Morgunblaðið - 10.11.2003, Blaðsíða 8
MAGDEBURG tók forystuna í B-
riðli Meistaradeildar Evrópu í hand-
knattleik á laugardaginn með því að
sigra spænska stórveldið Barcelona,
28:26, í hörkuleik í Bördelandhöll-
inni í Magdeburg. Staðan í hálfleik
var 14:12, Magdeburg í hag.
Stefan Kretzschmar var í aðal-
hlutverki í sókn Magdeburg og skor-
aði 11 mörk en Joel Abati kom næst-
ur með 6. Sigfús Sigurðsson skoraði
eitt mark í leiknum. Markvörðurinn
Bitter átti frábæran leik og varði 25
skot. Enriq Masip skoraði 6 mörk
fyrir Barcelona og þeir Laszlo Nagy
og Jeróme Fernandez gerðu 5 hvor.
Þessi lið eru í riðli með Haukum
og Vardar Skopje og Magdeburg er
nú með fullt hús stiga, sex, eftir fyrri
umferðina en Barcelona er með
fjögur stig.
„Þetta var hörkuleikur, vel leik-
inn og spennandi,“ sagði Alfreð
Gíslason, þjálfari Magdeburgar, eft-
ir leikinn. „Við vorum yfir allan tím-
ann og áttum að vinna stærri sigur
því við vorum sex mörkum yfir þeg-
ar tíu mínútur voru eftir þannig að
sigurinn var fyllilega sanngjarn,“
sagði Alfreð.
Hann sagði að Sigfús væri kominn
á fulla ferð eftir meiðslin og hefði átt
mjög góðan leik í vörninni. „Þetta er
allt á áætlun hjá okkur. Stefnan var
að vinna Barcelona hér heima og
setja þannig aðeins pressu á Spán-
verjana. Við eigum erfiðan leik á
miðvikudaginn þegar Wallau kemur
í heimsókn til okkar og síðan kom-
um við til Íslands og leikum við
Haukana um næstu helgi,“ sagði Al-
freð.
AP
Sigfús Sigurðsson átti mjög góðan leik í vörninni hjá Magdeburg. Hér sést hann stöðva Iker Romero, leikmann Barcelona.
Magdeburg
lagði
Barcelona
FÓLK
DAGUR Sigurðsson, landsliðsfyr-
irliði og þjálfari Bregenz í Austur-
ríki, skoraði 4 mörk fyrir sitt lið þeg-
ar það tapaði á heimavelli, 22:24, fyrir
Créteil frá Frakklandi í Evrópu-
keppni bikarhafa í handknattleik á
laugardagskvöldið. Bregenz var yfir í
hálfleik, 14:12, en á nú erfitt verkefni
framundan þegar liðin mætast í
Frakklandi um næstu helgi.
MAGNÚS F. Magnússon úr Vík-
ingi sigraði Kristján Jónasson úr
Víkingi, 3:2, í úrslitaleik í meistara-
flokki karla á þriðja stigamóti tíma-
bilsins í borðtennis sem fram fór í
TBR-húsinu um helgina.
HALLDÓRA Ólafs, Víkingi, sigr-
aði í meistaraflokki kvenna en hún
vann Sunnu Jónsdóttur úr Ösp í úr-
slitaleiknum. Sunna sigraði í 1. flokki
kvenna, Sölvi Pétursson, Víkingi, í 1.
flokki karla, Davíð Teitsson, Víkingi,
í 2. flokki karla og Pétur Ó. Steph-
ensen, Víkingi, í eldri flokki karla.
MARCO Di Vaio skoraði tvö mörk
fyrir Juventus þegar lið hans skoraði
fjórum sinnum á síðustu 12 mínútun-
um og vann Udinese, 4:1, í ítölsku 1.
deildinni í knattspyrnu í gær. Juvent-
us náði tveggja stiga forystu þar sem
AC Milan varð að láta sér nægja
markalaust jafntefli við Parma á úti-
velli.
ROMA komst í annað sætið í gær-
kvöld á betri markatölu en AC Milan
með því að sigra nágranna sína í Laz-
io, 2:0, frammi fyrir 80 þúsund áhorf-
endum á Ólympíuleikvanginum í
Róm. Brasilíumennirnir í liði Roma
gerðu útslagið því þeir Mancini og
Emerson skoruðu mörkin á síðustu
níu mínútum leiksins.
JOHN Hartson skoraði tvívegis
fyrir Celtic sem vann Dunfermline,
5:0, í skosku úrvalsdeildinni á laug-
ardaginn. Celtic er áfram með fimm
stiga forskot á Rangers sem vann
Kilmarnock naumlega í gær, 3:2.
Nuno Capucho skoraði sigurmarkið
þremur mínútum fyrir leikslok.
SANTANDER vann óvæntan 2:1
sigur á Valencia í spænsku deildinni.
Rodolfo Bodipo skoraði bæði mörk
Santander. Þetta var fyrsta tap Val-
encia á heimavelli á þessari leiktíð.
MALLORCA hafði betur í botns-
lagnum við Murcia, 4:1, og skoraði
Fernando Correa tvívegis fyrir
heimamenn.
KRÓATINN óþekkti, Dado Prso,
sem skoraði fernu fyrir Mónakó gegn
Deportivo La Coruna í Meistara-
deild Evrópu í síðustu viku, var aftur
á ferðinni á laugardagskvöldið. Þá
tryggði hann Mónakó sigur, 1:0, gegn
Korsíkuliðinu Ajaccio í frönsku 1.
deildinni, átta mínútum fyrir leikslok.
Svíarnir byrjuðu af miklum kraftiog komust í 5:1 eftir sjö mínútna
leik. Þeir keyrðu upp mikinn hraða og
HK-ingum var um-
svifalaust refsað fyrir
mistök í sóknarleikn-
um. Tobias Küller,
örvhenti hornamað-
urinn þeirra, átti glimrandi upphafs-
mínútur, og af átta fyrstu mörkunum
skoraði hann fjögur.
HK- strákarnir voru ekkert á þeim
buxunum að gefast upp og með skyn-
sömum sóknarleik tókst þeim að
minnka muninn niður í tvö mörk, 11:9.
Þá kom Henrik Larsson, markvörður
Drott, til skjalanna, varði meðal ann-
ars vítakast frá Andrius Rackauskas
og Drott komst í 16:11. Rackauskas
átti lokaorðið í hálfleiknum, 16:12, úr
aukakasti eftir að leiktíminn var lið-
inn. Magnus Andersson, þjálfari
Drott-liðsins, mótmælti mjög kröft-
uglega og taldi markið ólöglegt.
Það var sama uppi á teningunum í
seinni hálfleik. Drott byrjaði af mikl-
um krafti og komst í 21:13. Larsson
fór hreinlega á kostum og lokaði
markinu fyrstu tíu mínútur síðari
hálfleiksins og það var einungis Elías
Már Halldórsson sem náði að skora
fyrir HK á þeim tíma. Það stefndi allt
í stórsigur Drott-liðsins en í stöðunni
28:18 og tólf mínútur eftir breytt Árni
Stefánsson, þjálfari HK, um varnar-
leik, setti Má Þórarinsson inn á og lét
hann taka miðjumann Drott úr um-
ferð og við það gjörbreyttist leikur-
inn. Eins kom Arnar Freyr mark-
vörður sterkur inn á mikilvægum
augnablikum á lokamínútum leiksins
og varði vel en þá gerðu HK-menn sjö
mörk á móti þremur.
Ekki mörg sænsk lið
sem spila svona gróft
„Við spiluðum vel, betur en við
höfðum gert undanfarið, og þá sér-
staklega í sókninni. Leikmenn HK
voru mjög harðir og grófir í vörninni.
Það eru ekki mörg lið í Svíþjóð sem
spila svona gróft. Leikurinn á Íslandi
verður erfiður, við höfum séð leiki
þeirra þar af myndböndum og vitum
hvað þeir geta og þeir hafa greinilega
mikinn stuðning af áhorfendum á sín-
um heimavelli. Það er því ómögulegt
að spá fyrir um úrslit,“ sagði horna-
maðurinn Tobias Küller, besti leik-
maður Drott, við Morgunblaðið.
Magnus Andersson, þjálfari Drott,
var ekki eins ánægður með leik sinna
manna. „Við getum spilað betur og
létum þá slá okkur út af laginu á síð-
ustu mínútunum. Dómararnir voru
þeim mjög í hag, þeir spiluðu gróft og
þeim var leyft það. Við eigum erfiða
leiki framundan og vitum að það er
ekkert öruggt í handboltanum. Sex
marka forysta er góð, þó ekki eins góð
og tíu marka, en betri en eins marks,“
sagði Andersson við Morgunblaðið.
Þurfum toppleik í Digranesi
Vilhelm Gauti Bergsveinsson, fyr-
irliði HK, var ekki sáttur að leik lokn-
um. „Í heildina spiluðum við ekki vel
og vorum klaufar að missa menn útaf.
Við þurfum að bæta sóknarleikinn til
þess að fá ekki þessi hraðaupphlaup á
okkur. Þeir jarða okkur á því.“ Spurð-
ur um möguleikann á að komast
áfram sagði Vilhelm Gauti: „Þetta er
hörkulið, það verður ekki af þeim tek-
ið. Við þurfum toppleik og rúmlega
það í troðfullu Digranesi.“
Árni Jakob Stefánsson, þjálfari
HK, sagði að um hörkuleik hefði verið
að ræða. „Við gátum stoppað þá ef við
komumst til baka til að stilla upp í
vörn. Þegar við breyttum leikskipu-
laginu, truflaðist sóknarleikurinn hjá
þeim. Strákarnir sýndu mikinn styrk
á lokakaflanum með því að minnka
muninn úr tíu mörkum í fimm, þó að
Svíarnir hefðu náð að lauma einu inn í
lokin. Stuðningur áhorfenda var frá-
bær, það er óborganlegt að eiga svona
stuðningsmenn með „Binnamenn“
fremsta í flokki,“ sagði Árni en um 60
áhorfendur fylgdu HK-liðinu til
Halmstad og þar bættust um 30 Ís-
lendingar í hóp áhorfenda.
Góður endasprettur
HK-inga í Halmstad
SÆNSKA liðið Drott sigraði HK, 31:25, í fyrri viðureign liðanna í 3.
umferð Evrópukeppni bikarhafa sem fór fram í Halmstad í Svíþjóð á
laugardaginn. Staða Svíanna er því nokkuð góð fyrir síðari leikinn í
Digranesi. Það er samt ekkert útilokað fyrir HK á sínum heimavelli,
ekki síst vegna þess að Kópavogsliðið átti góðan endasprett á laug-
ardaginn eftir að hafa lent tíu mörkum undir í síðari hálfleiknum.
Ómar
Stefánsson
skrifar frá
Svíþjóð
KRISTJÁN Elí Örnólfsson,
miðjumaður úr Þór, gekk
um helgina til liðs við úr-
valsdeildarlið KA í knatt-
spyrnu og samdi við það til
tveggja ára. Kristján er 27
ára og hefur leikið með
Þórsurum allan sinn feril en
hann lék 17 af 18 leikjum
þeirra í úrvalsdeildinni á
síðasta ári. Í sumar spilaði
hann 12 leiki með liðinu í 1.
deildinni en missti nokkuð
úr vegna meiðsla.
Kristján er annar Þórs-
arinn sem flytur sig yfir til
KA á síðustu dögum en
markakóngur 1. deildar í ár,
Jóhann Þórhallsson, fór
sömu leið fyrir skömmu. Þá
hafa Þórsarar séð á bak
Orra Frey Hjaltalín til
Grindvíkinga.
Kristján til
KA-manna