Morgunblaðið - 10.11.2003, Blaðsíða 29

FRÉTTIR
MORGUNBLAÐIÐ MÁNUDAGUR 10. NÓVEMBER 2003 29
LÖGREGLAN Í Reykjavík lýsir eft-
ir vitnum að árekstri sem varð sl.
föstudag klukkan 13:47. Um er að
ræða harðan árekstur sem varð milli
tveggja bifreiða á Eiðsgranda við
Rekagranda. Þar rákust saman grá
Toyota-fólksbifreið, sem ekið var
austur Eiðsgranda, og græn Opel-
fólksbifreið, sem ekið var vestur
sömu götu. Þeir sem kynnu að hafa
séð aðdraganda árekstursins eru
beðnir að hafa samband við lögregl-
una í Reykjavík.
Lýst eftir
vitnum
Minningarathöfn um TF-RÁN
Í frétt á baksíðu Morgunblaðsins í
gær um minningarathöfn sem fór
fram um þá sem létust þegar björg-
unarþyrlan TF-RÁN fórst í Jökul-
fjörðum var ranglega fullyrt að lík
þeirra sem létust hefðu aldrei fundist.
Þetta er ekki rétt. Lík þriggja úr
áhöfninni fundust, en jarðneskar leif-
ar Björns Jónssonar flugstjóra hafa
aldrei fundist.
Morgunblaðið best velvirðingar á
þessum mistökum. Sérstaklega eru
ættingjar og Landhelgisgæslan beðin
afsökunar á mistökunum.
LEIÐRÉTT
Áhugahópur Gigtarfélags Íslands
um vefjagigt og síþreytu heldur að-
alfund í dag, mánudag, kl. 19.30 í
salnum Hvammi á Grand Hóteli v/
Sigtún í Reykjavík.
Að loknum aðalfundarstörfum mun
Jón Atli Árnason gigtarsérfræð-
ingur halda erindi sem hann nefnir:
Er hægt að lækna vefjagigt? Allir
eru velkomnir.
Í DAG
Varnir Íslands í 500 ár. Þorsteinn
Helgason sagnfræðingur heldur er-
indi í fyrirlestraröð Sagnfræðinga-
félags Íslands, Hvað er (um)heimur?
Erindið nefnist Varnir Íslands.
Rauður þráður í 500 ár. Erindið
verður á morgun, þriðjudaginn 11.
nóvember, í Norræna húsinu og
hefst kl. 12.05. Aðgangur er ókeypis
og öllum heimill.
Í fyrirlestrinum verður því haldið
fram að íslensk varnarstefna hafi
verið fyrir hendi í fimm hundruð ár
og að í henni sé samfella og fastar
stoðir þrátt fyrir ólíkar birting-
armyndir. Meðal annars verða borin
saman viðbrögð við Tyrkjaráninu á
17. öld og viðbrögð við beiðni um
stuðning við innrás í Írak í mars síð-
astliðnum.
Á MORGUN
Hátíðarfundur Surtseyjarfélags-
ins verður föstudaginn 14. nóv-
ember kl. 16 í Norræna húsinu.
Steingrímur Hermannsson setur
fundinn. Erindi halda: Sveinn Jak-
obsson, Karl Gunnarsson og Borg-
þór Magnússon. Tómas I. Olrich
menntamálaráðherra opnar vefsíðu
félagsins. Einnig verða heiðursskjöl
afhent. Öllum er heimill aðgangur
og verða kaffiveitingar á fundinum.
Námskeið fyrir stofnendur og
stjórnendur lítilla fyrirtækja
Fræðslumiðstöð málmiðnaðarins
ehf. og Anna Linda Bjarnadóttir
hdl. standa fyrir námskeiði um
rekstrarform fyrirtækja og er það
einkum ætlað þeim, sem hafa áhuga
á að hefja rekstur og stjórnendum
lítilla fyrirtækja. Námskeiðið skipt-
ist í þrjá hluta og verður kennt
fimmtudaginn 13. nóvember og
föstudaginn 14. nóvember kl. 16–19
og laugardaginn 15. nóvember kl. 9–
12.
Á námskeiðinu verður gerð grein
fyrir helstu félagsformum, sem að-
ilum í rekstri standa til boða og farið
yfir ábyrgð stjórnenda í hluta-
félögum og einkahlutafélögum.
Jafnframt verður farið yfir skatt-
lagningu fyrirtækja og ábyrgð á
skattgreiðslum o.fl. Námskeiðið
verður haldið að Hallveigarstíg 1, 1.
hæð (Húsi iðnaðarins), Reykjavík.
Verð er kr. 20.000. Skráning fer
fram hjá Fræðslumiðstöð málmiðn-
aðarins í síma eða með tölvupósti á
steinunn@metal.is
Sýning og kynningarfundur á
styrkmöguleikum í Comeníusi
Comeníus tilheyrir Sókrates
menntaáætlun ESB og 2. vikan í
nóvember er haldin hátíðleg til að
koma á framfæri því samstarfi sem
evrópskir skólar eiga. Sýning á af-
rakstri Comeníusarverkefna verður
haldin dagana 10.–14. nóvember nk.
í bókasafni Gerðubergs. Kynning-
arfundur á styrkmöguleikum í
Comeníusi verður haldinn í Gerðu-
bergi kl. 14 miðvikudaginn 12. nóv-
ember og í Giljaskóla á Akureyri
föstudaginn 14. nóvember kl. 15.
Sagt verður frá verkefnum og
reynslu þátttakenda af þeim.
Landsskrifstofa Sókratesar stendur
fyrir útgáfu á dagatali sem dreift
verður til allra leik-, grunn- og fram-
haldsskóla landsins í þessari viku.
Fyrirlestur um þróunarverkefni í
leikskólanum Sæborg Kristín
Hildur Ólafsdóttir, lektor í mynd-
mennt við Kennaraháskóla Íslands,
og Soffía Þorsteinsdóttir, leik-
skólastjóri í leikskólanum Sæborg v/
Starhaga, halda fyrirlestur á vegum
Rannsóknarstofnunar KHÍ miðviku-
dag 12. nóvember kl. 16.15, í salnum
Skriðu í Kennaraháskólanum við
Stakkahlíð, og eru allir velkomnir.
Á NÆSTUNNI
Í CAFÉ Borg í Hamraborg 1 í Kópa-
vogi stendur yfir sýning á vegum
Héraðsskjalasafns Kópavogs. Á sýn-
ingunni eru skjöl og myndir í eigu
safnsins, en hún var opnuð í tengslum
við norræna skjaladaginn 8. nóvem-
ber. Sýningin stendur í þrjár vikur.
Bæjarstjórn Kópavogs og Þjóð-
skjalasafn Íslands samþykktu árið
2000 stofnun safnsins, en það var opn-
að í desember 2001. Safnið, sem er til
húsa í Hamraborg 1, er jafnframt fag-
legt yfirvald yfir skjalamálum á að-
alskrifstofu bæjarins sem og í öllu
bæjarkerfinu. Safnið fer með umboð
Þjóðskjalasafns á Kópavogssvæði og
nær verksvið þess ekki einungis til
bæjarkerfisins, heldur einnig félaga,
fyrirtækja og einstaklinga í bænum.
Héraðsskjalasafn
Kópavogs
Skjalasýning
á Café Borg
♦ ♦ ♦
♦ ♦ ♦
LIÐ Menntaskólans í Reykjavík og
Iðnskólans í Reykjavík sigruðu í
forritunarkeppninni 2003 sem fram
fór í Háskólanum í Reykjavík um
helgina. 28 lið tóku þátt í keppn-
inni, alls 90 nemendur úr fram-
haldsskólum landsins. Þetta var í
annað sinn sem keppnin er haldin.
Keppt var í tveimur flokkum,
Alfa-deild og Beta-deild. Liðið
„MR01“ frá MR sigraði í Alfa-deild,
en á eftir komu liðin „Boli++“ frá
Menntaskólanum í Hamrahlíð og
Menntaskólanum í Reykjavík og
„Alpha“ frá Verslunarskóla Ís-
lands.
Í Beta-deild sigraði „Inperfect“
frá Iðnskólanum í Reykjavík. Á eft-
ir sigurvegurunum komu liðin
„Fiskikaldir Fýsibelgir“ frá Fjöl-
brautaskólanum í Garðabæ og
Menntaskólanum í Reykjavík og
„ZERO“ frá Fjölbrautaskólanum í
Breiðholti.
Keppnin var fyrir alla framhalds-
skólanemendur sem skráðir eru í
framhaldsskóla í fullu námi. Kepp-
endur mynduðu þriggja manna lið
og mátti hvert lið samanstanda af
nemendum úr fleiri en einum skóla.
Morgunblaðið/Sverrir
Sumir keppendur í forritunarkeppninni voru komnir í jólaskap.
Forritunarkeppni framhaldsskólanema
Lið frá MR
og Iðnskól-
anum sigruðu
GÖTUMYND norðurstrandar Reykjavíkur er nú að
taka á sig þann framtíðarsvip sem blasa mun við þegar
hið nýja 250 íbúða Skuggahverfi við Skúlagötu verður
tilbúið. Þrjár 18 hæða turnbyggingar munu einkenna
hverfið og er þegar búið að steypa 10 hæðir fyrsta
turnsins.
Upplýsingar um 101 Skuggahverfi, undirbúning
verkefnisins, hönnun, framkvæmdir og sölumál er að
finna á heimasíðu verkefnisins; www.101skuggi.is. Þar
er nú hægt að fylgjast með uppbyggingu 101 Skugga
„í beinni útsendingu“ því búið er að koma fyrir vef-
myndavél á byggingarsvæðinu sem tengist heimasíð-
unni. Geta áhugamenn um veður einnig nýtt þennan
möguleika til að sjá hvernig viðrar og jafnvel fylgst
með snjóalögum í Esjunni. Þá bætast jafnt og þétt inn
á vefinn myndir frá framkvæmdum við fyrsta áfanga
hverfisins.
Heimasíðan er um margt nýjung á íslenskum fast-
eignamarkaði og farnar eru nýjar leiðir við markaðs-
setningu íbúðarhúsnæðis á Íslandi.
Útsýnið af 8. hæð turnsins við Vatnsstíg er glæsilegt.Framkvæmdir í Skuggahverfi eru komnar á skrið.
Hægt að fylgjast með
framkvæmdum á heimasíðu
Framkvæmdum í Skuggahverfinu miðar vel áfram