Morgunblaðið - 25.10.2003, Blaðsíða 37
UMRÆÐAN
MORGUNBLAÐIÐ LAUGARDAGUR 25. OKTÓBER 2003 37
Cider Vinegar
FRÁ
Viltu verða léttari
H
á
g
æ
ð
a
fra
m
le
ið
sla
Nr. 1
í Ameríku
Um skólastefnu Áslandsskóla
Einn mikilvægasti þáttur í skóla-
starfi er mótun framtíðarsýnar fyrir
skóla sem starfsfólk, nemendur og
forráðamenn skóla-
samfélagsins deila í
sameiningu. Slík
framtíðarsýn er
veigamikill þáttur
eigi stofnun að taka
framförum og ná ár-
angri.
Framtíðarsýn auð-
veldar ýmsa þætti skólastarfsins.
Ákvarðanir um forgangsverkefni og
áhersluatriði í skólanámskrárvinnu
verða í senn auðveldari og mark-
vissari og val á þróunar- og umbóta-
verkefnum ekki handahófskennt.
Skýr framtíðarsýn stuðlar líka að
því að sjálfsmat verður mikilvægur
liður í umbótaferli og nauðsynlegt
verkfæri til að átta sig á hvort skól-
inn hefur þokast í átt að settu marki.
Þá auðveldar slíkt leiðarljós kenn-
urum að takast á við dagleg álitamál
í kennslu.
Framtíðarsýn birtist í skólastefnu
hvers skóla. Vinna við nýja skóla-
stefnu Áslandsskóla hófst á vormán-
uðum síðastliðins skólaárs. Eins og
alkunna er tók Hafnarfjarðarbær
við rekstri skólans í septembermán-
uði árið 2002 en fyrri rekstraraðilar
höfðu lagt einhverja vinnu í stefnu-
mótandi þætti. Skólastefna, framtíð-
arsýn skóla, á hins vegar að mótast
af þeim aðilum sem koma henni í
framkvæmd, starfsmönnum og
stjórnendum ásamt aðilum úr skóla-
samfélaginu. Því var nauðsynlegt að
endurvinna skólastefnu Áslands-
skóla.
Við vinnu skólastefnu Áslands-
skóla var tekið mið af fyrri skóla-
stefnu, fagþekkingu starfsfólks og
framtíðarsýn stjórnenda, starfs-
manna og aðila úr hópi foreldra sem
komu að vinnunni.
Skólastefnan byggist á fjórum
stoðum skólastarfsins, þ.e. vinnu
með allar mannlegar dygðir, al-
heimsskilning, skilningi á samfélag-
inu og þjónustu við það auk þess að
vinna verk sín framúrskarandi vel.
Innra starf nemenda er lykil-
þáttur skólastarfsins. Stefnan er að
Áslandsskóli marki sér sérstöðu
varðandi góðan námsárangur, vönd-
uð vinnubrögð og almenna vellíðan
nemenda. Auk þess að efla alhliða
þroska bókvits, verkvits og siðvits.
Þá er einnig mikilvægt að nem-
endum standi tómstundastarf til
boða að loknum skóladegi.
Eitt mikilvægasta viðfangsefni í
grunnskólum nútímans er að mæta
ólíkum þörfum nemenda. Til þess að
nálgast það markmið er mikilvægt
að faglegur metnaður ríki meðal
starfsmanna og þeir fái tækifæri til
sí- og endurmenntunar. Þannig
verður Áslandsskóli eftirsóknar-
verður vinnustaður þar sem starfs-
fólk finnur fyrir öryggi og vellíðan í
starfi. Þannig þurfa kennarar t.a.m.
að hafa rökstuddar skoðanir á
flestu því sem þeir gera í kennslu,
vera opnir fyrir gagnrýni og til-
búnir að endurskoða störf sín og að-
ferðir til að gera betur.
Samþætt mat á skólastarfi er
nauðsynlegt til að styrkja kennar-
ann sem fagmann og á að leiða af
sér betra skólastarf. Áslandsskóli
mun því setja sér árangursmarkmið
sem birtast í skólanámskrá og verða
mæld með þeim mælikvörðum sem
fyrir hendi eru. Einnig er okkur
mikilvægt að þróa mælikvarða til að
meta nám og önnur mikilvæg atriði
skólastarfs.
Til að allir í skólasamfélaginu
vinni verk sín framúrskarandi vel
verður starfs-, náms- og leik-
umhverfi skólans að vera hlýlegt og
vistlegt. Það er mikilvægt að það sé
vel útbúið og stuðli að vellíðan og
auknum áhuga. Slíkt hjálpar til að
nemendur temji sér náms- og vinnu-
aga.
Heimili og skóli eru samherjar
við að mennta og stuðla að auknum
þroska barna og unglinga. Því er
mikilvægt að samstarf skóla og
heimila sé byggt á trausti og já-
kvæðni og að foreldrar séu virkir
þátttakendur í skólasamfélaginu og
vel upplýstir um starfsemi skólans.
Áslandsskóli er í samstarfi við
Junior Achievement á Íslandi og
tekur þátt í kynningu á atvinnulíf-
inu með markvissum hætti. Þannig
stuðlum við að því að búa nemendur
undir virka þátttöku í samfélags-,
fjölskyldu- og atvinnulífi. Það ger-
um við m.a. með því að reyna að
auka skilning þeirra á þörfum sín-
um og löngunum.
Þá leggjum við ríka áherslu á að
þróa samstarf og samvinnu eldri
borgara og nemenda skólans. Slíka
samvinnu ræktum við með heim-
sóknum og góðri samvinnu í
tengslum við ýmsa atburði.
Umhverfi Áslandsskóla er stór-
brotið. Það komum við til með að
nýta okkur sem kennsluefni þannig
að nemendur fái tækifæri til að
nema í tengslum við raunveruleik-
ann og þekki hvaða möguleika um-
hverfið býður uppá.
Framtíðarsýnin í skólastefnu Ás-
landsskóla er skýr, stefnumiðin sett
ásamt því hvernig stefnt verður á
að hrinda þeim í framkvæmd.
Skólastefna er líkt og skólanámskrá
aldrei endanleg. Endurskoðun og
framþróun þarf að vera stöðug og
ávallt reynt að rýna til gagns. Þann-
ig er mörkuð leið að ákveðnu marki
en um leið nauðsynlegt að hafa í
huga að þegar menn nálgast markið
er tímabært að setja það enn hærra
og halda ferðinni áfram.
Góður námsárangur, vönduð
vinnubrögð og almenn vellíðan
Eftir Leif S. Garðarsson
Höfundur er skólastjóri
Áslandsskóla.