Morgunblaðið - 02.11.2003, Blaðsíða 10

10 B SUNNUDAGUR 2. NÓVEMBER 2003 MORGUNBLAÐIÐ
ferðalög
Heimagisting á besta stað í bænum. Býður alla Íslendinga velkomna.
Geymið auglýsinguna.
www.gistinglavilla16.com
sími 004532975530 • gsm 004528488905
Kaupmannahöfn - La Villa
Þ
AÐ má eiginlega segja að ég
eigi tvo uppáhaldsstaði þó
þeir séu langt í burtu frá
hvor öðrum en þetta eru
Skorradalur og svo hinsvegar Tosc-
ana á Ítalíu,“ segir María Guð-
mundsdóttir ritstjóri hjá útgáfu-
félaginu Heimi.
„Friðsældin er svo mikil í Skorra-
dalnum og náttúrufegurðin mögnuð.
Mér finnst gott og nauðsynlegt að
draga mig af og til í hlé frá amstri
hversdagsins með fjölskyldunni og
við höfum verið svo heppin að hafa
aðgang að bústað þar og förum
þangað á öllum árstímum. Fram til
þessa höfum við öll notið ferðanna
þangað, meira að segja unglingarnir
vilja fara með.“
María segir að í Skorradal noti
fjölskyldan tímann til samveru-
stunda, þau fara í gönguferðir, lesa,
spila, elda góðan mat og hlusta á fal-
lega tónlist.
Búa í sveitinni
En það eru fleiri staðir en Skorra-
dalur sem eiga hug Maríu því hún
segist fyrir nokkrum árum hafa fall-
ið kylliflöt fyrir Toscana.
„Ég hef farið þrisvar sinnum til
Toscana í frí og það er alveg stór-
kostlegt að dvelja þar. Við höfum
leigt okkur hús og bíl, búið í sveitinni
og síðan farið í skoðunarferðir það-
an.
Mannlífið í Toscana er yndislegt,
náttúrufegurðin mikil, stórkostleg
saga við hvert fótmál og maturinn
einstaklega góður. Ítalir eru nota-
lega afslappaðir, þeir gefa sér tíma
til að borða þennan góða mat sem
þeir búa til og hafa einhvernveginn
tök á að njóta lífsins.“
María segist vera sérstaklega
hrifin af svæðinu í kringum Flórens
og eins landinu á mörkum Flórens
og Umbríu.
Er í ítölskunámi
Lestu þér til áður en þú ferðast?
„Já það er hluti af ferðalaginu. Það
má í raun skipta ferðalögunum í
þrennt, undirbúning þegar maður er
að viða að sér efni og lesa sér til um
staðinn sem maður ætlar að heim-
sækja, svo er það ferðalagið sjálft og
upplifunin og að lokum minningarn-
ar sem maður eignast á ferðalaginu.“
María segir að bókaflokkurinn
Eyewitness hafi reynst sér vel bæði
við undirbúning og sem ferðafélagi.
Hún hefur hellt sér út í ítölskunám
og er nú komin í þriðja áfanga. „Mig
langaði að læra ítölskuna því ég er
ákveðin í að eyða meiri tíma á þess-
um slóðum í framtíðinni.“
Hvernig hefur þú fundið húsin
sem þú hefur leigt þér á Ítalíu?
Ég hef aflað mér upplýsinga um
þau á Netinu og pantað þar. Allar
upplýsingar sem þar hafa komið
fram hafa reynst réttar og allt stað-
ist sem okkur hefur verið lofað.“
Heilsuböð og dúfnakjöt
Hefur þú rekist á skemmtileg veit-
ingahús í Toscana?
„Já mörg en uppúr stendur líklega
veitingastaðurinn Danielle í San
Casciano dei Bagni.
Staðurinn er rekinn af ítalskri fjöl-
skyldu og maturinn engu líkur.
Ég mæli með svokölluðum kodd-
um eða Ravioli með pesto undir og
ofan á, kartöflumjöli og dúfnahakki,
sem er himneskur réttur.
Þjónustan er líka frábær á þessum
stað. Eitt sinn komum við þangað í
nítján manna hópi þar sem stór hluti
var börn. Þau fengu ekki síðri þjón- ustu en fullorðna fólkið. Ítalir hafa
sérstakt lag á börnum og foreldrarn-
ir þurfa ekkert að hafa áhyggjur af
þeim. Við hliðina á veitingastaðnum
er frábært kaffihús þar sem líka er
hægt að kaupa ítalskan ís.
Þorpið sjálft er líka gaman að
skoða en það er þekkt fyrir heilsu-
böð.
Síðan held ég mikið upp á stað sem
heitir Sostanza, í Flórens, sem er
ekki eins fínn staður en þar eru afar
ljúffengar kjúklingabringur á boð-
stólum og marengsterta sem hrein-
lega bráðnar í munni.“
Ferðu mikið í búðir í útlöndum?
„Ég er vaxin uppúr því en það er
þá helst að ég taki með mér heim
eitthvað matarkyns. Við höfum verið
að prófa okkur áfram með ítalska
matargerð. Þegar ég er búin að ná
meiri færni í ítölsku stefni ég að því
að fara þangað á ítölskunámskeið og
matreiðslunámskeið í leiðinni.“
Það er svo mikil friðsæld og náttúrufegurð í Skorradalnum segir María Guðmundsdóttir sem nýtir hvert tækifæri til að bregða sér þangað.
Hún segist líka hafa kolfallið fyrir Toscana á Ítalíu og skellti sér í ítölskunám því hún ætlar sér að eyða meiri tíma þar í framtíðinni.
Mannlífið í Toscana er yndislegt, náttúrufegurðin mikil, stórkostleg saga við hvert fótmál og maturinn einstaklega góður.
María ásamt börnunum sínum á Capri í sumar. Börnin heita Jóhannes, Guðmundur og Álfheiður Marta en á myndina
vantar myndasmiðinn og fjölskylduföðurinn Kjartan Jóhannesson.
La Cervagliera í Suður-Toscana við landamæri Umbriu. Á myndinni eru Egill Jó-
hannesson, Elín María Guðjónsdóttir og María Guðmundsdóttir.

Heimilisföng.
María pantaði húsnæðið í Tosc-
ana á Netinu á þessum slóðum:
www.sanvito.it og á
www .vacanzeincampagna.it
Veitingahúsið Danielle
San Casciano dei Bagni
Veitingahúsið Sostanza (Il
Troia)
Via Del Porcellana 225r
Flórens.
Féll kylliflöt fyrir Toscana
La Cervagliera með þorpið Trevinto í
bakgrunni.
Ferð til Kína
KÍNAKÚBBUR Unnar stendur
fyrir ferð til Kína dagana 21.
maí–11. júní á næsta ári.
Flogið verður um Stokkhólm til
Beijing.
Ferðast verður um Kína og m.a.
farið til Chongqing og siglt niður
eftir Jangtze-fljótinu um gljúfrin
þrjú. Í Shanghai verður m.a. farið
á borgarsafnið og í Yu Yuan-
garðinn svo og á náttúrugripa-
safn og í fjölleikahús. Í Suzhou
verður gengið um Ljónagarðinn
og hópurinn kynnir sér silkiiðnað.
Þá verður siglt á Keisaraskurð-
inum og síðan haldið frá Suzhou
til Shanghai. Þar verður Torg
hins himneska friðar skoðað og
deginum svo varið í Forboðnu
borginni. Farið verður út fyrir
Beijing og Sumarhöllin skoðuð,
farið verður í klaustur og á Ming-
grafarsvæðið. Ferðin kostar
350.000 krónur á mann en dag-
skráin er öll innifalin, gisting mið-
uð við tvíbýli, og fullt fæði, skatt-
ar og gjöld svo og leiðsögumenn
og fararstjórn Unnar Guðjóns-
dóttur.
Nánari upplýsingar um
Kínaferðina veitir Unnur
Guðjónsdóttir í síma
5512596 eða 8682726.
Netfang: kinaklubbur@-
simnet.is. Slóðin er
www.simnet.is/kinaklubb-
ur.