Morgunblaðið - 09.11.2003, Blaðsíða 38

✝ Ingibjörg AnnaHallgrímsdóttir
fæddist í Búðardal í
Dalasýslu 10. júlí
1946. Hún lést í Árós-
um í Danmörku 3.
júlí síðastliðinn. For-
eldrar Ingu voru
Hallgrímur Jónsson
frá Ljárskógum og
Anna Ragnheiður
Fritsdóttir Berndsen
frá Skagaströnd.
Systkini Ingu eru
Regina Anna, f. 1.6.
1936, Anna Ragn-
heiður, f. 3.3. 1938, Ingvi, f. 17.8.
1939, Gylfi, f. 29.1. 1941 og Hrafn-
hildur Anna, f. 14.10. 1951. Fyrri
maður Ingu var Dennis Leo Wood
og eiga þau dóttur, Önnu Höllu
Wood, f. í Bandaríkj-
unum 6.10. 1968, þau
skildu. Anna Halla
býr í Danmörku með
sambýlismanni sín-
um, Peter Öster-
gaard, og börnunum
Chris, f. 8.7. 1997 og
Juliönnu f. 24.7.
2000. Seinni maður
Ingu var Hreinn
Guðlaugsson og eiga
þau soninn Hörð, f. í
Árósum 14.2. 1980.
Hreinn og Inga
skildu. Inga bjó í
Bandaríkjunum í nokkur ár, síðan
nokkur ár í Reykjavík og í Árós-
um frá 1978 til dánardags.
Inga var jarðsungin frá Viby-
kirkju 10. júlí.
Inga systir mín féll frá langt fyrir
aldur fram. Hún fór í nám í grafískri
myndlist og fleiri myndlistargreinum
í Árósum og svo seinna í leikmynda-
gerð. Hún vann mikið seinni árin við
áhugamannaleikhús í Staftrup í Ár-
ósum við leikmyndagerð og allt
mögulegt sem tengist leikhússtörf-
um og brá líka fyrir sig leiklist í auka-
hlutverkum ef því var að skipta. Þar
átti hún marga mjög góða og trygga
vini sem sýndu það vel í veikindum
hennar og heiðruðu minningu hennar
með því að hafa erfidrykkju hennar í
leikhúsinu og sáu um það að öllu
leyti. Hún stofnaði ásamt nokkrum
góðum félögum og vinum félagsskap
sem heitir Single Rock Café. Þar
hittist einhleypt fólk og fær sér kaffi
eða bjór og snúning og hefur það
„huggulegt“ eins og Danir eru svo
góðir við. Þetta félagsform hefur tek-
ist svo vel að það eru komnir klúbbar
með þessu heiti og sniði í marga aðra
bæi í Danmörku, meira segja í Kaup-
mannahöfn. Í þessu félagi var hún af-
ar vinsæl líka og átti marga vini þar
sem reyndust vel í hennar veikind-
um.
Hún vann talsvert við myndlistina
og eru til margar myndir eftir hana,
bæði grafík, olíumálverk og vatns-
litamyndir. Hún hélt nokkrar sam-
sýningar með vinkonum sínum í Dan-
mörku. Hún hafði alla tíð mikið
samband við fjölskylduna og vinina
hér og mjög sterk tengsl við Ísland.
Það kom meðal annars fram í mynd-
um hennar þar sem lundinn var
hennar uppáhald.
Við Inga vorum alla tíð mjög nánar
og skrifuðumst á alltaf þegar hún bjó
erlendis, en seinni árin voru síminn
og tölvan tekin við eftir að ódýrara
varð að hringja. Það var ótrúlegur
tími sem okkur var gefinn hennar
síðustu sex vikur þegar ég var hjá
henni. Ég var svo lánsöm að fá að
vera hjá henni alla daga á sjúkrahús-
inu og stundum á nóttunni líka.Við
gátum talað endalaust og með ólík-
indum hvað hún bar sinn sjúkdóm
með mikilli reisn allan tímann. Ég
þakka Guði fyrir að fá þennan tíma
og ég veit að hún var þakklát mínum
vinnuveitanda fyrir að gefa mér ótak-
markaðan tíma frá vinnu til að vera
hjá henni til enda.
Ég get ekki hugsað mér betri syst-
ur og vinkonu og mun alla tíð minn-
ast hennar með ást og virðingu. Það
er sárt að hugsa til þess að geta ekki
hringt þegar mér liggur eitthvað á
hjarta. Inga mín var svo sátt við lífið
og dauðann að ég get ekki annað en
dáðst að og vonast til að hafa lært af
henni þá auðmýkt sem til þurfti. Það
hefur dregist að skrifa þessar línur,
en Inga bað fyrir kveðjur til Íslands
og allra vinanna og ættingjanna. Hún
er nú laus úr viðjum líkamans en
verður alltaf í minningu okkar.
Takk fyrir að hafa verið mín kæra
systir.
Hrafnhildur Anna
Hallgrímsdóttir.
Margt kemur upp í hugann þegar
ég sest niður og skirfa minningarorð
um mína gömlu vinkonu, Ingu á Póst-
húsinu. Við kynntumst þegar skóla-
ganga okkar hófst um 9 til 10 ára ald-
ur, eins og þá var títt með sveitabörn.
Krökkunum úr hreppnum var komið
fyrir eins og sagt var, hjá fjölskyld-
um í Búðardal, en skólagangan var
nú stundum aðeins nokkrar vikur á
vetri. Á Pósthúsinu var margmennt,
systkinin mörg og þar var gott að
koma við. Stelpnahópurinn brallaði
margt og sterk vináttubönd tengd-
ust. Oft var Inga heima hjá okkur á
Lambastöðum og þá voru nú gerðar
leikfimisæfingar og farið á hestbak.
Við fermdust vorið 1960, eftir það fór
Inga í Reykjaskóla og ég í Reykholt,
mörg góð bréf fóru þá á milli. Tíminn
leið og Inga bjó um tíma í Bandaríkj-
unum. Þegar hún kom til baka vorum
við nágrannar og samgangur tíður.
Góðar stundir áttum við á gömlu
dönsunum í Templarahöllinni og var
það oft rifjað upp. Sumarið 1978 flutti
Inga til Danmerkur og bjó þar í 25 ár.
Alltaf höfðum við þó samband. Fast-
ur liður í jólaundirbúningnum var að
skrifa henni langt og gott bréf við
kertaljós. Síðastliðið haust greindist
hún með krabbamein. Í fyrstu voru
vonir bundnar við meðferðina, en
þær urðu að engu. Við töluðum af og
til saman í síma og undir lokin var
vinkona mín ferðbúin og sagði að sig
hlakkaði til ferðarinnar. Ég votta
börnum hennar, Önnu Höllu og
Herði, innilega samúð, svo og systk-
inum og frændliði. Minningin um
Ingu mun lifa í hjörtum okkar.
Hlíf Kristjánsdóttir.
Strjál eru laufin
í loftsölum trjánna,
blika, hrapa
í haustkaldri ró.
Virðist þó skammt
síðan við mér skein
græn angan
á opnu brumi.
(Snorri Hjartarson.)
Við sem útskrifuðumst frá Reykja-
skóla í Hrútafirði vorið 1963 höfum
nú þurft að sjá á bak þremur bekkj-
arfélögum sem allir settu svip sinn á
hið nána samfélag sem við bjuggum
við á þeim tíma. Nemendur voru víða
að af landinu og á þeim tíma tíðkaðist
ekki að þeir sem næst byggju færu
heim oftar en aðrir með þeirri und-
antekningu þó að ein fríhelgi var fyr-
ir jól og ein eftir jól. Þetta varð til
þess að nemendur kynntust vel inn-
byrðis, ekki síst þeir sem voru saman
í bekk í allt að þrjá vetur. Stundum er
sagt að maður eignist vini fyrir tví-
tugt en eftir það kunningja. Þótt það
sé umdeilanlegt er það nú einhvern
veginn svo að vinátta sem skapast á
æskuárunum er býsna sterk. Þegar
skörð myndast í hópinn verður þetta
umhugsunarefni og hugurinn reikar
til baka.
Ingibjörg Anna Hallgrímsdóttir,
sem lést í júlí sl., setti sterkan svip á
skólalífið og erum við öll fátækari að
henni genginni. Hún var kát og
skemmtileg og fundvís á spaugilegar
hliðar mannlífsins. Hún var músík-
ölsk og söng vel, grallari hinn mesti
og uppátækjasöm. Þó að hún legði
sig ekki sérstaklega fram við námið
tók hún alltaf góð próf og naut þess
hversu skarpgáfuð hún var. Inga
hætti námi í bili eftir að verunni á
Reykjaskóla lauk líkt og mörg okkar,
en lærði seinna myndlist og leik-
myndagerð og stundaði hvort
tveggja. Inga tók ekki þátt í lífsgæða-
kapphlaupinu á sama hátt og aðrir,
hún var einhvern veginn yfir það haf-
in. Hún bar enga sérstaka virðingu
fyrir veraldlegu ríkidæmi og lét pen-
ingaleysi ekki smækka sig. Hún bjó í
Árósum í Danmörku í tuttugu og
fimm ár og festi þar rætur. Síðast
þegar hún kom til Íslands, áttum við
nokkrar skólasystur og Hlíf vinkona
Ingu góða og dýrmæta stund á heim-
ili Steinunnar Sig. Sjúkdómsstríð
Ingu tók innan við ár og var hart bar-
ist en við ofurefli að etja. Hún vissi að
hverju dró og tók örlögum sínum af
einstöku æðruleysi. Áformin um að
koma til Íslands á ættarmót með fjöl-
skyldunni og til endurfunda við
skólasystkinin frá Reykjaskóla urðu
að víkja fyrir veikindunum en hún
var með okkur í anda og sendi kveðju
sína. Minningin um Ingu Hallgríms
lifir í hugum okkar og við vottum fjöl-
skyldu hennar dýpstu samúð.
Bekkjarfélagar frá
Reykjaskóla 1963.
INGIBJÖRG ANNA
HALLGRÍMSDÓTTIR
MINNINGAR
38 SUNNUDAGUR 9. NÓVEMBER 2003 MORGUNBLAÐIÐ
ÚTFARARSTOFA
HAFNARFJARÐAR
Flatahrauni 5A, sími 565 5892
ÚTFARARSTOFA ÍSLANDS
Símar 581 3300 - 896 8242
Allan sólarhringinn - Áratuga reynsla
Suðurhlíð 35 — Fossvogi — www.utforin.is
Sverrir Olsen,
útfararstjóri.
Sverrir Einarsson,
útfararstjóri.
Kistur - Krossar
Prestur - Kirkja
Kistulagning
Blóm - Fáni
Val á sálmum
Tónlistarfólk
Sálmaskrá
Tilk. í fjölmiðla
Erfisdrykkja
Gestabók
Legstaður
Flutningur kistu á
Komum heim til aðstandenda ef óskað er
Bryndís Valbjarnardóttir,
útfararstjóri.
milli landa og
landshluta
Landsbyggðar-
þjónusta
Baldur Frederiksen,
útfararstjóri.
Innilegar þakkir til allra þeirra sem vottuðu
okkur samúð og sýndu hlýhug við andlát og
útför móður okkar, ömmu og langömmu,
HELGU BALDVINSDÓTTUR,
Hægindi,
Reykholtsdal.
Sérstakar þakkir fær starfsfólk Dvalarheimilis
aldraðra í Borgarnesi fyrir umönnun.
Auður Pétursdóttir,
Vigfús Pétursson,
barnabörn og barnabarnabörn.
Innilegar þakkir til allra þeirra sem auðsýndu
okkur samúð og hlýhug við andlát og útför
elskulegs föður okkar, tengdaföður og afa,
GUDMUNDS KNUTSEN
dýralæknis,
Fjólugötu 3,
Akureyri.
Sérstakar þakkir til starfsfólks lyflækninga-
deildar FSA fyrir góða og hlýja umönnun.
Jón Gudmund Knutsen, Jóna Birna Óskarsdóttir,
Gunnar Sverre Knutsen, Brynja Þóranna Viðarsdóttir
og afabörn.
Innilegar þakkir færum við þeim fjölmörgu sem
sýndu okkur samúð og vinarhug vegna andláts
eiginmanns míns, föður, tengdaföður, afa og
langafa,
ÁGÚSTS AUÐUNSSONAR,
Hrafnistu, Reykjavík,
áður Víðimel 44.
Sérstakar þakkir til starfsfólks deilda 3G og 2F
á Hrafnistu í Reykjavík fyrir góða umönnun.
Guðrún S. Pétursdóttir,
Auðunn Ágústsson, Sigurbjörg Guðmundsdóttir,
afabörn og langafabörn.
Hugheilar þakkir færum við öllum þeim, sem
umvöfðu okkur hlýju og sýndu okkur umhyggju
við andlát og útför elsku drengsins míns, bróður
okkar, mágs og frænda,
ÓLAFS PÁLS ÓLAFSSONAR.
Sérstakar þakkir til starfsfólks líknardeildar
Landspítalans í Kópavogi fyrir einstaka um-
önnun og hlýhug.
Guð blessi ykkur öll.
Erla Sch. Thorsteinsson,
Magnús Ólafsson, Dýrleif Arna Guðmundsdóttir,
Sigríður Ólafsdóttir, Leifur Rögnvaldsson,
Þórhildur Lilja Ólafsdóttir, Jón Pálmi Guðmundsson,
Erla Hlín, Tinna, Sigurbergur,
Ólöf Sunna og Kristófer Máni.
Höfum opnað að nýju eftir breytingar
Einstakir legsteinar
Sérhannaðar
englastyttur úti og inni
Verið velkomin
Legsteinar og englastyttur
Helluhrauni 10 220 Hfj.
Sími : 565-2566
Hjartans þakkir til allra sem sýndu samúð,
hlýhug og vináttu við andlát og útför elskulegs
eiginmanns, föður, tengdaföður, afa og langafa,
JÓNS VILMUNDAR ÓSKARSSONAR
vélstjóra,
Beykilundi 2,
Akureyri.
Sérstakar þakkir til lækna og hjúkrunarfólks á
deild 14G, gjörgæslu Landspítala Hringbraut
og lyflæknisdeildar Fjórðungssjúkrahúss Akureyrar.
Ólöf Sveinsdóttir,
Helga Guðný Jónsdóttir, Óskar Karl Guðmundsson,
Óskar Sveinn Jónsson, Dóra Gísladóttir,
Sveinbjörn Jónsson,
barnabörn og langafabarn.