Morgunblaðið - 10.11.2003, Blaðsíða 30
30 MÁNUDAGUR 10. NÓVEMBER 2003 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík Sími 569 1100
Símbréf 569 1329 Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
UNDANFARIN ár hefur hér á landi
í sívaxandi mæli verið vegið að for-
vörnum í áfengismálum. Nýjasta at-
lagan er frumvarp Jóhönnu Sigurð-
ardóttur og 15 annarra þingmanna
um lækkun lögaldurs til áfengiskaupa
í 18 ár. Næði það fram að ganga
myndi neysla áfengis meðal ungs
fólks án efa stóraukast og að sama
skapi afbrot, slys og önnur ógæfa af
völdum áfengis. Um það er reynsla
annarra þjóða, t.d. frá Bandaríkjun-
um, ótvíræð. Er ótrúlegt að þing-
menn telji það eftirsóknarvert að
stuðla að slíkri óheillaþróun og hafa
það sem eitt af sínum helstu baráttu-
málum.
Þá eru það vond skilaboð til unga
fólksins sem felast í framlagningu
nefnds frumvarps. Með því er gefið í
skyn að ekkert sé athugvert við að
ungmenni geti á sem auðveldastan
hátt og það sem fyrst nálgast áfenga
drykki þótt vitað sé að því fyrr sem
byrjað er á neyslu þessa eiturlyfs og
að verða háður því þeim mun meiri
hætta er á alvarlegum afleiðingum á
lífsleiðinni, bæði heilsufarslega og á
annan hátt.
Á nýafstöðnum landsfundi Sam-
fylkingarinnar fengu heilbrigðismálin
sérstaka umfjöllun m.a. vegna síauk-
ins kostnaðar þeim samfara. Það
skýtur því skökku við að áfengið, sem
er hinn mesti heilsuspillir og slysa-
valdur og á stóran þátt í útgjöldum
vegna heilbrigðisþjónustunnar, skuli
skipa svo virðulegan sess hjá mörgum
fulltrúum þessa flokks. En það end-
urspeglast með flutningi nefnds
frumvarps og sérstökum áhuga ungra
þingmanna um að leyfa hér sölu
áfengra drykkja í matvörubúðum.
En tvískinnungurinn er samur við
sig í viðhorfum margra til áfengis-
drykkju. Þegar t.d. nú er gerð tilraun
með fyrrnefndu frumvarpi til að
brjóta niður mikilvæga áfengisvörn,
mæla flytjendur þess með auknum
framlögum úr ríkissjóði til forvarna
gegn áfengi og öðrum vímuefnum. Er
hægt að kalla þetta annað en hræsni?
Nýlega birtist í Fréttablaðinu sam-
antekt úr Newsweek þar sem greint
er frá mjög dökkum hliðum á þróun
áfengismála hjá ýmsum Evrópuþjóð-
um vegna vaxandi áfengisdrykkju og
þá einkum meðal ungs fólks. Þar
kemur m.a. fram að um 40% heim-
sókna á bráðadeildir sjúkrahúsa í
Bretlandi tengjast áfengisneyslu og
kostnaður samfélagsins vaxi í sam-
ræmi við aukna drykkju eins og löngu
er vitað. Er svo komið að víða eru nú
gerðar sérstakar ráðstafanir til að
draga úr áfengisneyslu m.a. með
hækkun áfengiskaupaaldurs. – En
hér á landi er nú stefnt í öfuga átt, sof-
ið á verðinum og kynt undir áfeng-
iselda.
Vonandi tekst ábyrgum þingmönn-
um að hrinda nýjustu atlögunni að
áfengisvörnum og fella því frumvarp-
ið um lækkun aldurs til áfengiskaupa.
ÁRNI GUNNLAUGSSON,
lögmaður, Hafnarfirði.
Um lækkun aldurs
til áfengiskaupa
Frá Árna Gunnlaugssyni
UNDARLEGT verður að teljast
hvernig kattamálið á Ísafirði fékk að
þróast upp í stjórnlaust ofsóknaræði
gegn Höskuldi Guðmundssyni. Í yf-
irlýsingum ofsóknaraðila skiptu
staðreyndir engu máli, sannleika
eða heiðarleika virtust þeir ekki
þekkja. Kannski talið sig yfir það
hafna að huga að slíku. Yfirlýsing-
um virtist fyrst og fremst ætlað að
svífa á vængjum æsifregna. Ekki að
þjóna sannleikanum.
Eitt af því sem Höskuldur var
ásakaður fyrir, var ill meðferð á
köttum. Varla verður sannleikurinn
svívirtur gróflegar en með þessari
ásökun. Höskuldur lenti í nokkra
daga á spítala, þá átti hann tvo ketti.
Á meðan hann var á spítalanum
komu kettirnir á hverjum morgni
þangað og biðu þar fyrir utan. Ætli
kettirnir hefðu beðið fyrir utan spít-
alann eftir því að Höskuldur kæmi
út ef hann hefði farið svona illa með
þá? Allir sem þekkja Höskuld vel
vita hvað þessi ásökun er langt frá
sannleikanum og allri mennsku.
Höskuldur var einnig kærður fyr-
ir að valda mengun með villiköttum.
Villikettir eru ekki húsdýr og eru
þess vegna ekki á ábyrgð einstak-
lings, heldur er það samfélags-
vandamál sem í þessu tilviki bæj-
arstjórn Ísafjarðar ber ábyrgð á.
Því var þessi kæra sem stíluð var á
Höskuld, kæra á bæjarstjórn Ísa-
fjarðar. Í ákafanum að kæra virðast
menn hafa gleymt rökréttri hugsun.
Höskuldur óskaði oft eftir því við
fjölmiðlamenn og embættismenn að
hans hlið málsins væri látin koma
fram í umfjöllunum, en það virtist
vera gert fyrir daufum eyrum. Hann
óskaði einnig eftir því að ábyrgir
menn kæmu heim til hans og sýndu
honum þetta kattastóð sem ætti að
vera í kjallaranum hjá honum, en
enginn hafði áhuga á því, sem eðli-
legt var, þá hefði sannleikurinn
komið í ljós. Að lokum komu utan-
bæjarmenn með pólitískt tunguhaft
og skoðuðu hús og lóð. Þar sem þeir
sáu ekkert af því sem þeim var ætl-
að að sjá, sáu þeir ekki ástæðu til að
fjalla um það í fjölmiðlum.
Það hefur verið hljótt um þetta
mál síðustu daga. Sennilegt að
menn séu farnir að átta sig á því að
Ísfirðingar eru orðnir að athlægi í
málinu. Það er svo vonandi að þegar
menn endanlega ljúka þessu máli,
velti ráðamenn því fyrir sér, hvað
þeir teldu sig eiga að fá fyrir svona
aðför gegn sér og fyrir það að skotið
hafi verið í gegnum hurð á húsi
þeirra. Mannréttindi ráðamannsins
eru þau sömu og réttindi samborg-
arans.
GUÐVARÐUR JÓNSSON,
Hamrabergi 5,
111 Reykjavík.
Sannleikurinn
svívirtur
Frá Guðvarði Jónssyni