Morgunblaðið - 05.11.2003, Blaðsíða 8

8 B MIÐVIKUDAGUR 5. NÓVEMBER 2003 MORGUNBLAÐIÐ
bílar
FIMMTA kynslóð Volkswagen
Transporter vinnubílsins hefur nú
litið dagsins ljós en 53 ár eru liðin frá
því sú fyrsta kom á markað. Gamla
„rúgbrauðið“ hefur tekið ýmsum
breytingum gegnum árin og nú er
það boðið í nánast ótal útgáfum. Eru
þær 375 ef allir möguleikar eru tald-
ir. Getur hver og einn kaupandi
pantað þá samsetningu sem hæfir og
vilji menn frekar fá gerð sem hentar
sem fjölnotabíll eða fjölskyldubíll er
nýr Multivan í boði, 7 manna bíll með
öllum helstu þægindum.
Hekla hefur undanfarið kynnt
Transporter-línuna fyrir atvinnubíl-
stjórum auk þess sem bílarnir eru
sýndir í salnum við Laugaveginn og
verða sýndir hjá nokkrum umboðs-
mönnum. Þá var bíllinn kynntur fyr-
ir blaðamönnum á dögunum og var
þá unnt að taka í pallbíla og sendibíla
auk Multivan-gerðarinnar sem tekið
hefur við af Caravelle.
Þrjár útgáfur af þaki
Transporter er fáanlegur sem
pallbíll með þriggja eða sex manna
húsi, sem venjulegur sendibíll og nú
með þeirri nýjung að hægt er að
velja um þrjár þakhæðir, og síðan
sem 10 farþega skutla eða enn betur
búinn Multivan sem er 7 manna og
hentar í raun sem fjölskyldu- og
ferðabíll og í þaðan af enn fínni verk-
efni. Grunnstærð Transporter er
4,89 m að lengd, 1,92 m á breidd og
hæðin er 1,96 m. Hliðarnar eru
brattar eða nær lóðréttar sem gefur
betri nýtingu en var á eldri útgáf-
unni. Þá er hægt að fá lengri gerð,
5,29 m og er hjólhafið þá orðið 3,4
metrar. Hærri útgáfurnar eru síðan
2,165 og 2,465 m á hæð.
Transporter er framhjóladrifinn
og í mars á næsta ári verða allar
gerðir einnig boðnar með aldrifi. Þá
verður sjálfskipting einnig fáanleg
en ekki fer þó saman að hafa sjálf-
skiptingu og aldrif.
Sex vélar eru í boði í Transporter,
fjórar dísilvélar og tvær bensínvélar.
Tveggja lítra bensínvél er 116 hest-
öfl og sex strokka 3,2 lítra vél er 235
hestöfl. Minnsta dísilvélin er 1,9 lítr-
ar og 86 hestöfl eða 104 hestafla. Þá
er í boði ný 5 strokka dísilvél með
beinni innspýtingu og er hún 130
hestöfl eða 174 hestafla.
Margs konar búnaður
í innréttingu
Allur aðbúnaður hið innra er
þægilegur. Bæði eru sætin stillanleg
á marga vegu og ekki síður hitt að
ýmsar hirslur og geymslur eru nota-
drjúgar, fyrir minnisblokkir, skjöl og
dót og síðan mat og drykk ef svo ber
undir.
Multivan sem prófaður var í ferð-
inni er með 2,5 lítra og 130 hestafla
dísilvél og sex gíra handskiptingu.
Unnt er að snúa sætunum afturí og
þau eru á rennibrautum sem og borð
þar þannig að menn geta unað sér
vel þar við leiki eða störf meðan bíl-
stjórinn sér um að koma mönnum á
áfangastað. Hægt er að opna hlið-
arrúður afturí og hurðir eru á báðum
hliðum. Meðal búnaðar má nefna
hemlalæsivörn, spólvörn, útvarp og
geislaspilara og afturí er líka loft-
kæling með ýmsum stillingarmögu-
leikum. Multivan er í raun afskap-
lega skemmtilegur ferðabíll og
jafnframt snúningalipur þannig að
ekkert er því til fyrirstöðu að nota
hann sem venjulegan fjölskyldubíl.
Og þótt einhverjum virðist hann stór
er hann svipaður og meðalstór fólks-
bíll, 4,89 m langur. Verðið á þessari
gerð er 4,8 milljónir króna.
Hljóðlátir og þýðir
Sammerkt er með þessum út-
gáfum sem reyndar voru lítillega á
flandri austur um sveitir að dísilvél-
arnar eru sérlega hljóðlátar. Þá eru
bílarnir ekki síður notalegir fyrir
hversu góð fjöðrunin er. Þær eru
einnig viljugar og skiptingin er mjúk
og hljóðlaus, stöngin rétt við stýrið
og allt viðmót bílsins í meðhöndlun
virkar vel á ökumann.
Sem dæmi um verð má nefna að
Transporter með 104 hestafla dísil-
vél kostar eftir lengd frá tæpum 2,4
milljónum króna uppí 2,5 milljónir
með vsk. og með 130 hestafla vél
kostar sá lengri rúmar 2,7 milljónir
króna.
Morgunblaðið/jt
Útgáfan sem heitir Multivan er sjö manna bíll með ýmsum þægindum. Með 130 hestafla dísilvél kostar hann um 4,8 milljónir.
Fimmta kynslóð
Transporter með enn
meiri fjölbreytni
Transporter hefur lengi
vel verið í boði í ýmsum
útgáfum. Þeim hefur enn
fjölgað með nýrri kynslóð
sem Hekla kynnir um
þessar mundir. Jóhannes
Tómasson kynnti sér
flotann en þar er meðal
annars að finna fjölnota-
bílinn Multivan.
Mælaborðið í Multivan er þægilegt og hefur allt til alls.
Transporter-flotinn á bryggjunni á Stokkseyri.
Pallbílarnir eru fáanlegir með tveimur gerðum af húsum.Í Multivan má snúa stólunum afturí saman
þannig að menn geti haldið fundi á ferð sinni.
joto@mbl.is