Morgunblaðið - 07.11.2003, Blaðsíða 4

4 | FÓLKIÐ | FÖSTUDAGUR 7|11|2003 MORGUNBLAÐIÐ
Elvis Presley bíður í röðinni á Aktu taktu. Raunar er Elvis ís-
lenskur. Þessi a.m.k.. Hann heitir Steinn Ármann og fer
með hlutverk Elvis-eftirhermu í leikritinu Eldað með Elvis
eftir Lee Hall, sem frumsýnt verður í Loftkastalanum 30.
desember.
Sýningin fjallar um lamaðan eiginmann, sem áður var Elv-
is-eftirherma, ófullnægða eiginkonu hans og brjóstgóða
dóttur. Þegar þau kynnast ósköp venjulegum deildarstjóra
hjá Myllunni er fjandinn laus. Leikstjóri er Magnús Geir
Þórðarson.
Steinn Ármann leggur á bílastæðinu við Aktu taktu og
gæðir sér á mexíkósku taco.
– Hefðirðu ekki átt að fá þér hamborgara?
– Til að vera eins og Elvis? Jú ætli það ekki, segir hann
og fær sér bita.
– Hefurðu borðað pokarottu, eins og Elvis gerði í efna-
snauðri æsku sinni?
– Nei, ég hef ekki étið pokarottu. En ég hef smakkað
kengúruskinku. Það er það skrýtnasta sem ég hef smakk-
að. Fyrir utan íslenska þorramatinn.
– Ertu einn af þeim leikurum sem þurfa helst að upplifa allt
sem söguhetjan upplifði til að undirbúa sig fyrir hlutverkið?
– Nei, þetta felst aðallega í því að læra textann minn og
ganga ekki á húsgögnin.
– Það stendur til að þú klæðist gallanum hans Elvis?
– Þetta er svolítið skrýtið leikrit. Ég leik mann sem er
bara bundinn við hjólastól og út úr heiminum, en hann
hafði verið Elvis-eftirherma í eina tíð. Og hann lifnar við
nokkrum sinnum. Svo sem ekkert útskýrt hvort það er í
eigin hugarheimi eða í huga fjölskyldumeðlima. Þá flytur
hann einræður og tekur meira að segja lagið.
– Vegir ykkar Elvis hafa áður legið saman.
– Ég hef svolítið verið orðaður við Elvis. Við vorum með
útvarpsþátt sem spilaði eingöngu Elvis og svo hef ég verið
kynnir á Elvis-eftirhermukeppni. Ég á Elvis-búning og finnst
reyndar mjög gaman að Elvis. Það er skrautlegur karakter.
– Hvernig maður var Elvis?
– Ja, ég er ekki það mikill Elvis-aðdáandi að ég hafi
rannsakað líf hans. En hann kom úr verkamannafjölskyldu,
var vörubílstjóri og hafði þessa gullnu rödd, sem uppgötv-
aðist fyrir tilviljun. Ég held að þessi skyndilega ofsafrægð
og peningar hafi ekki gert honum sérstaklega gott, enda
held ég hann hafi fyrir rest dáið úr þessu.
– Ef hann er þá dauður?
– Svo er það nú önnur pæling.
– Er hann góð fyrirmynd?
– Nei, það held ég ekki. Ekki nema bara til að passa sig
á að verða ekki svona af frægðinni og peningum.
– Nú ert þú svolítið frægur?
– Það gildir annað á Íslandi. Við erum svo fá og maður
þekkir eiginlega alla.
– Er það rétt að þú eigir Elvis-búning?
– Já, Hallur keypti hann á mig í Los Angeles. Raunar
fengu Davíð Þór og Ingvar Þórðarson líka búninga og einn
var notaður sem verðlaun í fyrstu Elvis-keppninni. Annars er
búningurinn úr svo miklu gerviefni að það er eiginlega kom-
in svitalykt áður en maður fer í hann.
Æfingar á Eldað með Elvis hefjast á mánudag. Steinn Ár-
mann fer einnig með hlutverk í verðlaunasýningunni
Kvetch, sem verið er að sýna enn og aftur í Borgarleikhús-
inu. Þá vann hann í uppistandskeppni á dögunum og er að
leikstýra Með álfum og tröllum, barnaleikriti Staffans Wes-
terbergs, hjá Leikfélagi Keflavíkur. |pebl@mbl.is
Morgunblaðið/Árni Sæberg
S T E I N N Á R M A N N
GR
ÍM
UL
AU
S
EL
VI
S