Morgunblaðið - 23.10.2003, Blaðsíða 40

40 FIMMTUDAGUR 23. OKTÓBER 2003 MORGUNBLAÐIÐ






 





  

 


  



  


   




   
 
 
 


BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
VIÐ undirritaðar samstarfskonur
Auðar Guðjónsdóttur viljum taka
undir orð hennar í greinarkorni sem
birtist í Morgunblaðinu 18. okt sl.
Þar rekur hún hugmyndir sínar
um framhald á þeirri vinnu sem hún
hefur nú þegar unnið svo ötullega að
það er að kynna draum sinn um
stofnun gagnabanka til að halda ut-
an um nýjungar á sviði lækninga á
mænuskaða. Hún hyggst nú láta
gera myndband um ungt fólk sem
hefur lamast og hefur viljað taka
þátt í ýmiss konar tilraunameðferð-
um, þar sem það hefur engu að tapa
en allt að vinna. Þetta eru úræði
sem ekki eru hefðbundin en eru þó
þekkt meðferð við mænuskaða ein-
hversstaðar í heiminum. Sjóður ís-
lenskra kvenna var stofnaður af
hjúkrunarfræðingum á skurð- og
svæfingardeild LSH v/Hringbraut
til stuðnings hugsjónum Auðar til
lækninga á mænnuskaða. Nú viljum
við leita til ykkar íslenskra kvenna
um stuðning við þetta merkilega
hugsjónastarf móður sem gefst
aldrei upp. Reikningsnúmer sjóðs-
ins er 1151-15-551500 kennitala
sjóðsins er 540202-3110
ARNA BRYNJÓLFSDÓTTIR
og ELÍN ÝRR HALLDÓRS-
DÓTTIR,
skurðhjúkrunarfræðingar.
„Ákall til íslenskra
kvenna“
Frá Örnu Brynjólfsdóttur og
Elínu Ýrr Halldórsdóttur
LANGISJÓR er ein af fegurstu nátt-
úruperlum þessa lands, kristaltær og
óviðjafnanlegur, vatnið er yfir 20 kíló-
metra langt, ligg-
ur frá suðvestri til
norðausturs og
nær að rótum
Vatnajökuls suð-
vestanverðum.
Það er ógleym-
anlegt að sigla
norður eftir
Langasjó í góðu
veðri, sigla
framhjá hverri eynni á fætur annarri,
framhjá ótal víkum, vogum og fjörð-
um og virða fyrir sér ægifagurt út-
sýnið til allra átta.
Snarbrattar fjallshlíðarnar ná al-
veg niður í vatn og í logninu sem oft
er algert á vatninu speglast fjöllin á
vatnsfletinum og maður verður alger-
lega heillaður af þessu sköpunarverki
náttúrunnar, fegurðinni og kyrrðinni.
Austan megin vatnsins rísa Fögru-
fjöll, ótrúlega fagur fjallgarður og
fegurð hans magnast þar sem hann
gengur fram í kristaltært vatnið í
Langasjó, við suðurenda fjallgarðsins
trónir svo Sveinstindur yfir þessu
öllu eins og sannur konungur öræf-
anna.
Að vestanverðu liggur annar fjall-
garður, Breiðbakur, meðfram vatn-
inu. Breiðbakur er ólíkur Fögrufjöll-
um og gengur ekki eins brattur niður
í vatnið en hann er ekki síður fagur
með furðulegar og einstakar hraun-
myndanir og ótrúlega litadýrð.
Að norðan sér svo í hvítan jökulinn
sem verður skírari og fegurri eftir því
sem norðar dregur.
Þessi sigling norður Langasjó er
slíkt sjónarspil náttúrufegurðar að sú
manneskja sem ekki verður djúpt
snortin af því sem fyrir augu ber hlít-
ur að vera algerlega ónæm fyrir feg-
urð og tærleika okkar fallega lands.
Ég, ásamt nokkrum félögum mín-
um, hef dvalið við veiðar á Langasjó
nokkur undanfarin sumur. Við höfum
farið hver um sig nokkrar ferðir á
hverju sumri og stundað veiðar bæði
á stöng og í net, við höfum veiðiréttin
í vatninu á leigu og þessar ferðir eru
okkur ólýsanleg uppspretta ánægju
og lífsfyllingar.
Í vatninu veiðist bleikja, hún er
stór og falleg, svona 3-6 pund, og er
ákaflega góður matfiskur.
Um leið og heim er komið úr veiði-
ferð í Langasjó er byrjað að hugsa
fyrir næstu ferð.
Veturinn er harður á þessum slóð-
um svo ekki er um það að ræða að
stunda veiðar yfir vetrarmánuðina,
en um leið og snjóa leysir er farin
fyrsta ferð að vori.
Ég hafði einhvern tímann heyrt að
ýmsir hefðu hugmyndir um að veita
Skaftá yfir í Langasjó og taka síðan
vatnið undir Breiðbak og veita því svo
áfram yfir í Þjórsá.
Mér fannst það svo fjarstæðukennt
að nokkrum manni skuli detta í hug
að gera Langasjó að ljótum drullu-
pytti sem hann sannarlega yrði ef af
þessu yrði, að ég hugsaði ekki svo
mikið um þetta þá.
Í síðustu ferð minni í Langasjó nú í
sumar brá mér hins vegar illa þegar
ég sá gröfu, jarðbor og aðrar vinnu-
vélar að taka sýni á Breiðbak þar sem
Landsvirkjun fyrirhugar að gera
göng undir fjallgarðinn.
Það er sem sé full alvara á bak við
þessar hugmyndir; til stendur að
gera Langasjó að gráu uppistöðulóni
og eyðileggja þar með þessa undur-
fögru náttúruperlu.
Nú brýni ég alþingismenn og
landsmenn alla, hvar sem þeir búa og
hvar í stétt sem þeir standa, til að
standa vörð um Langasjó, látið álit
ykkar í ljós og ef þið eruð í vafa þá
endilega leggið land undir fót og
skoðið þetta fagra vatn og gangið á
Sveinstind og virðið fyrir ykkur eitt-
hvert fegursta útsýni á Íslandi áður
en þið takið afstöðu.
Ef Langasjó verður fórnað á altari
stóriðju og hagvaxtardrauma verður
það okkur sem þjóð til ævarandi
skammar og reyndar neita ég alger-
lega að trúa því að við séum svo
skammsýn og snauð af virðingu fyrir
ægifegurð og hreinleika okkar ein-
staka lands.
ÞORVALDUR GARÐARSSON,
Básahrauni 22,
Þorlákshöfn.
Við megum ekki
fórna Langasjó
Frá Þorvaldi Garðarssyni