Morgunblaðið - 03.11.2003, Blaðsíða 5

KNATTSPYRNA
MORGUNBLAÐIÐ MÁNUDAGUR 3. NÓVEMBER 2003 B 5
EVRÓPUMEISTARAR Real Madr-
id tilkynntu í gær að þrír leikmenn
félagsins hefðu framlengt samn-
inga sína við félagið – fyrirliðinn
Raúl, Michel Salgado og Jose Maria
Guti.
Raúl og Guti voru með samninga
til ársins 2005, en samningur
Salgado átti að renna út næsta sum-
ar og fastlega var búist við því að
hann yrði ekki endurnýjaður.
Salgado var sterklega orðaður við
Chelsea, en eftir að ljóst var að
hann yrði áfram í herbúðum félags-
ins sagðist hann yfir sig ánægður –
hann vildi hvergi vera annars stað-
ar vera. Salgado, sem er landsliðs-
maður Spánar með 30 landsleiki að
baki, kom til Real Madrid frá Celta
Vigo árið 1999.
Raúl, eða gulldrengurinn eins og
hann er jafnan nefndur – skrifaði
undir samning sem er til ársins
2009. Hann er fjórði markahæsti
leikmaður Real Madrid frá upphafi
– hefur skorað 225 mörk fyrir Real
frá því hann byrjaði að leika með
liðinu aðeins 17 ára fyrir níu árum.
Þá er hann markahæsti leikmaður
spænska landsliðsins frá upphafi –
hefur skorað 35 mörk í 66 lands-
leikjum.
Sannur vinur
Helstu kostir Raúl eru hvað hann
er vinnusamur og óeigingjarn –
maður liðsheildarinnar. Þau vanda-
mál sem kappinn hefur helst lent í –
eru oftar en ekki tengd því að vera
trúr vinum sínum.
Gulldrengurinn er
tryggur Real Madrid
„ÞETTA er spurning um KR
eða Grindavík, en ég er ekki
alveg búinn að ákveða hvort
félagið verður fyrir valinu,“
sagði Orri Freyr Hjaltalín
knattspyrnumaður í samtali
við Morgunblaðið í gær en
Orri hefur ákveðið að yfirgefa
Þór á Akureyri og hafa bæði
Grindavík og Íslandsmeist-
arar KR-inga gert honum hon-
um tilboð.
„Ákvörðunin er erfið en ætli
ég reyni ekki að taka hana á
morgun eða hinn,“ sagði Orri.
KR eða
Grindavík
hjá Orra
Arsenal gerði út um leikinn gegnLeeds á fyrsta hálftíma leiksins
en skæðar skyndisóknir Lundúnal-
iðsins skiluðu þremur mörkum í fyrri
hálfleik, tvö frá Henry og eitt frá Ro-
bert Pires. Brasilíumaðurinn Gilberto
kom Arsenal í 4:0 í upphafi síðari hálf-
leiks en Alan Smith lagaði stöðuna
fyrir Leeds og úrslitin þau sömu og í
leik liðanna á Elland Road í fyrra.
Áttum að skora fleiri mörk
„Í hvert sinn sem við náðum hröð-
um sóknum á Leeds í fyrri hálfleik
skoruðum við mörk eða vorum við
það. Það var þægilegt að fara inn í
leikhléið með þriggja marka forskot
en ég verð að hrósa leikmönnum
Leeds fyrir að gefast ekki upp. Við
áttum nú samt að skora fleiri mörk og
þá sérstaklega á lokamínútunum þeg-
ar við sköpuðum okkur mörg góð færi
en ég gekki kvartað yfir þriggja
marka sigri og það á útivelli,“ sagði
Arsene Wenger, stjóri Arsenal, eftir
leikinn.
Réðum ekkert við Henry
„Við réðum hreinlega ekkert við
Henry. Þegar hann fær að leika jafn
lausum hala og hann fékk í þessum
leik, er Arsenal nánast óstöðvandi,“
sagði Peter Reid, knattspyrnustjóri
Leeds. Ástralinn Mark Viduka var
ekki í liði Leeds og var ástæðan aga-
brot sem Ried vildi ekki ræða nánar
um eftir leikinn.
Eiður fékk þrjár mínútur
Eiður Smári Guðjohnsen fékk að-
eins að spreyta sig í þrjár mínútur
þegar Chelsea vann sætan sigur á
Everton með marki Rúmenans Adr-
ian Mutu, 1:0.
Claudio Ranieri, knattspyrnustjóri
Chelsea, var við sama heygarðshorn-
ið og áður. Hann gerði breytingar á
framlínu liðsins frá leiknum við Notts
County í deildarbikarkeppninni á
miðvikudaginn. Eiður Smári Guð-
johnsen, sem skoraði tvö mörk í þeim
leik, var settur á bekkinn og Mutu tók
stöðu hans – lék í fremstu víglínu með
Jimmy Floyd Hasselbaink. Muto
skoraði sigurmarkið á 49. mínútu,
mark sem leikmenn Everton mót-
mæltu kröftuglega – töldu Rúmenann
hafa notað höndina til að koma knett-
inum í netið.
„Við kræktum okkur í dýrmæt stig.
Ég verð að segja að við höfum oftast
leikið betur. Seinni hálfleikurinn var
þó mun betri hjá okkur og ég verð að
hrósa Joe Cole sérstaklega – hann
var frábær,“ sagði Claudio Ranieri
knattspyrnustjóri Chelsea.
Refsað fyrir að nýta ekki færin
„Chelsea er að mínu mati verð-
skuldað í öðru sæti deildarinnar, en
ég er samt mjög svekktur að hafa tap-
að leiknum. Við sköpuðum okkur
fleiri færi í þessum leik en flestum
hinum leikjunum sem við höfum spil-
að en þegar maður nýtir ekki færi sín
þá er manni refsað. Markið sem Mutu
gerði var að mínu mati kolólöglegt,“
sagði David Moyes, knattspyrnu-
stjóri Everton.
Varamennirnir hetjur United
Varamennirnir Ronaldo og Roy
Keane innsigluðu sigur meistara
Manchester United á nýliðum
Portsmouth á Old Trafford. Báðir
komu þeir inná á 76. mínútu og þeir
settu svo sannarlega mark sitt á leik-
inn. Ronaldo kom United í 2:0 með
marki beint úr aukaspyrnu á 80. mín-
útu og tveimur mínútum síðar skoraði
fyrirliðinn þriðja markið með glæsi-
legu vinstrifótarskoti. Diego Forlan
skoraði fyrsta mark meistaranna á
37. mínútu, sitt þriðja í jafnmörgum
leikjum.
„Þar sem bæði Arsenal og Chelsea
unnu sína leiki þá urðum við að gera
það líka,“ sagði Sir Alex Ferguson,
knattspyrnustjóri United, en hann
telur að baráttan um titilinn verði að-
eins á milli þessarra þriggja liða.
„Þetta var alls ekki auðveldur leik-
ur. Það gat í rauninni allt gerst enda
forysta okkar naum. Með skipting-
unni á Keane og Ronaldo vildi ég
tryggja að við töpuðum ekki leiknum.
Það eru erfiðir leikir fram undan –
fyrst gegn Glasgow Rangers í meist-
aradeild Evrópu á þriðjudaginn og
svo deildarleikur gegn Liverpool á
sunnudag. Það er ástæðan fyrir því að
ég hvíldi Keane stóran hluta leiksins,“
sagði Ferguson.
Reuters
Það var kátt á hjalla hjá leikmönnum Arsenal er þeir unnu öruggan sigur á Leeds á Elland Road.
Hér fagna þeir öðru marki Frakkans Thierry Henry, sem er galdramaður með knöttinn.
Þriggja liða bar-
átta á Englandi
TOPPLIÐIN í ensku úrvalsdeildinni í knattspyrnu, Arsenal, Chelsea
og Manchester United, áttu öll góðu gengi að fagna í leikjum sínum
um helgina. Arsenal, sem er eina taplausa liðið í deildinni, skellti
Leeds á Elland Road, 4:1, þar sem Thierry Henry skoraði tvívegis,
Rúmeninn Adrian Mutu tryggði Chelsea sigur á Everton á Goodison
Park og meistarar Manchester United unnu öruggan sigur á nýlið-
um Portsmouth, 3:0, þar sem portúgalski táningurinn Ronaldo opn-
aði markareikning sinn fyrir félagið.
■ Úrslit/B10
■ Staðan/B10

ALAN Shearer, fyrirliði New-
castle, fékk gullið tækifæri til að
tryggja sínum mönnum sigurinn á
Aston Villa en honum brást boga-
listin úr vítaspyrnu níu mínútum fyr-
ir leikslok. Danski landsliðsmark-
vörðurinn Thomas Sörensen sá við
Shearer og leiknum lyktaði með
jafntefli, 1:1. Dion Dublin, sem átti
frábæran leik í miðvarðarstöðunni,
kom Villa yfir í leiknum en Laurent
Robert jafnaði metin. Aston Villa lék
manni færri síðustu 20 mínúturnar
eftir að Gavin McCann var vikið af
velli.

DANNY Murphy tryggði Liver-
pool sigurinn á Fulham í gær með
marki úr vítaspyrnu tveimur mínút-
um fyrir leikslok. Liverpool fagnaði
sigri, 2:1, og komst með honum upp í
sjöunda sæti deildarinnar. Emile
Heskey er greinilega búinn að finna
markaskóna en hann skoraði fyrra
mark Liverpool og sitt þriðja í
tveimur síðustu leikjum en Louis
Saha jafnaði fyrir Fulham.

KEVIN Keegan, stjóri Manchest-
er City, neitaði því eftir sigurinn á
Southampton að hafa lent í rifrildi
við Nicolas Anelka en Anelka var
ekki í liði City í leiknum. Ástæðan
fyrir því að Anelka var ekki í liðinu
voru meiðsli í kálfa að sögn Keegans.

ROBBIE Fowler lék í fremstu víg-
línu með Paolo Wanchope hjá Man-
chester City og þeir gerðu hvor sitt
markið. Fowler skoraði sitt fyrsta á
leiktíðinni og hrósaði Keegan fram-
herja sínum í hástert eftir leikinn.
„Markið var í hæsta gæðaflokki og
þetta er nokkuð sem við erum búnir
að bíða lengi eftir,“ sagði Keegan.

TOTTENHAM tapaði sínum
fyrsta leik undir stjórn Davids
Pleats og það á heimavelli fyrir Bolt-
on. Kevin Nolan skoraði eina mark
leiksins og tryggði Bolton fyrsta sig-
urinn á White Hart Lane í 44 ár.

BLACKBURN tapaði fimmta leik
sínum í röð í ensku úrvalsdeildinni í
gær þegar liðið lá fyrir Leicester,
2:0. Marcus Bent og Steve Howey
skoruðu mörk Leicester á síðustu 15
mín., en það voru einu skot Leicester
á mark Blackburn í leiknum.

WAYNE Rooney er búinn að taka
af öll tvímæli. Hann ætlar að vera
um kyrrt hjá Everton en Rooney
hefur þráfaldlega verið orðaður við
Chelsea. „Ég er nýbúinn að fram-
lengja samning minn við Everton
svo ég hef ekki áhuga á að fara til
annars liðs,“ sagði Rooney við enska
fjölmiðla um helgina.

ELFSBORG varð um helgina
sænskur bikarmeistari í knatt-
spyrnu þegar liðið sigraði 2. deildar-
liðið Assyriska, 2:0, á Råsunda-leik-
vanginum í Gautaborg. 10.000
áhorfendur sáu Lars Nilsson skora
bæði mörk Elfsborg í leiknum.
FÓLK
Reuters
Adrian Mutu fagnar marki
sínu gegn Everton.