Morgunblaðið - 25.10.2003, Blaðsíða 19

HÖFUÐBORGARSVÆÐIÐ
MORGUNBLAÐIÐ LAUGARDAGUR 25. OKTÓBER 2003 19
Háteigsskóla | Mikil stuttmyndaveisla var haldin
í Háteigsskóla á dögunum þegar fimmtíu og sjö
norskir nemendur komu í heimsókn ásamt kenn-
urum og foreldrum og unnu ásamt íslenskum
nemendum að gerð stuttmynda. Alls framleiddu
nemendurnir saman sautján stuttmyndir á tveim-
ur dögum. Myndirnar voru unnar á þremur stöð-
um, í Háteigsskóla, Laugarnesskóla og Rétt-
arholtsskóla, en alls tuttugu nemendur úr
Laugarnes- og Réttarholtsskóla tóku einnig þátt í
verkefninu. Þema daganna var „The Sky is the
limit,“ enda fara öll samskipti fram á ensku. Þýddi
það að nemendur voru hvattir til að koma með
sem frumlegastar hugmyndir.
Stuttmyndirnar sautján voru síðan allar sýndar
í Réttarholtsskóla á fimmtudaginn. Eftir sýning-
una héldu nemendur og kennarar hátíð þar sem
veitt voru verðlaun í ýmsum flokkum, þar á meðal
fyrir bestu klippingu, bestu töku, besta leik og
bestu mynd.
Norskir nemendur læra
stuttmyndagerð í sex vikur
Norsku nemendurnir komu frá bænum Bærum,
rétt vestan við Osló, og stunda nám við Ringsta-
bekk-grunnskólann. Lars Petter Seljelid, einn af
kennurum norsku unglinganna, segir hópinn hafa
staðið sig með stökustu prýði. „Í Ringstabekk-
skóla höfum við sex vikna námskeið í kvikmynda-
gerð sem hluta af grunnnámi unglinga. Þar kynn-
ast þau öllum helstu hliðum kvikmyndavinnu, frá
fyrstu hugmynd til klippingar, þau læra á kvik-
myndatökur, hljóðvinnslu, klippingar og hvernig á
að teikna upp söguborðið.“ Elín Lilja Jónasdóttir
umsjónarkennari segir að níu nemendur Háteigs-
skóla hafi sótt námskeið í kvikmyndagerð en aðrir
nemendur hafi ekki verið eins vel undirbúnir.
„Þau fengu klukkutíma skyndinámskeið í kvik-
myndagerð áður en verkefnið hófst. Engu að síð-
ur standa þau sig mjög vel og eru fljót að tileinka
sér vinnubrögð og kunnáttu í kvikmyndagerð,
þótt norsku nemendurnir hafi meiri reynslu og
kunni mjög vel á tækin.“ Elín telur mikilvægt að
grunnskólanemar fái tækifæri til að læra á þenn-
an miðil eins og aðra, enda sé þetta frábær og fjöl-
breytt leið til að segja sögur og koma boðskap á
framfæri.
Magnað skólaverkefni
Að sögn Ásgeirs Beinteinssonar, skólastjóra
Háteigsskóla, gekk samstarfsverkefnið afar vel.
„Þetta er eitt magnaðasta skólaverkefni sem ég
hef orðið vitni að. Unga fólkið er að gera svo gríð-
arlega margt og skapa svo mikið. Við gerðum
þetta í fyrra og ég vona að þetta verði að hefð því
þetta heppnaðist svona vel.“
Krakkarnir byrjuðu á því að kynnast í gegnum
Netið til að verkefnið gengi betur. Þegar norsku
krakkarnir komu til Íslands fóru þau að vinna
með íslensku nemendunum að hugmyndum að
stuttmyndum, skrifa handrit og koma þeim á
filmu. „Þetta hefur gengið ótrúlega vel og þau eru
að öðlast reynslu og vináttu sem vonandi endist
lengi. Svo eru þau að búa til myndir um ótal efni
sem þeim liggja á hjarta.“ Meðal verka unga
fólksins er myndin the Blowjob, sem fjallar um
hryðjuverkamenn sem hyggjast sprengja upp
American Style, mynd um samkynhneigð, önnur
um eiturlyf, enn ein um ást og einnig saga um
ferðamenn sem eru rændir af þjófi við Hallgríms-
kirkju, en þar fer Friðrik Þór Friðriksson kvik-
myndagerðarmaður með stutt „cameo“ hlutverk.
Íslensku nemendurnir eru afar hressir með
heimsókn Norðmannanna, nokkrar ungar stúlkur
urðu fyrir svörum og sögðu þær að þessi reynsla
ætti eftir að nýtast þeim vel á margan hátt. „Það
er líka gott að losna úr venjulega náminu og
breyta til. Svo hlakkar maður rosalega til að fá að
fara til Noregs í heimsókn.“
Norsku krakkarnir eru álíka ánægðir með að fá
að komast í heimsókn til Íslands og kynnast nýj-
um vinum. Að sögn Elínar gengu öll samskipti
milli unga fólksins mjög vel þótt samvinnan hefði
reynt á marga.
Stuttmyndadagar í Háteigsskóla
Elín Lilja Jónsdóttir og Lars Petter Seljelid myndmiðlakennarar.
Morgunblaðið/Kristinn
Norrænt samstarf í algleymi og myndinni jafnóðum varpað á tjaldið.
Álftanesi | Undanfarna viku hefur
staðið yfir þemavika í Álftanes-
skóla sem ber yfirskriftina „Allir
eru einstakir“. Unnið var út frá
fjölbreytileika mannlífsins og
áhersla lögð á manngæsku, hvaða
þættir eru ólíkir í fari og útliti
fólks og að allir hafa rétt á því að
vera eins og þeir eru.
Ýmis efni og
leiðir voru
nýttar til að
koma þessu
til skila. Til
dæmis var
haldin vina-
veggspjalda-
samkeppni, bú-
ið til vinavegg-
teppi og vefur um fjölbreytileika
mannlífsins. Gerðar voru skugga-
myndir af hverjum nemanda og
farið í íþróttir fatlaðra en eins og
alþjóð veit er árið 2003 tileinkað
fötluðum.
Einnig var í vikunni frumsýnt í
skólanum leikritið Ýma trölla-
stelpa með þeim Ólafíu Hrönn
Jónsdóttur og Halldóru Geirharðs-
dóttur, en leikritið tekur á spaugi-
legan hátt á ýmsum algengum
vandamálum sem geta komið upp í
samskiptum fólks.
Þemavikunni lýkur í dag með
sérstökum fjölskyldudegi í Álfta-
nesskóla og víðar í bænum, þar
sem afrakstur vikunnar verður til
sýnis og margt verður gert sér til
glaðnings. Er skólinn opinn frá
tólf til tvö. Auk þess verður opið
hús í náttúruleikskólanum
Krakkakoti, Íþróttamiðstöð Álfta-
ness og á golfvelli Álftaness auk
þess sem Tónlistarskóli Álftaness
mun halda tónleika í Íþróttamið-
stöðinni klukkan ellefu um
morguninn.
Þemavika og
fjölskylduhátíð