Morgunblaðið - 04.11.2003, Blaðsíða 14

VIÐSKIPTI/ATHAFNALÍF
14 ÞRIÐJUDAGUR 4. NÓVEMBER 2003 MORGUNBLAÐIÐ
ÚR VERINU
BRESKI fjárfestingarbankinn Sing-
er & Friedlander hefur selt 26,2%
hlut í sænska fjárfestingarbankanum
Carnegie, en bankinn átti fyrir 30,8%
hlut og á nú um 4,6%. Tilkynnt var í
gærmorgun í kauphöllinni í London
að til stæði að selja bréfin og salan
fór þannig fram að safnað var
áskriftum frá kaupendum. Í gær-
kvöldi var svo tilkynnt um lok söl-
unnar.
Í síðustu viku var tilkynnt að
Kaupþing-Búnaðarbanki ætti 6%
hlut í Singer & Friedlander en sam-
kvæmt heimildum Morgunblaðsins
er talið að Kaupþing-Búnaðarbanki
hafi aukið hlut sinn nokkuð frá þeim
tíma.
Í breskum fjölmiðlum hefur því
verið haldið fram að kaup Kaup-
þings-Búnaðarbanka í Singer &
Friedlander kunni að tengjast áhuga
á hlutnum í Carnegie, en Kaupþing-
Búnaðarbanki hefur ekki staðfest
það. Sigurður Einarsson, stjórnar-
formaður Kaupþings-Búnaðar-
banka, vildi í gær ekkert tjá sig um
sölu Singer & Friedlander á hluta-
bréfunum í Carnegie eða hvort
Kaupþing-Búnaðarbanki tengdist
henni með einhverjum hætti.
Í yfirlýsingu frá Singer & Fried-
lander segir framkvæmdastjóri bank-
ans að bankinn hafi verið að reyna að
draga úr verðbréfamiðlun og auka
eignastýringu. Salan nú sé framhald
af skrefi sem tekið hafi verið árið 2001
þegar Carnegie hafi verið skráð á
markað, en Singer & Friedlander
keyptu 55% hlut í Carnegie árið 1995.
Singer & Friedlander
selur 26% í Carnegie
Talið að Kaupþing-
Búnaðarbanki hafi
aukið hlut sinn í
breska bankanum
HAGNAÐUR Sæplasts nam 4 millj-
ónum króna á fyrstu níu mánuðum
ársins. Á sama tímabili í fyrra nam
hagnaðurinn 23 milljónum króna.
Hagnaður fyrir afskriftir, fjár-
magnsgjöld og skatta (EBITDA)
nam 236 milljónum króna en var 242
milljónir á sama tímabili í fyrra.
Rekstrartekjur Sæplasts voru á
fyrstu níu mánuðum ársins 2 milljarð-
ar króna en rekstrargjöldin voru 1,8
milljarðar króna.
Til samstæðu Sæplasts teljast nú í
fyrsta sinn Plasti Ned í Hollandi og
Icebox á Spáni.
Handbært fé félagsins var tæpar
449 milljónir króna í lok september og
jókst um tæpar 386 milljónir króna á
tímabilinu. Eiginfjárhlutfall var
24,5% í lok september, en 31,5% um
áramót.
Rekstur fyrstu níu mánaða ársins
einkenndist af erfiðum ytri aðstæð-
um, að því er segir í tilkynningu til
Kauphallar Íslands. Sterk staða ís-
lensku og norsku krónunnar auk
sterks Kanadadollars hafa mjög nei-
kvæð áhrif á afkomu þarlendra fé-
laga. „Þrátt fyrir sterka stöðu ís-
lensku krónunnar skilaði verksmiðja
Sæplasts á Dalvík sinni bestu afkomu
í sögu félagsins. Rekstur Sæplasts
Norge var mjög erfiður á fyrstu níu
mánuðum ársins. Á tímabilinu lokaði
Sæplast verksmiðju sinni í Norður-
Noregi. Nokkur kostnaður er gjald-
færður vegna þess í uppgjörinu,“ seg-
ir ennfremur í tilkynningu.
Sæplast með 4
milljónir í hagnað
STEINÞÓR Ólafsson, forstjóri
Sæplasts hf., hefur óskað eftir
því við stjórn félagsins að láta
af störfum en
hann hefur
verið forstjóri
þess síðan
1998.
Stjórn Sæ-
plasts hefur
ráðið Geir A.
Gunnlaugsson
sem forstjóra
fyrirtækisins. Geir hefur verið
stjórnarformaður félagsins
frá 2002 og hefur hann sagt
sig úr stjórn félagsins. Stjórn
félagsins hefur kosið Magnús
Jónsson stjórnarformann.
Geir A. Gunn-
laugsson
nýr forstjóri
Geir A.
Gunnlaugsson
ÍSLENSK fyrirtæki sem hafa ekki
þegar hafið undirbúning á innleið-
ingu alþjóðlegra reikningsskila-
staðla þurfa að hefja þá vinnu
strax, að sögn Heimis Þorsteins-
sonar, löggilts endurskoðanda hjá
Deloitte.
Össur hf. er fyrsta íslenska fyr-
irtækið sem birti árshlutareikning
samkvæmt nýju alþjóðlegu reikn-
ingsskilastöðlunum en fyrirtækið er
viðskiptavinur Deloitte sem hefur
veitt sérfræðiþjónustu við innleið-
inguna. Samkvæmt reglugerð Evr-
ópusambandsins verða teknir upp
alþjóðlegir reikningsskilastaðlar á
Evrópska efnahagssvæðinu 1. jan-
úar 2005. Reglugerðin kveður á um
að þau fyrirtæki sem eru með
hlutabréf sín skráð í Kauphöll Ís-
lands og samanstanda af samstæðu
nokkurra félaga þurfi að hafa til-
einkað sér að vinna samkvæmt
stöðlunum í ársbyrjun 2005. Hins
vegar þarf í raun og veru að hefja
þessa vinnu strax um næstu ára-
mót, en það er til þess að uppfylla
kröfur staðlanna um að fyrirtækin
hafi árið 2005 marktækan saman-
burð við árið 2004.
Stöðlunum er ætlað að gera árs-
reikninga og árshlutareikninga fyr-
irtækja auðskiljanlegri og auðvelda
samanburð á fyrirtækjum og þar af
leiðandi samanburð fjárfesta á fjár-
festingarkostum. Þeir eiga að þjóna
sem sameiginlegt tungumál á þessu
sviði og gefa mjög greinargóða
mynd af flestum þáttum í starfsemi
fyrirtækjasamstæðu.
Að sögn Heimis verða fyrirtæki
að taka sér góðan tíma í undirbún-
ing og þá sérstaklega þau sem eru
með starfsemi erlendis. „Þau félög
sem eru í starfsemi víða um heim
þurfa að samræma sín reikningsskil
á milli landa. Oft á tíðum er einhver
munur á milli landa, þó misjafnlega
mikill. Eitt af fyrstu skrefunum í
undirbúningnum er þessi samræm-
ing.“ Hann segir að það sem muni
hafa mikil áhrif á íslensk fyrirtæki
eru miklar breytingar á skýringum
sem þurfa að fylgja með reikning-
um fyrirtækja.
Hófu undirbúning
fyrir rúmu ári
„Við hjá Deloitte hófum undir-
búning að þessum breytingum fyrir
rúmu ári. Meðal annars til þess að
vera undirbúin undir að aðstoða
okkar viðskiptavini við innleiðingu
staðlanna. Það sem ég tel nauðsyn-
legt hjá fyrirtækjum er að innan
þeirra séu myndaðir vinnuhópar til
að vinna að þessari aðlögun. Eins
held ég að það sé ráðlegt að endur-
skoðandi komi að þeirri vinnu,“
segir Heimir.
Heimir segist telja að þrátt fyrir
að fyrirtæki séu e.t.v. lítið und-
irbúin undir þessar breytingar séu
stjórnendur meðvitaðir um að það
sé tímabært að huga að uppgjörum
með tilliti til þessara breytinga.
Alþjóðlegir reikningsskilastaðlar
Mikilvægt að
hefja undir-
búning strax
Miklar breytingar á skýringunum
VINNSLUSTÖÐIN hagnaðist
um 216 milljónir króna eftir
skatta á fyrstu 9 mánuðum árs-
ins og dróst hagnaðurinn sam-
an um 678 milljónir króna frá
sama tímabili í fyrra þegar
hann var 894 milljónir króna.
Heildartekjur félagsins voru
2.686 milljónir króna og lækk-
uðu um 435 milljónir króna.
Hagnaður fyrir afskriftir og
fjármagnsliði nam 842 milljón-
um króna og lækkaði um 22,6%
frá fyrra ári. Veltufé frá rekstri
nam 588 milljónum króna og
var 21,9% af rekstrartekjum.
Í fréttatilkynningu frá félag-
inu segir að afskriftir hafi auk-
ist um 46 milljónir króna frá
fyrra ári sem skýrist aðallega
af endurbótum á fiskimjöls-
verksmiðju félagsins og aukn-
um aflaheimildum. Fjármagns-
gjöld félagsins voru tæpar 238
milljónir króna en á sama tíma-
bili í fyrra voru fjármagns-
tekjur upp á 291 milljón króna.
Munar þar mest um að geng-
ishagnaður og verðbætur lang-
tímaskulda eru aðeins um 16
milljónir króna í ár en á sama
tíma í fyrra var hagnaðurinn
um 320 milljónir króna. Einnig
eru vaxtagjöld hærri í ár vegna
aukinna skulda, að því er segir í
tilkynningu félagsins.
Tekjur Vinnslustöðvarinnar
drógust saman á þriðja árs-
fjórðungi miðað við sama tíma-
bil í fyrra og samkvæmt til-
kynningu félagsins er lágt
afurðaverð helsta ástæða þess.
Hagnaður
Vinnslu-
stöðvar-
innar 219
milljónir
KOLMUNNAAFLI íslenzkra fiski-
skipa er nú kominn yfir 400.000
tonn og hefur aldrei verið meiri.
Alls hafa skipin landað 401.000
tonnum og standa því eftir óveidd
um 146.000 tonn af leyfilegum
heildarafla.
Þessu til viðbótar hafa erlend
skip, flest færeysk, skip landað um
74.000 tonnum hér á landi svo ís-
lenzkar fiskimjölsverksmiðjur hafa
tekið á móti 475.000 tonnum af
kolmunna á árinu.
Mestu hefur verið landað hjá
Síldarvinnslunni í Neskaupstað,
108.000 tonnum, en Börkur land-
aði 1.500 tonnum þar á sunnudag.
Hjá Eskju á Eskifirði hefur verið
landað 90.300 tonnum, 73.300
tonnum hjá Loðnuvinnslunni á Fá-
skrúðsfirði og tæpum 70.000 tonn-
um hjá Síldarvinnslunni á Seyð-
isfirði. Tangi á Vopnafirði hefur
tekið á móti 33.000 tonnum, HB á
Akranesi 26.000, ríflega 22.000
hafa borizt til Samherja í Grinda-
vík 20.350 tonn til Granda í Þor-
lákshöfn.
Rólegt hefur verið yfir síldveið-
um samkvæmt upplýsingum Sam-
taka fiskvinnslustöðva. Samtals
hefur ríflega 29.000 tonnum verið
landað til vinnslu í landi, en afli
vinnsluskipa liggur ekki fyrir.
13.700 tonn hafa farið til fryst-
ingar og söltunar en 15.500 tonn-
um í bræðslu. Mestu hefur verið
landað hjá Skinney Þinganesi á
Höfn, 6.400 tonnum og 6.300 tonn-
um hjá Loðnuvinnslunni á Fá-
skrúðsfirði, Síldarvinnslan í Nes-
kaupstað hefur tekið á móti 5.700
tonnum, Búlandstindur á Djúpa-
vogi er með 4.400 tonn, Ísfélag
Vestmannaeyja 2.800 tonn,
Vinnslustöðin í Vestmannaeyjum
með 2.300 tonn og Samherji í
Grindavík með 1.800 tonn.
Morgunblaðið/Jón Páll Ásgeirsson
Guðmundur Ólafur ÓF að dæla kolmunna á miðunum við færeysku lögsög-
una. Skipin hafa að undanförnu verið við veiðar innan landhelgi Færeyja.
Rúm 400.000 tonn
af kolmunna veidd
FRESTUR sveitarstjórna þeirra
byggðarlaga sem fengið hafa úthlut-
að af byggðakvóta sjávarútvegs-
ráðuneytisins til að leggja fram til-
lögur um ráðstöfun kvótans rann út
þann. 1. nóvember sl.
Sjávarútvegsráðuneytið hefur
samkvæmt reglugerð heimild til að
úthluta 1.500 lestum af óslægðum
botnfiski til stuðnings byggðarlögum
sem lent hafa í vanda vegna sam-
dráttar í sjávarútvegi.
Ráðuneytið hefur tilkynnt ein-
stökum sveitarstjórnum hversu mik-
ið kemur í hlut hvers sveitarfélags,
samkvæmt tilgreindum forsendum
hvernig þessu heildarmagni verði
skipt milli einstakra sveitarfélaga.
Eftir það var sveitarstjórnum gefinn
kostur á að koma með tillögur til
ráðuneytisins um ráðstöfun þess
magns til einstakra fiskiskipa og
geta þær m.a. litið til atriða sem
tryggja vinnslu aflans innan sveitar-
félagsins. Komi ekki slíkar tillögur
frá einhverju sveitarfélagi skiptir
ráðuneytið þeim heimildum sem
koma eiga í hlut sveitarfélagsins
milli einstakra báta sem þar eru
skráðir samkvæmt ákveðnum
reglum. Samkvæmt heimildum
Morgunblaðsins mun það vera afar
misjafnt hvort viðkomandi sveitar-
félög muni hafa afskipti af úthlutun
kvótans.
Byggðakvóti sjávar-
útvegsráðuneytisins
Frestur
til til-
lagna út-
runninn






  
  
 









!
  
"  
#
  
#!
$  

& #&
 '


 ()

 
*(


& 

& 
+
& 
,
   
- 
.

( '
  )
#  


 

#!
  /0



1




2 






( '

()




 




  & 
3



4

 
!
 '4 !()

&
 '
&
()
  
 
,!
 

 
*( # 
& 


 

"   '
  5 6
()

 
*
  /


 

 









 
  

 

















































































    
        !"#
 !"
$%"&&
'
( ")