Morgunblaðið - 07.11.2003, Blaðsíða 2
2 | FÓLKIÐ | FÖSTUDAGUR 7|11|2003 MORGUNBLAÐIÐ
Pravda: Var boðin í samkvæmi á Pravda á föstu-
dagkvöldið síðasta. Þar var hljómsveit að spila
djassaða tóna og boðið upp á fínustu léttar veit-
ingar, snarl og drykki. Hef aldrei komið á staðinn
áður (í gervi Pravda) en leist bara vel á. Alltaf hollt
að breyta um senu við og við og kíkja á nýja staði
þó ég búist ekki við því að verða fastagest-
ur …Hótel Holt: Ef þú hefur ekki smakkað lang-
tímaeldaðan þorsk, „bois boudran“, kjúklingalifr-
arterrínu, hörpuskelsturn, „tómatconcasse“,
baunaragú eða saltfisktartar, þá er kominn tími til
að þú farir að snæða á Hótel Holti. Þangað fór ég
með vinkonum mínum í hádeginu á laugardaginn
en þá er hægt að fá dýrindis rétti á hagstæðu verði. Og ekki
spillir umhverfið og þjónustan fyrir en þarna er hægt að skoða
málverk eftir helstu meistara þjóðarinnar á meðan notið er
matarins. Koníaksstofan er ekki síðri, maður sekkur langt ofan
í djúpa leðurhægindastóla í vitsmunalegu umhverfi (gamlar
bækur í hillu). Rólegheitin ráða ríkjum …Með kveðju frá Sví-
þjóð: Formlegheitin tóku völdin eftir Holtið. Sænsk menning-
arvika var opnuð með viðhöfn í Þjóðleikhúsinu. Eins gott að
hafa verið uppáklæddur því þarna var forsetinn og mennta-
málaráðherra og fleira fyrirfólk. Eftir kórasöng og skemmtilegan
upplestur á sænsku og íslensku var opnuð sýningin „Hvað
er heimsminjaskrá UNESCO?“ Er nýkomin frá Stokkhólmi
þar sem ég skemmti mér vel enda margt að sjá og gera og
því með nýtilkominn áhuga á ýmsu sænsku. Svo má nefna
að margar sænskar myndir verða sýndar á menningarvik-
unni. Margar nýjar myndir eru á dagskrá og svo líka sígild-
ar. Ein uppáhalds Ingmar Bergman-myndin mín verður
sýnd í Bæjarbíói í kvöld kl. 20. Er það Að leiðarlokum
(Smultronstället) frá árinu 1957. Mæli hiklaust með
henni …Dansiball: Fór á Kaffibarinn og dansaði mikið á
laugardagskvöldið en þar var stelpa að spila, sem ég man ekki eftir að hafa séð áður. Ef hún les þetta þá er ég
með þau skilaboð til hennar að hún var alveg frábær og ég vonast til að hún spili oft aftur. Áður fór ég á Gullfoss og
Geysi í Þjóðleikhúskjallaranum, sem var gaman að vanda. Það má segja staðnum til hróss að hann er mjög
smekklega innréttaður og nóg pláss á dansgólfinu, öfugt við marga staði …Tæki og tækni: Fór á generalprufu á
CommonNonsense í Borgarleikhúsinu. Verkið er byggt á skúlptúrum eftir Ilmi Stefánsdóttur og var alveg hrikalega
skemmtilegt. Svo var náttúrlega verið að frumsýna Matrix - Byltingarnar og
er ég strax búin að gleyma hvað önnur myndin var mikil vonbrigði. Hlakka mik-
ið til að sjá hvað Neó gerir næst. Skyldi hann bjarga heiminum? Og erum við
þá að tala um raunheima eða netheima? Eða reyndist raunheimurinn ekki
raunverulegur? Verður Trinity í nýjum fötum? |ingarun@mbl.is
Að kunna gott að meta
FRÁ FYRSTU HENDI
FÓLKIÐ Pétur Blöndal pebl@mbl.is| Ívar Páll Jónsson ivarpall@mbl.is| Inga Rún Sigurðardóttir ingarun@mbl.is | Bryndís Sveinsdóttir bryndis@mbl.is |
Sæbjörn Valdimarsson saebjorn@mbl.is | Árni Matthíasson arnim@mbl.is
Nóttin var dimm og vindasöm. Rögnvaldur læknir var því engan veginn
viss um að þetta hefði verið skothvellur sem hann heyrði þegar hann
gekk upp heimreiðina að reisulegu einbýlishúsi í Mávanesi. Hann barði
að dyrum með dyrahamrinum, gylltu ljóni með tunguna út úr sér. Kona
kom til dyra, hún var föl og hélt á hráum þorski. Rögnvaldur hikaði: Ég
var beðinn um að koma fljótt, hér hefði orðið slys. Hann starði á kon-
una sem var klædd í græna regnkápu, froskalappir og með sundgler-
augu. Hún leit út eins og hún hefði verið að leika Gollúm. Nei, hér hefur
enginn slasast, sagði konan. Rögnvaldur mjakaði sér nær konunni og
reyndi að sjá inn…
… þar blasti við einkennileg sýn. Inni í eldhúsi var maður að munda
hníf í átt að herbergisdyrum. Hann var mjög unglegur, hávaxinn og
grannur, íklæddur jakka með bótum á olnbogunum, svokölluðum
„fræðimannajakka“. „Hvað er þessi maður að gera?“ spurði Rögnvald-
ur konuna. „Ég veit það ekki,“ sagði hún, „ég skil ekki allt sem Íslend-
ingar taka sér fyrir hendur.“ Heyrði læknirinn þá að hún talaði með er-
lendum hreim. „Hvers vegna ertu svona búin?“ spurði þá Rögnvaldur.
„Ég er að koma úr rússneska sendiráðinu,“ sagði konan. Í sömu andrá
leit maðurinn upp. „Þarna ertu,“ sagði hann og hélt enn á hnífnum.
„Það var ég sem hringdi í þig.“ „Hvers vegna?“ hváði Rögnvaldur.
„Það skal ég segja þér,“ sagði maðurinn …
Keðj
usag
an
Fyrsti hluti | eftir Katrínu Jakobsdóttur
Annar hluti | eftir Sverri Jakobsson
Forsíðumyndin, eftir Ásdísi Ásgeirsdóttur, er af Englendingunum
Jonathan Twigger og PJ Whitworth. Jonathan er hér við störf sem
vefhönnuður hjá Skólavefnum ehf., sem rekur skolavefur.is. PJ
vinnur á veitingahúsinu Kaffi Kúltúr í Alþjóðahúsinu. Hún kom hing-
að í ágúst, til að hitta vin sinn og skoða landið, og hyggur á heim-
för eftir jól.
Forsíða
Við vissum ekki fyrir viku...
… að Eiður Smári myndi
grípa tækifærið og
skora eitt marka
Chelsea í sigri liðsins á
Lazio í Meistaradeild-
inni.
… að söngkonan Pink yrði
svona skrambi hress á
kynningu nýju plötunnar
sinnar, Try This.
… að spænski krónprins-
inn, Felipe, myndi til-
kynna trúlofun sína og
sjónvarpskonunnar Let-
izia Ortiz. Hann bað
„formlega“ um hönd
hennar í gær og brúð-
kaupið verður næsta
sumar.
… að spænski hjartaknús-
arinn Julio Iglesias
myndi taka upp á því að
klappa saman höndum
á blaðamannafundi
vegna nýjustu plötu
kappans, Divorcio
(Skilnaður).
…að Karl Bretaprins
myndi verða svo hlaðinn
blómum sem raun bar
vitni, þegar hann heim-
sótti Bhaonta-þorpið,
nærri Jaipur á Indlandi.
… að Abraham Lincoln
karlinn myndi fá sína ár-
legu hreinsun í vikunni.