Morgunblaðið - 27.10.2003, Blaðsíða 36
Morgunblaðið/Kristinn
FUNDUR hófst síðdegis í gær í
húsakynnum ríkissáttasemjara
vegna deilu flugvirkja Tækniþjón-
ustunnar á Keflavíkurflugvelli og
viðsemjanda þeirra, Samtaka at-
vinnulífsins, fyrir hönd Flugleiða.
Fundurinn stóð enn yfir er Morg-
unblaðið fór í prentun í nótt.
Leysist deilan ekki fyrir mið-
nætti í kvöld hefst boðað verkfall
og hætt við að röskun verði á milli-
landaflugi Flugleiða. Guðjón Arn-
grímsson, upplýsingafulltrúi Flug-
leiða, sagði við Morgunblaðið á
tólfta tímanum í gærkvöldi að allt
yrði gert til að röskunin yrði sem
minnst. Félagið hefði til þess
ákveðnar leiðir.
Vegna stífra fundahalda náðist
ekki tal af samningamönnum í
gærkvöldi. Fyrr um daginn var
haft eftir Kristjáni Kristinssyni,
formanni samninganefndar flug-
virkja, á fréttavef Morgunblaðsins
að pattstaða væri í deilunni. Sam-
kvæmt heimildum blaðsins var í
gærkvöldi aðallega deilt um eitt til-
tekið launamál. Er komið var fram
að miðnætti var jafnvel búist við að
ríkissáttasemjari, Þórir Einarsson,
legði fram sáttatillögu en það hafði
ekki gerst er blaðið fór í prentun.
Um fjögur þúsund manns eiga
bókað flug á morgun með vélum
Flugleiða, til og frá landinu.
Allt gert til að draga úr
röskun á flugi Flugleiða
Fundað var í flugvirkjadeilunni hjá ríkissáttasemjara fram á nótt
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MÁNUDAGUR 27. OKTÓBER 2003 VERÐ Í LAUSASÖLU 190 KR. MEÐ VSK.
SÁ fáheyrði atburður gerðist í smala-
mennsku í Haukadal í sl. viku að ein kind-
in tók sig út úr fjárhópnum, stökk út í
Haukadalsvatn og synti yfir. Þykir þetta
nokkurt afrek þar sem vatnið er 800 metr-
ar á breidd og allt að 60 m djúpt. Svipaður
atburður mun hafa gerst þarna í kringum
1940 og þótti mikið til koma.
Kindin sundfima var óðara nefnd
Svamla, ekki þótti annað við hæfi.
Morgunblaðið/Helga H. Ágústsdóttir
Kindin sundfima var óðara nefnd Svamla
því það er ekki á hverjum degi sem kindur
þreyta slíkt Grettissund sem hún gerði.
Svamla synti
800 metra
Búðardal. Morgunblaðið.
HLÝTT loft lék um landsmenn í gær. Hlýjast
var á Austfjörðum og fór hitinn upp í 23 stig á
Dalatanga og 22 stig í Neskaupstað. En þetta
er skammgóður vermir því spáð er kólnandi
veðri.
Hlýja loftið kemur suðvestan úr hafi, sam-
kvæmt upplýsingum Veðurstofu Íslands, og
var landið í þessum hlýja geira. Hlýindin héld-
ust allan daginn og um klukkan sex síðdegis
var 18 til 20 stiga hiti víða austan til á landinu.
Í gær spáði Veðurstofan því að það myndi
snarkólna í nótt og að í dag yrði 4 til 10 stiga
hiti á landinu og að kólnandi veður yrði fram
eftir vikunni. Íbúar á Austurlandi nýttu góða
veðrið til útivistar. Andri Kárason, Leifur
Helgi Konráðsson, Björn Hafsteinsson og
Bjarmi Sæmundsson æfðu sig á hjólabrettum á
götum og gangstéttum í Neskaupstað í gær.
Morgunblaðið/Kristín Ágústsdóttir
Skammgóður vermir á Austurlandi
SKIPULAGT hefur verið björgunar-
lið á virkjunarsvæðinu við Kára-
hnjúka, skipað yfir 20 starfsmönnum
Impregilo og undirverktaka. Liðinu er
ætlað að bregðast við útkalli vegna
bruna, slyss, óveðurs, leitar að týndu
fólki eða af öðrum ástæðum. Frá
þessu er greint á vef Kárahnjúkavirkj-
unar.
Í björgunarliðinu eru m.a. íslenskir
slökkviliðs- og sjúkraflutningamenn,
læknismenntaður bráðaliði frá Rúss-
landi, sem er í þjónustu Impregilo, ís-
lenskur hjúkrunarfræðingur og ís-
lenskir og ítalskir starfsmenn í ýmsum
greinum á svæðinu.
Slökkvibíll og sjúkrabíll eru við
Kárahnjúkastíflu og við aðgöng 1 og 2
er sjúkrabíll og verður þar slökkvi-
búnaður til fyrstu aðgerða. Liðsstjóri
við Kárahnjúka er Ásgeir Ásgeirsson,
slökkviliðsmaður frá Akranesi.
Björgunarliðið við Kárahnjúka hef-
ur einu sinni verið kallað út vegna bíl-
slyss á virkjunarsvæðinu. Þá fór
hjúkrunarlið í sjúkrabíl á vettvang og
flutti bílstjórann slasaðan til Egils-
staða. Meiðsli hans reyndust ekki jafn-
alvarleg og leit út fyrir í fyrstu. Neyð-
arlínan kallar út björgunarliðið við
Kárahnjúka eftir ákveðnum reglum.
Björgunar-
sveit við
Kárahnjúka
ÖKUMAÐUR, sem reyndist talsvert ölv-
aður, var stöðvaður í Óshlíðinni í fyrrinótt
af lögreglunni á Ísafirði. Er maðurinn var
tekinn voru lögreglumennirnir nýbúnir að
hreinsa upp grjót af veginum sem fallið
hafði úr hlíðinni. Segir lögreglan vart þurfa
að upplýsa hve ölvunarakstur á þessum
slóðum geti verið varasamur, að ekki sé tal-
að um við aðstæður sem þessar.
Bakkus var við stýrið á fleiri stöðum á
landinu um helgina, því ökumenn voru
stöðvaðir, grunaðir um ölvun við akstur, í
umdæmum lögreglunnar á Sauðárkróki,
Hvolsvelli og í Kópavogi, einn á hverjum
stað eins og staðan var síðdegis í gær.
Ók ölvaður
í Óshlíðinni
ÞAÐ SEM af er þessu ári hefur
Samherji flutt út um tólf þúsund
tonn af frystum afurðum, bæði
bolfisk- og uppsjávarafurðum,
með flutningaskipum sem félagið
hefur leigt til flutninga á sjáv-
arafurðum frá Íslandi til hafna í
Evrópu. Eitt af þessum skipum,
Green Snow, var um helgina í
Neskaupstað, en fulllestað tekur
það um 1.850 tonn.
Áður hafði Green Snow haft
viðkomu í Grindavík, þar sem
skipað var út 425 tonnum, og á
Reyðarfirði, þar sem skipað var
út tæplega 300 tonnum. Uppi-
staðan í farminum er síldarflök,
en einnig bolfiskafurðir. Frá
Neskaupstað er ferðinni heitið til
Velsen í Hollandi, þar sem hluta
farmsins verður skipað upp, og
þaðan áfram til Stettin í Pól-
landi.
Green Snow er um 2.800 tonna
pallaskip frá norska fyrirtækinu
Green Reefers. Unnar Jónsson
hjá útflutningsdeild Samherja
segir að frá síðustu áramótum
hafi Samherji tekið tíu slík flutn-
ingaskip á leigu til flutninga á
sjávarafurðum til Evrópu.
Kristján Vilhelmsson, fram-
kvæmdastjóri útgerðarsviðs
Samherja, segir að gámaflutn-
ingar séu hreinlega of dýrir fyrir
þessar afurðir og spari fyrirtæk-
ið umtalsverða fjármuni með því
að leigja pallaskip til þeirra.
Vörubrettunum er raðað beint í
lestir skipanna. Segir Kristján að
hefð sé fyrir því í öðrum löndum,
til dæmis í Noregi, að flytja
ódýrari fisktegundirnar með
þessum hætti.
Unnar segir að flutningarnir
hafi gengið mjög vel og ljóst sé
að framhald verði á. „Ég á von á
því að út þetta ár verði hér
leiguskip á hálfs mánaðar fresti,“
segir hann og áætlar að
heildarmagn frystra afurða Sam-
herja á þessu ári verði um 40
þúsund tonn, þar af verði um 20
þúsund tonn flutt með leigu-
skipum.
Um helmingur frystra afurða Samherja fluttur utan með leiguskipum
Leiguskip hálfsmánaðarlega
ÞÓRIR Einarsson ríkissáttasemj-
ari vinnur nú að sinni síðustu
kjaradeilu áður en hann hættir um
mánaðamótin sökum aldurs. Í hans
stað hefur verið skipaður Ásmund-
ur Stefánsson, fv. forseti ASÍ.
Þórir leitar hér að sjónvarpsrás í
húsakynnum embættisins í gær er
kaffipása var tekin með samn-
inganefnd flugvirkja. Við hlið hans
er Guðmundur Geir Sigurðsson en
í bakgrunni eru frá vinstri Sig-
urjón Hreiðarsson, Jón Hjart-
arson og Kristján Kristinsson, for-
maður samninganefndar.
Síðasta deilan