Morgunblaðið - 02.11.2003, Blaðsíða 11

Morgunblaðið í 90 ár 1913 ∼ 2003 ∼ 11
Morgunblaðsins; reikningar sendir út og skuldir
greiddar.
Það er á þessari hæð sem borgað er út. Og þarna er
starfsmannahaldið til húsa, en þar koma m.a. inn allar
umsóknir um störf hjá Morgunblaðinu og ráðið er fram
úr ýmsum málum, sem upp koma varðandi vinnu-
tilhögun og fleira.
Á fjórðu hæðinni ríkir framkvæmdastjórinn og með
meiru, því til hans heyra aðrar deildir blaðsins að rit-
stjórninni undanskilinni, nema hvað fjárhagslega
rekstrarumgjörð hennar varðar.
Handagangur við háborðið
En þótt línur ritstjórnarinnar séu lagðar á morg-
unfundum taka mál oft miklum stakkaskiptum, þegar
líður á daginn. Því þurfa menn að hittast á ný til að tí-
unda heimtur og fara yfir stöðuna.
Með deginum eykst spennan á annarri hæð. Á öllum
deildum ritstjórnarinnar eru blaðamenn að fást við
verkefni dagsins og senda frá sér fréttir og greinar inn
í samtengt tölvukerfi. Þar geta yfirmenn þeirra fylgzt
með texta og myndum, sem ljósmyndarar blaðsins
taka, eða eru stöðugt sendar frá öðrum löndum inn í
myndbanka blaðsins.
Á meðan keppast prófarkalesarar við að lesa og leið-
rétta og háborðsfólkið heldur áfram að loka innsíðum
blaðsins. Framan af morgni er unnið eftir grófu plani
frá deginum áður, en nú tekur planið á sig æ fastari
mynd í dagsins rás. Starfsmenn einstakra deilda rit-
stjórnarinnar koma svo að „háborðinu“ og loka sínum
síðum í blaðinu.
Síðdegis lygnir í þeim hlutum hússins, þar sem fólkið
fjarar út. Hamagangur dagsins hefur haldið húsinu við
efnið, en það nær vart nokkrum svefni, þótt um hægist
á sumum hæðum. Til þess er spennan á annarri hæð-
inni orðin of mikil.
Þar hefur framleiðslufólkið vaktaskipti og venjuleg-
um vinnudegi sumra blaðamanna og ljósmyndara lýk-
ur. En alltaf bætast nýir hópar í skörðin. Netrit-
stjórnin vakir allajafna til klukkan 22 og
ljósmyndadeildin og fréttadeildirnar; sú innlenda og
erlenda, viðskiptin og íþróttirnar halda úti vaktmönn-
um blaðið á enda.
Seinni partinn hefjast menn handa við að loka frétta-
síðum og um sjöleytið er stuttur fundur, þar sem for-
síðuteymið og fréttastjórar bera saman bækur sínar.
Venjulega lýkur fréttaskrifum um tíuleytið og þá er
búið að ganga frá síðustu síðunum til plötugerðar á
tólfta tímanum.
Við hrynjandi pressunnar
Plöturnar eru skrifaðar út og fara yfir í prentsmiðj-
una, þar sem þeim er raðað inn á valsa prentvélarinnar
og pappírinn þræddur í gegnum hana. Pressan er á við
fjögurra hæða hús og vinnur sitt verk langt í frá þegj-
andi og hljóðalaust.
Hún er gangsett upp úr miðnættinu og er tvo til þrjá
tíma að prenta upplag blaðsins.
Þótt blaðhúsið geti nú lygnt aftur augunum, þegar
blaðið er komið í prentsmiðjuna, er það líka á valdi
taktfastrar hrynjandi pressunnar. Hún lætur hátt hin-
um megin við vegginn, en virkar svæfandi, þegar fjær
dregur. Það færist því ákveðin ró yfir þá hluta hússins,
sem frá pressunni snúa, en þó ekki meiri en svo, að
húsið getur ekki tekið á sig náðir.
Því prentsmiðjan er glaðvakandi. Frá prentvélinni
fara blöðin yfir í pökkunarsalinn, þar sem þau eru sett í
pakka, merkta blaðberum og hverfum. Pakkarnir eru
bornir út í bíla jafnóðum og fara fyrstu bílarnir norður,
austur fyrir fjall og á Suðurnesin. Þegar fyrstu bílarnir
eru farnir eru þeir fermdir sem flytja blaðið til blað-
bera og seljenda á höfuðborgarsvæðinu. Þannig eiga
lesendur á svæðinu frá Hvolsvelli til Húsavíkur að fá
blaðið sitt ekki síðar en klukkan sjö að morgni og aðrir
fá það eins fljótt og flug og aðrar aðstæður leyfa.
Eins og húsið
Loks þegar ysinn frá síðasta starfsmanninum leggur
og þys blaðbílanna þagnar getur húsið snúið sér á hina
hliðina og lagt augun aftur. Það hefur séð 328 starfs-
menn koma og fara.
Húsið er fegið hvíldinni, en veit, að það er stutt í að
annar dagur og annað blað taki völdin.
En þau eru allt öðru vísi. Því þótt margt sé unnið
keimlíkum handtökum frá degi til dags eru engir tveir
dagar eins í lífi Morgunblaðsins. Það er vegna þess, að
það sem um er vélað er allt annað í dag en í gær.
Efni blaðsins er alltaf nýtt.
En sál þess er söm við sig.
Eins og húsið.

hússins
’ Þennan morgun nærMorgunblaðshúsið að
dúra í á annan klukku-
tíma. Það er ekki alltaf
svo. Stundum kemur því
enginn blundur á brá; þá
hefur blaðið tafizt og síð-
asta fólkið kemst ekki
heim úr pökkuninni fyrr
en eftir að fyrstu morg-
unmennirnir eru mættir í
húsið. En þennan morgun
fara starfsmenn í pökk-
uninni heim á fimmta tím-
anum og klukkan sex
mætir starfsfólk áskrift-
ardeildar og fyrstu
starfsmenn mbl.is til
vinnu. Milli þessara
manna dottar húsið með
engan yfir sér, nema næt-
urvörðinn. ‘
freysteinn@mbl.is