Morgunblaðið - 23.10.2003, Blaðsíða 44
ÍÞRÓTTIR
44 FIMMTUDAGUR 23. OKTÓBER 2003 MORGUNBLAÐIÐ
JÓHANNES Árnason, leikmaður körfuknattleiks-
liðs KR, lét mikið að sér kveða á þeim tveimur
mínútum sem hann lék með liði sínu gegn Njarð-
vík í úrvalsdeild karla, Intersportdeildinni, síð-
asta sunnudag. Jóhannes er kunnur baráttujaxl
og afrekaði hann að fá fimm villur á tveimur mín-
útum.
Að auki gaf hann eina stoðsendingu og tapaði
knettinum einu sinni. Njarðvíkingar unnu leikinn
á heimavelli sínum, 79:77.
Kapp best með forsjá
„Ég held að þetta sé heimsmet – ef ekki þá
örugglega jöfnun á heimsmeti,“ sagði Ingi Þór
Steinþórsson, þjálfari KR-liðsins, í gær. „Ég náði
ekki að skipta honum útaf þegar hann fékk fjórðu
villuna. Jóhannes ætlaði sér að berjast í vörninni
og það gerði hann svo sannarlega, en eigum við
ekki að segja að kapp sé best með forsjá,“ bætti
Ingi Þór við.
Fékk fimm villur á
tveimur mínútum
ÍSLENSKA landsliðið í knattspyrnu er í 55. sæti
á nýjum styrkleikalista Alþjóða knattspyrnu-
sambandins, FIFA, sem gefinn var út í gær. Ís-
land fellur um sjö sæti frá síðasta lista sem kom
út fyrir mánuði en þá voru Íslendingar í 48. sæti.
Heimsmeistarar Brasilíumanna eru sem fyrr í
efsta sæti á listanum, Frakkar eru í öðru, Spán-
verjar í þriðja, Argentínumenn í fjórða og Hol-
lendingar fara úr sjöunda sætinu upp í það
fimmta. Englendingar eru í sjötta sæti, Þjóð-
verjar fara upp um tvö sæti og eru í sjöunda,
Ítalir, Tyrkir og Mexíkóar eru svo jafnir í 8.–10.
sæti.
Danir er efstir Norðurlandaþjóðanna en þeir
eru í 14. sæti, Svíar í 18. sæti, Norðmenn falla um
tólf sæti, eru í 37. sæti, Finnar eru í 41. sæti og
Færeyingar skipa 124. sæti listans.
Landsliðsmenn Kúveit eru hástökkvarar
FIFA-listans að þessu sinni en þeir fara upp um
28 sæti – eru í 50. sæti.
Ísland í 55. sæti
á FIFA-lista
KRISTJÁN Guðmundsson sem á dögunum
sagði upp störfum sem þjálfari hjá hjá 2. deild-
arliði ÍR í knattspyrnu ásamt aðstoðarmanni
sínum, Magnúsi Þór Jónssyni, snýr að öllum lík-
indum til baka í Breiðholtið ásamt Magnúsi Þór
og taka þeir upp þráðinn á nýjan leik sem þjálf-
arar ÍR-liðsins.
„Landslagið hefur breyst“
„Ég er kominn í viðræður við ÍR sem eru
langt komnar,“ sagði Kristján við Morgun-
blaðið í gær. Spurður hvað hefði breyst frá því
hann sagði upp sagði Kristján; „Sú yfirlýsing
sem við sendum frá okkur þegar við ákváðum
að segja upp hefur greinilega vakið menn upp
og þeir sem stjórna félaginu hafa komið til
móts við þá hluti sem ég talaði um að væru í
ólagi. Þar með hefur landslagið breyst.“
Kristján hættur
við að hætta
með ÍR-liðið
FREMSTI spretthlaupari Evrópu,
Dwain Chambers frá Bretlandi, er í
hópi þeirra íþróttamanna sem hafa
notað hið nýja steralyf THG sam-
kvæmt frétt dagblaðsins The
Guardian.
Niðurbrotsefni THG fundust í
sýni sem tekið var úr Chambers utan
keppni er hann var staddur við æf-
ingar í Saarbrücken í Þýskalandi.
Ekki var hægt að finna niðurbrots-
efni THG-steralyfisins fyrr en ný-
verið og leikur grunur á að margir
íþróttamenn hafi nýtt sér „gallann“ í
lyfjaprófunum og tekið inn hið há-
þróaða steralyf.
Ekki er búið að kanna svokallað
B-sýni en verði niðurstaðan sú sama
og úr A-sýninu á Chambers yfir
höfði sér a.m.k. tveggja ára keppn-
isbann og að auki fær hann ekki að
taka þátt í Ólympíuleikum framar
samkvæmt reglum breska frjáls-
íþróttasambandsins. Þjálfari
Chambers er Remi Korchemny frá
Úkraínu en hann er búsettur í
Bandaríkjunum og segir að Chamb-
ers sé saklaus.
Chambers er Evrópumeistari í
100 metra hlaupi. Hann á breska
metið í greininni ásamt Linford
Christie, 9,87 sekúndur. Hann varð
þriðji á HM árið 1999 en olli von-
brigðum á HM í sumar er hann varð
fjórði í París.
Aðeins Dwain Chambers og
bandaríski kúluvarparinn Kevin
Toth hafa verið nefndir á nafn vegna
THG-steralyfsins að svo stöddu en
gríðarleg rannsókn fer nú fram á öll-
um lyfjaprófum sem tekin voru á
HM í París í sumar og herma heim-
ildir bandarískra dagblaða að allt að
20 kunnir frjálsíþróttamenn séu í
hópi þeirra sem hafi notað THG-
steralyfið.
Það verður ekki sagt að varnar-leikur liðanna tveggja í fyrri
hálfleik hafi verið burðugur. Bæði lið
tefldu fram hálf-
vængbrotnum liðum
þar sem FH-ingar
söknuðu m.a Loga
Geirssonar og HK-
ingar Alexanders Arnarsonar sem er
frá um óákveðinn tíma vegna meiðsla
í hálsliðum. Þrátt fyrir þennan skort
á varnarleik var fátt um fína drætti í
sóknarleik liðanna sem þó tókst að
skora 32 mörk á þessum 30 mínútum.
Þar fór fremstur í flokki FH-ingurinn
Magnús Sigurðsson en hann skoraði
8 mörk í fyrri hálfleik. Nokkuð var af
Magnúsi dregið eftir hálfleikinn en
hann kláraði þó leikinn með sóma og
var langbestur í liði FH.
FH leiddi í leikhléi, 18:14, liðið
skoraði fyrsta mark síðari hálfleiks
og hafði að því er virtist nokkuð þægi-
lega 5 marka forystu. En HK-ingar
eru þekktir fyrir allt annað en að gef-
ast upp og sjálfsagt hefur Árni Stef-
ánsson, þjálfari þeirra, sagt nokkur
vel valin orð í leikhléinu. Eftir brö-
suga byrjun seinni hálfleiks þar sem
þeir skoruðu aðeins eitt mark í fyrstu
sjö sóknum sínum komust þeir á flug
og skoruðu úr 9 sóknum í röð. Þetta
var meira en FH-ingar réðu við. HK
saxaði jafnt og þétt á forskot þeirra
og þegar tæpar 13 mínútur voru eftir
af leiknum var jafnt á komið með lið-
unum, 22:22. Það var fyrst og fremst
einstaklingsframtak þeirra Hauks
Sigurvinssonar og Augustas Strazd-
as sem færði þetta líf í HK-liðið og
uppskáru þeir sem fyrr segir tveggja
marka sigur og tvö dýrmæt stig í
þessu fyrsta hluta Íslandsmótsins.
Haukur Sigurvinsson var hetja
HK í þessum leik og hann var sáttur
við sigurinn og stigin tvö.
„Við byrjuðum leikinn eins og 6.
flokkur og kannski var Evrópu-
keppnin eitthvað að stríða okkur. En
svo kom þetta hægt og bítandi í síðari
hálfleik,“ sagði Haukur. „Við vorum
heppnir að FH-ingarnir voru með
vængbrotið lið. Ef þeir hefðu verið
með fullskipað lið þá hefðu þeir sjálf-
sagt keyrt yfir okkur. Það vantaði
líka í okkar lið en við erum með 17
góða leikmenn og getum leyft okkur
að hvíla menn. Við virtumst ekki vera
með hugann við leikinn í byrjun, það
var dregið í Evrópukeppninni í gær
og það hlýtur að hafa eitthvað að
segja. Við ætlum okkur að vera í efstu
tveimur þremur sætunum í þessum
hluta Íslandsmótsins og það er ljóst
að hvert stig skiptir máli,“ sagði
Haukur Sigurvinsson sem átti af-
bragðsgóðan leik í liði HK ásamt Lit-
háunum tveimur Andrius Rackaus-
kas og Augustas Strazdas. Hjá FH
átti Magnús Sigurðsson mjög góðan
leik en aðrir náðu ekki sínu besta.
Frábær enda-
sprettur hjá HK
í Kaplakrika
BRÁÐSKEMMTILEGUR endasprettur HK gegn FH í Kaplakrika
tryggði það að leikur liðanna í gærkvöldi félli ekki beint í gleymsku-
brunninn. HK sem var undir lengst af leiks tryggði sér nauman
tveggja marka sigur, 29:27, og færðist upp í þriðja sæti suðurriðils í
forkeppni fyrir undankeppni Íslandsmótsins. Leikur liðanna var sá
síðasti í fyrri umferð forriðilsins og með sigrinum hefur HK hlotið 10
stig eftir 7 leiki en FH hefur 6 stig eftir jafnmarga leiki.
Ingibjörg
Hinriksdóttir
skrifar
PARÍS St. Germain er í viðræðum
við Leeds um að fá ástralska fram-
herjann Mark Viduka að láni þegar
leikmannamarkaðurinn verður opn-
aður í janúar. Ástralskir fjölmiðlar
greindu frá því að Viduka væri
óhress í herbúðum Leeds og vildi
komast í burtu frá liðinu en hann hef-
ur skorað 50 mörk í 109 leikjum liðs-
ins frá því hann var keyptur frá Celt-
ic fyrir þremur árum.
PATRICK Kluivert, hollenski
landsliðsmaðurinn í liði Barcelona,
sagði við fréttamenn fyrir utan Nou
Camp, heimavöll Börsunga, í gær að
hann vildi ekki yfirgefa liðið og fara
til Newcastle en þrálátur orðrómur
hefur verið í gangi um að Kluivert
gangi í raðir Newcastle þegar leik-
mannamarkaðurinn verður opnaður í
janúar. „Þið verðið að trúa mér. Ég
vil ekki fara frá Barcelona,“ sagði
Kluivert, sem einnig hefur verið orð-
aður við Arsenal og Chelsea.
BÆJARYFIRVÖLD í norska bæn-
um Lillehammer ætla að nota allt að
800 millj. kr. til þess að undirbúa um-
sókn þeirra um vetrarólympíuleik-
ana árið 2010, en leikarnir fóru fram í
bænum 1994 og komu bænum á
„kortið“ eins og sagt er.
FORRÁÐAMENN ítalska knatt-
spyrnuliðsins Empoli, sem leikur í
efstu deild þar í landi, sögðu þjálfara
liðsins upp störfum í gær. Daniele
Baldini náði ekki að krækja í nema 2
stig í 6 leikjum og er liðið í næst-
neðsta sæti deildarinnar. Fabrizio
Corsi, formaður félagsins, segir að
ákvörðunin hafi verið erfið þar sem
Baldini sé virtur hjá félaginu, enda
lék hann með því á sínum tíma, var
fyrirliði og nú síðast þjálfari. Attilio
Perotti mun taka tímabundið við
starfinu en hann er 57 ára gamall og
var áður þjálfari Verona í efstu deild.
MARTIN Pieckenhagen, mark-
vörður Hamburger í þýsku 1. deild-
inni í knattspyrnu, er með slitið
krossband í hné. Hann þarf að gang-
ast undir aðgerð og er reiknað með
að hann verði frá æfingum. Stefan
Wächter, varamarkvörður Ham-
burger, kemur til með að leysa
Pieckenhagen af hólmi en Wächter,
sem er 25 ára gamall, hefur aldreið
staðið á milli stanganna í 1. deild.
SIGFRIED Held, fyrrverandi
þjálfari íslenska landsliðsins í knatt-
spyrnu, er hættur þjálfun maltneska
landsliðsins og hefur Horst Heese
verið ráðinn í hans stað. Heese er
ekki ókunnugur starfinu en hann var
við stjórnvölinn hjá Möltumönnum
frá 1988–1991.
LEIKMENN þýska 1. deildarliðs-
ins Hertha Berlín standa við bakið á
þjálfara sínum, Huub Stevens, og
segja að hann sé rétti maðurinn fyrir
liðið, þó svo að því hafi ekki gengið
sem best í síðustu leikjum.
FÓLK
Reuters
Dwain Chambers hleypur á heimsmeistaramótinu í París.
Evrópumeistarinn
féll á lyfjaprófi
Lyfjaráð
ÍSÍ bíður
átekta
„ÉG tel það ólíklegt að það
verði gerðar ráðstafanir
til að fara í gegnum gömul
sýni vegna hins nýja THG-
steralyfs,“ sagði Guð-
mundur Sigurðsson, sem á
sæti í lyfjaráði Íþrótta- og
Ólympíusambands Ís-
lands.
Talsmenn lyfjaeftirlits-
ins í Bandaríkjunum og
Bretlandi sögðu í gær að
farið yrði í gegnum öll
sýni sem tekin voru fyrr í
sumar á HM í frjáls-
íþróttum þar sem að þær
aðferðir sem notaðar voru
á þeim tímapunkti dugðu
ekki til að finna hið nýja
THG-steralyf.
Guðmundur bætti því
við að lyfjaráð ÍSÍ hefði
ekki fjallað sérstaklega
um þetta nýja steralyf að
svo stöddu.