Morgunblaðið - 04.11.2003, Blaðsíða 44
ÍÞRÓTTIR
44 ÞRIÐJUDAGUR 4. NÓVEMBER 2003 MORGUNBLAÐIÐ
STÓRSTJÖRNUR NBA-liðsins Los
Angeles Lakers, Kobe Bryant og
Shaquille O’Neal, hafa ekki farið
leynt með það á undanförnum vikum
að þeir eru ekki sammála um hver sé
aðalmaðurinn í liðinu. Bryant sagði
m.a. að leikmaður sem teldi sig vera
leiðtogi liðsins ætti ekki að mæta
„feitur“ og í illa á sig kominn lík-
amlega þegar keppnistímabilið hæf-
ist og átti þar við O’Neal. Miðherjinn
stóri svaraði fyrir sig og sagði að
Bryant ætti að gefa knöttinn oftar á
samherja sína þar sem hann væri
enn að jafna sig á meiðslum auk þess
sem hann stæði í ströngu utan vallar
vegna ákæru um að hafa nauðgað 19
ára stúlku í sumar.
Lakers hefur hinsvegar unnið
fyrstu þrjá leiki sína til þessa og í
viðtali við dagblaðið USA Today
segja Bryant og O’Neal að hinn
gamalreyndi leikmaður Karl Malone
hafi gert sitt til þess að þeir félagar
vinni betur saman.
Malone er fertugur og
hafði leikið með Utah Jazz
í 18 ár áður en hann hóf að
leika með Lakers.
„Það bera allir virðingu
fyrir Malone og ég hlustaði
á það sem hann hafði að
segja. Hann segir ávallt
það sem honum liggur á
hjarta,“ segir O’Neal.
Bryant tekur í sama streng
og segir að Malone standi
honum nær en aðrir fé-
lagar hans í liðinu. Malone fær að-
eins brot af þeim launum sem hann
hefði getað fengið hjá Utah Jazz en
hann fær „aðeins“ um 80 millj. kr. á
ári en hefði getað fengið allt að 2
milljörðum á ári hjá Jazz.
ALEXANDERS Petersons skor-
aði átta mörk þegar lið hans Düss-
eldorf vann TSG Ludwigsburg-
Ossweil, 37:32, á útivelli í uppgjöri
efstu liðanna í suðurhluta þýsku 2.
deildarinnar í handknattleik um
helgina. Þar með er Düsseldorf í
efsta sæti deildarinnar með 16 stig
að loknum níu leikjum. Þetta var
um leið fyrsti leikur Petersons,
fyrrum leikmanns Gróttu/KR, með
Düsseldorf í þrjár vikur en hann
var meiddur.
HALLDÓR Sigfússon var með
fjögur mörk þegar Frisenheim tap-
aði 31:28 fyrir TSG Gross-Bieberau
á útivelli í suðurhluta þýsku 2.
deildarinnar í handknattleik á
sunnudagskvöldið. Frisenheim er
12. sæti af 18 liðum í deildinni með
7 stig.
HEINER Brand, landsliðsþjálfari
Þjóðverja í handknattleik, hefur
framlengt samning sinn við þýska
handknattleikssambandið til ársins
2008, eða fram yfir Ólympíuleikana
í Peking, takist í þýska landsliðinu
að komast á leikana. Fyrri samn-
ingur Brands var til 2005 en þar
sem nokkur félagslið voru farin að
bera víurnar í hann ákváðu for-
ráðamenn þýska handknattleiks-
sambandsins að setjast niður með
Brand og freista þess að lengja
samninginn við hann og það hefur
nú tekist. Brand hefur þjálfað
þýska landsliðið frá árinu 1997.
CHRIS Coleman, knattspyrnu-
stjóri Fulham, ætlar að sekta leik-
mann sinn, Luis Boa Morte, fyrir
grófa tæklingu á Florent Sinama-
Pongolle, leikmann Liverpool, í
leik liðanna á sunnudaginn. Morte
fékk reisupassann réttilega fyrir
brotið en í fyrstu var haldið að
hann hefði fótbrotið Frakkann
unga. Svo reyndist þó ekki og gat
Pongolle klárað leikinn.
ANGELO Peruzzi getur ekki
staðið á milli stanganna í liði Lazio
í kvöld þegar liðið mætir Chelsea í
Meistaradeildinni á heimavelli sín-
um í Róm. Peruzzi er meiddur og
tekur Matteo Serini, fyrrverandi
markvörður Ipswich, stöðu hans í
markinu.
FERNANDO Ricksen, einn af
þremur Hollendingum í liði Glas-
gow Rangers, og Þjóðverjinn
Christian Nerlinger, verða fjarri
góðu gamni í kvöld vegna meiðsla
þegar Rangers sækir Manchester
United heim í Meistaradeildinni á
Old Trafford.
PAUL Scholes leikur ekki með
United þar sem hann er frá vegna
meiðsla en að öðru leyti getur Sir
Alex Ferguson, knattspyrnustjóri,
teflt fram sínu sterkasta liði. Unit-
ed hafði betur í fyrri rimmu lið-
anna, sem oftast er nefnd baráttan
um Bretland, í Glasgow fyrir hálf-
um mánuði – þegar Phil Neville
skoraði eina mark leiksins.
FÓLK
Sú þróun sem er að verða í Þýska-landi – að ungir leikmenn velja
frekar að fara til Englands, hefur
vakið athygli. Þjóðverjar hafa hingað
til verið þekktir fyrir að vera heima-
kærir á yngri árum. Aðalástæðan fyr-
ir þessari þróun er að það hefur verið
erfitt fyrir unga leikmenn að komast
að hjá þýskum liðum þar sem stöð-
ugur straumur er af leikmönnum frá
Austur-Evrópu, Afríku og Suður-
Ameríku til Þýskalands, þannig að
ungir Þjóðverjar fá ekki tækifæri til
að spreyta sig. Ofan á þetta bætist að
ungir Þjóðverjar eru geysilega
spenntir fyrir að leika í Englandi, þar
sem knattspyrnan er mun hraðari en
í Þýskalandi og stemmningin á völl-
um í Englandi er miklu meiri. Það er
nokkuð sem Þjóðverjar og fleiri hafa
öfundað Englendinga af. Til að skapa
þannig stemningu eru Þjóðverjar
byrjaðir að byggja nýja velli fyrir
HM í Þýskalandi 2006 – velli sem eru
ekki með hlaupabrautir í kringum
leikvöllinn, heldur eru áhorfenda-
stúkurnar við völlinn. Einn af nýju
völlunum er leikvöllurinn í Hamborg,
þar sem landsleikur Þýskalands og
Íslands fór fram á dögunum.
Fyrirliði unglingalands-
liðsins valdi Arsenal
Moritz Volz, 20 ára – fæddur í Sieg-
en, kom til Arsenal frá Schalke 1999.
Hann er bakvörður, sem getur einnig
leikið á miðjunni. Volz er nú í láni hjá
Fulham, þar sem hann hefur leikið
mjög vel að undanförnu og öðlast
góða reynslu í keppni í úrvalsdeild-
inni. Með því að öðlast leikreynslu
með Fulham á hann mun meiri mögu-
leika á að ná að festa sig í sessi í leik-
mannahópi Arsenal, þegar hann snýr
til baka til Highbury og er hann
ánægður með þróun mála. „Ég hef
sýnt það að ég get vel leikið í úrvals-
deildinni. Ég hef fengið góða reynslu
og er tilbúinn að leika fyrir Arsenal,“
segir Volz, sem Fulham hefur í láni til
31. desember. Þess má geta að hann
lék sem lánsmaður um tíma hjá
Wimbledon sl. keppnistímabil.
Miðjumaðurinn Thomas
Hitzlsperger, 21 ára – fæddur í
München, kom til til Aston Villa frá
Bayern München 2000. Hann hefur
leikið yfir 50 úrvalsdeildarleiki fyrir
Villa og skorað nokkur mörk. Hann
hefur verið fastur leikmaður með lið-
inu í vetur og þakkar hann og ber
knattspyrnustjóranum David
O’Leary vel söguna.
Hraðinn er meiri
Þriðji Þjóðverjinn skaust fram í
sviðsljósið á dögunum, er hann lék
stöðu miðvarðar hjá Chelsea. Það er
hinn 19 ára Robert Huth, sem kom til
Lundúnaliðsins frá Union Berlín
2000. Hann hefur fengið mikla
reynslu að æfa með og umgangast
leikmann eins og heimsmeistarann
frá Frakklandi Marcel Desailly, sem
hefur víkkað sjóndeildarhring hans.
„Öll umgjörðin hjá Chelsea hefur
styrkt mig sem leikmann. Leikurinn í
Englandi er mun hraðari en heima í
Þýskalandi,“ sagði Huth, sem var
mjög spenntur þegar hann lék sinn
fyrsta leik fyrir framan 40.000 þús-
und áhorfendur. „Ég varð að fá mér
bjórglas til að ég gæti sofnað.“
Þessir þrír leikmenn hafa fengið
tækifæri til að leika í úrvalsdeildinni í
Englandi, en það eru einnig nokkrir
ungir Þjóðverjar sem eru í herbúðum
hjá liðum í Englandi.
Markus Neumayr, 17 ára miðherji
frá Frankfurt, er hjá Manchester
United.
Eugen Bopp, 19 ára miðvallarleik-
maður – frá Bayern München, er hjá
Nottingham Forest. Bopp, sem er
fæddur í Kiev í Úkraínu, er mjög
fljótur og útsjónarsamur leikmaður,
sem les leikinn vel.
Sebastian Kneissl, 20 ára miðherji,
er hjá Chelsea. Hann kom til liðsins
frá Frankfurt, en Lazio, Real Madrid
og Bayern München höfðu áhuga á að
fá hann til sín. Það vakti mikla athygli
að hann valdi frekar England en að
fara á samning hjá meisturum Bay-
ern í Þýskalandi.
Tékkar náðu
sér ekki á strik
TÉKKAR, sem verða með Íslendingum í riðli á Evrópumótinu í
handknattleik í Slóveníu í byrjun næsta árs, náðu sér ekki á strik á
æfingamóti í Sviss um nýliðna helgi. Þeir unnu aðeins einn leik en
töpuðu tveimur. Tékkar lögðu Túnis, 34:30, en töpuðu fyrir Aust-
urríki, 26:24, og fyrir Sviss, 27:25.
Sviss vann alla leikina á mótinu, en auk Tékka lögðu þeir Austur-
ríkismenn, 29:18, og Túnisbúa, 30:28. Svisslendingar koma hingað
til lands og leika þrjá vináttulandsleiki við Íslendinga í upphafi
næsta árs. Sviss verður einnig með á EM í Slóveníu þar sem þeir
verða í riðli með Svíum, Rússum og Úkraínu.
Robert Huth fagnar marki sem hann skoraði fyrir Chelsea í
Evrópuleik gegn MSK Zilina.
Reuters
Mortiz Volz (t.h.) í leik með Fulham, þar sem hann á í höggi við
Cristiano Ronaldo, leikmann Manchester United.
Þýsku
strákarnir
í Englandi
ÞJÓÐVERJAR verða að sætta
sig við að nokkrir af þeirra efni-
legustu leikmönnum í knatt-
spyrnu leika ekki með liðum í
Þýskalandi – heldur í Englandi.
Þar má nefna Moritz Volz, sem
var fyrirliði 19 ára landsliðs
Þjóðverja, leikmann Arsenal,
sem nú er í láni hjá Fulham, Ro-
bert Huth hjá Chelsea og Thom-
as Hitzlsperger hjá Aston Villa.
Þeir hafa leikið með ungmenna-
landsliði Þýskalands og fara
fljótlega að banka á dyr Rudi
Völlers, landsliðsþjálfara
Þýskalands.
Karl Malone ber klæði á
vopnin hjá Los Angeles Lakers
Reuters
Shaquille O’Neal og Kobe Bryant.