Morgunblaðið - 02.11.2003, Blaðsíða 64
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 SUNNUDAGUR 2. NÓVEMBER 2003 VERÐ Í LAUSASÖLU 190 KR. MEÐ VSK.
MEÐ SAMNINGI milli Landsbókasafns og
Morgunblaðsins verður landsmönnum von
bráðar gefinn kostur á ókeypis aðgangi að efni
í gagnasafni Morgunblaðsins sem er þriggja
ára og eldra. Áfram verður seldur aðgangur að
nýjasta efni blaðsins. Í greinasafninu er allt
efni sem birst hefur í Morgunblaðinu frá árinu
1994 en valdar fréttir og greinar frá 1987.
Guðbrandur Magnússon, framleiðslustjóri
Morgunblaðsins, segir samninginn marka tíma-
mót. „Í greinasafninu er gríðarlegt magn af
upplýsingum, þar eru samtals hátt í 800.000
greinar, þar af um 90.000 minningargreinar.“
Skanna 700 þúsund síður
Jafnframt þessari breytingu hafa Lands-
bókasafn og Morgunblaðið gert með sér sam-
komulag um að á bókasafninu verði skönnuð
inn og skráð öll tölublöð Morgunblaðsins frá
upphafi útgáfu þess, 2. nóvember 1913, alveg
fram í október 2000, en frá þeim tíma eru allar
síður blaðsins til á stafrænu sniði. Samtals eru
það um 700 þúsund blaðsíður, segir Sigrún
Klara Hannesdóttir, landsbókavörður. Hún
segir að áætlaður tími sem taki að skanna öll
blöðin frá upphafi sé um þrjú ár, og vill ekki
gefa upp kostnaðinn við verkið, sem deilist á
samningsaðilana.
„Byrjað var að skanna elstu blöðin og er
núna búið að skanna um fimmtán fyrstu ár-
gangana, sem þegar eru aðgengilegir,“ útskýr-
ir Guðbrandur. Hann segir að með þessu verk-
efni verði hægt að skoða gamlar síður
Morgunblaðsins á skjá og prenta þær út. Vef-
viðmótið gefur notendum kost á að leita að ein-
stökum tölublöðum eða árgöngum Morgun-
blaðsins og síðar einnig að ákveðnu leitarorði
með textaleit. Sigrún Klara segir að ekki sé
langt að bíða þess að hægt verði að leita að
ákveðnum texta í því sem búið er að skanna.
„Ég held að þetta breyti mestu fyrir hinn al-
menna íslenska notanda sem hefur áhuga á
bæði skemmtun og fróðleik sem hefur verið í
Morgunblaðinu alla tíð,“ segir Sigrún Klara. „Í
raun og veru er þetta Íslandssagan í hnotskurn
alla tuttugustu öldina.“
Sigrún segir þetta gríðarlegt framfaraskref
varðandi aðgengi að íslenskum heimildum og
muni nýtast almenningi sem vilji finna eitthvað
frá fyrri tíð, t.d. minningargrein, heimildir fyr-
ir ritgerðir nemenda o.fl.
Sá aðgangur sem hefur verið mögulegur
hingað til hefur verið að lesa filmur eða fletta
blöðunum á bókasafni, en með þessum samn-
ingi getur fólk skoðað gömul blöð hvar sem það
er statt í heiminum, segir Sigrún Klara.
„Útgáfa Morgunblaðsins spannar merkileg-
an tíma í sögu íslenskrar þjóðar og í blaðinu er
hægt að lesa þá sögu frá degi til dags og líta
forvitnilegan og fróðlegan aldarspegil. Sömu-
leiðis er það mjög algengt að fólk vilji eiga
blaðið sem kom út á fæðingardegi þess,“ segir
Guðbrandur.
Samningur Landsbókasafns og Morgunblaðsins um aðgang að gagnasafni blaðsins
Ókeypis aðgangur að
þriggja ára efni og eldra
„Töluverð samlegð er í þróun á
samheitalyfjum fyrir Bandaríkja-
markað og Evrópu,“ segir Róbert. „Í
dag er Pharmaco með um 30 ný lyf í
þróun fyrir Evrópu og mun hluti
þeirra lyfja jafnframt verða þróaður
fyrir Bandaríkjamarkað. Með því
móti skapast góð tækifæri á verð-
mætaaukningu við sölu á lyfjahugviti
og fullunninni vöru.“
Pharmaco samdi á síðasta ári við
eitt af stærstu samheitalyfjafyrir-
tækjum í Bandaríkjunum, Alpharma.
Samkvæmt þeim samningi framleiðir
og markaðssetur Alpharma lyf, sem
þróuð eru af Delta, dótturfélagi
Pharmaco. „Með stofnun félagsins í
Bandaríkjunum leggur Pharmaco
ríkari áherslu á sókn sína inn á þenn-
an stærsta lyfjamarkað heims. Tæki-
færin fyrir Pharmaco þar eru mikil.“
Stærsti markaður í heimi
Sigurður Óli Ólafsson, lyfjafræð-
ingur, hefur verið ráðinn fram-
kvæmdastjóri hins nýja félags. Hann
segir að öflug þróun Pharmaco und-
anfarin ár sé lykilþáttur í góðri stöðu
Pharmaco í dag og segir félagið vera
með fjölda lyfja í þróun sem mögulegt
sé að skrá og selja á markaðnum án
mikils viðbótarkostnaðar af hálfu fé-
lagsins. Hann segir ennfremur að
Pharmaco muni ekki selja eigin vöru-
merki í Bandaríkjunum, a.m.k. ekki
fyrst í stað, heldur lyfjahugvitið og í
sumum tilvikum fullbúin lyf, sem
framleidd verði af undirverktökum.
Að sögn Sigurðar Óla er lyfjamark-
aðurinn í Bandaríkjunum sá lang-
stærsti í heiminum, eða um 46% af
heimsmarkaði og helmingi stærri en
allur Evrópumarkaður. Hann segir
að áætluð heildarvelta markaðarins
sé um 215 milljarðar dollara á ári og
hlutfall samheitalyfja sé um 47% af
lyfjaávísunum. Þá sé verðmæti sam-
heitalyfjamarkaðarins um 17 millj-
arðar Bandaríkjadala, sem svarar til
um 1.300 milljarða íslenskra króna.
Spáð miklum vexti
Sigurður Óli segir að spáð sé mikl-
um vexti markaðarins á næstu árum
og að ákjósanlegt sé að sækja inn á
markaðinn nú. Neytendur í Banda-
ríkjunum séu til að mynda mun opn-
ari fyrir notkun samheitalyfja en áð-
ur, þrýstingur á kostnaðaraðhald í
heilbrigðisgeiranum hafi aukist auk
þess sem mörg af söluhæstu lyfjunum
í dag muni fara af einkaleyfi á næstu
árum, eða um 120 lyf fram til ársins
2010. „Þetta allt ásamt því að Banda-
ríkin eru eitt markaðssvæði, sem ein-
faldar alla skráningu og sölu á nýjum
lyfjum þar í landi, gerir að verkum að
þessi markaður er mjög áhugaverður
fyrir Pharmaco,“ segir Sigurður Óli.
Skrifstofa hins nýja félags er í
Connecticut og verða um fjögur
stöðugildi hjá Pharmaco sem sinna
sérstaklega verkefnum tengdum
Bandaríkjamarkaði. Stefnt er að því
að fyrstu lyfin fari á markað þar 2005.
Pharmaco hf.
stofnar félag í
Bandaríkjunum
PHARMACO hefur stofnað félag í Bandaríkjunum. Þetta gerir að
verkum að Pharmaco getur nú skráð lyf og sótt um markaðsleyfi þar
í landi undir eigin nafni, sem fyrirtækið hefur ekki getað hingað til.
Róbert Wessman, forstjóri Pharmaco, segir að með stofnun félags-
ins í Bandaríkjunum sé ætlunin að styrkja enn frekar þau viðskipta-
sambönd sem Pharmaco hefur nú þegar stofnað til á Bandaríkja-
markaði og leggja áherslu á frekari sókn félagsins á svæðinu.
FERFÆTLINGAR þurfa sína hreyfingu ekki síður en tvífætlingar og
hundurinn Maurer skemmti sér prýðilega í boltaleik með eiganda sínum í
gær, þótt kuldinn hafi verið napur í byrjun vetrar.
Hundar voru áberandi í miðbæ Reykjavíkur, Keflavíkur og Akureyrar
um miðjan dag í gær þegar Hundaræktarfélag Íslands hélt árlega göngu
hunda og manna. Gengið var niður Laugaveginn í Reykjavík, og þurfti til
þess sérstakt leyfi, enda venjulega bannað að taka ferfættu vinina með sér
á búðaröltið á Laugaveginum. Félagið reiknaði með að fjölmargir hundar
myndu nýta þetta sjaldséða tækifæri til að líta í búðarglugga á Laugaveg-
inum, enda aldrei að vita hvenær tækifæri til þess gefst næst.
Morgunblaðið/Árni Torfason
Í boltaleik í byrjun vetrar
HALLDÓR Ásgrímsson utanríkis-
ráðherra segist telja raunhæft að
tvöfalda á næstu árum framlag Ís-
lands til þróunarsamvinnu, þannig
að það verði um 0,3% af þjóðar-
framleiðslu. Aftur á móti sé óraun-
sætt að gera ráð fyrir að það aukist
meira en það.
„Við þurfum hins vegar að fara
mjög vel yfir það, þegar við förum
út í frekari aukningu á tvíhliða þró-
unarsamvinnu, hvar við berum nið-
ur, hvort við eigum að fara inn í
fleiri ríki í Afríku eða hvort við lít-
um til Asíu og jafnvel Suður-Am-
eríku. Það er hlutur, sem við þurf-
um að fara vandlega yfir,“ segir
Halldór í viðtali við Morgunblaðið í
dag.
Áhugi á samstarfi í Íran
Hann segir koma til greina að
auka aðstoð við núverandi fjögur
samstarfsríki Íslands í Afríku þeg-
ar fjárveitingar aukast, „en mér
finnst koma til greina að horfa
eitthvað í aðrar áttir, til dæmis til
Suður-Ameríku. Eins þurfum við
að líta til samvinnu í Mið-Aust-
urlöndum.“
Utanríkisráðherra er á leið til
Írans í byrjun desember, ásamt
aðilum úr viðskiptalífinu. Hann
segir að Íranar hafi áhuga á sam-
starfi við Ísland á sviði orku- og
sjávarútvegsmála. „Norðmenn
hafa komið inn í þeirra sjávar-
útveg, en þeir vilja fá okkur líka
og segja að þarna séu miklir
möguleikar,“ segir Halldór. „Þeir
vilja líka fá okkur til samstarfs í
sambandi við jarðhita. Íran er
mjög stórt land og í raun auðugt,
þannig að þar er ekki beint verið
að hugsa um þróunarhjálp, heldur
samstarf og viðskipti,“ segir ráð-
herra ennfremur.
Íhuga að-
stoð í Asíu
og Suður-
Ameríku
Við höfum sömu/10
Þróunarsamvinna
FYRSTA verkefni
Kristjáns Ragn-
arssonar hjá LÍÚ
var að flytja inn
Færeyinga til að
manna íslenzka
fiskiskipaflotann.
Síðan tóku kjara-
samningar við og
það voru hans
leiðinlegustu
stundir. Vegna þeirra kom hann
ekki heim sjö nætur í röð eftir brúð-
kaupsdaginn sjöunda janúar 1961.
Kristján hefur nú látið af for-
mennsku LÍÚ eftir 33 ára samfellt
skeið. Hann rifjar upp ýmislegt af
ferlinum í viðtali í Morgunblaðinu í
dag og meðal annars segir hann
þetta um kjaramálin: „Það verð ég
líka að segja að mér finnst hafa orð-
ið minnstar framfarir í samskiptum
okkar og forystumanna samtaka
sjómanna. Með þessu er ég að segja
að þeir séu ekki nógu framsýnir og
raunsæir, en sjálfsagt finnst þeim
það sama um mig.“
Kom ekki
heim í sjö
nætur
Sunnudagur/6
Kristján
Ragnarsson