Morgunblaðið - 07.11.2003, Blaðsíða 18

18 | FÓLKIÐ | FÖSTUDAGUR 7|11|2003 MORGUNBLAÐIÐ
VITUND, MENN OG VÉLAR
Fyrsta Matrix-mynd Andy og Larry Wachowski kom á markaðinn 1999, og
telst ósvikin bylting í gerð spennumynda. Efni, innihald og útlit óvenju
ferskt og frjótt. Við bíógestum blasir ógnvænleg framtíðarsýn þar sem
söguhetjan Neo vaknar til meðvitundar um að við lifum hugsanlega í tölvu-
stýrðri draumaveröld framtíðar þar sem líkamar okkar eru notaðir sem afl-
gjafar. Er núið aðeins forritaður sýndarveruleiki í dásvefninum? Er til-
gangur okkar að vera orkuver framtíðarvéla á meðan við sofum, er
tilveran draumur?
Martröðin heldur endalaust áfram. Er ekkert eins og það sýnist, er-
um við tölvuforrit þar sem skilningarvitin eru aðeins blekking?
Söguhetjan Neo velkist í vafa – hvernig á hann að greina muninn á
draumi og veruleika? Honum er kennt að hættulegasti maður ver-
aldar sé Morfeus (Laurence Fishburne). Er fundum þeirra ber saman
kemst Neo á hinn bóginn að því að Morfeus fer fyrir hópi manna
sem hafa komist að sömu tilvistarniðurstöðu og hann. Morfeus
hefur náð tökum á eigin vitund og getur flakkað um tölvuforritið
sem við köllum tilveru. Menn sem hann skipa lítinn hóp, hættu-
legan móðurtölvunni sem sendir morðingja til höfuðs þeim. Eltir
uppi og drepur hvar sem til þeirra næst. Uppreisnarmennirnir
gæta Neos þar sem þeir sjá í honum framtíðarleiðtoga sinn í
baráttu við vélarnar.
Þannig hefst hugmyndafræði og trúarspeki Wachowski-bræðra.
allt sem hefur upphaf hlýtur endi
MATRIX
Undir spennuþrungin lok Matrix endurhlaðin, nálg-
ast Neo (Keanu Reeves) svarið við sannleiksleit-
inni sem hófst í fyrsta hluta myndbálksins. Átökin
skilja við hann þorrinn að kröftum í einskismanns-
landinu á mörkum Sýndarheimsins og veraldar vél-
anna. Á meðan Trinity (Carrie-Anne Moss) vakir yf-
ir örmagnaðri hetjunni kemst Morfeus (Laurence
Fishburne) að því að Sá útvaldi – sem hann hefur
treyst til þessa – er þáttur í stjórnkerfi smiða
Sýndarheimsins. Í Matrix byltingar, endahnút
þrennunnar, fer fram lokabardaginn á milli manna
og véla. Herafli Zion, með sjálfboðaliðana Zee
(Mona Gaye) og Strákinn (Clayton Watson) innan-
borðs, berst á móti innrás vélanna, sem bora sig
inn í yfirráðasvæði þeirra. Íbúar Zion berjast ekki
aðeins fyrir lífi sínu heldur framtíð alls mannkyns.
FR
UM
SÝ
NT
TÖLVULEIKIR
OG TEIKNIMYNDIR
Matrix-myndunum er gjarnan líkt við tölvuleiki
og teiknimyndir enda skyldleikinn augljós. Hröð
taka og klippingar, efni, persónur og umhverfi. Það
lá beint við að Wachowski-bræður gerðu teikni-
myndir byggðar á hug-myndunum að baki kvik-
myndunum.
Teiknimyndirnar hafa hlotið nafnið Animatrix og
eru níu talsins. Við gerð þeirra nutu bræðurnir að-
stoðar hæfustu fagmanna í teiknimyndaheiminum
en myndröðin segir frá aðdraganda uppreisnar vél-
mennanna og atburða sem gerast í kringum sögu-
svið þríleiksins.Animatrix-þættirnir voru sýndir á
Stöð 2 fyrr á árinu, þeir hafa staðið mönnum til
boða á Netinu og eru fáanlegir á mynddiski. Sjón-
ræn veröld tölvuheims Matrix-myndanna með öll-
um sínum tæknibrellum og tölvukúnstum nýtur sín
ekki síður í tölvuleiknum
Enter the Matrix, sem kom á markaðinn í ár og
nýtur feikna vinsælda. Þá eru áhrif hugmyndanna
um Sýndarheiminn greinileg í hliðstæðum leikjum.