Morgunblaðið - 01.11.2003, Blaðsíða 2

DAGLEGT LÍF
2 B LAUGARDAGUR 1. NÓVEMBER 2003 MORGUNBLAÐIÐ
E
LDHUGI er það fyrsta
sem kemur upp í hug-
ann þegar rætt er við
Óskar Einarsson um
gospeltónlist. „Gospel
er gleðigjafi,“ segir hann, „fyrir mér
er hún lífsstíll og sönn lífsfylling“.
Óskar ætti að vita hvað hann syng-
ur þegar gospeltónlistin er annars
vegar. Hann hefur um árabil verið
leiðandi tónlistarmaður á þessu sviði
hér á landi, bæði sem tónlistarstjóri
Fíladelfíu og stjórnandi Gospelkórs
Reykjavíkur, auk þess sem hann hef-
ur ferðast um landið og haldið gosp-
elnámskeið með kirkjukórum og öðru
áhugafólki um sönglist og boðun
fagnaðarerindisins. „Þjónið drottni
með gleði og komið fyrir auglit hans
með fagnaðarsöng,“ segir í Biblíunni
og um það snýst málið, enda jafnan
sungið af tilfinningu og innlifun í
gospelkórum.
Gospeltónlistin hefur þó víðari skír-
skotun en eingöngu trúarlega því hún
er heillandi tónlistarform þar sem
saman koma ýmsir straumar og
stefnur dægurtónlistar. Óskar sest
við píanóið og gefur nokkur tóndæmi
þar sem djass, blús og bandarísk
sveitatónlist renna saman í eitt og úr
verður gospel. Hér er greinilega ekki
komið að tómum kofunum enda hefur
maðurinn stúderað tónlist frá blautu
barnsbeini og er með meistarapróf í
útsetningum og tónsmíðum frá há-
skólanum í Miami í Bandaríkjunum:
„Þótt gospeltónlistin eigi rætur í
ýmsum tónlistarstefnum er hún í
sjálfu sér sjálfstætt tónlistarform,“
segir Óskar um leið og hann leikur
lagstúf af fingrum fram með hinum
ýmsu blæbrigðum. „Hljómaferlið og
takturinn skera sig úr og raddsetn-
ingin er öðruvísi í gospelsöng en í
hefðbundnum kirkjusöng. Hún er yf-
irleitt þriggja radda og þéttari en í
venjulegum kórsöng og það sem
skiptir sköpum auðvitað er að það er
sungið af meiri innlifun og gleði.“
Átti að fara svona
Óskar er fæddur og uppalinn á Ak-
ureyri og ólst upp í tónlistinni með
Hjálpræðishernum þar nyrðra.
Amma hans og afi, Ingibjörg Jóns-
dóttir og Óskar Jónsson og foreldrar
hans, Rannveig Óskarsdóttir og Ein-
ar Björnsson, hafa alla tíð verið virk í
starfinu og því má segja að Óskar hafi
drukkið í sig trúræknina með móð-
urmjólkinni.
Á barnaskólaárunum var hann í
tónmennt hjá Ingimar heitnum Eydal
og söng í barnakórnum hjá honum.
„Ingimar hafði mikil áhrif mig og
minn tónlistaráhuga,“ segir Óskar
þegar hann rifjar upp bernskuárin
fyrir norðan. „Ég byrjaði sex ára að
læra á blokkflautu og píanó og hélt
því sleitulaust áfram þar til ég varð
þrettán ára. Þá tók ég mér hvíld frá
tónlistarnámi í fjögur ár og hellti mér
út í íþróttir, spilaði fótbolta, hand-
bolta og badminton. Ég var á tímabili
að hugsa um að leggja fótboltann fyr-
ir mig, en þá slasaðist ég. Liðþófinn
rifnaði mjög illa og ég hef stundum
velt því fyrir mér hvort guð hafi þarna
gripið inn í, þótt það sé kannski ljótt
að segja það, að hann hafi beinlínis
komið því svo fyrir að ég slasaðist. En
ég er sannfærður um að þetta átti að
fara svona. Ég þjóna guði miklu betur
sem tónlistarmaður en ég hefði gert
sem íþróttamaður.“
Óskar kveðst um svipað leyti hafa
farið að spila eftir eyranu í sunnu-
dagaskólum og á samkomum hjá
Hjálpræðishernum. „Ég gerðist þar
kórstjórnandi fjórtán ára gamall.
Þetta var lítill unglingakór og ég spil-
aði undir og stjórnaði kórnum, undir
handleiðslu ýmissa foringja í Hjálp-
ræðishernum, sem héldu mér við efn-
ið. Afi og amma, Imma og Óskar, eru
vel þekkt innan Hjálpræðishersins og
mamma leiðir nú starfið fyrir norðan.
Afi er nýlátinn, en hann fékk meðal
annars Fálkaorðuna fyrir nokkrum
árum fyrir störf sín að líknarmálum.
Amma er hins vegar hin hressasta og
gerir mikið af því að heimsækja
„gamla fólkið“, sem hún kallar svo,
þótt sjálf sé hún eldri en þetta fólk.
Þessi andi sem ríkti á heimilinu hafði
auðvitað mikil áhrif á mig og öll mín
lífsviðhorf og hefur sjálfsagt átt mik-
inn þátt í að leiða mig inn á þá braut
sem ég hef gengið eftir að ég varð
fullorðinn,“ segir Óskar.
„Ég var þrettán ára gamall þegar
ég kynntist fyrst gospeltónlist,“ segir
Óskar þegar við beinum talinu að ör-
lagavöldum hans á tónlistarsviðinu.
„Það var maður í Hjálpræðishernum
á Akureyri sem gaf mér kasettu sem
á var gospeltónlist með Andrae
Crouch. Segja má að með þessu hafi
opnast fyrir mér nýr tónlistarheimur,
sem ég hef síðan lifað og hrærst í. Það
skemmtilega við þetta er að ég átti
síðar eftir að kynnast Andrea Crouch,
hann kom hingað til lands árið 1997,
og þá rættist langþráður draumur.
Ég spilaði þá með honum og valdi
með stuttum fyrirvara í blandaðan
kór, sem söng með og segja má að það
hafi verið upphafið að stofnun Gosp-
elkórs Reykjavíkur. Þegar ég var við
nám í Bandaríkjunum, á árunum 1997
til 1999, fór ég í tónleikaferð til Los
Angeles, með norskum gospelkór, og
spilaði þá fyrir Andrea Crouch. Í
þeirri tónleikaferð spilaði ég á saxó-
fón og þverflautu.“
Spilað fyrir Ingimar
Óskar stundaði nám við Mennta-
skólann á Akureyri, á tónlistarbraut,
og lauk stúdentsprófi árið 1987. Ári
síðar endurvakti hann kór MA og
stjórnaði honum í fjögur ár, þar til
hann flutti suður til Reykjavíkur árið
1991. Jafnframt stjórnaði Óskar ung-
lingakór Hjálpræðishersins á Akur-
eyri og fór meðal annars í tónleika-
ferð með kórinn til Noregs, þar sem
hann kynntist eiginkonu sinni, Bente,
en þau eiga þrjú börn, Björn Inga, 11
ára, Bryndísi Rut, 8 ára og Óskar
Andreas, 3 ára.
„Ég tók þátt í uppfærslu Leik-
félags Akureyrar á söngleiknum
Kysstu mig Kata, stjórnaði þar æf-
ingum á tónlistinni og spilaði á sýn-
ingum, en Jakob Magnússon, Stuð-
maður, var tónlistarstjóri. Tíu árum
síðar tók ég svo þátt í sama verkefni
hjá Leikfélagi Reykjavíkur og útsetti
og stjórnaði tónlistinni í þeirri upp-
færslu.“
Sem píanóleikari er Óskar jafnvíg-
ur á ýmsum ólíkum sviðum tónlistar-
Óskar Einarsson er jafnvígur á ýmsum ólíkum sviðum tónlistarinnar þótt hann taki gospeltónlist fram yfir allt annað.
Óskar Einarsson hefur víða komið við á
tónlistarsviðinu, en tekur þó gospeltón-
listina fram yfir allt annað. Hann segir
Sveini Guðjónssyni frá því hvernig sú
tónlist náði tökum á honum og hefur síðan
veitt honum sanna lífsfyllingu.
Gospeler
lífsstíll
PABBASTELPUR takið eftir: Feður vonast í laumieftir sonum, var fyrirsögn í The Sunday Times ný-verið, þar sem greint var frá niðurstöðum rann-
sókna, er sýna að karlar sæki síður um skilnað ef þeir
eiga syni og giftist frekar barnsmóður sinni beri hún
dreng undir belti.
Vesturlandabúar líta þær þjóðir, sem taka drengi fram
yfir stúlkur, oft hornauga. En samkvæmt niðurstöðum
rannsóknar tveggja bandarískra hagfræðinga er þó ekki
allt sem sýnist í löndum, þar sem jafnrétti hefur verið tal-
ið í hávegum haft. Sýndu þeir fram á að því fleiri stelpur
sem eru í fjölskyldu því meiri líkur eru á skilnaði. Jafnvel
rannsakendurnir sjálfir, þeir Enrico Moretti frá
Kaliforníuháskóla og Gordon Dahl frá Rochester-háskóla
í New York eru hneykslaðir á niðurstöðunum, enda á
Dahl sjálfur dætur. Samt fara niðurstöður þeirra saman
við bandarískar kannanir frá 1944–2000, sem sýna að
foreldrar vilja fremur stráka en stelpur.
Nokkrar ástæður hafa verið nefndar, t.d. að feður telji
syni sína þurfa karlfyrirmynd. Einnig eru dætur sagðar
betri félagsskapur fyrir móðurina en synir og slíkt geri
skilnað auðveldari. Þá er einnig talið að í óhamingju-
sömum hjónaböndum dragi faðirinn oft úr samskiptum
við dætur sínar, svo og að þær taki málstað móðurinnar,
auk þess sem feðrunum finnist þeir ekki geta gert eins
margt með dætrum sínum og sonum. Dahl hefur líkt nið-
urstöðunum við „Henry VIII“-heilkenni, en hann skildi
við fyrstu konu sína og lét aflífa aðra konu sína því báðar
báru honum dætur. Sú þriðja fékk réttar tölur í fæðing-
arbingóinu og fékk að lifa. Til stuðnings niðurstöðunum
tók The Sunday Times sem dæmi skilnað Kate Winslet
eftir fæðingu dóttur sinnar og skilnað Bruce Willis og
Demi Moore, sem eiga þrjár dætur.
Rannsókn hagfræðinganna leiddi í ljós að foreldrar
sem eiga eina dóttur eru 4,44% líklegri til að skilja en
þeir sem eiga einn son. Hjón sem eiga þrjár dætur eru
8,6% líklegri að hætta saman en þau sem eiga jafn marga
drengi. Ógiftar, ófrískar konur, sem vita að þær ganga
með dreng, eru þá 0,55% líklegri til að giftast föðurnum.
Pabbastelpur
ávísun á skilnað
Reuters
Fráskilda parið Demi Moore og Bruce Willis ásamt
dætrum sínum. Nýleg rannsókn bendir til þess að karl-
menn sæki síður um skilnað ef þeir eiga syni en dætur.
s í m i 5 5 3 8 0 5 0 • w w w . e c c o . c o m
ÞURRIR OG HEITIR FÆTUR Í BARNASKÓM FRÁ ECCO
Ecco Kids
73992-3
Stærðir: 27-40
Litir: Svart og silfur
Ecco Kids
70271-3
Stærðir: 22-40
Litir: Svart, vínrautt
og rautt
Ecco Kids
70301-3
Stærðir: 22-40
Litir: Blátt, silfur,
svart og rautt