Morgunblaðið - 27.10.2003, Blaðsíða 5
ÍÞRÓTTIR
MORGUNBLAÐIÐ MÁNUDAGUR 27. OKTÓBER 2003 B 5
WOLVES VANN ævintýralegan
sigur á Leicester, 4.3, í botnbar-
áttuslag nýliðanna tveggja í ensku
úrvalsdeildinni á laugardaginn.
Leicester stefndi í öruggan sigur,
náði þriggja marka forystu eftir að-
eins 35 mínútna leik, en Wolves
sneri blaðinu við í síðari hálfleik,
jafnaði metin í 3:3, og Henri Cam-
ara skoraði sigurmarkið þegar
þrjár mínútur voru til leiksloka.
Jóhannes Karl Guðjónsson var
áfram í byrjunarliði Wolves þar
sem Paul Ince gat ekki leikið með
vegna veikinda. Hann átti góða
skottilraun rétt eftir að Leicester
komst í 2:0 en var síðan tekinn af
velli á 22. mínútu þegar Dave Jon-
es, knattspyrnustjóri Wolves, freist-
aði þess að breyta leik sinna manna.
„Í hálfleik var ég hættur við að
mæta í starfsmannaveisluna hjá fé-
laginu um kvöldið en ég skipti um
skoðun í leikslok,“ sagði Jones eftir
leikinn. „Þetta var stórkostleg
frammistaða í síðari hálfleiknum en
ég er eiginlega meira svekktur yfir
hörmulegum fyrri hálfleik því ef
við spilum þannig gegn betri liðum
deildarinnar eigum við ekki
minnstu möguleika,“ sagði stjórinn.
Wolves komst með sigrinum úr
fallsæti í fyrsta skipti á tímabilinu
og skildi Leicester eftir á botni
deildarinnar með aðeins fimm stig.
Middlesbrough, sem gerði jafntefli
við Tottenham, og Leeds, Bolton og
Blackburn sem töpuðu sínum leikj-
um um helgina, eru einnig fyrir
neðan Úlfana.
Ævintýralegur sigur
Úlfanna í sjö marka leik
ALAN Shearer, einn mesti
markvarðahrellir sem Eng-
land hefur alið, skoraði sitt
230. mark í ensku úrvals-
deildinni úr vítaspyrnu þeg-
ar Newcastle vann nýliða
Portsmouth, 3:0, á heima-
velli á laugardaginn. Mark
Shearers var hið annað í
röðinni sem liðið gerði í
leiknum en með sigrinum
hefur Newcastle komist
upp í 8. sæti deildarinnar
og þar með heldur betur
rétt úr kútnum eftir slæma
byrjun.
Bobby Robson, knatt-
spyrnustjóri Newcastle,
sparaði ekki stóru orðin í
leikslok. Sagði hann
frammistöðu leikmanna
sinna vera þá bestu á leik-
tíðinni.
„Þetta var besti leikur
okkar til þessa í vetur.
Fyrstu 35 mínúturnar jöfn-
uðust fyllilega á við það
besta sem við gerðum á síð-
ustu leiktíð,“ sagði Robson.
Kollegi hans hjá
Portsmouth, Harry Redk-
napp, viðurkenndi að hans
menn hefðu ekki átt nein
svör við leik Newcastle.
„Þetta var í fyrsta sinn á
leiktíðinni sem við erum al-
gjörlega spilaðir sundur og
saman, áttum engin svör.
leikmenn newcastle léku
mjög vel,“ sagði Redknapp.
Shearer heldur áfram
að bæta í safnið
Reuters
Alan Shearer
GUÐMUNDUR Steinarsson skor-
aði fjórða mark Brönshöj sem sigraði
Fremad Amager, 4:3, í dönsku 1.
deildinni í knattspyrnu á laugardag-
inn. Þetta var aðeins annar sigur
Brönshöj í 13 leikjum og liðið er á
botni deildarinnar með 7 stig.
BRYNJAR Björn Gunnarsson kom
inn á sem varamaður í liði Notting-
ham Forest á 85. mínútu þegar liðið
vann Bradford, 2:1, á útivelli í ensku
1. deildinni á laugardaginn. Andy
Reid skoraði sigurmarkið á síðustu
mínútu leiksins.
BARNSLEY missti af gullnu tæki-
færi til að komast í annað sæti ensku
2. deildarinnar þegar liðið gerði jafn-
tefli, 0:0, við Grimsby á heimavelli.
Barnsley fékk vítaspyrnu á síðustu
mínútunni en Tony Gallimore hitti
ekki markið. Guðjón Þórðarson var
óhress með sóknarmenn sína. „Við
fengum góð færi til að skora en mark-
vörðurinn þeirra þurfti ekki einu
sinni að verja frá okkur. Menn verða
að hitta markið til að skora mörk,“
sagði Guðjón.
KATRÍN Jónsdóttir fór af velli á
70. mínútu þegar Kolbotn steinlá
óvænt fyrir Liungen, 5:1, í norsku úr-
valsdeildinni. Katrín náði sér ekki á
strik frekar en aðrir leikmenn Kol-
botn sem þó á góða möguleika á öðru
sæti deildarinnar. Trondheims-Örn
er meistari og hefur 47 stig fyrir loka-
umferðina en Asker og Kolbotn eru
með 36 stig.
RÍKHARÐI Daðasyni og félögum í
Fredrikstad tókst ekki að tryggja sér
sæti í norsku úrvalsdeildinni í gær en
þeir töpuðu þá, 1:0, fyrir Moss. Rík-
harður fékk dauðafæri á síðustu mín-
útunni en náði ekki að jafna metin.
HamKam komst í efsta sætið með
sigri á Haugesund, 2:1, og fyrir loka-
umferðina er HamKam með 60 stig,
Fredrikstad 59 og Sandefjord 58.
Tvö liðanna fara beint upp og þriðja
liðið í aukaleiki.
HARALDUR Ingólfsson skaut í
þverslá úr vítaspyrnu þegar Raufoss
tapaði, 1:2, fyrir Sandefjord í gær.
Með þessum úrslitum missti Raufoss
af möguleikanum á að ná þriðja sæt-
inu og komast í aukaleikina.
VIKTOR Bjarki Arnarsson fór af
velli á 67. mínútu þegar lið hans, TOP
Oss, tapaði fyrir De Graafschap, 3:1,
í hollensku 1. deildinni. TOP Oss er í
tíunda sæti af 19 liðum, sextán stig-
um á eftir toppliðunum Helmond
Sport og Den Bosch.
HELGI Kolviðsson lék allan leik-
inn með Kärnten sem tapaði, 3:2, fyr-
ir Bregenz í sögulegum leik í aust-
urrísku úrvalsdeildinni. Bregenz
tryggði sér sigur með tveimur mörk-
um undir lok leiksins en um svipað
leyti var tveimur leikmönnum liðsins
og einum frá Kärnten vísað af velli.
Kärnten er næstneðst í deildinni.
FÓLK
Charlton hefur verið á mikillisiglingu að undanförnu og gaf
Arsenal ekkert eftir. Paolo di Can-
io kom Charlton yfir úr vítaspyrnu
en hún kom í kjölfarið á því að
Hermann skallaði boltann fyrir
fætur Matts Hollands, sem var
felldur klaufalega af Lauren. Di
Canio sýndi mikla dirfsku, einu
sinni sem oftar, með því að lyfta
boltanum laust í mitt markið.
Thierry Henry jafnaði metin fljót-
lega með fallegu skoti beint úr
aukaspyrnu, 1:1.
Charlton sótti talsvert í síðari
hálfleiknum og litlu munaði að
Hermann skoraði sigurmark fyrir
Charlton annan leikinn í röð á 69.
mínútu. Hann átti þá hörkuskalla
eftir hornspyrnu, boltinn fór í jörð-
ina og stefndi upp undir þverslána
en Jens Lehmann, markvörður
Arsenal, náði að slá boltann yfir
markið. Hermann lék mjög vel með
Charlton og spilaði allan leikinn, og
var stöðugt ógnandi við mark Ars-
enal í hornspyrnunum, þrátt fyrir
að enski landsliðsmiðvörðurinn, Sol
Campbell, reyndi að hafa góðar
gætur á honum.
Okkur vantaði örlítið
meira sjálfstraust
„Okkur vantaði einungis örlítið
meira sjálfstraust við vítateig Ars-
enal til að knýja fram sigur. Þegar
maður fær liðsskipan mótherjanna
fyrir svona leik er maður ekki viss
hvort rétt sé að hengja það upp í
klefanum. Sumir tala um skort á
metnaði en við vorum að spila við
eitt af bestu liðum Evrópu. En
versti kafli okkar í leiknum var tíu
mínúturnar eftir að við náðum for-
ystunni, og þar með náðu þeir að
jafna metin,“ sagði Alan Curbishl-
ey, knattspyrnustjóri Charlton,
sem enn og aftur virðist ætla að
blása á allar hrakspár og er með lið
sitt fyrir ofan miðja deild.
„Þetta var verðskuldað. Maður
er stöðugt að heyra um meiðsli hjá
öðrum liðum en Paolo er sá sjöundi
sem við missum úr liðinu,“ sagði
Curbishley. Paolo di Canio þurfti
að fara af velli vegna meiðsla í læri
á lokamínútum fyrri hálfleiks.
Charlton spilaði
betur en við, sagði Henry
„Charlton spilaði betur en við í
þessum leik en það var góð barátta
í okkar liði og jafnteflið var sann-
gjarnt. Við sýndum mikinn styrk
með því að jafna metin eftir að hafa
lent undir og það jákvæða er að þó
við höfum enn ekki sýnt okkar
bestu hliðar þá töpum við ekki
leikjum í deildinni og erum í góðri
stöðu. Það lofar góðu fyrir fram-
haldið,“ sagði Thierry Henry eftir
leikinn. „Ég varð að skjóta ná-
kvæmlega þarna því það var varn-
armaður í hinu horninu. Mér tókst
að skjóta á nákvæmlega réttan
stað,“ sagði Henry um aukaspyrn-
una en hann „skrúfaði“ boltann
glæsilega framhjá varnarvegg
Charlton.
Arsene Wenger, knattspyrnu-
stjóri Arsenal, taldi hinsvegar að
leikmenn Charlton mættu þakka
fyrir stigið. Hann var ekki hress
með vítaspyrnuna sem lið hans
fékk á sig og sakaði Matt Holland
um að hafa látið sig detta. „Við
vöknuðum við þessa vítaspyrnu og
við skoruðum gott mark áður en
hálfleikurinn var úti. Ef við hefðum
leikð áfram af sama krafti í síðari
hálfleik hefði ekki þurft að spyrja
að leikslokum en við náðum því
ekki,“ sagði Wenger.
Hermann og félagar
hrelldu Arsenal
Reuters
Fredrik Ljungberg, sænski landsliðsmaðurinn hjá Arsenal, reynir að stöðva Hermann Hreið-
arsson í leiknum gegn Charlton á The Valley í gær. Leiknum lauk með jafntefli, 1:1.
ARSENAL er áfram með eins
stigs forystu og er eina ósigraða
liðið í ensku úrvalsdeildinni í
knattspyrnu eftir jafntefli, 1:1, í
bráðfjörugum leik gegn Her-
manni Hreiðarssyni og félögum
í Charlton á The Valley í London
í gær. Arsenal er með 24 stig en
Chelsea, sem var efst í sólar-
hring eftir sigur á Manchester
City á laugardaginn, er með 23
og Manchester United er áfram
með 22 stig.