Morgunblaðið - 27.10.2003, Blaðsíða 10

FRÉTTIR
10 MÁNUDAGUR 27. OKTÓBER 2003 MORGUNBLAÐIÐ
MINNSTAÐUR | VESTURLAND
Akranesi | Undanfarin misseri hafa
margar nýbyggingar risið á Akra-
nesi og sér ekki fyrir endann í þeim
efnum. Flatahverfið við Steinstaði er
nýjasta byggingarsvæðið á Akranesi
en ekki eru mörg ár síðan Akurnes-
ingar töldu að Steinstaðir væru
„langt út í sveit“.
Undanfarna daga hafa starfsmenn
Skóflunnar rifið niður útihús við
Steinstaði enda „barn síns tíma“ og
munu nýbyggingar rísa á þessu
svæði á næstunni, en nú þegar eru
margir íbúar fluttir í nýbyggingar í
Flatahverfinu.
Það hefur verið vinsælt í gegnum
árin hjá yngri bæjarbúum að gefa
hestunum við Steinstaði brauð og
annað góðgæti, auk þess sem lömbin
við Steinstaði hafa skreytt bæjarlífið
á vorin. En nú hafa hestarnir og
ærnar verið flutt um set og þurfa
bæjarbúar að leita út fyrir bæjar-
mörkin ætli þeir sér að njóta hinnar
sönnu sveitasælu – sem er ekki leng-
ur til staðar í „miðbæ“ Akraness.
Morgunblaðið/Sigurður Elvar
Undanfarin misseri hafa margar nýbyggingar risið á Akranesi og sér ekki
fyrir endann í þeim efnum en útihúsin við Steinstaði voru rifin á dögunum.
Útihúsin við
Steinstaði rifin
SKRÁNING í KappAbel-
stærðfræðikeppnina fyrir nem-
endur í 9. bekk stendur yfir til 1.
nóvember, en gert er ráð fyrir að
allir bekkir, sem skrái sig, taki
þátt í 1. og 2. lotu. Þemað að þessu
sinni er stærðfræði og tónlist, en í
fyrra var þemað stærðfræði og
tækni og skráðu sig þá nær 50
bekkir eða um 1.000 nemendur.
KappAbel-stærðfræðikeppninni
er ætlað að vekja og auka áhuga
allra unglinga á stærðfræði og
leyfa þeim að fást við hvetjandi
verkefni. Nemendur fá að sjá að
stærðfræði er meira en rétt svör.
Hún gefur kost á að uppgötva,
beita hugkvæmni, undrast og vinna
saman. Athygli er sérstaklega
beint að stærðfræðikennslunni og
að liðsinna kennurum við að skapa
góðar umræður um stærð-
fræðiverkefnin og taka eftir því
hve víða stærðfræði skiptir máli.
Þar gegnir svokallað bekkjarverk-
efni mikilvægu hlutverki. Það er
þemaverkefni um tengsl stærð-
fræði við mismunandi svið.
Keppnin skiptist í nokkrar lotur.
Í október skrá bekkir sig til leiks.
Í nóvember er 1. lota. Bekkurinn
glímir saman við verkefnin í hóp-
um og bæði reynir á hugkvæmni
og rökstuðning því að bekkurinn
þarf að komast að samkomulagi
um lausnir. Í janúar er 2. lota sem
er af sama toga. Eftir þessar lotur
er ljóst hvaða bekkir geta tekið
þátt í undan-úrslitum, þar sem
tveir piltar og tvær stúlkur keppa
fyrir hönd bekkjarins. Til þess
þurfa bekkirnir þó að skila bekkj-
arverkefni í mars. Margir bekkir
hefja vinnuna við bekkjarverkefnið
talsvert fyrir jól og þeir bekkir
sem ekki ná í undanúrslit geta
engu að síður tekið þátt í keppni
um sérstök verðlaun fyrir bekkjar-
verkefnið. Undanúrslit fara fram í
apríl og sýning á bekkjarverk-
efnum. Lokakeppni er síðan í kjöl-
farið og er haldin í bíósal þar sem
gestir fá einnig að spreyta sig á
verkefnunum.
Keppni milli bekkja
Anna Kristjánsdóttir, for-
stöðumaður KappApel á Íslandi,
segir að það einkenni KappAbel að
ekki sé um keppni milli ein-
staklinga að ræða heldur bekkja.
Þess vegna fái rökstuðningur og
samvinna meira vægi en í venju-
legri keppni en æfing í því skipti
verulegu máli fyrir þá sem nota
stærðfræði af ýmsum toga. Nem-
endur fari ekki burt úr skólanum
til að taka þátt í keppninni heldur
geri það inni í kennslustundum hjá
stærðfræðikennaranum sínum og
þannig hafa verkefnin áhrif á
kennsluna á víðtækari hátt. Gegn-
um vinnu við bekkjarverkefnið o.fl.
sé stærðfræðin sýnilegri
í skólunum. Formið á
keppninni sé einfalt því
að vefur geymi verkefni,
skráningu og skil bekkj-
anna.
KappAbel-keppnin
hefur verið með ofan-
greindu sniði í Noregi í fjögur ár
og notið mikilla vinsælda innan
skólanna, að sögn Önnu. Fyrir
tveimur árum tóku Íslendingar í
fyrsta sinn þátt í KappAbel. Rúm-
lega tuttugu bekkir luku 1. og 2.
lotu. Þar sigraði 9. bekkur F í
Digranesskóla og sendi fulltrúa
sína til undanúrslita í Noregi. Þótt
öllum Norðurlöndunum hefði verið
boðið að taka þannig þátt var ís-
lenska liðið hið eina sem náði svo
langt, en liðið náði 2. sæti í undan-
úrslitum. Íslendingarnir voru gest-
ir og tóku því ekki þátt í loka-
keppninni en fengu myndarleg
verðlaun og mjög góðan dóm um
bekkjarverkefnið sem var til sýnis
í Bókasafni Kópavogs eftir að heim
kom.
Skólaárið 2002–2003 luku 38
bekkir 1. og 2. lotu og 20 bekkir
tóku þátt í undanúrslitum og loka-
keppni í Reykjavík í apríl. 11 bekk-
ir luku bekkjarverkefninu en bekk-
ir, sem ekki náðu tilskildum stigum
til að taka þátt í undanúrslitum,
voru einnig hvattir til að taka þátt
í bekkjarverkefninu.
Hátíðin fór fram 3. og 4. apríl og
hófst með opnun sýningar á bekkj-
arverkefnunum á Reykjavíkurtorgi
Borgarbókasafns Reykjavíkur.
Bekkjarverkefnin fjölluðu um ým-
iss konar tengsl stærðfræði og
tækni og voru mjög fjölbreytt. Auk
sýningarmuna skilaði hver bekkur
bæði faglegri skýrslu um verkefnið
og framvinduskýrslu.
Síðar sama dag kynntu
nemendur verkefni sín
hver fyrir öðrum og fyr-
ir dómurum, en verk-
efnin voru nýting á
jarðhitavatni, turnarnir
í Malasíu, sími, sam-
band hraðaaukningar og halla,
göngubrú yfir Eyvindará, far-
artæki, gosið á Heimaey, pýramíd-
ar, nýr skóli og viðbygging, stað-
setningartæki og þróun þeirra,
breyttir jeppar, ræstitækni og
reiðhjól og Keopspýramídinn.
Lokaúrslitin fóru fram í Há-
skólabíói. Þar kepptu fulltrúar
bekkjanna frá Hlíðaskóla í Reykja-
vík, Oddeyrarskóla á Akureyri og
Varmárskóla í Mosfellsbæ. Full-
trúarnir frá Hlíðaskóla fóru með
sigur af hólmi, en svo jöfn var
keppnin milli þeirra og Varmár-
skóla að nýta varð bæði aukaverk-
efnin sem gerð höfðu verið til ör-
yggis. Auk sigurverðlauna hlutu
fulltrúar bekkjarins ferð á Norð-
urlandakeppnina í Arendal í Nor-
egi. Varmárskóli og Oddeyrarskóli
hlutu einnig góðar viðurkenningar
og Oddeyrarskóli jafnframt við-
urkenningu fyrir besta bekkjar-
verkefnið. Barnaskóli Vest-
mannaeyja hlaut viðurkenningu
fyrir bekkjarverkefni sitt innan
þess hóps sem ekki tók þátt í und-
anúrslitum.
Fyrsta Norðurlandakeppnin
Fyrsta Norðurlandakeppni
KappAbel var haldin í Arendal í
Noregi dagana 18.–19. september
2003. Þar mættust fjögur lið; frá
Danmörku, Íslandi, Noregi og Sví-
þjóð, en Finnland var ekki með í
þetta fyrsta skipti. Íslensku full-
trúarnir höfnuðu þar í þriðja sæti á
eftir Svíum og Dönum en ofar
Norðmönnum. Auk þess að sigra í
keppninni fékk sænska liðið einnig
viðurkenningu fyrir bekkjarverk-
efnið sitt.
Anna segir að keppnin hafi vakið
sívaxandi athygli á Norðurlöndum
og reyndar víðar í Evrópu. Sum-
arið 2004 verður Norðurlanda-
keppnin haldin á Heimsþingi um
stærðfræðimenntun, en það halda
Norðurlöndin í sameiningu í Kaup-
mannahöfn dagana 4.–11. júlí. Bú-
ist er við mikilli þátttöku á heims-
þingið og það mun vekja verulega
athygli. Með því að láta lokaúrslit
KappAbel vera þar vilja Norð-
urlöndin sýna gott dæmi um
áherslur í stærðfræðikennslu og
hvernig hægt er að hvetja alla
unglinga og leyfa þeim að sýna
hvað í þeim býr.
Upplýsingar um keppnina og
verkefni er að finna á vefnum
http://staerdfraedin-hrifur.khi.is.
Stærðfræði og tónlist
þema KappAbel-
stærðfræðikeppninnar
Stærðfræðiverkefnin eru verkleg og reyna á samvinnu nemenda.
Ljósmynd/Anna Kristjánsdóttir
Eitt verkefnanna um stærðfræði og tækni fjallaði um nýtingu jarðvarma.
Bekkjaverk-
efni gegna
mikilvægu
hlutverki
Borgarnesi | Þemadagar um holl-
ustu og heilbrigða lífshætti hófust á
yngsta stigi í Grunnskólanum með
því að Solla stirða úr Latabæ kom í
heimsókn. Hún ávarpaði nemendur
í 1.–4. bekk, söng og gerði nokkrar
léttar æfingar með þeim. Innlegg
Sollu var síðan notað sem kveikja
að verkefnum og voru búnar til
klippimyndir af Sollu og skráðar
niður málsgreinar sem hafðar voru
eftir henni. Útibú Búnaðarbankans
í Borgarnesi styrkti heimsókn Sollu
í skólann.
Morgunblaðið/Guðrún Vala
Léttar æfingar
með Sollu stirðu
Búðardal | Vetrarstarf er komið af stað hjá eldri borgurum í Dalabyggð.
Tvisvar í viku er boðið upp á bæði föndur og leikfimi á Dvalarheimilinu
Silfurtúni í Búðardal.
Morgunblaðið/Helga H. Ágústsd.
Félagsstarf eldri borgara