Morgunblaðið - 09.11.2003, Blaðsíða 14
14 SUNNUDAGUR 9. NÓVEMBER 2003 MORGUNBLAÐIÐ
SIGRÍÐUR Beinteinsdóttir,eða Sigga Beinteins einsog hún er oftast kölluð,hefur mörg járn í eldinumþessa dagana. Hún fellir
dóma yfir vongóðum söngvurum í
þáttunum Idol-Stjörnuleit á Stöð 2,
syngur á skemmtistöðum, sendir
frá sér geisladiskinn Fyrir þig,
syngur á plötum annarra og fer
reglulega til Noregs, þar sem hún
og systir hennar reka ToneArt-
söngskólann. Hún hefur líka í
hyggju að gefa út barnaplötu þar í
landi. „Það hefur verið nóg að gera
undanfarið, þakka þér fyrir,“ segir
hún þegar hún gefur sér tíma í við-
tal við Morgunblaðið.
Fyrir sex árum sendi hún frá sér
geisladiskinn Sigga en síðan hefur
hún látið nægja að syngja með
Stjórninni og koma fram á
skemmtistöðum. „Það var kominn
tími á sólóplötu, sex ár eru allt of
langur tími,“ segir hún. „Stjórnin
gaf síðast út plötu fyrir þremur ár-
um og þeir sem ekki stunda
skemmtistaðina halda áreiðanlega
að ég sé að mestu hætt að syngja,
þótt ég hafi sungið einstaka lög inn
á plötur annarra. Mér fannst því al-
veg tímabært að minna á mig og
vildi gjarnan fá að syngja fyrir fólk
heima í stofu, en ekki bara á böll-
um.“
Lög í rólegri kantinum
Sigga segist ekki hafa átt í nein-
um vandræðum með að finna lög á
plötuna. Eitt laganna, titillagið
Fyrir þig, samdi hún reyndar sjálf
og þrátt fyrir langan söngferil er
það fyrsta lagið eftir hana sem rat-
ar á plötu. Andrea Gylfadóttir
samdi textann, en hún samdi tvo
aðra texta á plötunni. „Á plötunni
eru tíu lög og flest í rólegri kant-
inum. Fyrir utan lagið mitt er
þarna lag eftir Friðrik Karlsson,
Þorvaldur Bjarni á eitt lag, Art
Garfunkel á eitt, þrjú eru ættuð frá
Ítalíu, tvö eru norsk og eitt sænskt.
Textana fékk ég svo úr ýmsum átt-
um, Ingibjörg Gunnarsdóttir gerði
tvo, Friðrik Sturluson þrjá, Andrea
þrjá, Karl Ágúst Úlfsson einn og
Friðrik Erlingsson einn. Mörg
þessara laga hef ég haft í huga ár-
um saman og er fegin að koma
þeim loks frá mér. Raunar hefði ég
getað gert margar plötur, því lögin
sem mig langar til að gefa út hafa
hrannast upp frá síðustu plötu. Svo
fékk ég ágætan stuðning annarra
söngvara á plötunni. Jónsi í Svört-
um fötum syngur með mér eitt lag,
Selma Björns annað og Björgvin
Halldórsson þriðja.“
Valinkunnur hópur tónlistar-
manna leikur undir á plötunni, en
Sigga gaf félögum sínum í Stjórn-
inni frí. „Þeir eru mjög flinkir, en
ég vildi hafa annan hljóm á þessari
plötu en Stjórnarplötunum. Ólafur
Hólm spilar á trommur, Þorvaldur
Bjarni spilar á hljómborð og gítar,
en gítarleikur er að mestu í hönd-
um Vignis í Írafári, Pétur Hjalte-
sted spilar líka á hljómborð, Kjart-
an Valdimarsson á píanó og svo er
þarna strengjasveit úr Sinfóníu-
hljómsveitinni. Svo komu ýmsir
fleiri við sögu.“
Samdómari Siggu í Stjörnuleit-
inni, Þorvaldur Bjarni, útsetti lögin
á plötunni og stýrði upptökum.
Hægri hönd þeirra var Pétur
Hjaltested. „Vinnan í hljóðveri
gekk mjög vel. Ég sagði Þorvaldi
Bjarna að ég vildi hafa píanó, klass-
ískan gítar og strengi og hann fór
létt með að útsetja lögin svo mér
líkaði.“
Sigga gaf sjálf út sólóplötuna fyr-
ir sex árum og á sínum tíma gaf
hún líka sjálf út jólaplötu sína, Des-
ember og barnaplötuna Flikk
Flakk, auk þess sem hún sá um út-
gáfu á myndböndunum Söngvaborg
og Söngvaborg II. „Ég veit af feng-
inni reynslu hvað markaðssetning
og dreifing kostar mikla vinnu, svo
núna leitaði ég til Skífunnar, sem
gefur plötuna út. Samstarfið við
fólk þar á bæ hefur gengið mjög
vel og ég er fegin að losna við
margt umstangið sem fylgir plötu-
útgáfu.“
Dómarinn gagnrýndur
Aðspurð segist hún reikna með
að fá meiri gagnrýni á plötu sína en
ella, af því að sjálf situr hún í dóm-
arasæti og dæmir söng annarra.
„Idol-þættirnir gera það örugglega
að verkum að fólk hlustar mjög
gagnrýnið á plötuna mína. Það er
allt í lagi, ég hef ekkert á móti því
að hlusta á alla þá gagnrýni sem
fólk vill setja fram. Ég veit að ég
gerði eins vel og ég gat og þess
vegna er ég ánægð. Mér finnst góð-
ur heildarsvipur á plötunni og ég
vandaði lagavalið eins og ég gat.
Oft hlustar fólk á plötur, en stekk-
ur alltaf yfir sömu lögin af því að
þau trufla heildarmyndina. Ég
reyndi að velja lögin vel saman svo
það gerðist ekki.“
Hún hefur alltaf verið hrifin af
lögum í rólegri kantinum, segir
hún, en er ekki frá því að sú hrifn-
ing hafi aukist með aldrinum. „Ball-
öður eiga vel við mig og mér finnst
gaman að syngja þær. Það þýðir
samt ekki að ég gæti ekki söðlað
um á næstu plötu. Mig langar að
syngja blús eða djass og kannski
kemur einhvern tímann rokkplata.
Það kemur bara í ljós.“
Áhorfendur vanda valið
Þeir sem ekki stunda böllin og
hafa því lítið séð til Siggu Beinteins
undanfarin ár hafa kynnst henni á
ný í sjónvarpinu á föstudags-
kvöldum, þótt þar láti hún aðra um
sönginn. „Mér finnst gaman að
taka þátt í Stjörnuleitinni þótt ég
hafi velt því mikið fyrir mér hvort
það væri rétt að ég settist í dóm-
arasætið. Ég ákvað frá upphafi að
vera heiðarleg í umsögn minni um
söng keppenda og hef reynt að
fylgja þeirri reglu. Ég reyni að
setja skoðun mína skýrt fram og
niðurlægja engan, enda á ég engan
rétt á því.“
Sigga segir að sér hafi komið á
óvart hversu margir tóku þátt í for-
keppni Stjörnuleitar. „Hérna tóku
fleiri þátt en í Danmörku og þá er
ekki miðað við blessaða höfðatöl-
una!“ segir hún. „Mér fannst samt
skýrast fljótt hverjir kæmust í 32
manna hópinn, sem núna er verið
að skera niður og í mínum huga er
nokkuð ljóst hverjir ættu að kom-
ast áfram. Því ráða hins vegar
áhorfendur. Þeir hafa valið vel
hingað til og ánægjulegt að sjá að
þar virðist engin atkvæðasöfnun í
gangi, hver og einn greiðir atkvæði
eftir eigin mati og smekk. Keppnin
væri bara skrípaleikur ef atkvæða-
greiðslan væri ekki eftir bestu
sannfæringu hvers og eins og
áhorfendur gera sér grein fyrir því.
Þeir eru að velja næstu Birgittu
eða næsta Jónsa og taka það alvar-
lega.“
Sigga er spurð um eitt umdeild-
asta atvik keppninnar, þegar 16 ára
stúlku var vísað úr keppninni. „Sá
misskilningur er allsráðandi að við
höfum dæmt hana úr leik af því að
hún var of ung. Það er ekki rétt,
enda var 16 ára aldurstakmark. Við
töldum hana hins vegar ekki til-
búna að sinni, hún þyrfti að öðlast
meiri reynslu og ná fram meiri
túlkun. Það er hins vegar engin
spurning að hún er með fína rödd
og ég hlakka til að sjá hana í
keppninni á næsta ári, hvort sem
ég verð enn í sæti dómara eða
ekki.“
Sjálf hefði Sigga Beinteins aldrei
tekið þátt í keppni af þessu tagi
þegar hún var 16–20 ára. „Nei, Guð
hjálpi þér, ég var svo hrikalega
feimin og uppburðarlítil að ég hefði
aldrei treyst mér í svona keppni. Ef
einhver hefði dregið mig fyrir dóm-
nefnd hefði ég áreiðanlega verið
svo stressuð að mér hefði verið
hent út í fyrstu umferð. Það þarf
ansi sterk bein til að taka þátt í
svona keppni fyrir framan alþjóð.“
Kennir Norðmönnum söng
Tónlistarheimur Siggu takmark-
ast ekki við Ísland. Hún hélt í vík-
ing til Noregs og hefur sett þar á
laggirnar söngskólann ToneArt.
Forsagan er sú að undanfarin ár
hefur Sigga kennt söng í Söng-
skóla Maríu og Siggu. „Þar hafa
fjölmargir krakkar farið á nám-
skeið og ég velti því oft fyrir mér
hvort ekki væri hægt að fara með
slík námskeið víðar. Halldóra syst-
ir mín býr í Noregi og hún hvatti
mig til að stofna slíkan skóla þar.
Við ákváðum loks að kanna fyrir
alvöru hvernig norski markaðurinn
liti út og komumst að því að þar
voru eingöngu reknir klassískir
söngskólar fyrir 18 ára og eldri.
Enginn skóli bauð almenningi, frá
barnsaldri og upp úr, að koma og
læra að syngja uppáhaldslögin sín.
Við ákváðum því að stofna slíkan
skóla, þar sem fólk á öllum aldri
fær þjálfun í popp- og dægurlaga-
söng.“
Systurnar Sigga og Dóra tóku á
leigu ákjósanlegt húsnæði í Asker,
sem er bæjarfélag rétt fyrir utan
höfuðborgina Ósló. „Við tókum
þann kostinn að leigja húsnæði til
að byrja með, því við viljum sjá
hvernig þetta gengur áður en við
kaupum húsnæði. Það er reyndar
ekkert hlaupið að því að stofna fyr-
irtæki í Noregi og Dóra þurfti að
ganga á milli bankastofnana og
veðsetja íbúðina sína til að koma
þessu á laggirnar því bankarnir
vildu alls konar tryggingar. Allt
hafðist þetta og við réðum þrjá
kennara til starfa, allt vel menntað
og reynslumikið fólk. Sjálf hef ég
kennt á námskeiðum í skólanum og
ætla að gera meira af því á næsta
ári. Núna er ég því að rifja upp
norskuna mína, frá því að ég bjó
úti í Ósló í eitt ár á níunda áratug
síðustu aldar!“
Nemendur ToneArt eru nú yfir
80 talsins, sá yngsti er 4½ árs
stelpa og sá elsti 32 ára kona. „Í
Noregi er líka Stjörnuleit og
nokkrir nemendanna eru að und-
irbúa sig fyrir þátttöku í þeirri
keppni eða öðrum svipuðum. Svo
eru nokkrir leikarar í námi hjá okk-
ur, að undirbúa sig fyrir þátttöku í
söngleik. Dóra heldur þessum
rekstri öllum gangandi. Við erum
mjög ánægðar með móttökurnar og
miðað við könnun sem við gerðum
meðal nemendanna eru þeir líka
ánægðir með okkur.“
Sigga segir að í söngskólanum sé
lögð mikil áhersla á að styrkja
sjálfstraust nemendanna. „Nem-
endur syngja fyrir smærri hópa og
við gefum góð ráð um framkomu.
Það nýtist þeim auðvitað í öllu sem
Ný plata og norskir tónar
Sigga Beinteins sendir frá sér geisladisk í vikunni,
en sex ár eru liðin frá því að hún gaf síðast út sóló-
plötu. Hún segir Ragnhildi Sverrisdóttur frá plöt-
unni, dómarastarfinu í leitinni að næstu popp-
stjörnu landsins og rekstri söngskóla í Noregi.
Morgunblaðið/Sverrir
’ Mér fannst tíma-bært að minna á mig
og vildi gjarnan fá að
syngja fyrir fólk
heima í stofu, ekki
bara á böllum. ‘
’ Ef einhver hefðidregið mig fyrir
dómnefnd hefði ég
áreiðanlega verið
svo stressuð að mér
hefði verið hent út í
fyrstu umferð. ‘