Morgunblaðið - 27.10.2003, Blaðsíða 24

HESTAR
24 MÁNUDAGUR 27. OKTÓBER 2003 MORGUNBLAÐIÐ
SKEIÐIÐ er annar tveggja horn-
steina í frægð og frama íslenska
hestsins og lengst af hefur verið mikil
gróska í kappreiðaskeiði hér á landi.
Hvað árangri í sumar viðkemur verð-
ur ekki annað sagt en vel hafi til tek-
ist. Nú þegar hefur verið staðfest Ís-
landsmet Sigurbjörns Bárðarsonar
og Óðins frá Búðardal sem sett var á
Íslandsmótinu á Selfossi á miðju
sumri. Þykir tíminn 20,54 sek. hreint
ótrúlegur og nú er beðið með mikilli
eftirvæntingu hvort metið verður
staðfest sem heimsmet hjá FEIF (al-
þjóðasamband eigenda íslenska
hestsins).
Bjartsýnn á heimsmetið
Sjálfur kveðst Sigurbjörn mjög
bjartsýnn á að svo muni fara. „Fróðir
menn hafa sagt mér að það ætti ekk-
ert að vera því til fyrirstöðu að metið
verði staðfest. Að mörgu leyti eru
strangari kröfur hér á landi varðandi
staðfestingu á Íslandsmeti en reglur
FEIF gera varðandi heimsmet,“
sagði Sigurbjörn og nefndi sem dæmi
að ekki væri gerð krafa um vindmæli
á staðnum þar sem afrekið væri unn-
ið.
Búið er að senda út umsókn um
staðfestingu á heimsmeti til sport-
nefndar FEIF. Erindið fer þaðan til
stjórnar FEIF en síðan mun sport-
nefndin eiga lokaorðið, að því er Sig-
urbjörn upplýsti.
Keppnistímabilið skilaði góðum
tímum í kappreiðaskeiði og ekki um
að villast að skeiðíþróttinni er vel við
haldið hvað varðar tækni og árangur.
Áhugi meðal kepppenda er allnokkur
en hið sama verður kannski ekki sagt
um hlut áhorfenda. Miðað við þau ár
sem beinar útsendingar voru í sjón-
varpi má segja að lægð sé yfir þessum
þætti hestamennskunnar. Þátttaka
var mun betri á þessum árum en auk
þess var keppni í stökki mjög á upp-
leið og farin að myndast talsverð
spenna í kringum það.
Skortir á góða framkvæmd
Sigurbjörn telur það að fara með
kappreiðarnar frá ríkisjónvarpinu yf-
ir á Sýn á sínum tíma hafi verið rot-
höggið á þessa góðu uppsveiflu sem
myndaðist. Þá finnst Sigurbirni ekki
nógu vel staðið að framkvæmd kapp-
reiða og nefndi hann sem dæmi að
rásbásar væru oft og iðulega ekki í
nógu góðu standi. Þá gengi fram-
kvæmd kappreiða yfirleitt ekki nógu
hratt fyrir sig og knapar kæmust upp
með allskyns sérþarfir sem oft og tíð-
um valdi töfum. Hann nefndi einnig
skeiðkappreiðar heimsmeistaramóts-
ins í Danmörku í sumar og meira að
segja þar hefði framkvæmd kappreið-
anna farið gersamlega úr böndunum
sem varð aftur til þess að áhorfendur
misstu eðlilega þolinmæðina og öll
stemmning var þar með á bak og
burt. „Þegar sýnt var beint frá kapp-
reiðunum í sjónvarpi lögðust allir á
eitt um að láta hlutina ganga hratt og
vel fyrir sig og enginn komst upp með
neitt múður. Þetta sýndi vel að hægt
er að keyra kappreiðarnar áfram
þannig að aldrei myndist dauður
punktur,“ sagði Sigurbjörn ennfrem-
ur.
Sá kunni skeiðknapi og methafi í
150 metra skeiði Logi Laxdal tekur
undir margt af því sem Sigurbjörn
segir og bætir ennfremur við að sér
finnist framkvæmd kappreiða ansi oft
losaraleg og sé orðið tímabært að
skipuleggja hlutina betur en ekki
vera að leita að og smala starfsfólki
ofan úr áhorfendabrekku rétt áður en
þær hefjast.
Skeiðíþróttin er án efa vandasam-
asti þáttur reiðmennskunnar á ís-
lenskum hestum og því ánægjulegt að
sjá í honum góðan vaxtarbrodd. Til-
koma flugskeiðsins er afar kærkomin
viðbót við hinar greinarnar gæðinga-
skeið, 150 og 250 metra skeið enda er
yfirleitt afar góð þátttaka í þessari
grein. Framkvæmd flugskeiðsins er
afar einföld og létt og gengur venju-
lega vel fyrir sig. Þetta er því allt í
senn áhorfendavæn grein og hestvæn
og sömuleiðis afar góð grein fyrir
upprennandi skeiðknapa á öllum aldri
til að hefja þátttöku í skeiðkeppni.
Íslendingar hafa misst forystuna
Þrátt fyrir góðan árangur hér
heima á Íslandi er ljóst að Íslendingar
hafa misst forystuna í skeiðgreinun-
um yfir til Svía en þar í landi hefur
verið mikil gróska á þessum vett-
vangi. Þeir hirtu sem kunnugt er öll
gullin í skeiðinu á HM og vörðu tit-
ilinn í 250 metrunum. Að vísu unnu
þeir sigur í Austurríki á ógildum
spretti en það gildir sem dómarar
kveða. Á heimsmeistaramótinu í sum-
ar undirstrikuðu þeir yfirburði sína
svo ekki verður um villst og ljóst að
við Íslendingar verðum að fara að
hugsa okkar gang ætlum við að vera
áfram í toppbaráttunni. Heimsmet
Sigurbjörns og Óðins vegur þarna
nokkuð upp særindin frá Herning en
það má ölum ljóst vera að full þörf er
á að hefja kappreiðar á Íslandi til vegs
og virðingar á nýjan leik. Á dögum
sjónvarpsútsendinganna hér fyrir
nokkrum árum kom skýrt og greini-
lega i ljós að þetta er hægt þótt erfitt
sé. Ekki er lengur boðið upp á hesta-
mót þar sem aðeins kappreiðar eru á
dagskránni.
Íslandsmet í höfn – heims-
met handan við hornið
Svíar hafa ótvíræða forystu í skeiðinu um þessar mundir, staða sem Íslendingar hafa vermt oftast. Hér eru Magn-
us Lindquist á Þór frá Kalvsvik og Magnús Skúlason á Mjölni frá Dalbæ í harðri baráttu á HM.
Þrátt fyrir Íslandsmet
og góða tíma í skeið-
kappreiðum ársins virð-
ast þeir sem til þekkja
nokkuð sammála um að
nokkur deyfð sé yfir
þessum þætti hesta-
mennskunnar. Valdi-
mar Kristinsson ræddi
við nokkra af fremstu
skeiðköppum landsins
sem virðast allir sam-
mála um að aðgerða sé
þörf til að hleypa nýju
lífi í kappreiðarnar.
Morgunblaðið/Vakri
Sigurbjörn Bárðarson hefur náð frábærum árangri á Óðni frá Búðardal í
skeiðinu í ár þrátt fyrir að hesturinn sé afar erfiður vegna kýrstökks.
TREGLEGA hefur gengið að fá
íslenska hestamenn til taka upp
alþjóðlegar keppnisreglurnar
FIPO í keppni á Íslandi í svoköll-
uðum hestaíþróttum. Tillögur þar
að lútandi hafa til þessa ávallt ver-
ið felldar á þingum Lands-
sambands hestamannafélaga en
síðast var þó samþykkt tillaga um
að FIPO-reglurnar skuli þýddar á
íslensku sem hefur nú verið gert.
Sem kunnugt er verður ekkert
ársþing LH haldið í ár þar sem
samþykkt hefur verið að halda
þingin aðeins annað hvert ár og
veður því haldinn formanna-
fundur um miðjan nóvember.
Ekki er hægt að gera neinar
breytingar á hvorki lögum né fjöl-
breytilegum reglum samtakanna
heldur er hér aðeins um umræðu-
fund að ræða þar sem fund-
armenn geta skipst á skoðunum
um hin ýmsu málefni samtakanna
og samþykkt viljayfirlýsingar.
Meðal þess sem verður tekið fyrir
á þessum fyrsta formannafundi er
einmitt upptaka FIPO-reglnanna
hér á Íslandi.
Formaður samtakanna Jón Al-
bert Sigurbjörnsson segir það
orðið brýnt að farið verði að
keppa eftir sömu reglum í öllum
aðildarlöndum FEIF (Alþjóða-
samband eigenda íslenskra hesta)
og því áríðandi að kynna þessar
reglur á formannafundinum. Það
sé í raun ótækt að ekki skuli keppt
eftir samhljóða reglum í öllum að-
ildarlöndum FEIF og benti á að
slíkt þekktist vart í öðrum íþrótta-
greinum. Hann benti einnig á að
verði ekki samþykkt að taka upp
FIPO-inn á landsþing LH á næsta
ári verði ekki hægt að gera það
fyrr en fyrsta lagi 2006. Á fund-
inum munu flytja erindi þeir Sig-
urður Sæmundsson lands-
liðseinvaldur, Sigurður Ævarsson
gæðingadómari og stjórnarmaður
í LH, og Einar Ragnarsson yf-
irdómari á síðasta heimsmeist-
aramóti í sumar.
Það er einkum tvennt sem hef-
ur staðið í vegi fyrir því að Íslend-
ingar hafi verið tilbúnir að taka
upp reglurnar. Annars vegar sé
það fótabúnaðarkaflinn en leyfð
hámarksþyngd á hófhlífum sam-
kvæmt FIPO er 300 grömm í stað
250 gramma samkvæmt íslensku
reglunum. Þá hefur hægt tölt í
töltkeppni einfalt vægi samkvæmt
FIPO en tvöfalt vægi samkvæmt
íslensku reglunum. Hvað töltinu
viðkemur hafa komið fram hug-
myndir um sátt á þann veg að
hægt tölt og hraðabreytingar fái
vægið 1,5 en hraðatöltið verði
með 1,0. Hafa þau rök komið fram
að hraðabreytingar séu vanda-
samasti þáttur töltkeppninnar og
því ekki óeðlilegt að vægi þeirra
sé aukið. Þessi hugmynd hefur
fallið í góðan jarðveg bæði hér á
landi og erlendis og því ekki ólík-
legt að þarna náist góð mála-
miðlun. Hvað fótabúnaðarþætt-
inum viðkemur hafa komið fram
vangaveltur um það hvort Íslend-
ingum verði ekki fært að hafa
áfram hámarksþyngd 250 grömm
því slíkt hefði í sjálfu sér engin
áhrif á notkun reglnanna að öðru
leyti. Verður án efa fróðlegt að
sjá hverjar undirtektir formann-
anna verða við hugsanlegri upp-
töku reglnanna.
Fyrsti formannafundur Landssambands hestamannafélaga haldinn í nóvember
FIPO-regl-
urnar kynnt-
ar og ræddar
Morgunblaðið/Vakri
Á heimsmeistaramótum er keppt eftir FIPO-reglum en auk þess eru
reglurnar notaðar á nokkrum mótum á Íslandi svo íslenskir kepp-
endur eru flestir hverjir vel kunnir reglunum. Hér fer Berglind Ragn-
arsdóttir á Bassa frá Möðruvöllum á HM.
NIÐURSTAÐA endurreiknaðs kynbóta-
mats verður seinna á ferðinni í ár en venja
er til. Ástæður þess eru þær að unnið er
að því að taka fleiri ný aðildarlönd inn í
kynbótamatið og er meðal annars af þeim
sökum unnið að mati á samræmi gagna
erlendis frá og möguleika á að breikka
gagnagrunn matsins með þeim hætti. Um
er að ræða gögn frá Norðurlöndunum.
Einnig er unnið af kappi við rannsóknir
á gögnum og endurbótum á aðferðum
sem miða að því að styrkja kynbótamatið
enn frekar. Sagði Ágúst Sigurðsson
hrossaræktarráðunautur að verið væri að
skilgreina hinn nýja eiginleika vilja og
geðslag sem slíkan. Einnig væri verið að
endurskoða erfðastuðla fyrir aðra nýja
eiginleika eins og fet, hægt tölt og stökk
og tengingu þeirra við aðra eiginleika. Þá
væri einnig verið að skoða hverning
skeiðið væri meðhöndlað í kynbótamat-
inu. Sagði Ágúst að sú skoðun gæti leitt til
þess að hross sem væru skeiðlaus og mik-
ið af skeiðlausum hrossum í þeirra ætt-
garði myndu lækka fyrir skeið í kynbóta-
matinu. En hér væri sem sagt um að ræða
nokkuð venjubundna uppfærslu á kyn-
bótamatinu eins og gert hefur verið í
gegnum árin.
Taldi Ágúst að ef áætlanir gangi eftir
ætti nýtt og endurbætt kynbótamat að
vera tilbúið í desember. Auk Ágústs vinn-
ur Þorvaldur Árnason, hestaerfðafræð-
ingur í Svíþjóð, að verkefninu.
Kynbótamatið
síðbúið vegna
endurskoðunar
og inntöku
nýrra landa