Morgunblaðið - 27.10.2003, Page 1

2003
MÁNUDAGUR 27. OKTÓBER BLAÐ B
B L A Ð A L L R A L A N D S M A N N A
HERMANN OG FÉLAGAR HRELLDU ARSENAL / B5
Ásgeir sagði við Morgunblaðið ígær að um afar spennandi verk-
efni væri að ræða. „Þetta er það sem
við erum alltaf að leita eftir, að fá
verkefni á alþjóðlegu leikdögunum
þegar möguleiki er á að fá sem flesta
af okkar sterkustu leikmönnum.
Mexíkó er með gott landslið og það
þýðir ekkert að fara í þessa ferð
nema geta stillt upp sterku liði sem
geti staðið sig vel, annars þjónar hún
engum tilgangi fyrir okkur. Við Logi
Ólafsson erum búnir að ræða við
marga af landsliðsmönnunum til að
kanna þeirra stöðu og höfum al-
mennt fengið góð viðbrögð frá þeim
svo ég er nokkuð bjartsýnn á að af
ferðinni verði. Við eigum þó eftir að
fá þetta betur á hreint, þarna er um
langt og strangt ferðalag að ræða, en
við reynum að komast að niðurstöðu
eins fljótt og mögulegt er,“ sagði Ás-
geir.
Mexíkó er í 8.–10. sæti á heimslista
Alþjóðaknattspyrnusambandsins og
komst í 16-liða úrslitin heimsmeist-
arakeppninnar á síðasta ári – vann
þar sinn riðil á undan Ítalíu, Króatíu
og Ekvador en var síðan slegið út af
nágrönnum sínum, Bandaríkjamönn-
um. Þótt leikurinn sé áætlaður í
bandarísku borginni San Francisco
er reiknað með mikilli aðsókn á hann
þar sem mikill fjöldi innflytjenda frá
Mexíkó og öðrum spænskumælandi
löndum er búsettur á svæðinu.
Góðar líkur á að boði
Mexíkó verði tekið
ÁSGEIR Sigurvinsson, landsliðsþjálfari í knattspyrnu, telur góðar
líkur á að boði Mexíkana um vináttulandsleik í San Francisco í
Kaliforníu 19. nóvember verði tekið. Enn sé þó eftir að fá á hreint
hvaða leikmenn fengjust lausir í leikinn áður endanleg ákvörðun
um vesturförina verði tekin.
Morgunblaðið/Kristinn
Vilhjálmur Halldórsson skoraði 11 mörk í gær þegar Stjarnan vann óvæntan sigur á Haukum á Ís-
landsmótinu í handknattleik. Hér stekkur hann upp og augnabliki síðar lá boltinn í Haukamarkinu
án þess að Vignir Svavarsson fengi rönd við reist. Nánar á bls. 6 og 7.
Geolgau
til Fram á
föstudag
RÚMENSKI knattspyrnu-
þjálfarinn Ion Geolgau er
væntanlegur til landsins á
föstudaginn til viðræðna við
Framara um að taka að sér
þjálfun úrvalsdeildarliðs
þeirra í knattspyrnu. Mjög
líklegt er talið að hann taki
við liðinu en hann þykir
vænlegasti kosturinn af
þeim tæplega fjórum tugum
erlendra þjálfara sem sóttu
um starfið.
Geolgau er 42 ára og hef-
ur þjálfað HB í Færeyjum
undanfarin ár, þó ekki á ný-
liðnu tímabili. Áður þjálfaði
hann Constructorul Craiova
í heimalandi sínu.
TVEIR ungir og efnilegir knatt-
spyrnumenn, Pálmi Rafn Pálmason
úr KA og Theodór Elmar Bjarnason
úr Start í Noregi, fara innan tíðar til
reynslu hjá Stoke City í Englandi og
dvelja þar væntanlega í fjórar vikur.
Pálmi Rafn er 19 ára Húsvíkingur
sem gekk til liðs við KA fyrir nýliðið
tímabil og skoraði 4 mörk í 15 leikj-
um í úrvalsdeildinni. Theodór Elmar
er aðeins 16 ára og var fyrirliði
drengjalandsliðsins í sumar en hann
spilaði alla leiki þess og skoraði eitt
mark.
Theodór og
Pálmi til Stoke