Morgunblaðið - 10.11.2003, Blaðsíða 27

MINNINGAR
MORGUNBLAÐIÐ MÁNUDAGUR 10. NÓVEMBER 2003 27
Ég vil minnast föður
míns, Guðjóns Ragn-
ars Helga Jónssonar.
Pabbi var góður og blíður maður,
alltaf stutt í brosið og húmorinn,
Vestfirðingur í húð og hár, enda
mikill veiðimaður, þó aðallega neta-
veiðimaður. Hann var alltaf dugleg-
ur og ósérhlífinn og varð yfirleitt að
hafa eitthvað fyrir stafni. Við pabbi
áttum okkur sameiginleg áhuga-
mál, íþróttir, þá sér í lagi knatt-
spyrnu, einnig var alltaf gaman að
tala við hann um stjórnmál. Hann
var mikill stuðningsmaður Man-
chester United og Skagamanna og
fylgdist hann ávallt vel með gangi
mála hjá þeim. Pabbi var einnig
áhugamaður um stjórnmál og veð-
urfar, enda ótrúlega veðurglöggur
maður. Hann var mestalla tíð Stein-
gríms- og framsóknarmaður, en hin
seinni ár ofbauð honum sleikju-
gangur þeirra framsóknarmanna í
garð íhaldsins. Því miður var trú
hans á læknum, eða læknirum eins
og hann kallaði þá gjarnan, engin
og harka hans varð til þess að mað-
ur gerði sér ekki grein fyrir því að
hann væri alvarlega veikur eða yfir
höfuð veikur. En nú ert þú farinn
pabbi minn, vonandi búinn að hitta
Elvar, afa og fleiri og vonandi eig-
um við eftir að hittast aftur ein-
hvern daginn.
Takk fyrir mig, takk fyrir að hafa
verið pabbi minn.
Guðjón Helgi Guðjónsson.
GUÐJÓN RAGNAR
HELGI JÓNSSON
✝ Guðjón RagnarHelgi Jónsson
fæddist á Eyri í
Skötufirði 10. nóv-
ember 1936. Hann
lést á gjörgæsludeild
Landspítala við
Hringbraut mánu-
daginn 13. október
síðastliðinn og var
útför hans gerð frá
Hafnarfjarðarkirkju
20. október.
Elsku afi.
Í dag hefðir þú orðið
67 ára gamall. Þú fórst
svo snögglega frá okk-
ur sem var alls ekki
tímabært. Við minn-
umst þín öll sem alveg
frábærs manns. Þú
kenndir okkur svo
margt um lífið og til-
veruna. Þú sagðir okk-
ur oft sögur af þér og
systkinum þínum þeg-
ar þið voru lítil á Eyri.
Þú sagðir okkur sögur
af huldufólkinu og ný-
ársdísunum sem flugu
um á nýársnótt. Sum okkar trúðu
því líka lengi að þú hefðir verið al-
vöru lögga.
Þú kenndir okkur að þykja vænt
um sveitina þína en þar leið þér
alltaf svo vel og tíminn sem sem við
vorum þar á sumrin með ykkur
ömmu gleymist aldrei. Það á eftir
að vera skrítið að koma þangað aft-
ur og enginn þú, enginn afi sem býr
til brennur og fer með okkur út á
sjó að veiða, að leggja og vitja um
net. Enginn afi sem fer í gervi
gamla mannsins eða Leppalúða,
sem fékk okkur öll til að hlægja. Þú
gast alltaf sagt okkur hvernig veðr-
ið yrði næsta dag bara með því að
horfa upp í skýin. Þú sagðir okkur
að vera dugleg að borða fisk því þá
yrðum við gáfuð, stór og sterk og
þú fylgdist vel með því hvort vöðv-
arnir stækkuðu. Eftir að þið amma
fluttuð í Hafnarfjörð fórstu oft í
göngutúra með okkur yngri krakk-
ana niður að Læk að gefa fuglun-
um.
Þetta eru bara nokkur brot af
þeim minningum sem við eigum um
þig og sem við munum alltaf minn-
ast með bros á vör. Við erum viss
um að þú fylgist með okkur í fram-
tíðinni.
Góða ferð, afi, og farðu vel með
þig.
Barnabörnin þín.
Hallgrímskirkja. Æskulýðsfélagið Örk kl.
20.
Langholtskirkja. Ævintýraklúbbur kl. 16–
17. Starf fyrir 7–9 ára börn í umsjón
Þóru Guðbjargar og Ólafs Jóhanns. Fjöl-
breytt dagskrá og eru allir krakkar á
þessum aldri velkomnir.
Laugarneskirkja. Góðar mömmur, kl. 12.
María Íris Guðmundsdóttir, BA í sálar-
fræði, og Kristjana Þorgeirsdóttir Heið-
dal, líkamsræktarþjálfari bjóða fræðslu,
íhugun og holla hreyfingu með mæðrum
ungbarna, þar sem unnið er með fæðing-
arþunglyndi. Gengið inn um aðaldyr safn-
aðarheimilis. Opinn 12 sporafundur kl.
18 í safnaðarheimilinu. Allt fólk velkom-
ið. Vinir í bata. Tólf spora hópar koma
saman kl. 20. Gengið inn um aðaldyr
safnaðarheimilisins. Umsjón hafa Gunn-
laugur Ólafsson og Hafdís Fjeldsted.
Fundur Kvenfélags Laugarneskirkju kl.
20. (Gengið inn um aðaldyr safnaðar-
heimilisins).
Neskirkja. 6 ára starf kl. 13.40. Sögur,
söngur, leikir og föndur.Uppl. og skrán-
ing í síma 511 1560. TTT-starf kl.
16.30. Starf fyrir 10–12 ára börn. Amaz-
ing Race-ratleikur. Umsjón Munda og
Sigfús. 12 sporin andlegt ferðalag kl.
20.
Árbæjarkirkja. Mánudagar: Kl. 15 STN-
starf með sjö til níu ára börnum í safn-
aðarheimili kirkjunnar.
Fella- og Hólakirkja. Opið hús fyrir full-
orðna í safnaðarheimilinu kl. 13–15.30 í
umsjón Lilju G. Hallgrímsdóttur, djákna.
Þar verður fræðsla, föndur, spilað, spjall-
að og kaffiveitingar verða í boði. Þeir
sem óska eftir akstri láti vita í síma
557 3280 fyrir hádegi. Fyrirbænastund í
kapellu kirkjunnar kl. 15.30–15.45.
Bænaefnum má koma til djákna, presta
eða annarra starfsmanna kirkjunnar.
Stelpustarf fyrir stelpur í 6. og 7. bekk
kl. 16.30. Æskulýðsstarf fyrir unglinga í
8., 9. og 10. bekk kl. 20.30.
Grafarvogskirkja. Kirkjukrakkar fyrir börn
á aldrinum 7–9 ára kl. 17.30–18.30 í
Engjaskóla. KFUK fyrir stúlkur á aldrinum
9-12 ára kl. 17.30-18.30. Fyrirlestur kl.
20, Sorg vegna missis á meðgöngu.
Guðrún Eggertdóttir, djákni, lauk árs-
framhaldsnámi í sálgæslu (Clinical
Pastoral Education) við Abbot sjúkrahús-
ið í Minneapolis haustið 2001. Starfaði
hún þar m.a. á meðgöngu- og fæðing-
ardeildum.
Seljakirkja. KFUK 9–12 ára kl. 17.30.
Alfa námskeið kl. 19–22.
Fríkirkjan í Hafnarfirði. Opið hús fyrir 16
ára og eldri kl. 20–22.
Ástjarnarsókn. Ponzý (unglingastarf ætl-
að árg. 1990 og upp úr) á mánudögum
kl. 20–22.
Lágafellskirkja. Bænastund í Lágafells-
kirkju kl. 20. Þórdís djákni þjónar og tek-
ur við bænarefnum í síma 691-8041 alla
daga frá kl. 9–16. Al-Anon fundur í Lága-
fellskirkju kl. 21. Barnastarf kirkjunnar,
Kirkjukrakkar, fyrir 6 og 7 ára börn er í
Varmárskóla kl. 13.150–14.40. Umsjón
hefur Þórdís djákni.
Landakirkja í Vestmannaeyjum. Kl.
16:00 Æskulýðsstarf fatlaðra, yngri hóp-
ur. Hulda Líney Magnúsdóttir æskulýðs-
fulltrúi og sr. Þorvaldur Víðisson. Kl.
20:00 Kvenfélag Landakirkju undirbýr ár-
legan jólabasar. Kvenfélagskonur hvattar
til að mæta.
Þorlákskirkja. Biblíufræðsla kl. 20.
Borgarneskirkja. TTT-starf kl. 15.30–
16.30.
Glerárkirkja. 12 spora starf í kvöld kl.
20. Allir velkomnir.
Hjálpræðisherinn á Akureyri. Kl. 15
heimilasamband fyrir allar konur. Kl. 17
Örkin hans Nóa, fyrir 1., 2. og 3. bekk.
Kl. 18 KK fyrir 4. og 5. bekk.
Biblíulestur í Landakoti. Sr. Halldór
Gröndal heldur áfram biblíulestri sínum
um Postulasögu mánudaginn 10. nóv-
ember kl. 20 í safnaðarheimili kaþólskra
á Hávallagötu 16. Að þessu sinni fjallar
lesturinn um uppstigninguna samkvæmt
Postulasögu og Lúkasarguðspjalli. Allir
sem áhuga hafa á því eru hjartanlega
velkomnir.
Safnaðarstarf
Morgunblaðið/Brynjar Gauti
Laugarneskirkja
SAMNORRÆNA frímerkja-
sýningin NORDIA 03 var opnuð
16. okt. sl. af verndara sýningar-
innar, Ólafi Ragnari Grímssyni,
forseta Íslands. Við það tækifæri
flutti hann eftirminnilega ræðu,
þar sem hann vék m.a. að því, að
hann sem barn hefði kynnzt frí-
merkjasöfnun hjá afa sínum vest-
ur á fjörðum og hann síðan gefið
honum safnið. Varð ég var við það
síðar á sýningunni, að gestum
þótti mikið til þess koma, hvernig
forsetinn komst að orði um frí-
merkjasöfnun almennt, og þá ekki
sízt erlendum söfnurum, sem
hlýddu á ræðu hans.
Því er fljótsvarað, að NORDIA
03 tókst mjög vel, enda eru Kjar-
valsstaðir að mörgu leyti vel fallnir
til frímerkjasýninga. Hér mátti sjá
margs konar frímerkjaefni og
póststimpla úr víðri veröld. Þó var
eðli málsins samkvæmt flest af því
tengt norrænum löndum með ein-
um eða öðrum hætti.
Sjálfsagt er að geta fyrst um
það íslenzka frímerkjasafn, sem
boðið var sæti í heiðursdeild, þ.e.
safn Indriða Pálssonar, sem nær
yfir tímabilið 1836 til 1902 eða frá
þeim tíma, þegar Auguste Mayer,
sem var teiknari í leiðangri Gaim-
ard hér á landi það ár, sendi bréf
heim til Frakklands og stimplað
var með frönskum póststimplum,
enda komu frímerki ekki til skjal-
anna fyrr en fjórum árum síðar.
Síðara ártal safns Indriða markar
lok svonefndra aurafrímerkja.
Þetta er tvímælalaust hið bezta
póstsögu- og frímerkjasafn frá
þessu tímabil, sem nokkurn tím-
ann hefur verið sett saman eða
verður komið saman. Ég hef oft
áður minnzt á þetta safn, en vil
samt enn endurtaka þá frómu ósk
mína, að íslenzk póstyfirvöld sjái
til þess með einhverjum hætti, að
það geti orðið stofn í væntanlegu
póstminjasafni Íslands eða því
a.m.k. fenginn sess til bráðabirgða
við hlið Hans Halssafnsins í Þjóð-
skjalasafni Íslands. Tel ég það
mikið slys í þessum þætti póstsögu
okkar, ef Pósturinn lætur þetta
safn ganga sér úr greipum.
Þessu safni var þannig fyrir
komið á NORDIU 03, að það blasti
við öllum sýningargestum, þegar
gengið var inn í vestursal Kjar-
valsstaða. Voru þeir margir, sem
stöldruðu þar við og virtu fyrir sér
hið fallega og fágæta sýningarefni.
Í svonefndum Meistaraflokki
voru fimm söfn, þrjú frá Noregi og
tvö frá Finnlandi. Hlutu þau öll
gullverðlaun sýningarinnar, enda
frábær, hvert á sínu sviði.
Ég vona, að safnarar geti verið
mér sammála um það, að
NORDIA 03 var hin bezta nor-
ræna frímerkjasýning, sem hér
hefur verið haldin, bæði að efni og
fágæti. Það segir og sína sögu, að
18 söfn í Samkeppnisdeild fengu
gullverðlaun, 33 stórt, gyllt silfur
og 28 gyllt silfur, þ.e. stigafjölda
frá 80 til 96, en 100 stig eru gefin
hæst. Voru það samtals 79 söfn af
109 söfnum eða rúmlega 72% allra
safnanna. Íslenzkir frímerkjasafn-
arar geta því verið hreyknir af
sýningarhaldi sínu.
Þá má ekki gleyma því, að
margir félagar í samtökum okkar
unnu – eins og ævinlega áður –
mikið og óeigingjarnt starf við
undirbúning og uppsetningu sýn-
ingarinnar. Það ber vissulega að
þakka.
Þessi góði árangur NORDIU 03
fékkst auðvitað einnig fyrir þann
áhuga og stuðning, sem sýningin
naut frá frændum okkar á Norð-
urlöndum, ekki sízt frá Norðmönn-
um, sem áttu þar mörg góð söfn,
svo sem sýningarskrá ber gleggst
vitni um.
Eins og eðlilegt er í fámenni
okkar, fór minna fyrir söfnum
heimamanna í samkeppnisdeild en
erlendra þátttakenda. Skal nú litið
stuttlega á þau söfn, sem við höfð-
um fram að færa.
Hjalti Jóhannesson hefur um
langt skeið verið iðinn við að safna
elztu íslenzku póststimplum, svo-
nefndum upprunastimplum, bæði
á stökum merkjum og ekki sízt á
heilum umslögum. Auðvitað er
róðurinn oft þungur á þessu tíma-
bili, en safn Hjalta hefur mikið
breytzt í áranna rás. Hlaut safn
hans gyllt silfur eða 84 stig, eða
næstum stórt, gyllt silfur.
Tveir nýliðar úr hópi okkar voru
á NORDIU 03 sem fengu einnig
gyllt silfur. – Rúnar Þór Stefáns-
son fékk 82 stig fyrir safn, sem
nefnist Ísland í heimsstyrjöldinni
síðari. Er hér um að ræða póst frá
hernámsárum Breta og Banda-
ríkjamanna. Er þetta áreiðanlega
ekki auðvelt söfnunarsvið, því að
þessi póstur hefur dreifzt víða um
lönd. – Árni Gústafsson hefur um
nokkur ár beint söfnun sinni að
flugpóstbréfum, sem tengjast
ferðum loftfarsins Graf Zeppelin
frá Þýzkalandi á árunum fyrir og
eftir 1930 til Suður-Ameríku og
eins norður um höf og alla leið til
Íslands. Hefur Árni dregið hér
saman ótrúlega mikið efni á þessu
sviði á skömmum tíma. Hann legg-
ur einkum áherzlu á Zeppelin-
póst, sem tengist Íslandi. Þetta
safn hlaut 80 stig og gyllt silfur. –
Þá fékk Frímerkjafélagið Askja á
Húsavík 80 stig og gyllt silfur fyrir
safn sitt um Póstsögu Þingeyjar-
sýslu 1823–2002. Safn þeirra Hús-
víkinga er vel þekkt meðal ís-
lenzkra safnara frá fyrri
sýningum, en mun vera í stöðugri
framför. Hygg ég, að Eiður Árna-
son eigi þar drjúgan þátt í. – Stórt
silfur fékk Sveinn Ingi Sveinsson
fyrir númerastimpla sína og eins
Þór Þorsteins fyrir ýmsar stimpl-
ategundir frá 1894–2003. – Jón
Egilsson hlaut silfur fyrir safn sitt,
sem tengist Hafnarfirði. – Þá fékk
Einar Siggeirsson brons fyrir
Heimsreisusafn sitt um Jóhannes
Pál páfa 2. Eins fengu Kjartan J.
Kárason og Steingrímur Björns-
son brons fyrir frímerkjaskrá sína,
Islandia, sem nær yfir lýðveldis-
tíma okkar.
Þá skal minnzt á Íslandssöfn er-
lendra safnara.
Orla Nielsen frá Danmörku
hlaut stórt, gyllt silfur fyrir safn,
sem hann kallar Almenn íslenzk
frímerki og þjónustufrímerki. Hef-
ur hann lengi safnað íslenzkum frí-
merkjum frá því fyrir og um alda-
mótin 1900. Er safn hans mjög
gott, enda hlaut það 88 stig og
stórt, gyllt silfur og heiðursverð-
laun að auki. – Annar Dani og
kunnur Íslandssafnari, Ole Svinth,
hefur safnað erlendum stimplum á
íslenzkum frímerkjum. Safnið
hlaut 82 stig og gyllt silfur. –
Henry Regeling frá Hollandi fékk
stórt, gyllt silfur, 86 stig, fyrir bók
sína um íslenzk frímerki 1872–
1904 og auk þess heiðursverðlaun.
Enginn vafa leikur á því, að ís-
lenzkir safnarar hafa hlotið margs
konar lærdóm af þeim söfnum,
sem sýnd voru á NORDIU 03. Allt
slíkt kemur þeim að notum við val
í söfn sín og ekki síður við upp-
setningu þeirra.
Mig langar hér að lokum að
ræða eitt atriði í þessu sambandi.
Þar sem ég var í dómnefnd, veitti
ég uppsetningu safna og skýring-
um efnis þeirra sérstaka athygli
með meðdómendum mínum. Vita-
skuld eru skýringar óhjákvæmi-
legar, svo að bæði áhugasamir
gestir geti áttað sig á því, sem
blasir við augum, og dómarar ekki
síður við störf sín. Mörg söfn – og
jafnvel gullsöfn – voru að mínum
dómi samt með fulllanga texta.
Slíkt verður þó oft matsatriði,
hversu langt á að teygja sig í þeim
efnum. Nú orðið eru textar víða
tölvusettir. Hafa sýnendur oft not-
fært sér þá tækni til þess að koma
sem mestum skýringum að með
því að smækka letrið. Því miður
fer þá á stundum svo, að helzt
verður að nota stækkunargler til
þess að geta lesið textana. Er slíkt
afleitt og raunar alveg fráleitt.
Póststjórnir allra Norðurlanda
voru með sölubása á sýningunni og
eins Þýzkaland. Kaupmenn, bæði
innlendir og erlendir, voru einnig
með sölubása. Virtist mér töluverð
umferð vera slóðum þeirra alla
dagana. Er vonandi, að safnarar
hafi fundið þar ýmislegt efni í söfn
sín.
Þar sem aðgangur var ókeypis
að sýningunni, er erfitt að gizka á,
hversu margir sóttu hana heim.
Ég gat ekki betur séð en stöðugur
straumur gesta væri þær stundir,
sem ég var þar staddur. Bar þeim,
sem oftast voru á staðnum og ég
spurði sérstaklega um aðsóknina,
saman um að ekki væri fjarri að
gizka á, að alls hefðu sýningar-
gestir orðið um fjögur þúsund.
Verður ekki annað sagt en við
megum vel una við þá tölu. Ég tók
eftir því sjálfur, að á sunnudeg-
inum, síðasta sýningardegi, var
fjöldi barna þar staddur með for-
eldrum sínum eða afa og ömmu.
Er gott til þess að vita, þótt mér
finnist heldur lítið berast af frí-
merktum bréfum inn á heimili
landsmanna til þess að gleðja lítil
barnsaugu og örva þau um leið til
frímerkjasöfnunar.
NORDIA 03
Töluverð ös var alla daga hjá frímerkjakaupmönnum.
Jón Aðalsteinn Jónsson
FRÍMERKI