Morgunblaðið - 09.11.2003, Blaðsíða 47
FÓLK Í FRÉTTUM
MORGUNBLAÐIÐ SUNNUDAGUR 9. NÓVEMBER 2003 47
„ERTU komin til að leika?“ spyr
stressaður maður þegar blaðamaður
bankar á dyrnar á íbúð á Vitastíg þar
sem tökur á Svínasúpunni fara fram.
„Nei, ég er nú bara hérna til að taka
viðtal,“ svarar blaðamaður vand-
ræðalegur og er í framhaldi af því
boðið inn að fylgjast með tökum á
háalvarlegri eldhússenu þar sem
Sigurjón Kjartansson og Guðlaug
Elísabet Ólafsdóttir leika hálfeymd-
arleg hjón. Óskar Jónasson leikstjóri
liggur uppi í sófa í stofunni þaðan
sem hann stjórnar leikurum og töku-
mönnum. Senan er fyndin enda
skella leikararnir hvað eftir annað
upp úr og þarf því að taka hana fjór-
um sinnum.
Þættirnir verða átta talsins og eru
samansettir úr 300 grínbútum sem
fimm þekktir grínarar skrifuðu
handrit að, þeir Sigurjón Kjartans-
son, Pétur Jóhann Sigfússon, Þráinn
Jensson og Auðunn Blöndal og
Sveppi úr 70 mínútum á Popptíví.
Tveir síðastnefndu mennirnir
voru þeir einu sem ekki voru upp-
teknir við tökur þegar blaðamann
bar að garði og gátu því frætt hann
um hvað væri á seyði. „Þetta er mjög
einfalt grín, stuttir bútar um skrítin
atvik sem gerast í daglegu lífi og fólk
kannast við, það er skemmtilegasta
grínið að okkar mati,“ útskýrir Auð-
unn þegar við erum sest inn á nálæg-
an bar og búin að panta okkur vatn.
„Ég fíla ekki pólitíkusagrín, mér
finnst það leiðinlegt,“ heldur hann
áfram. „Já, það er skortur á góðu
gríni í þjóðfélaginu,“ segir Sveppi
spekingslega.
Skruppu saman í kuldanum
Þeir segja Sigurjón Kjartansson
hafa komið að máli við þá og boðið
þeim að vera með, í framhaldi af því
hafi handritaskrifin hafist og úr því
orðið þættir sem Storm framleiðir.
Að sögn strákanna var erfitt að
taka suma bútana upp og þurftu þeir
að þola ýmislegt. „Við erum búnir að
vera á typpinu,“ segir Sveppi stoltur.
„Við þurftum að vera naktir í Öskju-
hlíðinni fyrir framan einhverja túr-
ista í skítakulda. Við reyndum að út-
skýra fyrir breskri konu sem við
vorum að vísa til vegar að það væri
eðlilegt að ákveðnir líkamshlutar
skryppu dálítið saman í kuldanum.“
Þeir taka fram að það verði samt
lítið um dónaskap í þáttunum. „Þetta
er bara skemmtilegt, það er kannski
einn og einn bútur sem gæti farið
fyrir brjóstið á einhverjum við-
kvæmum en við vonum samt að fólk
hafi bara húmor fyrir því sem við
gerum,“ segir Auðunn. „Það er líka
nauðsynlegt að fara fyrir brjóstið á
einhverjum,“ bætir Sveppi við.
Skemmtilegustu bútarnir eru þó
ekki dónalegir segja þeir. „Við erum
að fjalla um nískt fólk, uppáþrengj-
andi fólk, karaktera sem allir þekkja.
Líka vandræðalegar aðstæður sem
fólk lendir í.“
Sigurjón mjúkur
Leikendur auk Sveppa og Auðuns
eru Sigurjón Kjartansson, Pétur Jó-
hann Sigfússon, Guðlaug Elísabet
Ólafsdóttir og Edda Björg Eyjólfs-
dóttir. Þeir segja hópnum hafa kom-
ið vel saman. „Ég vissi ekki að Sig-
urjón Kjartansson væri svona
mjúkur og skemmtilegur, maður
hélt að hann væri leiðinlegur og
þunglyndur,“ segir Auðunn. „Já, ég
hélt líka að hann væri fýlupoki en svo
er hann hress og skemmtilegur og
oft að sprella á settinu. Maður vissi
eiginlega ekki hvernig maður átti að
haga sér fyrst, en svo venst maður
þessu,“ heldur Sveppi áfram.
Svínasúpunafnið var upphaflega
vinnuheiti þáttanna sem kom frá
Sigurjóni Kjartanssyni, að sögn
strákanna. „Það má svo sem segja að
þetta séu grínbútar sem er skellt í
eina súpu og hrært saman. Annars
er þetta bara skemmtilegt orð, það
er ekki til neitt sem heitir svínasúpa,
ég hef alla vega aldrei borðað neitt
svoleiðis, ég hef hins vegar borðað
svín og súpu …“ segir Auðunn stolt-
ur og Sveppi bætir við: „Já, ég líka,
það var magnað þegar það gerð-
ist …“
Tökur standa nú yfir á Svínasúpunni, nýj-
um grínþáttum sem sýndir verða á Stöð 2 í
janúar. Bryndís Sveinsdóttir ræddi við tvo
leikaranna, þá Sveppa og Auðun Blöndal,
sem kunna ekki að meta pólitíkusagrín.
Morgunblaðið/Jim Smart
Sveppa þykir vænt um vin sinn,
Auðun Blöndal.
Sigurjón Kjartansson og Guðlaug Elísabet Ólafsdóttir í eldhúsinu.
Óskar Jónasson leikstjóri skemmtir sér gríðarvel við tökur.
Naktir í Öskjuhlíðinni
ER NEFIÐ STÍFLAÐ?
Fæst í apótekum
og lyfjaverslunum
STERIMAR
Skemmir ekki slímhimnu
er náttúrulegur
nefúði sem losar stíflur
og léttir öndun.
Fyrir 0-99 ára.
Forsala aðgöngumiða í JAPIS Laugavegi og
UppplýsingmiðstöðFerðamanna, Aðalstræti 2.
www.ReykjavikJazz.com/
4. - 9. nóvember 2003
Grammyverðlaunahafarnir
Jazzmessa: Sálmar Lúthers
Björn Thoroddsen gítar, Stefán
Stefánsson saxar, Jón Rafnsson
bassi, Eric Qvick trommur. Dr.
Sigurjón A. Eyjólfsson þjónar fyrir
altari og segir frá afstöðu Lúthers til tónlistar.
Björn Thoroddsen hefur unnið að þessu
verkefni um nokkurt skeið ásamt séra Sigurjóni.
Kópavogskirkja kl. 11.00 - Aðgangur ókeypis
Jensen/Ásgeirsson tríóið
Trompetstjarn-
an Ingrid Jensen
leikur hér með
þeim félögum úr
orgeltríóinu B3: Ásgeiri J. Ásgeirssyni gítar-
leikara, Agnari Má Magnússyni hammond-
organista og Eric Qvick trommara. Kaffi og
pönnukökur innifaldar í verðinu.
Hótel Borg kl. 15-17 - kr. 2.500
NEW YORK
VOICES
Söngvararnir Darmon Meader, Kim Nazarian,
Peter Eldridge og Lauren Kinhan skipa New
York Voices sönghópinn. New York Voices
hefur farið sigurför um heiminn undanfarin ár.
Meaders hefur útsett klassísk jazzlög og söng-
dansa fyrir sönghópinn og stórsveit og er ekki
að efa að það verður heitt í kolunum á loka-
tónleikum Jazzhátíðar. Jazz fyrir alla sem unna
heitri sveiflu. Austurbær kl. 20:30 - kr. 2.900
ásamt Stórsveit Reykjavíkur
Í dag