Morgunblaðið - 04.11.2003, Blaðsíða 22
AUSTURLAND
22 ÞRIÐJUDAGUR 4. NÓVEMBER 2003 MORGUNBLAÐIÐ
FRÉTTARITARI Morgunblaðsins á Norður-Héraði rakst
fyrir nokkrum dögum á sérkennileg skilaboð á bergvegg í
Kambaskriðum. Hafði verið sprautað á stálið orðin „Óskar
lögga fífl!“ og lítur út fyrir að gerandinn sé fremur ósáttur
við tiltekinn lögreglumann á Fáskrúðsfirði einhverra hluta
vegna.
Morgunblaðið/Sigurður Aðalsteinsson
Skilaboð
í alfaraleið
Reyðarfirði | Um helgina kom flutningaskipið Edda
Fjord til Reyðarfjarðar. Það kom frá Stavanger í Noregi
og var lestað 4 sementssílóum og sjálfvirkri sements-
afgreiðslustöð sem setja á upp við Ægisgötu fyrir framan
skemmur sem áður tilheyrðu Loðnubræðslunni, en eru
nú í eigu BM Vallár. Framkvæmdir við uppsetningu
sílóanna hefjast nú í vikunni og er reiknað með að upp-
setningu stöðvarinnar verði lokið um miðjan desember.
Sílóin og afgreiðslustöðin eru byggð af NORCEM á Ís-
landi og Sementsverksmiðjunni hf. á Akranesi. Hlutverk
stöðvarinnar verður að þjóna eftirspurn eftir sementi á
Austurlandi og mun afgreiðslugetan verða um 140 tonn á
klst. eða þrjár til fjórar tankbifreiðar á klst.
Hvert síló tekur 2.000 tonn af sementi
Það var norska fyrirtækið Tau-Mek sem smíðaði sílóin,
en hvert þeirra er 1.700 rúmmetrar að stærð og taka því
um 2.000 tonn af sementi. Þau eru um 45 m á hæð og 9 m í
þvermál. Annar búnaður kemur frá fyrirtækinu Caspar
Hansen, rafbúnaður kemur frá fyrirtækinu Arne Byberg
og verktakafyrirtækið Ístak sá um smíði og frágang und-
irstöðunnar fyrir sílóin. Tau-Mek sér síðan um að setja
búnaðinn upp í samvinnu við íslenska verktaka í málm-
og rafiðnaði.
Áætlaður kostnaður við mannvirkið nemur um 20
milljónum norskra króna.
Áætlaður markaður fyrir sement á Austurlandi á
næstu árum er um 200.000 tonn og eru samningar um
sölu á langstærstum hluta þess í höfn. Má þar nefna
framkvæmdir við Fáskrúðsfjarðargöng sem BM Vallá
selur steypu til og einnig sementssölu til verktaka á
virkjunarsvæði við Kárahnjúka.
Setja upp sjálfvirka
sementsafgreiðslustöð
Morgunblaðið/Hallfríður Bjarnadóttir
Sílóin fjögur og undirstöður þeirra: Hvert síló er á
stærð við tólf hæða blokk, komið á undirstöður sínar.
Egilsstöðum | Sveitarfélög bæjanna
Karleby í Finlandi, Vejle og Skagen í
Danmörku, Þrándheims í Noregi,
Sundsvall og Växjö í Svíþjóð og Eg-
ilsstaða hafa ákveðið að ganga til
samstarfs um að stuðla að þróun
þéttbýlis sem byggist á timbri og
timburbyggingum. Frá þessu grein-
ir á heimasíðu Austur-Héraðs.
Sveitarfélögin telja það eftirsókn-
arvert að notkun timburs og trjá-
vöru fái stærri sess í bæjunum. Rök-
in fyrir því eru að timbur er
byggingarefni sem endurnýjast
stöðugt, aukin eftirspurn er eftir
timburhúsum vegna jákvæðra um-
hverfisþátta, trjávara sem notuð er
til bygginga og mannvirkja krefst
minni orkunotkunar við framleiðslu
og við byggingarstarfsemina en önn-
ur byggingarefni og bæjarhlutar og
hverfi með nútímatréarkitektúr geta
boðið upp á meiri fjölbreytni, sem
getur haft jákvæð félagsleg áhrif og
stuðlað að aðflutningi íbúa. Þá er það
talið til kosta að timburhúsabygg-
ingar geta í dag keppt í verði við
byggingar úr öðrum byggingarefn-
um og hafa að auki mikla þróunar-
möguleika hvað hagkvæmni varðar.
Auk þess bindur timbur CO2 og
notkun þess því jákvætt framlag til
ákvæða Kyoto-sáttmálans um að
draga úr losun CO2.
Látið reyna á nýjar hugmyndir
Samstarfssveitarfélögin stefna að
því að timbur verði í auknum mæli
notað við byggingu einbýlis- og fjöl-
býlishúsa, atvinnuhúsnæðis, stofn-
ana á vegum sveitarfélagsins, skóla,
sjúkra- og umönnunarstofnana,
mannvirkja, o.m.fl.
Í fyrsta áfanga verkefnisins er
stefnt að því að í hverjum bæjanna
verði reistar byggingar þar sem látið
verður reyna á nýjar hugmyndir og
aðferðir, tæknilega, fjárhagslega og
fagurfræðilega, og í samstarfi við
íbúana. Verkefnin verða m.a.:
Moderna Trästaden í Karleby,
Svartlamoen hverfið í Þrándheimi,
Moderna Trästaden í Växjö, Nørre-
skovparken í Vejle, Inra Hamn í
Sundsvall og Toldergården í Skagen.
Verið er að vinna að mótun verkefnis
á Egilsstöðum. Sveitarfélögin hafa
ákveðið að starfa saman á þessu
sviði, í stað þess að vinna hvert fyrir
sig, og er það einkum gert í þeim til-
gangi að ná sem mestum margfeldis-
áhrifum af verkefnunum. Með því
verður til sameiginlegur reynslu- og
þekkingargrunnur sem nýtist þeim
sjálfum og getur að auki orðið upp-
hafið að víðtækari rannsóknar- og
þróunarverkefnum.
Auk sveitarfélaganna eru bygg-
ingaraðilar, byggingarvöruframleið-
endur, hönnuðir og opinberar stofn-
anir þátttakendur í verkefninu.
Verkefnið mun hafa tengsl við há-
skóla og rannsóknarstofnanir. Verk-
efnið hefur hlotið stuðning frá Nor-
ræna fjárfestingasjóðnum til
forvinnunnar. Sótt hefur verið um
styrk frá sjóðnum að upphæð NOK
3.000.000,- til áframhaldsins, sem
gert er ráð fyrir að verði næstu þrjú
árin.
Vilja skapa
þéttbýli úr timbri
Norrænt samstarf um
þróun þéttbýlis með
áherslu á timbur sem
byggingarefni
Byggja við ME | ÞG-verktakar í
Reykjavík buðu lægst í byggingu
kennsluhúss við Menntaskólann á
Egilsstöðum, eða 169,4 milljónir
króna. Kostnaðaráætlun nam rúm-
um 156 milljónum. Fimm tilboð bár-
ust og voru öll yfir áætlun.
Kennsluhúsið verður 1.100 fer-
metrar og er stefnt að því að hægt
verði að hefja kennslu í húsinu
næsta haust.
Húsgögn
Ljós
Gjafavara
Mörkinni 3, sími 588 0640
www.casa.is
Opið mán.-fös. 11-18, lau. 11-15.