Morgunblaðið - 25.10.2003, Blaðsíða 8

m 8
Þeir sem vantar spennandi
matreiðslubækur í safnið
ættu að skoða úrvalið á vef
bóksölunnar Jessica’s Biscuit
á slóðinni www.ecookbooks-
.com. Bóksalan sérhæfir sig í
matreiðslubókum, nýjum
jafnt sem gömlum og lag-
erinn telur um 9.000 titla.
Það er nú þó nokkuð fyrir
matgæðinga að grúska í. Hér
eru dæmi um nokkra titla úr
eftirréttageiranum:

Donna Hay: Modern Class-
ics 2. Hin ástralska Donna
Hay byrjaði
að prófa sig
áfram í mat-
argerðinni
þegar hún
náði varla
upp á eldhús-
bekkinn. Hún
hefur unnið til margra al-
þjóðlegra verðlauna, skrifað
í ýmis dagblöð og gefur út
sitt eigið tímarit. Mat-
reiðslubækur hefur hún einn-
ig skrifað nokkrar og í Mod-
ern Classics 2 er áherslan
lögð á sígilda en jafnframt
einfalda ábætisrétti sem allir
heimiliskokkar ættu að ráða
við.

Marcel De-
saulniers:
Celebrate
with Choco-
late. Einn
fremsti köku-
gerðarmeist-
ari Bandaríkjanna, Marcel
Desaulniers fyllir hér bók af
kökum og bökum og allskyns
desertum sem setja súkku-
laði í hásæti.

Regan
Daley: In
the Sweet
Kitchen.
Hin kan-
adíska Reg-
an Daley er
þekkt fyrir
færni sína í desertlistinni
og fræðir lesendur hér um
leyndardómana á bak við
hina fullkomnu eftirrétti,
með fjölda uppskrifta og
skýrum leiðbeiningum á
hvorki meira né minna en
704 síðum.
kokkabækur í póstinum
Íslendingar eru ekki vanir að borða fíkjur og
þekkja þær helst þurrkaðar. Uppskerutími
fíkna er síðsumars og fram á haustið og nú
er besti möguleikinn á að finna þær ferskar
hér í búðum. Það eru til þrjár meginteg-
undir af fíkjum, sú hvíta, sú fjólubláa og
rauðar fíkjur, þær vaxa víða á Miðjarðarhafs-
svæðinu og hefur Alsír lengi verið helsti út-
flytjandi þurrkaðra fíkna.
Eins og með sveskjur þá er betra að
leggja þurrkaðar fíkjur í bleyti í sólarhring
áður en þær eru borðaðar. Ferskar og
þurrkaðar fíkjur eru yfirleitt borðaðar eins
og þær koma fyrir, t.d. sem forréttur með
Parmaskinku, á sama hátt og melóna, en
einnig er hægt að matreiða þær á ýmsa
vegu. Allar uppskriftir sem innihalda aprí-
kósur má aðlaga að fíkjum. Fíkjur má finna í
ýmsum „kompottum“ (soðnar niður), eld-
aðar í víni, með hrísgrjónabúðingi, með
vanilluís og henta líka sérlega vel með svína-
kjöti eða kanínukjöti á svipaðan hátt og
sveskjur.
Fíkjur hafa lengi staðið sem tákn fyrir alls-
nægtir enda sætasti ávöxturinn sem til er.
Þær innihalda líka töluvert af A, B og C vít-
amínum og örva meltinguna. Rómverjar til
forna trúðu því að Rómúlus og Remus hefðu
fæðst undir fíkjutré og í ýmsum menningar-
heimum má finna trú á helgi fíkjutrjáa og
það var undir ákveðinni tegund af fíkjutrjám
(Ficus benghalensis) sem Búddha vildi helst
sitja þegar hann kenndi lærisveinum sínum,
því það táknaði „heimstréð“ sem tengdi
jörð við himin.
SOÐNAR FÍKJUR MEÐ GRÁÐOSTI
150 g fíkjur ferskar eða þurrkaðar
2 dl vatn
2 dl rauðvín
2 kanelstöng
4 negulnaglar
1 lárviðarlauf
3 perur
fíkjutími
Fíkjurnar skornar í fernt og soðnar í 10 mín
með kryddinu. Perurnar skornar í bita og
soðnar með í 5 mín til viðbótar. Bornar fram
með gráðosti eða öðrum góðum osti.
HEITT BRAUÐ MEÐ OSTI
OG FÍKJUM
Brauðsneið steikt í smjöri. Sneið af osti, t.d.
gráðosti, camenbert eða öðrum feitum osti
lögð á sneiðina, síðan ein fíkja skorin í fernt.
Einni teskeið af hunangi hellt yfir. Bakað í
ofni í 5-10 mín við 200°C. Borið fram með
Parmaskinku og salati.
GRILLAÐAR FÍKJUR MEÐ
BALSAMIKEDIKI
Fíkjur skornar í fernt, þó ekki alveg í gegn
þannig að þær haldist saman að neðan.
Lagðar á fat og balsamikediki og ólífuolíu
hellt yfir. Grillað í 3-4 mín. Parmesanostur,
sneiddur með ostaskera, settur yfir og fíkj-
urnar bornar fram með Parmaskinku.
Texti: Steinunn Haraldsdóttir
Uppskriftir: Kolbrún Finnsdóttir
Leirmunina á myndunum gerði Kristín
Garðarsdóttir leirlistarkona (Gallerí Subba,
Auðbrekku, Kópavogi. Hún selur einnig
muni sína í Meistara Jakob á Skólavörðu-
stíg og í Kirsuberjatrénu við Vesturgötu.).
Ljósmyndir: Áslaug Snorradóttir
Soðnar fíkjur með gráðosti.
Heitt brauð með prosciutto.
Grillaðar fíkjur með balsamediki
Gráfíkjur eru góðar bornar fram með vanilluís.