Morgunblaðið - 25.10.2003, Blaðsíða 57
FÓLK Í FRÉTTUM
MORGUNBLAÐIÐ LAUGARDAGUR 25. OKTÓBER 2003 57
Reykjavík Kringlan6 •StóriTurn •Sími5502000 •www.sphverdbref.is
Hafnarfjörður Strandgata •Reykjavíkurvegur Garðabær Garðatorg
Ávöxtun...
S
P
H
R
ek
st
ra
rf
él
ag
h
f.
an
n
as
t
re
k
st
u
r
S
P
H
V
er
ðb
ré
fa
sj
óð
si
n
s.
*Nafnávöxtunm.v. 01.10.2003
Skuldabréfasjóðurinn
Úrvalssjóðurinn
Alþjóðasjóðurinn
Fjármálasjóðurinn
Hátæknisjóðurinn
Lyf-oglíftæknisjóðurinn
14,0%
38,2%
-3,1%
19,2%
55,5%
24,7%
...fyrirþigogþína
12mán.ávöxtun*
Í RÚMT ár hefur leikhópur ráðið
ríkjum í norðursal skemmtistaðarins
Broadway á Hótel Íslandi. Þar hafa
meðlimir hans unað glaðir við sína
sérstöku aðferð við að skemmta mat-
argestum. Fyrsta skipti sem eitthvað
svipað var reynt hér á landi var í sýn-
ingunni Þjónn í súpunni fyrir rúmum
fimm árum í Iðnó, þar sem valin-
kunnir leikarar áreittu viljuga áhorf-
endur við góðar undirtektir. Hópur-
inn í norðursalnum leggur þó meiri
áherslu á söng og hljóðfæraslátt en
beinlínis það að veitast að gestum
enda hefði sýningin vart gengið eins
lengi og raun ber vitni á sjálfspynt-
ingarhvöt skemmtanafíkinna landa
einni saman.
Meðan á árslangri vist í salnum
hefur staðið hefur meðlimum hópsins
gefist tækifæri til að laga sig betur að
aðstæðum og eru nú orðnir sérfræð-
ingar í að dansa með miklum tilþrif-
um í aflöngu rými, að velja fórnar-
lömb sem eru líkleg til að taka
örlögum sínum af sem mestri gleði
og að þjóna til borðs á við þá sem út-
lærðir eru í faginu. Síðastnefnda
þjálfunin gæti komið sér vel ef eitt-
hvert þeirra legði land undir fót til að
koma sér á framfæri erlendis, t.d. í
New York þar sem flestir lærðir leik-
arar eru sagðir framfleyta sér með
því að vinna sem þjónar. Þar fyrir-
finnast líka staðir þar sem þjónunum
er gefinn kostur á að taka lagið ef
tækifæri gefst við mikinn fögnuð
gestanna og sem reynist drjúg tekju-
lind. Því hefur heyrst fleygt að með-
limir Le Sing hafi ekki farið varhluta
af gjafmildi einstaka gesta svo þessi
möguleiki reynist ekki úr lausu lofti
gripinn.
Titill skemmtunarinnar er sá sami
og fyrir ári en mörg atriði hafa tekið
breytingum á þessum tíma, stærstur
hluti gömlu laganna hefur verið tek-
inn út af dagskránni en nýjum lögum
bætt við auk þess sem önnur atriði
hafa ýmist tekið stakkaskiptum eða
verið skipt út fyrir önnur ný og fersk.
Mörg laganna eru tekin úr þekktum
söngleikjum og þar gefst flytjendun-
um tækifæri til að sanna færni sína í
túlkun en í seinni hluta dagskrárinn-
ar eru dægurlög fyrri ára í fyrirrúmi,
flutt í fjörugum syrpum þar sem lögð
er áhersla á skemmtilegar útsetning-
ar og samspil aðal- og bakradda.
Öryggi flytjendanna hefur að sjálf-
sögðu aukist með hverri sýningu, sá
eini þeirra sem er kannski ekki alltaf
með á nótunum er Hinrik Ólafsson
sem nýverið tók við af Erlendi Ei-
ríkssyni sem leikur um þessar mund-
ir í Rómeó og Júlíu í Lundúnaborg.
Það er ekki að efa að Hinriki takist
fljótt að fylla í skarð Erlends, hann
fór vel með þau lög sem honum var
falið að syngja t.d. „Maria“ úr West
Side Story.
Það er athyglisvert að fylgjast með
hóp sem hefur unnið saman svo lengi
og bera saman hvernig meðlimum
hans hefur farnast og hvern hlut
hver þeirra á í sýningunni nú. Það er
áberandi að hlutur Þórunnar Clau-
sen og Bjarna Baldvinssonar hefur
stækkað og eðli hans breyst. Bjarni
leggur nú mun minni áherslu á töfra-
brögðin en fyrir ári en syngur í þess
stað fleiri lög og sérhæfir sig í að
draga efni þeirra sundur og saman í
háði. Töframaðurinn hefur umbreytt
sjálfum sér í grínara með þónokkra
sönghæfileika eins og sannast í „If I
Were a Rich Man“ úr Fiðlaranum á
þakinu. Alhliða skemmtikraftur virð-
ist vera í uppsiglingu, enda verður
Bjarni sífellt meira áberandi á öðrum
vettvangi en Breiðvangi einum. Þór-
unn hefur nýtt sér þau tækifæri sem
henni hafa gefist í ár til að þroska
hæfileika sína í leik, söng og tungu-
málum. Henni virðist ekkert ómögu-
legt sem hún ákveður að taka sér fyr-
ir hendur enda býr hún yfir fádæma
krafti sem hún nýtir til fulls meðan á
sýningu stendur.
Soffía Karlsdóttir á hreint stór-
kostlega spretti sem sú söngkona í
hópnum sem sérhæfir sig í hæstu
tónunum. Soffía er lærð í klassískum
söng en henni hefur lærst á þessu
rúma ári að beita röddinni á fleiri
vegu auk þess sem hún hefur tekið
stórstígum framförum í leikrænni
túlkun. Sigurjón Brink býr nú að
auknu öryggi í framkomu auk þess
sem röddin hefur skólast mikið til
síðan síðast, gott dæmi er rokksyrp-
an í lokin. Brynja Valdís leggur
meira upp úr leikrænni túlkun en áð-
ur, eins og t.d. í „Send in the Clowns“
úr söngleiknum A Little Night Mus-
ic, auk þess sem hún og Þórunn stóðu
sig best í dansinum.
Pálmi Sigurhjartarson fékk líka
tækifæri til að sýna hæfileika sína
sem hljóðfæraleikari er hann útsetti
lag sem gestir stungu upp á í ýmsum
stíltegundum. Hann einn sá um allan
undirleik og töfraði fram þá tóna sem
vantaði upp á. Í allt voru flutt hátt á
sjöunda tug laga eða brot úr þeim og
áhorfendur máttu hafa sig alla við að
missa ekki af neinu á milli þess sem
þeir nutu góðra veitinga.
Partístemmningin sem setti svo
sterkan svip á sýninguna fyrir ári er
enn fyrir hendi en sú breyting hefur
orðið á að flutningur hinnar fjöl-
breyttu tónlistar einkennist nú af
meira öryggi og aukinni tækni. Mat-
argestir vita svo ekki frekar en fyrri
daginn hverju hinir syngjandi þjónar
taka næst upp á.
Syngjandi
þjónar
SKEMMTANIR
Broadway
Leikstjóri: Ingrid Jónsdóttir. Tónlistar-
stjórn: Pálmi Sigurhjartarson, Sigurjón
Brink og Úlfar Jacobsen. Hljóð: Úlfar
Jacobsen. Ljós: Gísli Berg. Hljóðfæraleik-
ari: Pálmi Sigurhjartarson. Flytjendur:
Bjarni Baldvinsson, Brynja Valdís Gísla-
dóttir, Hinrik Ólafsson, Sigurjón Brink,
Soffía Karlsdóttir og Þórunn Clausen.
Laugardagur 11. október.
LE SING
Morgunblaðið/Sverrir
Þjónað með léttum leik og af meira öryggi en áður: Bjarni Baldvinsson,
Brynja Valdís Gísladóttir og Soffía Karlsdóttir í hlutverkum sínum.
Sveinn Haraldsson
ÁGÚST Guðmundsson mun leik-
stýra áramótaskaupi Sjónvarpsins
þetta árið.
Í samtali við Morgunblaðið segir
hann mikla pressu vera á sér þar
sem hann muni taka við af Óskari
Jónassyni. Óskari hafi tekist mjög
vel til og þá sérstaklega í fyrra.
Þó er þetta í fjórða skiptið sem
Ágúst leikstýrir skaupinu og er
hann því enginn nýgræðingur í
þeim málum.
Hann segir ekki mikinn mun á
kvikmyndagerð og framleiðslu ára-
mótaskaups.
„Þetta er venjulegt leikið efni,
með mjög stuttum þáttum.“
Handritið sé tilbúið og tökur
muni hefjast í byrjun nóvember.
Honum lítist bara vel á verkefnið
og voni bara það besta. Hann vill
ekkert segja til um á hverju við eig-
um von en telur árið í ár mjög gott
„skaupár“, þar sem sérstaklega
margt hlægilegt hafi gerst. Hann
gefur þó ekkert upp.
„Opnið þið bara Moggann og þá
sjáið þið hvað ég er að tala um,“
sagði Ágúst.
Gerð áramótaskaupsins í fullum gangi
Morgunblaðið/Sverrir Vilhelmsson
Hvernig verður skaupið? Það er spurningin sem ekki fæst svar við strax.
Ágúst tekur
við af Óskari
Morgunblaðið/Jim Smart
Ágúst Guðmundsson hlaut Edduna
árið 2001 fyrir Mávahlátur.