Morgunblaðið - 04.11.2003, Blaðsíða 41

SKÁK
MORGUNBLAÐIÐ ÞRIÐJUDAGUR 4. NÓVEMBER 2003 41
INDVERSKI ofurstórmeistarinn
Viswanathan Anand sigraði á heims-
meistaramótinu í atskák sem lauk í
Frakklandi sl. föstudag. Þetta var
eitt sterkasta atskákmót sem haldið
hefur verið, en meðal keppendanna
sextán voru ellefu af tólf sterkustu
skákmönnum heims. Sá eini sem
vantaði í hópinn var Gary Kasparov,
en hann átti titil að verja og sigraði í
þessari keppni í fyrsta skipti sem
hún var haldin árið 2001.
Anand sigraði Vladimir Kramnik í
úrslitum keppninnar 1½–½. Sigur
Anands kemur í kjölfar prýðilegs
árangurs hjá honum að undanförnu.
Hæfileikar Anands eru óumdeildir.
Hann er eldsnöggur að átta sig á lyk-
ilþáttum stöðunnar og útreiknings-
hæfileikar hans eru annálaðir. Engu
að síður mátti engu muna að hann
kæmist ekki áfram úr undankeppn-
inni eftir tap fyrir langsterkustu
skákkonu okkar tíma, Judit Polgar.
Það þýddi að í lokaumferð undan-
keppninnar þurfti hann að sigra
heimsmeistarann fyrrverandi, Anat-
oly Karpov, sem hafði átt afleitt mót.
Karpov reyndist hins vegar ekki auð-
veldur andstæðingur. Hann virtist
jafnvel ætla að ná að innbyrða sinn
fyrsta vinning á mótinu með hrók og
peð á móti þremur peðum Anands.
Frípeð Anands reyndust þó hættuleg
og í 59. leik missti Karpov af jafn-
teflisleið. Anand rataði þó ekki bein-
ustu leið að vinningnum og það tók
hann 98 leiki að knésetja Karpov og
tryggja sér sæti í fjórðungsúrslitum.
Þar mætti hann Ruslan Ponomariov
og sigraði 1½–½. Í undanúrslitum
tefldi Anand síðan við Peter Svidler
og átti í erfiðleikum með að hrista
Rússann sterka af sér, en eftir hrað-
skákir sigraði Anand 2½–1½. Á sama
tíma sigraði Vladimir Kramnik landa
sinn, hinn unga Alexander Grischuk,
2–0 í hinu einvígi undanúrslitanna.
Úrslitin voru því hreint draumaein-
vígi á milli þeirra Anands og Kram-
niks. Fyrri skákinni lauk með jafn-
tefli, og sú síðari reyndist
úrslitaskákin þar sem Anand náði að
knýja fram sigur.
Hjörvar Steinn með flesta
vinninga á HM ungmenna
Heimsmeistaramóti ungmenna
lauk á sunnudaginn í Halkidiki á
Grikklandi. Hjörvar Steinn Grétars-
son (1.355) fékk flesta vinninga ís-
lensku keppendanna eða 6½, en hann
keppti í flokki drengja 10 ára og
yngri, en keppt var í aldursskiptum
flokkum drengja og stúlkna. Árang-
ur Hjörvars er í raun enn glæsilegri
en vinningarnir segja til um því hann
mætti mjög sterkum andstæðingum.
Vinningafjöldi íslensku skákmann-
anna:
Hjörvar Steinn (U10) 6½ v.
Dagur Arngrímsson (U16) 6 v.
Guðmundur Kjartansson (U16),
Svanberg Már Pálsson (U10) 5½ v.
Björn Ívar Karlsson (U18) 5 v.
Hallgerður Helga Þorsteinsdóttir
(U14) 4½ v.
Helgi Brynjarsson (U12) 4 v.
Elsa María Þorfinnsdóttir (U14) 3
v.
Þessir fulltrúar Íslands komu úr
fjórum taflfélögum sem geta verið
stolt af sínu barna- og unglingastarfi.
Fjórir keppendanna eru úr Tafl-
félaginu Helli, tveir úr Taflfélagi
Reykjavíkur, einn úr Taflfélagi
Garðabæjar og einn úr Taflfélagi
Vestmannaeyja.
Fararstjórar í ferðinni voru Helgi
Ólafsson, stórmeistari og skólastjóri
Skákskóla Íslands, Páll Sigurðsson
og Lenka Ptácníková, stórmeistari
kvenna.
Nikolic efstur
á Mjólkurskákmótinu
Íslensku keppendurnir á stór-
meistaramótinu á Selfossi hafa ekki
náð að blanda sér í toppbaráttuna á
mótinu þegar fjórum umferðum af
níu er lokið. Þeir eru báðir með einn
vinning. Þröstur (2.444) vann það
ágæta afrek að gera jafntefli með
svörtu við ofurstórmeistarann Ivan
Sokolov (2.695) í annarri umferð
mótsins. Þótt Sokolov fengi betra tafl
út úr byrjuninni náði hann aldrei að
skapa sér vinningsfæri og Þröstur
tryggði sér jafnteflið á skemmtilegan
hátt. Staðan í meistaraflokki:
1. Predrag Nikolic 3½ v.
2.-4. Vladimir Malakhov, Franc-
isco Vallejo Pons, Ivan Sokolov 3 v.
5. Viktor Bologan 2½ v.
6. Laurent Fressinet 2 v.
7.-9. Þröstur Þórhallsson, Jonath-
an Rowson, Hannes Hlífar Stefáns-
son 1 v.
10. Nick deFirmian 0 v.
Í áskorendaflokki er Stefán Krist-
jánsson von okkar Íslendinga um
verðlaunasæti, en staðan er þessi eft-
ir fjórar umferðir:
1.-3. Tomas Oral, Stefán Krist-
jánsson, Luis Galego 3½ v.
4.-5. Henrik Danielsen, Jan Vot-
ava 2½ v.
6.-9. Regina Pokorna, Ingvar Þór
Jóhannesson, Tómas Björnsson, Ró-
bert Harðarson 1 v.
10. Jón Árni Halldórsson ½ v.
Bandaríski stórmeistarinn Nick
deFirmian (2.553) hefur ekki átt sjö
dagana sæla fyrir austan fjall. Í
þriðju umferð var hann fórnarlamb
spænska stórmeistarans Francisco
Vallejo Pons (2.662), sem sigraði á
glæsilegan hátt.
Hvítt: deFirmian
Svart: Vallejo Pons
Sikileyjarvörn
1. e4 c5 2. Rf3 Rc6 3. d4 cxd4 4.
Rxd4 Rf6 5. Rc3 e5 6. Rdb5 d6
7. a4 –
Hvítur velur mjög rólega leið, sem
færir svarti strax frumkvæðið í skák-
inni. Oftast er leikið hér 7. Bg5 a6 8.
Bxf6 gxf6 9. Ra3 b5 o.s.frv.
7. – a6 8. Ra3 Bg4 9. f3 Be6
10. Be3 –
Eftir 10. Bc4 Db6 er hvítur í
óþægilegri stöðu, t.d. 11. Rd5 (11. b3
Be7 12. Bxe6 fxe6 13.Rc4 Dd4 14.Bd2
d5) 11. – Bxd5 12. exd5 Re7 13. Dd3
Rexd5 o.s.frv. (Bremond-Degraeve,
L’Etang 2001).
10. – Rb4 11. Rc4 d5 12. Bb6 De7
13. exd5 Rbxd5 14. Rxd5 Rxd5 15.
Bf2 Hd8 16. Dd2 –
Nýr leikur. Þekkt er 16. Dc1 Dc7
17. c3 Bc5 18. b4 Bxf2+ 19. Kxf2 0–0
20. a5 e4 21. Re3 exf3 22. Rxd5 Bxd5
23. g3 Hfe8 24. Bd3 Bc4 og svartur
vann 0–1 (Müller-Babula, Þýskalandi
1998).
16. – Rb4 17. Dc3 Dg5! 18. Hd1 –
18. – Rxc2+!!
Þruma úr heiðskíru lofti!
19. Dxc2 Bb4+ 20. Rd2 –
Ekki gengur 20. Ke2 (20. Hd2
Bxc4 21. Bxc4 Hxd2) 20. – Bxc4+ 21.
Dxc4 Hd2+ 22. Ke1 Hxd1+ 23. Kxd1
Dd2+ mát.
20. – Bf5 21. Dc1 Hc8 22. Da1 –
Eða 22. Bc4 Bd3 23. Bb5+ (23. b3
Hxc4! 24. Dxc4 (24. bxc4 Dxg2 25.
Hg1 Dxf3 26. Hxg7 De2+ mát) 24. –
Bxc4 25. bxc4 0–0) 23. – Ke7 24. Dxc8
Hxc8 25. Bxd3 Hc1 26. 0–0 Bxd2 og
svartur á mun betra tafl.
22. – Bc2 23. h4 Df4
24. g3 –
Eftir 24. Ke2 Hd8 25. Re4 (25. Be3
Bd3+ 26. Kf2 Dxe3+! 27. Kxe3
Bc5+ mát) 25. – Hxd1 26. Dxd1
Bxd1+ 27. Kxd1 f5 á svartur unnið
tafl.
24. – Dxf3 25. Hh2 –
Eða 25. Bb5+ axb5 26. 0–0 Bxd2
27. Hxd2 Be4 28. Be1 Dh1+ 29. Kf2
Dg2+ 30. Ke3 Dxf1 o.s.frv.
25. – De4+ 26. Be2 Bxd1 27. Dxd1
Hd8 og hvítur gafst upp.
U-2000-mótið 2003
U-2000-mótið hófst á sunnudag í
félagsheimili Taflfélags Reykjavíkur
að Faxafeni 12. Þetta er skemmtilegt
mót sem aðeins er opið skákmönnum
sem hafa minna en 2.000 skákstig, og
er því stílað inn á áhugamennina. 28
skákmenn hófu keppni, en enn er
hægt að komast inn í mótið. Áhuga-
sömum er bent á að hafa samband
við Torfa í síma 697 3974, eða Rík-
harð í síma 896 3969. Lokaskráning
er í dag og frestaðar skákir verða
tefldar í kvöld.
Úrslit urðu öll eftir bókinni í fyrstu
umferð nema hvað að Bergsteinn
Már Gunnarsson, 12 ára, náði jafn-
tefli við Viðar Másson (1.450). Einnig
náði Ingi Tandri Traustason jafntefli
við Sigurjón Haraldsson (1.785).
Movsesjan sigrar í fjöltefli
Stórmeistarinn Sergej Movsesjan
tefldi nýlega klukkufjöltefli í boði
Kögunar hf. við suma af þeim fjöl-
mörgu efnilegum krökkum sem æfa
skák hjá Taflfélaginu Helli. Movsesj-
an sigraði í öllum skákunum, 10 að
tölu. Nokkrir af efnilegustu skák-
mönnum Hellis voru þó fjarri góðu
gamni á heimsmeistaramóti barna og
unglinga.
Anand heimsmeistari í atskák
SKÁK
Cap d’Agde, Frakklandi
HEIMSMEISTARAMÓTIÐ Í ATSKÁK
24.–30. okt. 2003.
Morgunblaðið/SverrirViswanathan Anand
Daði Örn Jónsson
Bragi Kristjánsson
dadi@vks.is
FRÉTTIR
Suðurlandsbraut 54
við Faxafen, 108 Reykjavík.
Sími 568 2444, fax 568 2446.
Ingileifur Einarsson lögg. fasteignasali.
4ra herbergja íbúð á efstu hæð við Brávallagötu. Parket á gólfum.
Eldhús, baðherbergi og gluggar nýlega endurnýjað. Getur losnað
strax. Þetta er góð íbúð í góðu húsi á góðum stað.
Verð 15,9 millj.
BRÁVALLAGATA
LÖGREGLUNNI í
Reykjavík var tilkynnt
um 38 umferðaróhöpp
með eignatjóni um
helgina. Einhver meiðsl urðu á fólki
en ekki er vitað til þess að þau hafi
verið alvarleg. Síðdegis á föstudag
var bifreið ekið á vegg á þvottaplani
í austurborginni. Hálka var á plan-
inu og missti ökumaður stjórn á bif-
reiðinni með þeim afleiðingum að
hún lenti á vegg sem geymir þvotta-
slöngur, kústa og krana. Þar sat bif-
reiðin föst í vatnsrennu og varð
dráttarbíll að fjarlægja hana.
Rétt fyrir miðnætti á föstudag fór
bifreið útaf á vegamótum Reyn-
isvatnsvegar og Biskupagötu. Bif-
reiðinni var ekið eftir Reynisvatns-
vegi og beygði inn á Biskupagötu.
Ökumaður náði ekki beygjunni og
lenti bifreiðin út fyrir veg. Flughált
var í beygjunni en vegurinn annars
auður. Um miðjan dag á laugardag
varð árekstur tveggja bifreiða á
Hringbraut, móts við BSÍ. Ökumenn
kenndu báðir eymsla í hálsi og ætl-
uðu sjálfir að leita til læknis. Á laug-
ardagskvöld varð ökumaður fyrir
því óhappi að snúa kveikjuláslykli
aðeins of langt þegar hann ætlaði að
kveikja á útvarpinu, svo bifreið hans
hökti af stað og lenti á hurðaropi
bónstöðvar.
Um helgina var 51 ökumaður
kærður fyrir of hraðan akstur, sá
sem hraðast fór mældist á 139 km
hraða í Ártúnsbrekkunni þar sem
leyfilegur hraði er 80 km á klukku-
stund. Þrettán ökumenn voru tekn-
ir, grunaðir um ölvun við akstur.
Dýr drepast úr kulda
Nokkuð var um tilkynningar
vegna dýra um helgina þar sem
kólnað hefur í veðri. Lögreglunni
barst ábending um dauðan kött sem
frosinn var fastur við göngustíg á
Miklatúni og einnig fundust dauðar
kanínur í kofa í Grafarvogi en talið
er að kanínurnar hafi króknað úr
kulda.
Á föstudagskvöld tilkynnti starfs-
maður kaffihúss í austurborginni að
gestur hefði gleymt veski á staðnum.
Reynt var að hafa upp á eiganda en í
ljós kom að í veskinu voru nokkur
greiðslukort með mismunandi nöfn-
um. Hringt var í handhafa eins
kortsins en þá kom í ljós að kortið
var stolið. Líklegt þykir að önnur
kort í veskinu hafi einnig verið illa
fengin.
Nokkur hópamyndun unglinga
var fyrir framan félagsmiðstöð í
Breiðholtinu á föstudagskvöld. Lög-
regla fór tvisvar á staðinn vegna
þessa og gerði m.a. upptækan eld-
húshníf sem einn viðstaddra hafði
meðferðis.
Rétt eftir miðnætti var maður
staðinn að þjófnaði á veitingahúsi í
miðborginni. Maðurinn viðurkenndi
að hafa komið með klippur og klippt
á lás í vínherbergi staðarins. Hafði
hann meðferðis tóma skjalatösku og
er talið líklegt að hann hafi ætlað að
geyma þýfið í henni.
Eftir miðnætti var lögregla kölluð
til í gleðskap þar sem ung stúlka
reyndi að kaupa áfengi út á debet-
kort systur sinnar. Stúlkan hafði
ekki aldur til áfengiskaupa og neit-
aði að sýna eigin skilríki, en lög-
reglan fann út nafn hennar.
Brenndist á heimili sínu
Á laugardag höfðu eigendur
þriggja bíla samband við lögreglu til
að tilkynna að bifreiðum þeirra hefði
verið stolið um nóttina. Tveimur bif-
reiðanna var stolið í Breiðholti en
einni af bílasölu í Ártúnsbrekku.
Þá hringdi maður á lögreglustöð-
ina og sagðist hafa týnt seðlaveski.
Hann var að setja vörur í bifreið
sína, setti veskið upp á þak bílsins og
sá það ekki meir. Seinna sama dag
hringdi maður sem fundið hafði
veskið og kom því til eiganda.
Síðdegis á laugardag fóru lögregla
og slökkvilið í útkall í austurborginni
vegna manns sem brenndist á heim-
ili sínu. Maðurinn hafði verið að láta
renna í bað þegar hann missteig sig
og féll í baðið. Hann var fluttur á
slysadeild með 2. stigs brunasár á
sitjanda og olnboga.
Á laugardagskvöld fékk lögregla
tilkynningu um landasölu til barna
fyrir utan verslunarmiðstöð í aust-
urborginni. Þrír menn voru hand-
teknir og yfirheyrðir vegna málsins
og 17 lítrar af landa haldlagðir.
Skömmu eftir miðnætti stöðvaði
lögregla ökumann á Vesturlandsvegi
til að kanna ástand hans. Í ljós kom
að ökumaður var próflaus og með
meint þýfi í bifreiðinni. Skráning-
arnúmer voru jafnframt tekin af bif-
reiðinni þar sem hún var ótryggð.
Hnífur tekinn af unglingi
Óskað var aðstoðar lögreglu
vegna líkamsárásar fyrir utan veit-
ingastað í miðborginni. Ráðist var á
mann, sparkað í hann og hann lam-
inn. Fékk hann áverka á andlit,
vinstra gagnauga, hægri kinn og nef.
Vitað er hver árásarmaðurinn var.
Stuttu síðar var maður sleginn
með glasi í höfuðið á skemmtistað í
miðborginni. Þar höfðu tveir karl-
menn verið að deila og lauk deil-
unum með þessum hætti.
Á fjórða tímanum var kallað á lög-
reglu vegna slagsmála á bensínstöð í
Breiðholti. Mikill órói var á staðnum
en þar hafði farið fram uppgjör
tveggja pilta. Sjúkralið flutti annan
þeirra á slysadeild en hann hafði
hlotið 10 cm langan skurð á fæti.
Dagbók lögreglunnar 31. október til 3. nóvember
Tilkynnt um 38
óhöpp með eignatjóni