Morgunblaðið - 25.10.2003, Blaðsíða 23
LANDIÐ
MORGUNBLAÐIÐ LAUGARDAGUR 25. OKTÓBER 2003 23
NÚVERANDI og fyrrverandi
starfsmönnum Írafossstöðvar í
Soginu var ásamt mökum boðið til
fagnaðar fimmtudagskvöldið 16.
október en þann dag voru ná-
kvæmlega 50 ár liðin frá því að
stöðin var formlega tekin í notk-
un. Írafossstöð er ein þriggja
Sogsvirkjana en Ljósafossstöð hóf
rekstur árið 1937 og Steingríms-
stöðin árið 1959.
Eins og fram hefur komið í
Morgunblaðinu urðu fleiri tíma-
mót í virkjanasögu landsins því 10.
október sl. voru 50 ár frá því að
Laxárvirkjun II var gangsett. Var
afmælisfagnaður einnig haldinn
þar nyrðra fyrir starfsmenn.
Fram að þeim tíma að Lands-
virkjun var stofnuð 1965 sá fyr-
irtækið Sogsvirkjun um rekstur
stöðvanna, sem var sameignarfyr-
irtæki ríkisins og Reykjavík-
urborgar. Friðrik Sophusson, for-
stjóri Landsvirkjunar, og fleiri
yfirmenn fyrirtækisins fögnuðu
starfsmönnum við Írafoss og Laxá
í fortíð og nútíð en þess má geta
að Friðrik varð sextugur 18. októ-
ber og haft hefur verið eftir hon-
um að hann hafi fengið þessar
virkjanir í tíu ára afmælisgjöf!
Fimmtugum virkjunum fagnað
Morgunblaðið/Kári Jónsson
Nokkrir núverandi og fyrrverandi starfsmenn Írafossstöðvar ásamt mökum og stjórnendum Landsvirkjunar.
Gamlir starfsmenn
fögnuðu áfanganum
Hellissandi | Kvennakórinn Vox
Feminae hélt tónleika í safn-
aðarheimili Ingjaldshólskirkju í
boði sóknarnefndar kirkjunnar
fyrir nokkru. Kórinn bauð upp á
fjölbreytta söngskrá. Kirkjulega
tónlist, íslensk sönglög og lög úr
þekktum söngleikjum og aðra
skemmtilega tónlist. Stjórnandi
er Margrét P. Pálmadóttir.
Kórfélagarnir skoðuðu hina fal-
legu eitt hundrað ára gömlu
kirkju og muni sem margir eru
úr fyrri kirkjum á staðnum, allt
frá sextándu öld.
Hundrað ára
vígsluafmæli
Formaður sóknarnefndar, Þor-
björg Alexandersdóttir, bauð kór-
inn og tónleikagesti velkomna og
tilkynnti að með þessum tón-
leikum væri hafið hátíðatímabil
sem stæði fram í desember í til-
efni af og til að fagna eitt
hundrað ára vígsluafmæli kirkj-
unnar. Sjöunda desember er fyr-
irhugað að vígja nýtt pípuorgel.
Aðalafmælishátíðin verður 5.
október.
Kórnum var mjög vel fagnað
og þakkað fyrir komuna. Tón-
leikarnir voru ágætlega sóttir.
Morgunblaðið/Hrefna Magnúsdóttir
Kórsöngur á Ingjaldshóli
VEGAGERÐIN í Austurlands-
umdæmi hefur tekið á móti tíu
tilboðum í gerð vegar með mal-
arslitlagi í Bakkafirði. Um er að
ræða fjóra kafla á svonefndum
Norðausturvegi, alls sjö kíló-
metra langa, frá Brekknaheiði
að Saurbæjará. Þar af er 3,2
km nýr vegur. Að auki á verk-
takinn að malarbera aðra kafla
Norðausturvegar á um 22 kíló-
metrum. Verklok eru 1. októ-
ber árið 2004.
Áætlun Vegagerðarinnar er
upp á rúmar 83 milljónir króna
og bárust fjögur tilboð undir
henni, hið lægsta upp á 68,5
milljónir frá Hólsvélum í Bol-
ungarvík. Héraðsverk á Egils-
stöðum bauð næstlægst, 74
milljónir, en hæsta boð upp á
114 milljónir kom frá Nóntindi í
Búðardal.
Bjóða í
veg um
Bakka-
fjörð
Hellissandur
- umboðsmaður eða
blaðberi óskast
Umboðsmaður eða blaðberi óskast
sem fyrst. Leitað er að
ábyrgðarfullum einstaklingi til að
sjá um dreifingu og aðra þjónustu
við áskrifendur á svæðinu.
Umsóknareyðublöð fást hjá nú-
verandi umboðsmanni, Láru Hall-
veigu Lárusdóttur, Háarifi 15, Rifi,
og sendist til Bergdísar Eggerts-
dóttir, skrifstofu Morgunblaðsins,
Kringlunni 1, 103 Reykjavík.
Umsóknarfrestur er til
6. nóvember 2003.
Hjá Morgunblaðinu eru rúmlega 350 starfsmenn.
Höfuðstöðvar Morgunblaðsins eru í Kringlunni 1 í
Reykjavík en einnig er starfrækt skrifstofa í Kaup-
vangsstræti 1 á Akureyri. Árvakur hf. er útgefandi
Morgunblaðsins.