Morgunblaðið - 04.11.2003, Blaðsíða 11

FRÉTTIR
MORGUNBLAÐIÐ ÞRIÐJUDAGUR 4. NÓVEMBER 2003 11
SAMKVÆMT skoðanakönnun Gall-
up í síðasta mánuði hafa litlar breyt-
ingar orðið á fylgi flokkanna frá
kosningum. Sjálfstæðisflokkurinn
virðist þó heldur vera að bæta við
sig fylgi á kostnað Samfylkingarinn-
ar.
Í könnuninni mældist Sjálfstæð-
isflokkurinn með 39% fylgi (34% í
kosningunum í maí), Samfylkingin
mældist með 29% fylgi (31%), Fram-
sóknarflokkurinn með 16% fylgi
(18%), Vinstrihreyfingin með 10%
fylgi (9%) og Frjálslyndi flokkurinn
með 6% fylgi (7% í kosningunum).
Helstu breytingar frá síðustu
könnun Gallup er að fylgi Samfylk-
ingarinnar dalar um tvö prósentu-
stig, en frjálslyndir bæta við sig
tveimur prósentustigum. Sjálfstæð-
isflokkur og VG bæta hins vegar við
sig einu prósentustigi. Þessar fylgis-
breytingar eru innan vikmarka.
Samkvæmt könnuninni lýsa 58%
svarenda yfir stuðningi við ríkis-
stjórnina. Samanlagt fylgi stjórnar-
flokkanna er hins vegar 54%.
Könnunin var gerð dagana 29.
september til 28. október. Úrtakið
var 3.495 manns á aldrinum 18–75
ára. Úrtakið var valið með tilviljun
úr þjóðskrá og var svarhlutfall 65%.
Litlar breyt-
ingar á fylgi
flokkanna
KALLAÐ var á aðstoð lögreglunn-
ar í Reykjavík um helgina þegar
maður kom að tveimur sofandi
mönnum á veitingastað í miðborg-
inni. Gleymst hafði að læsa veit-
ingastaðnum og höfðu tveir erlendir
menn sem ekki áttu í nein hús að
venda farið þar inn og lagt sig á
gólfið til að forðast kuldan úti.
Mönnunum var ekið að húsnæði
Hjálpræðishersins þar sem þeir
ætluðu að fá gistingu.
Lögreglunni fékk aðra tilkynn-
ingu um menn sem leituðu sér
skjóls í kuldanum. Um var að ræða
tvo menn sem brotist höfðu inn í
anddyri húss í vesturborginni og
sváfu þar ölvunarsvefni. Þegar lög-
regla kom á staðinn fannst þar sof-
andi maður. Hann mun hafa kveikt
smáeld inni í anddyrinu til að ylja
sér og voru smávægilegar skemmd-
ir á mottu eftir eldinn. Manninum
var vísað út.
Leituðu sér
skjóls undan
kuldanum
GRUNUR leikur á að kveikt hafi
verið í sumarbústað í Eilífsdal, en
hann brann til kalda kola á sunnu-
dagskvöld. Slökkvilið höfuðborgar-
svæðisins fór á staðinn eftir að til-
kynning um eldinn barst en gat
lítið gert til að bjarga bústaðnum.
Vart varð við mannaferðir við bú-
staðinn nokkru áður en eldurinn
braust út og því hefur ekki verið
útilokað að hann sé af mannavöld-
um.
Grunur um
íkveikju
ÖKUMAÐUR jeppa keyrði á naut á
þjóðveginum undir Eyjafjöllum, til
móts við bæinn Hrútafell, um kvöld-
matarleytið á sunnudag. Ökumann
sakaði ekki en jeppinn er nokkuð
skemmdur, þó ökufær.
Nautið fótbrotnaði við árekstur-
inn. Það stóð þó upp eftir árekstur-
inn og haltraði út af veginum af
sjálfsdáðum. Nautið hafði losnað úr
girðingu með tveimur öðrum naut-
gripum í gegnum opið hlið og ráfað
út á veginn.
Ók á naut
♦ ♦ ♦
♦ ♦ ♦
♦ ♦ ♦