af líkt
Ferrari F310 bílnum við dráttarbát
en það var honum ekki til trafala á
þeim degi. Með einstökum hæfileik-
um sínum yfirsteig hann veikleika
bílsins. Í ræsingunni mistókst honum
og féll úr sjötta sæti niður í það ní-
unda í slagnum inn að fyrstu beygju
en í lok hringsins hafði hann aftur
heimt sæti sitt.
Ekki leið á löngu þar til hann byrj-
aði að vinna sig fram á við, tók fram
úr Eddie Irvine, Gerhard Berger, Da-
mon Hill, Jean Alesi og loks Jacques
Villeneuve. Var hann með forystu frá
12. hring til loka mótsins þrátt fyrir
að taka þjónustustoppi meira en aðr-
ir. Unun var að horfa á bílstjórnunina
og menn fengu á tilfinninguna að
hann hefði getað unnið sigur þennan
dag þótt á Minardi væri. Sigurinn var
markverður sakir þess að hann var sá
fyrsti sem hann vann á Ferraribíl en á
honum hefur hann nú unnið 32 mót.
Ítalía 1996
Í þessu móti öðlaðist Schumacher
sess í hjarta heitra stuðningsmanna
Ferrari, svonefndra tífósi. Fram að
því höfðu þeir haft vissan fyrirvara á
honum, töldu hann hrokafullan og
kuldalegan. En ekkert bræðir hjörtu
tífósíanna betur en sigur í Monza.
Michael hóf keppni í þriðja sæti en
Damon Hill og Jacques Villeneuve
hjá Williams féllu snemma úr leik er
þeir rákust utan í keilur sem settar
voru upp á keppnisdegi í hlykkbeygj-
um. Minnstu munaði að Schumacher
yrði fórnarlamb þeirra líka en slapp
með því að sleppa stýrinu er hann
rakst utan í eina. Komst hann fram úr
Alesi í þjónustustoppi og eftirleikur-
inn var auðveldur. Enginn glæsisigur
en einhver mikilvægasti fyrir hann.
Mónakó 1997
Saman fór að þessu sinni færni
Schumachers á götum furstadæmis-
ins og í rigningu. Stakk hann bókstaf-
lega af og hvarf sjónum keppinaut-
anna sem fengu ekkert að gert.
Rigning vofði yfir rétt fyrir ræs-
ingu og hafði hann úr tveimur bílum
að spila, annar settur upp fyrir rign-
ingu en hinn fyrir þurrviðrisakstur.
Valið var skynsamlegt og hann
skundaði á burt er rigningin buldi
skyndilega niður.
Ökuþórar Williams hófu keppni
fremstir og völdu af óskiljanlegum
ástæðum að hefja keppni á þurr-
dekkjum og var Schumacher kominn
fram úr þeim áður en fyrsti hringur
var á enda. Lét hann forystuna ekki
frá sér eftir það og varð rúmri mínútu
á undan næsta bíl á mark þótt sjaldn-
ast virtist nokkur asi á honum.
Ungverjaland 1998
Í þessum kappakstri fór saman
skörp hugsun Brawn og hinn mikli
hraði Schumacher. McLarenbílarnir
voru í sérflokki árið 1998 þegar öllu er
jafnað, en akstursfærni Michaels
bætti það upp.
Brawn ákvað að breyta keppn-
isáætlun og gera þrisvar hlé á akstr-
inum í stað tvisvar eins og McLaren
valdi jafnan. Hélt Schumacher í við
silfurörvarnar framan af en var kom-
inn fram úr eftir seinna stopp sitt og
varð því að byggja upp 22 sekúndna
forskot á Mika Häkkinen til þess að
halda enn forystu eftir þriðja stopp
sitt. Það gekk upp og sýndi Schu-
macher því færni sína með því að
leggja Häkkinen að velli þótt McLar-
enbíllinn stæði Ferrarifáknum fram-
ar.
Japan 2000
Ætlunarverkinu lokið. Eftir fimm
ára atlögu rættist loks draumur
Schumacher um að færa Ferrari
heimsmeistaratitil. Og það gerði hann
með stæl. Í kappakstrinum tókust á
tveir mestu ökuþórar seinni tíma,
Schumacher og Mika Häkkinen, í húfi
var heimsmeistaratitillinn. Michael
varð að gefa eftir og sjá Häkkinen
skjótast fram úr í ræsingunni en síðar
hurfu þeir öðrum keppendum. Häkk-
inen hélt forystunni fram yfir fyrstu
þjónustustoppin en síðan byrjaði að
dropa.
Við hinar breytilegu aðstæður sem
fylgdu rigningunni skein Schumacher
og tók mikinn sprett þegar Häkkinen
stoppaði öðru sinni og tókst að vinna
sér inn nokkrar sekúndur sem dugðu
til þess að komast fram úr er hann
sjálfur lauk sínu seinna stoppi. Sig-
urinn var þar með hans og einnig
heimsmeistaratitillinn.
Reuters
Ferrari-liðið hefur oft haft ástæðu til að fagna á undanförnum árum.
Fræknir sigrar
Schumachers
Reuters
Schumacher er óumdeilanlega einn
mesti ökuþór í Formúlu-1 í seinni tíð.