Morgunblaðið - 27.10.2003, Blaðsíða 9
ÍÞRÓTTIR
MORGUNBLAÐIÐ MÁNUDAGUR 27. OKTÓBER 2003 B 9
NJARÐVÍKINGAR eru komnir á
toppinn í 1. deild kvenna í körfu-
knattleik eftir sigur á KR, 72:63, í
framlengdum leik í Vesturbænum á
laugardaginn. Njarðvíkurstúlk-
urnar eru með 6 stig eftir fjóra leiki
eins og ÍS sem vann óvæntan sigur
á Keflavík suður með sjó, 81:75. Ný-
liðar ÍR unnu sinn annan leik og
lögðu Grindavík að velli í Breiðholt-
inu, 71:54. Keppnin í 1. deild er afar
tvísýn en öll sex liðin hafa unnið og
tapað og virðast geta sigrað hvert
annað.
Þjálfari í aðalhlutverki
Staðan hjá KR og Njarðvík að
loknum venjulegum leiktíma var
55:55 en Njarðvík tók öll völd í
framlengingunni. Andrea Gaines,
þjálfari Njarðvíkur, var í aðal-
hlutverki og skoraði 30 stig í leikn-
um. Halla Jóhannesdóttir skoraði
19 stig fyrir KR.
Stella Rún með 26 stig
ÍS var með undirtökin allan tím-
ann í Keflavík og þar var Stella Rún
Kristjánsdóttir atkvæðamest, skor-
aði 26 stig fyrir ÍS. Erla Þorsteins-
dóttir skoraði 17 stig fyrir Keflavík
og Birna Valgarðsdóttir 15.
Eplunus Brooks skoraði 19 stig
fyrir ÍR í sigurleiknum gegn
Grindavík, 71:54, og tók einnig 19
fráköst, og Kristrún Sigurjóns-
dóttir skoraði 15 stig. Þær Ólöf
Pálsdóttir og Petrúnella Skúladótt-
ir skoruðu 12 stig hvor fyrir
Grindavík.
Njarðvíkurstúlkur eru
komnar í toppsætið
TVEIR knattspyrnumenn féllu
á lyfjaprófi sem enska íþrótta-
sambandið tók á dögunum.
Ekki hefur verið greint frá því
hverjir þetta eru né í hvaða
deild þeir leika, aðeins sagt að
í sýnum hjá þessum tveimur
mönnum hefðu fundist merki
um notkun á kókaíni og e-
töflum. Alls voru tekin 272
sýni af knattspyrnumönnum í
Englandi á tímabilinu 1. júlí til
30. september. Auk þeirra
tveggja sem féllu þá mætti sá
þriðji ekki prófið, Rio Ferdin-
and. Í gær var greint frá því að
ákvörðun enska knattspyrnu-
sambandsins í máli hans lægi
fyrir innan tveggja daga.
Enska íþróttasambandið
stóð fyrir prófunum í sam-
vinnu við enska knattspyrnu-
sambandið og segir það ekki
vera hlutverk sitt að upplýsa
hvaða leikmenn eiga þarna í
hlut heldur sé það í verkahring
knattspyrnusambandsins að
gera það og grípa til viðeig-
andi ráðstafana þegar leik-
menn falla á lyfjaprófi. Nöfn
hinna seku verða gefin upp um
leið og ákæra á hendur þeim
verður birt.
Tveir falla
á lyfjaprófi
í Englandi
Það var aðeins í upphafi leiks semÍR-ingar héldu í við heimamenn,
en eftir það stóð vart steinn yfir steini
í leik liðsins og Hauk-
ar áttu ekki í nokkr-
um vandræðum með
að krækja í bæði stig-
in sem í boði voru.
Bæði lið fóru sér hægt í upphafi leiks
og eftir fimm mínútur var staðan jöfn,
8:8. Varafyrirliða Hauka, Sævari
Haraldssyni, leiddist þófið og skoraði
13 stig það sem eftir lifði fyrsta leik-
hluta, staðan eftir hann 26:14. Sævar
gerði sem sagt einu stigi minna þess-
ar fimm mínútur en allt ÍR-liðið gerði
allan leikhlutann.
Hittni leikmanna framan af var
slök, ÍR-ingar börðust heldur meira
fyrstu mínúturnar en síðan fjaraði
undan leik þeirra og heimamenn tóku
öll völd á vellinum. Eiríkur Önund-
arson, leikstjórnandi ÍR, var fjarri
góðu gamni í gærkvöldi, var veikur
heima í rúmi og er greinilegt að ÍR
má ekki við því að hafa hann utan vall-
ar. Hins vegar á lið Breiðhyltinga
ekki að leika jafnilla og það gerði í
gærkvöldi þótt það vanti einn mann.
Eiríkur er reyndar góður körfuknatt-
leiksmaður, en það er illa komið fyrir
liðinu ef það getur akkúrat ekkert ef
hann vantar.
Sævar hafði heldur hægar um sig í
öðrum leikhluta, hélt þó áfram að
leika félaga sína uppi og ÍR náði ekki
að hægja á honum. Ólafur Sigurðs-
son, sem tók stöðu Eiríks, fékk sína
fjórðu villu í öðrum leikhluta og því
lék Sævar lausum hala og nýtti sér
það vel.
Staðan í leikhléi var 48:25 eftir að
ÍR hafði aðeins gert 11 stig í öðrum
leikhluta. Síðari hluta þess þriðja
breyttu gestirnir úr maður á mann
vörn í svæðisvörn og hikstuðu heima-
menn aðeins við það enda byrjunarlið
þeirra á varamannabekknum og það
vantaði því tilfinnanlega einhvern til
að taka af skarið. Þetta lagaðist þó en
Haukar verða að geta brugðist við
svæðisvörn af meiri ákveðni en þeir
gerðu í gærkvöldi og það var í raun
furðulegt að sjá góða liðsheild breyt-
ast yfir í algjört einstaklingsframtak
við það að mótherjarnir skiptu yfir í
svæðisvörn.
Hjá ÍR voru tveir leikmenn mest
áberandi og má sem dæmi nefna að
þeir Kevin Grandberg og Reggie
Jessie höfðu gert 30 af 34 stigum liðs-
ins um miðjan þriðja leikhluta þegar
staðan var 66:34. Annars vakti Fann-
ar Helgason athygli fyrir ágætan leik,
strákurinn skilaði sínu hlutverki vel
þann tíma sem hann fékk að leika.
Grandberg var stigahæstur með 18
stig og tók auk þess 16 fráköst.
Hjá Haukum var það liðsheildin
sem lék vel. Vörnin hjá heimamönn-
um var mjög öflug og má sem dæmi
nefna að ÍR-ingar glötuðu boltanum
25 sinnum en heimamenn aðeins 13
sinnum. Sævar var góður eins og áður
segir og Michael Manciel átti fínan
dag, gerði 33 stig og þar á meðal tvær
þriggja stiga körfur, þá fyrri á síðustu
sekúndu fyrri hálfleiks og þá síðari á
síðustu sekúndu síðari hálfleiks.
Sannarlega gott að hafa slíkan mann
ef á þarf að halda á lokamínútum
jafns og spennandi leiks.
Allir leikmenn Hauka skoruðu í
leiknum í gær og geta þeir vel við un-
að. Sigurinn var öruggur og sann-
gjarn og liðið sem slíkt lék vel.
Ánægður með okkar leik
„Ég er ánægður með okkar leik.
Strákarnir léku vel og sigurinn var
sanngjarn,“ sagði Reynir Kristjáns-
son, þjálfari Hauka, í lok leiks. Spurð-
ur um hvort hann hefði ekki búist við
jafnari leik sagði hann: „Jú, svo sann-
arlega enda hafa ÍR-ingar gott lið og
hafa leikið ágætlega það sem af er.
Auðvitað veikir það liðið að Eiríkur
skuli ekki vera með, en liðið á ekki að
falla niður á þetta plan þótt það vanti
einn leikmann. Það verður hins vegar
ekki tekið af mínum strákum að þeir
léku frábæra vörn, við yfirdekkuðum
mikið og ÍR-ingar áttu í vandræðum
með að koma boltanum á sína sterk-
ustu menn.“
Reynir var sammála því að lið hans
hafi aðeins hikstað þegar ÍR breytti í
svæðisvörn. „Jú, við vorum smástund
að venjast því, en það er rétt að benda
á að þegar þeir skiptu var megnið af
byrjunarliði okkar útaf og það vantaði
aðeins sjálfstraust í strákana til að
taka af skarið. En það lagaðist allt
saman er á leið,“ sagði Reynir.
Morgunblaðið/Kristinn
Sævar Haraldsson átti fínan leik í gær. Hér er hann kominn framhjá Benedikt Pálssyni og Kevin
Grandberg, sem er ekki ánægður með það. Sævar gerði 20 stig og var næst stigahæstur Hauka.
ÍR sem höfuðlaus her
ÞEIR sem bjuggust við jöfnum og spennandi leik að Ásvöllum í gær-
kvöldi þegar ÍR-ingar heimsóttu Hauka í Intersportdeild karla í
körfuknattleik urðu fyrir vonbrigðum. ÍR var sem höfuðlaus her en
heimamenn léku á als oddi og sigruðu 92:61.
Skúli Unnar
Sveinsson
skrifar
RAGNA Ingólfsdóttir og Sara
Jónsdóttir féllu úr keppni í undan-
úrslitum í tvíliðaleik á alþjóðlega
stigamótinu í Flórída á laugardag-
þegar þær töpuðu fyrir Yoshiko
Iwata og Miyuki Tai frá Japan í
tveimur lotum, 15:4 og 15:1.
DAVID Beckham, fyrirliði Eng-
lands og leikmaður með Real Madr-
id, mun mæta á ný til leiks með liðinu
er það mætir Zaragoza annað kvöld
á Spáni. Þetta er óvænt, því að það
var reiknað með að hann yrði frá
vegna meiðsla í vikutíma. Beckham
lék ekki með í sigurleik á laugardag
gegn Racing Santander, 3:1. Hann
var aftur á móti mættur á æfinga-
svæði Real, Cuidad Deportiva, í
gærmorgun og geystist þar um
svæðið eftir meðhöndlun hjá sjúkra-
þjálfaranum Valter di Salvo.
TVEIR samherjar Beckham eru í
hópi markahæstu manna á Spáni og
kemur það fáum á óvart. Brasilíu-
maðurinn Ronaldo og Raúl Gonzal-
ez, fyrirliði Real, hafa skorað sex
mörk, eins og Walter Pandiani hjá
Deportivo de La Coruna og Miguel
Angel „Mista“ Ferrer hjá Valencia.
MIROSLAV Klose, fyrirliði Kais-
erslautern og landsliðsmaður
Þýskalands í knattspyrnu, náði ekki
að fagna sigri á Bayern München á
laugardaginn – varð að sætta sig við
tap á heimavelli, 4:1. Hann gaf aftur
á móti Bæjurum undir fótinn í viðtali
við íþróttablaðið Kicker, er hann
sagði: „Það er draumur allra knatt-
spyrnumann að leika fyrir Bayern.“
„KLOSE er einn af leikmönnum,
sem við höfum á nafnalista hjá okk-
ur,“ sagði Ottmar Hitzfeld, þjálfari
Bayern.
BERTI Vogts, landsliðsþjálfari
Skotlands, er ánægður með Martin
O’Neill, knattspyrnustjóra Celtic.
Það er ljóst að Rob Douglas, mark-
vörður liðsins, sem hefur verið
meiddur, verður fullkomlega búinn
að ná sér fyrir viðureign Skota og
Hollendinga um sæti á EM í Portú-
gal, sem fer fram í nóvember. Þá
verður miðvallarleikmaðurinn Paul
Lambert einnig búinn að ná sér eftir
meiðsli á ökkla. O’Neill segir að þeir
verði báðir klárir í slaginn gegn Hol-
landi.
MARTIN O’Neill hefur ekki gefið
upp alla von um að halda sænska
landsliðsmanninum Henik Larsson
áfram hjá Celtic. Larsson, sem skor-
aði þrennu gegn Aberdeen, 4:0, hef-
ur sagt að hann fari frá Skotlandi er
samningur hans við Celtic rennur út
næsta sumar – og haldi heim til Sví-
þjóðar. „Við viljum halda í Larsson,
sem er frábær leikmaður og á mikið
eftir,“ sagði O’Neill. Larsson sagði í
viðtali við BBC um helgina, að það
hafi ekkert breyst – hann sé á heim-
leið.
FÓLK