Morgunblaðið - 25.10.2003, Blaðsíða 16

ERLENT
16 LAUGARDAGUR 25. OKTÓBER 2003 MORGUNBLAÐIÐ
Við höfum verið beðnir um að útvega til kaups fasteignir í útleigu með
traustum leigutökum á höfuðborgarsvæðinu. Eignir án leigutaka koma til
greina ef seljandi er tilbúinn til að taka sjálfur eignina á leigu til langs
tíma. Um er að ræða trausta aðila með öruggar greiðslur og koma eignir
á verðbilinu frá 50.000.000 - 2.500.000.000 til greina.
Áhugasamir eru beðnir
um að setja sig
í samband við
Óskar Rúnar Harðarson
lögfræðing eða
Sverri Kristinsson
löggiltan fasteignasala
hjá Eignamiðlun.Óskar Rúnar Harðarson,
lögfræðingur
Sverri Kristinsson,
löggiltur fasteignasali
EIGENDUR ATVINNUHÚSNÆÐIS
ATHUGIÐ
YAJI er mætt í vinnuna klukkan
átta hvern einasta dag og næstu
tólf tímana puðar hún í erfiðri
vegavinnu við nýjan þjóðveg í út-
jaðri borgarinnar Tsetang í Tíbet.
Um það bil sem hún er að leggja
verkfærin frá sér er Qixizhuoma
hins vegar að hefja sinn vinnudag;
búin að varalita sig og lita kinn-
arnar. Qixizhuoma er vændiskona
að atvinnu og er mætt á bakka
Yarlung-árinnar á hverju kvöldi
klukkan átta, í hjarta rauða hverf-
isins í Tsetang, sunnarlega í Tíbet.
Verkamannavinna og vændi
geta ekki talist hefðbundin
kvennastörf í Tíbet, landi þar sem
búddatrú er iðkuð af eljusemi. Fyr-
ir ungar dætur fátækra tíbetskra
bænda, sem vilja eiga hlutdeild í
efnahagsumbyltingunni sem er að
eiga sér stað, er hins vegar ekki
marga aðra atvinnu að hafa. Stúlk-
urnar tvær hafa, hvor á sinn hátt,
stuðlað að þeirri breytingu sem er
að verða í Tsetang: bærinn er að
breytast úr fátækum útkjálkabæ í
nútímalega kínverska borg.
„Ég kann ekki við mig hérna. En
ég á engra annarra kosta völ,“
segir Yaji, sem er átján ára gömul.
„Ég á tvær systur. Þær þarfnast
peninga til að geta sótt skóla.“
Miklar breytingar hafa átt sér
stað í þessum hluta Tíbets und-
anfarin ár. Kínverjar hafa sest hér
að í miklum mæli og samfélagið
hefur tekið breytingum: tíbetsk
dreifbýlismenning hefur látið und-
an síga. Yfirvöld hafa veitt fé til
byggingar brúa, vega og háhýsa
og til Tsetang hafa því flykkst um
tíu þúsund kínverskir far-
andverkamenn. Í borginni Lhasa,
heilögustu borg Tíbet, er talið að
um helmingur íbúa sé nú kínversk-
ur.
Mikil fátækt í hinum dreifðari
byggðum Tíbet hefur valdið því að
fólk eins og Yaji og Qixizhuoma
hefur neyðst til að flytja til borg-
anna. Konur eiga hins vegar erfitt
með að fá góða vinnu þar nema
þær tali kínversku reiprennandi og
hafi aðlagast kínverskum háttum.
Yaji er ekki svo vel á vegi stödd og
hún segir að hún myndi heldur
vilja ganga í skóla en vinna svona
erfiðisvinnu. Hún neyddist til að
hætta eftir áttunda bekk til að
hjálpa til við að brauðfæða fjöl-
skyldu sína. „Síðan í apríl hef ég
unnið mér inn 250 dollara,“ segir
hún. „Ég sendi það allt saman til
foreldra minna.“
Engu að síður er það nú svo að
stúlkur eins og Qixizhuoma öfunda
þær sem fengið hafa vinnu við
vegagerð eða byggingavinnu;
stúlkur eins og Yaji. „Þær vinna
sér þó inn peninga á heiðarlegan
hátt,“ segir Qixizhuoma, sem er
tvítug. Hún er tíbetsk í húð og hár,
á rætur að rekja til Sichuan-
héraðs. Sichuan var áður hluti
veldis Tíbeta en tilheyrir nú Vest-
ur-Kína.
Qixizhuoma dreymdi um að
verða söngstjarna þegar hún var
yngri. Hún gekk til liðs við söng-
og dansgrúppu en bandið hætti
störfum. Þá flutti hún til Lhasa og
allt gekk vel í byrjun. Fjöldi fólks
kom og hlýddi á hana syngja. Inn-
an fárra mánaða hafði lögreglan
hins vegar lokað veitingahúsinu,
sem hún vann á.
Qixizhuoma ákvað þá að reyna
fyrir sér í Tsetang. Hún dróst hins
vegar út í vændi og þó að mán-
aðartekjur hennar séu um það bil
400 dollarar á mánuði fær hún
ekki að halda eftir nema afar
litlum hluta. Melludólgur fleytir
rjómann af tekjunum.
Qixizhuoma hefur ekki þorað að
segja foreldrum sínum frá því
hvernig hún vinnur fyrir sér. „Ég
er orðin slæm stúlka. En ég get
ekki farið neitt,“ segir hún og
grætur örlög sín. „Ef ég flý þá get
ég ekki lengur sent neina peninga
heim. Hvað myndi þá verða um
systur mína? Hún þarf á peningum
að halda til að geta farið í heima-
vistarskóla.“
Viðskiptavinir Qixizhouma eru
af ýmsum toga; farandverkamenn,
verslunarmenn, jafnvel lög-
reglumenn. Þeir borga ekki alltaf
fyrir greiðann, segir hún. Qix-
izhuoma reynir lítið að leggja fé til
hliðar, í staðinn eyðir hún öllu til-
tæku fé á vídeóleigunum. Þannig
að flýr hún raunveruleikann.
Biðja bænanna sinna
Bæði ungar vændiskonur eins og
Qixizhuoma og verkamenn eins og
Yaji reyna að fara einu sinni í viku
í búddahofið til að biðja bænanna
sinna. Verkakonurnar segja að
þær óski sér oftast góðrar heilsu,
því þannig tryggi þær sér betri
tekjur. Qixizhuoma óskar þess aft-
ur á móti stundum að líkami henn-
ar myndi gefast upp á öllu saman.
Það virðist stundum eina leiðin til
að uppfylla hennar æðsta draum
hennar: „Mig langar bara heim,“
segir hún.
„Mig langar bara heim“
Ungar tíbetskar stúlkur eiga erfitt
með að fóta sig við breyttar aðstæður
TPN
Tsetang í Tíbet. Los Angeles Times.
SOONG Mayling, fyrrverandi for-
setafrú Kína og Taívans, lést á Long
Island í New York í gær, á 106. ald-
ursári. Soong var ekkja Chiang Kai-
shek hershöfðingja, forseta Kína
1948–49 og Taívans 1950–75. Hún
hafði búið á Long Island frá 1991 og
átt við alvarleg veikindi að stríða frá
því í febrúar.
Soong Mayling, sem var kölluð
„drekafrúin“, fæddist í Shanghai ár-
ið 1898. Faðir hennar, Charlie
Soong, var fyrst kristniboði en
byggði síðar upp mikið viðskipta-
veldi í Shanghai. Hún giftist Chiang
Kai-shek árið 1927 og auðæfi föður
hennar auðvelduðu hershöfðingjan-
um að byggja upp Kuomintang,
flokk þjóðernissinna. Hún talaði
reiprennandi ensku þar sem hún
hafði stundað háskólanám í Banda-
ríkjunum og flutti áhrifamikla ræðu
á þinginu í Washington árið 1943 þar
sem hún hvatti Bandaríkjamenn til
að styðja eiginmann sinn í barátt-
unni við innrásarher Japana í Kína.
„Drekafrúin“, ekkja
Chiang Kai-sheks, látin
Taipei. AFP.
BANDARÍSKI ævintýramaðurinn
Steve Fossett hyggst gera tilraun
til að verða fyrstur manna til að
fljúga einn síns liðs umhverfis
jörðina án þess að lenda eða taka
eldsneyti, að því er breski kaup-
sýslumaðurinn Richard Branson
greindi frá í gær. Virgin Atlantic,
flugfélag Bransons, styrkir Foss-
ett.
Branson greindi ennfremur frá
því að hann myndi sjálfur búa sig
undir að geta hlaupið í skarðið ef
Fossett gæti ekki farið ferðina. Í
Mojave-eyðimörkinni í Bandaríkj-
unum væri verið að smíða sér-
staklega sparneytna og létta flug-
vél sem eigi að vera tilbúin er
flugið á að hefjast, sem er áætlað
að verði um miðjan apríl.
„Eina flugafrekið sem er óunnið
inni í andrúmslofti jarðar er að
fljúga einn umhverfis jörðina án
þess að millilenda eða taka elds-
neyti. Þær tæknilegu áskoranir
sem þetta felur í sér eru ómót-
stæðilegar,“ sagði Branson á
fréttamannafundi.
Árið 1986 urðu Dick Rutan og
Jeana Yeager fyrst manna til að
fljúga umhverfis jörðina án þess
að millilenda eða taka eldsneyti.
Tók ferð þeirra níu daga og var
farin á flugvél sem bar nafnið
Voyager.
Fossett og Branson áætla að
flug þeirra muni taka um 80
klukkustundir, og flogið verður í
52 þúsnd feta hæð, sem er mun
hærra en venjulegar farþegaþotur
fljúga.
Reyna einmenningsflug
umhverfis jörðina
London. AP.
9".:;$<=>=?/"@$.ABC@D.:)
E
F 

 A

$+
+@G' &9
+
  

 



(* 

(
 -

*
'
 
! =HH' I

&

9
& *

/ 
)
G>+ 

$  +): 
*';# "  :
<=# 
35
 
>%=2:/31: 0
=#5222  9 '% '

2? 
-:@

9::
8::
A !
 ! " # '
  ;#'
 
+ =#

(
8:
,= * 



&



&
 !
"
"#

& 
 

&
222:
2222 Reuters
Richard Branson (t.h.) og Steve Fossett halda á módeli af flugvélinni Global
Flyer sem Fossett ætlar að reyna að fljúga einn síns liðs umhverfis jörðina.
SAMÞYKKT var í öldungadeild
Bandaríkjaþings í fyrradag að upp-
hefja bann við ferðum bandarískra
borgara til Kúbu en það hefur nú
staðið í fjóra áratugi. Hefur það þá
verið samþykkt í báðum deildum
með góðum meirihluta þrátt fyrir
hótun George W. Bush forseta um
að beita neitunarvaldi gegn því.
Tillaga um að nema bannið úr
gildi var samþykkt með 59 atkvæð-
um gegn 36 í öldungdeildinni og
með 277 atkvæðum gegn 188 í full-
trúadeildinni í september. Í báðum
deildum eru repúblikanar, flokks-
bræður Bush, í meirihluta.
„Afstaða þingsins er yfirlýsing
um, að Bandaríkjamenn vilja ekki,
að ferðafrelsi þeirra sé takmarkað,“
sagði öldungadeildarþingmaðurinn
Byron Dorgan og bætti við, að
Bush vildi viðhalda ferðabanninu til
að þóknast kúbanska samfélaginu í
Flórída. Hefur Bush ekki aðeins
hótað að beita neitunarvaldi gegn
samþykkt þingsins, heldur hefur
hann lagt til, að hert verði á ferða-
banninu.
Chuck Hagel, öldungadeildar-
þingmaður repúblikana í Nebraska,
sagði, að það þjónaði ekki hags-
munum Bandaríkjanna að einangra
sig frá Kúbu auk þess sem það
bitnaði verulega á samkeppnisstöðu
bænda, launþega og bandarískra
fyrirtækja. Aðrir tóku undir það og
sögðu, að ljóst væri, að ferðabannið
heyrði brátt sögunni til.
Þingið afnemur
ferðabann
Washington. AFP.
ALLMIKIÐ snjóaði í Austurríki,
Ungverjalandi, Þýskalandi og Belg-
íu í gær og olli það víða miklu öng-
þveiti í umferðinni. Er snjórinn
óvenju snemma á ferðinni eftir
óvanalega hlýtt sumar.
Í Austurríki vaknaði fólk upp við
snævi þakta jörð en þar byrjar yf-
irleitt að snjóa um miðjan nóvember.
Í München í Bæjaralandi í Þýska-
landi hefur snjórinn ekki fallið jafn-
snemma í 20 ár. Þar týndi einn mað-
ur lífi, ökumaður sendibíls, sem rann
út af veginum. Einni helstu þjóð-
brautinni fyrir sunnan Vín var lokað
á 20 km kafla vegna árekstra og út-
afaksturs og það sama var uppi á
teningnum með marga aðra vegi. Þá
voru víða truflanir á raforkuflutningi
sökum þess, að greinar brotnuðu
undan snjóþunga og féllu á raflínur.
Kuldatungan, sem snjókomunni
olli, náði einnig til Belgíu og þar var
sums staðar nokkurt frost í fyrri-
nótt.
Snjókomunni var fagnað í Ölpun-
um og var vonast til, að þar yrðu
skíðabrekkur opnaðar um helgina.
Snjórinn snemma
á ferð í Evrópu
Vín. AFP.