Morgunblaðið - 24.10.2003, Qupperneq 4

4 | FÓLKIÐ | FÖSTUDAGUR 24|10|2003 MORGUNBLAÐIÐ
J A M I E O L I V E RKR
YD
D
Í T
IL
VE
RU
NA
Jamie Oliver býr í heimi þar sem ávallt er til nóg af kryddjurtum
á hagstæðu verði. Hann birtist á skjánum á ný á Stöð 2 á
mánudaginn kemur í þættinum Eldhús Jamies (Jamie’s Kitch-
en). Þar fylgjumst við með Jamie opna fyrsta veitingahúsið sitt
og verða pabbi. Veitingahúsið Fifteen í London er ekki gróða-
fyrirtæki heldur góðgerðarstarfsemi en hann hefur tekið að sér
að kenna fimmtán atvinnulausum ungmennum að verða færir
atvinnukokkar.
„Við höfum verið mjög heppin. Allir hafa lagt mjög hart að
sér til að láta þetta ganga upp,“ segir Jamie um veitingastað-
inn, sem nú þegar hefur fengið verðlaun og er bókaður marga
mánuði fram í tímann.
Í viðkynningu er Jamie sérstaklega viðkunnanlegur, létt-
lyndur og hæverskur, rétt eins og í þáttunum. „Við gætum ver-
ið fullbókuð næsta árið en mér finnst ekki gott að taka bókanir
meira en þrjá mánuði fram í tímann. Annars er hætta á að fólk
gleymi,“ segir hann.
„Veitingastaðurinn er bara eins góður og starfsfólkið. Þetta
er ekki mér að þakka, ég skrifa bara matseðlana. Þú verður að
hafa gott starfsfólk og kokka á bak við þig,“ segir hann og
bætir við að fæðing Fifteen, sem fylgst er með í þáttunum hafi
verið mjög erfið.
Á ýmsu hefur gengið. M.a. var einn starfsmaðurinn í raun
blaðamaður í dulargervi að skrifa fyrir breskt götublað. „Grein-
in var jákvæð en mér fannst ég mjög berskjaldaður fyrir vikið.“
Óhætt er að segja að Jamie hafi breytt ímynd kokksins og
matargerðar. Hann er opinskár og jákvæður og segist vilja
hvetja fólk til að gera tilraunir í eldhúsinu. „Ég reyni að vera
hvetjandi. Kokkar eru ekkert öðruvísi en hárgreiðslufólk eða
smiðir. Alls konar týpur. Markmið mitt í bókunum og þáttum er
að fá fólk með. Ég get útskýrt uppskrift á ruglingslegan hátt
eða á þann hátt, sem lætur þér finnast að þú getir eldað rétt-
inn,“ segir hann og bætir við að hann vilji gefa fólki góð ráð,
sem það geti notað næst þegar það eldar fyrir mömmu eða
kærustuna. „Það er svo skemmtilegt að elda fyrir fólk. Margir
ungir strákar í Englandi hafa verið feimnir við að elda. Það var
svolítið hommalegt fyrir stráka að tala um eldamennsku og
þannig hluti en ég held að það hafi alveg breyst.“
Finnst þér mikilvægt að vera góð fyrirmynd? „Flestallt er
mögulegt ef viðhorfið er rétt og fólk kann að hlæja og hafa
gaman af hlutunum. Eldhús Jamies er dæmi um það. Í upphafi
höfðum við ekkert en núna erum við með verðlaunað veitinga-
hús með afburðafólki, sem kunni ekki að elda fyrir nokkrum
mánuðum.“
Jamie hefur gaman af því að versla og á í góðu sambandi við
marga af birgjum sínu og finnst skemmtilegt að prófa nýtt hrá-
efni. „En það er líka hægt að gera spennandi rétti úr hefð-
bundnu hráefni. Maður þarf bara að beita hugarfluginu enn frek-
ar.“ Hann segir að á Fifteen breytist matseðillinn daglega
samkvæmt því hráefni, sem er ferskast hverju sinni. „Maður
verður að hafa augun opin.“
Skyldi Jamie þekkja eitthvað til Íslands? „Íslenski fiskurinn er
heimsfrægur,“ segir hann. „Ég hef líka unnið með íslenskum
kokkum í gegnum tíðina.“
Hann býr alltaf til eigin barnamat fyrir dótturina Poppy Honey,
sem hann á með eiginkonunni Jools. Hún er um eins og hálfs
árs gömul og kann Jamie að gefa góð ráð í því sambandi eins og
öðru. „Hún er yndisleg og þetta hefur allt gengið vel. Henni
finnst gaman að borða. Við búum alltaf allt til handa henni og
kaupum ekkert tilbúið. Hún borðar núna fasta fæðu og borðar
að hluta til það sama og við. Ég nota þá ekki mikla feiti, bara
smáólívuolíu og ekkert salt. Þetta virkar þannig að ég elda mat
fyrir fjölskylduna. Tek smá út fyrir mig og Jools og krydda og geri
meira við það en brytja hennar skammt meira niður. Suma hluti
þarf að varast, „chilli“ til dæmis, en það er ekkert mál að nota
kryddjurtir. Börn elska kryddjurtir.“ |ingarun@mbl.is
27. október
Þáttaröðin Eldhús
Jamies hefur göngu
sína á Stöð 2