Morgunblaðið - 11.11.2003, Blaðsíða 14
VIÐSKIPTI/ATHAFNALÍF
14 ÞRIÐJUDAGUR 11. NÓVEMBER 2003 MORGUNBLAÐIÐ
FLUGLEIÐIR munu í næstu viku
flytja söluskrifstofu sína úr Kringl-
unni í aðalskrifstofur sínar við
Reykjavíkurflugvöll. Þetta er gert í
hagræðingarskyni samkvæmt Guð-
jóni Arngrímssyni upplýsingafull-
trúa félagsins. Engin fækkun
starfsfólks verður þessu samfara.
Í pláss Flugleiða í Kringlunni
kemur verslun BT sem nú er á
næstu hæð fyrir ofan. BT mun opna
nýja verslun sína fyrir lok þessa
mánaðar, samkvæmt Erni Kjart-
anssyni framkvæmdastjóra Kringl-
unnar.
Í pláss BT mun síðan að sögn
Arnar koma ný verslun fyrir ungt
fólk.
„Þessi flutningur er liður í þeirri
hagræðingu sem stöðugt er í gangi
til þess að mæta kröfum markaðar-
ins um lág fargjöld. Við hann spar-
ast umtalsverður húsnæðiskostn-
aður auk þess sem það hlýst
margskonar hagræði af því að hafa
söluskrifstofuna í höfuðstöðvum
fyrirtækisins. Stöðugt stærri hluti
sölunnar er á netinu og í gegnum
síma, auk þess sem margskonar
tækniframfarir í frágangi og bók-
haldi gera það kleift að lækka
kostnað á móti lækkandi fargjöld-
um,“ sagði Guðjón Arngrímsson í
samtali við Morgunblaðið.
Hann sagði að allir 15 starfsmenn
skrifstofunnar flyttu á nýja staðinn
og boðið yrði upp á alla sömu þjón-
ustu og hingað til. „Staðsetningin á
aðalskrifstofunni við Loftleiðahót-
elið er góð, allir rata þangað, hún
er miðsvæðis í borginni og næg
bílastæði,“ sagði Guðjón.
Morgunblaðið/Árni Sæberg
Flugleiðir eru á leið úr Kringlunni. BT kemur í þeirra stað.
Flugleiðir flytja
EINS OG fram hefur komið í Morg-
unblaðinu samþykkti hluthafafundur
í Hraðfrystistöð Þórshafnar hf., HÞ,
kaup á fjölveiðiskipinu Þorsteini EA
af Samherja hf. hinn 24. september
sl. Í síðustu viku var sagt frá því að
þrjátíu og fjórir smærri hluthafar í
HÞ, sem samanlagt eiga 14,8%
hlutafjár, hefðu höfðað mál gegn HÞ
og Samherja hf. vegna kaupanna á
Þorsteini EA þar sem þeir krefjast
þess að kaupin verði látin ganga til
baka. Telja hluthafarnir að Sam-
herji, sem á tæp 50% hlutafjár í
Hraðfrystistöð Þórshafnar, hafi nýtt
sér sterka stöðu sína í félaginu til
þess að selja því fiskiskipið Þorstein
EA ásamt aflaheimildum á yfirverði.
Með því hafi Samherji hagnast á
ólögmætan hátt á kostnað annarra
hluthafa í félaginu.
Finnbogi Jónsson, stjórnarfor-
maður bæði Samherja og HÞ, segir
að verðið á bæði Þorsteini EA og
aflaheimildunum sem keyptar hafi
verið hafi í báðum tilfellum verið
eðlilegt. „Það eru fjögur meginatriði
sem liggja til grundvallar því að
stjórn HÞ ákveður að leggja til við
hluthafafund að kaupa Þorstein EA.
Í fyrsta lagi hefur HÞ verulegar
heimildir í bolfiski sem við höfum
leigt frá okkur á undanförnum árum.
Það er stefna Samherja að nýta þær
aflaheimildir sem félagið eða félög
sem Samherji á í fá úthlutað. Með
kaupum á Þorsteini getum við nýtt
þessar heimildir og veitt bæði bolfisk
og uppsjávarfisk.
Í öðru lagi þá á HÞ verulegar
heimildir í norsk-íslenska síldar-
stofninum og með kaupum á Þor-
steini getum við veitt þessa síld og
unnið hana í frystingu úti á sjó og
gert miklu meiri verðmæti úr henni
en ella. Í þriðja lagi hefur Þorsteinn
möguleika til að veiða upp sjávarfisk
í flottroll, sem skip HÞ geta ekki í
dag. Í fjórða lagi aukum við með
kaupum á Þorsteini EA verulega við
uppsjávarveiðiheimildir HÞ, eða um
hvorki meira né minna en 40%. Það
styrkir auðvitað verulega rekstrar-
grunn HÞ,“ sagði Finnbogi um
ástæður þess að ákveðið var að
kaupa Þorstein EA til Þórshafnar.
Finnbogi segir að niðurstaða hlut-
hafafundar hafi síðan verið mjög
skýr og af þeim sem afstöðu tóku
hafi um 86% verið samþykk kaup-
unum á Þorsteini, þar á meðal Þórs-
hafnarhreppur, Svalbarðshreppur
og Sparisjóðurinn á staðnum, sem
allir eru veigamiklir hluthafar í HÞ.
Um verðið á skipi og heimildum
sem stefnendur segja að sé yfirverð,
þ.e. að greitt hafi verið 300 milljón-
um of mikið fyrir skipið og einnig
hafi of mikið verið greitt fyrir afla-
heimildirnar, segir Finnbogi að
varðandi kvótann liggi fyrir á síðustu
mánuðum sölutölur á sama verði og
miðað er við í þessari sölu. „Varðandi
skipið sjálft verð ég að segja að verð-
matið sem stefnendur ganga út frá
er algjörlega út í bláinn og er þá
vægt til orða tekið.
Þorsteinn er nýlega búinn að
ganga í gegnum mjög miklar breyt-
ingar, stækkun og endurbætur og
búið er að byggja verksmiðju um
borð til vinnslu á uppsjávarfiski.
Kostnaður við þessar breytingar
nam rúmum 400 milljónum króna.
Sækjendur meta virði skipsins á
lægra verð en breytingarkostnaður-
inn einn. Til fróðleiks má nefna að
systurskip Þorsteins, sem ekki hefur
verið lengt og ekki hefur verksmiðju
um borð, var keypt til landsins í vor á
um 400 milljónir króna.
Við kaupin á Þorsteini lá fyrir
verðmat frá einum reyndasta skipa-
miðlara hér á landi sem mat skipið
650–690 milljónir króna,“ segir Finn-
bogi.
Að frádregnu verðmæti aflaheim-
ilda og veiðarfæra er kaupverð Þor-
steins EA um 670 milljónir króna.
Um aðkomu hans sjálfs að und-
irbúningi kaupanna og þær ásakanir
að hann hafi setið beggja vegna
borðsins og misnotað aðstöðu sína
segir Finnbogi að það sé hluthafa-
fundur sem hafi tekið ákvörðunina
um kaupin á endanum, honum sjálf-
um sé hins vegar rétt og skylt að
hafa skoðun á málinu.
Samherji og HÞ mátu Þor-
stein á 650–690 milljónir
HAGNAÐUR Austurbakka nam 59
milljónum króna á fyrstu níu mán-
uðum ársins, samanborið við 89
milljónir króna á sama tímabili
2002. Rekstrartekjur voru á tíma-
bilinu 1,669 milljónir króna, en
voru 1,783 milljónir á sama tímabili
í fyrra.
Fjármagnsgjöld voru samtals
15,6 milljónir samanborið við fjár-
magnstekjur að upphæð 52,9 millj-
ónir eftir níu mánuði árið 2002.
Eiginfjárhlutfall er 24,55%, hækk-
ar úr 17,74% frá 30. september
2002.
Austurbakki
hagnast
SÍMINN fór í síðasta mánuði fram á
fjárnám í eignum Tetra Ísland hjá
sýslumanninum í Kópavogi til fulln-
ustu á skuld fyrirtækisins. Páll Ás-
grímsson, yfirlögfræðingur Símans,
staðfesti þetta í samtali við Morg-
unblaðið. Hann vildi að öðru leyti
ekki tjá sig um þetta mál.
Tetra Ísland rekur Tetra-fjar-
skiptakerfið, sem er talstöðvarkerfi
með símaviðmóti og þjónar lögreglu,
slökkviliði, flutnings- og ferðaþjón-
ustuaðilum, orkufyrirtækjum, verk-
tökum og öðrum sem þurfa á hóp-
fjarskiptum og annarri fjar-
skiptaþjónustu að halda. Kerfið nær
til nokkurra helstu þéttbýlisstaða
landsins og þjóðvega.
Orkuveita Reykjavíkur á 46% hlut
í Tetra Ísland, Landsvirkjun á 29%,
bandaríska fjarskiptafyrirtækið
Motorola á tæp 20% og Tölvumyndir
eiga tæp 5%.
Jón Pálsson, framkvæmdastjóri
Tetra Ísland, segir að fyrirtækið sé
talsvert skuldsett. Verið sé að vinna
að endurskipulagningu á rekstri og
samningum um skuldir. „Við höfum
verið að semja um skuldir fyrirtæk-
isins en ein þeirra fór í aðför áður en
samningar hófust,“ segir Jón.
Áframhaldandi uppbygging
Að sögn Jóns er sá markaður sem
Tetra Ísland starfar á ekki stór.
Hann segir að fyrirtækið hafi verið í
viðræðum við stjórnvöld og stærri
aðila um áframhaldandi uppbygg-
ingu fjarskiptakerfisins og rekstur
þess. Þær viðræður lofi góðu. Fjar-
skiptakerfið hafi sannað gildi sitt
sem neyðarfjarskiptakerfi og því sé
vilji til að halda uppbyggingu þess og
rekstri áfram ef mögulegt sé.
Jón segist ekki vilja tjá sig um
skuldir Tetra Ísland á þessu stigi né
um skuldir fyrirtækisins við Símann.
Heildarskuldirnar séu þó augljós-
lega of miklar, sem stafi að hluta til
af því að fjárfestingin hafi verið tvö-
föld í upphafi, en Tetra Ísland varð
til við samruna fjarskiptafyrirtækj-
anna Tetralína og Stiklu.
Síminn
gerir
fjárnám
hjá Tetra RÍKISSAKSÓKNARI hefur eftir
kæru Apple Computer Inc. lagt fyr-
ir ríkislögreglustjóra að hefja rann-
sókn á meintum höfundarréttar-
brotum Aco-Tæknivals hf., ATV.
Samkvæmt Hróbjarti Jónatans-
syni hrl. lögmannni Apple Comput-
er Inc. á Íslandi hefur ATV staðið
fyrir dreifingu á ólögmætri útgáfu
af svokölluðum staðfærsluhugbún-
aði við Mackintosh-tölvur, en um er
að ræða hugbúnað sem íslenskar
notendaumhverfi í Apple-tölvum.
Apple Computer Inc. á höfundar-
réttinn að þessum hugbúnaði að
sögn Hróbjartar. „Það eru grun-
semdir um að Aco-Tæknival hafi
dreift með ólögmætum hætti ólög-
legri útgáfu af þessum hugbúnaði
og það mál var kært til lögreglu og
er í rannsókn,“ sagði Hróbjartur í
samtali við Morgunblaðið.
Apple.is bannað
Þá hefur Samkeppnisráð að sögn
Hróbjartar, með vísun til 2. mgr. 30
gr. samkeppnislaga, bannað Aco-
Tæknivali alla notkun lénsins
Apple.is og leggur fyrir félagið að
afskrá lénið innan tveggja vikna. Í
úrskurði samkeppnisráðs segir að
Aco-Tæknival hf. hafi með notkun
lénsins Apple.is brotið gegn ákvæð-
um 20. og 25. gr. samkeppnislaga
nr. 8/1993.
Bannið kemur í kjölfar kvörtunar
Hróbjartar fyrir hönd Apple
Computer Inc. 25. júlí sl.
Áður hafði nefnd sú, sem er
stjórn Internet á Íslandi hf. til
ráðuneytis um skráningar á lénum
.is, hafnað beiðni Apple Computer
Inc. um að umskrá lénið „apple.is“
af nafni AcoTæknivals á þeim
grunni að slíkt væti utan valdsviðs
nefndarinnar.
Annað mál þingfest í dag
„Verði ekki farið að banninu má
gera ráð fyrir að viðurlögum sam-
keppnislaga verði beitt,“ segir Hró-
bjartur. „Það er alltaf slæmt þegar
vörumerki eru hagnýtt með ólög-
mætum hætti. Það skaðar vöru-
merkjaeigandann og því er fagn-
aðarefni þegar ólögmætum
aðgerðum linnir.“
Hróbjartur segir að Apple
Computer Inc. reki einnig dómsmál
á hendur Aco-Tæknivali hf. vegna
ólöglegs innflutnings á Apple-
vörum frá Bandaríkjunum annars
vegar, sem þingfest verður fyrir
Héraðsdómi Reykjavíkur í dag, og
hins vegar skaðabótamál vegna
ofangreinds höfundarréttarbrots.
Rannsókn á meint-
um höfundarrétt-
arbrotum ATV
HAGNAÐUR Marels og dóttur-
félaga eftir skatta var 2,5 milljónir
evra, eða 210 milljónir íslenskra
króna á fyrstu níu mánuðum ársins
miðað við tap á sama tíma á síðasta
ári upp á 1,1 milljón evra. Arðsemi
eigin fjár á fyrstu níu mánuðum
þessa árs var 14,4% og EBIT sem
hlutfall af tekjum 6,3%.
Á þriðja fjórðungi þessa árs nam
hagnaðurinn 5 milljónum króna.
Rekstrartekjur Marels fyrstu níu
mánuði ársins 2003 voru 77 milljónir
evra, sem eru um 6,6 milljarðar króna
miðað við meðalgengi tímabilsins.
Það er um 2% aukning í evrum talið
frá fyrra ári. „Þær hagræðingarað-
gerðir sem ráðist var í lok síðasta árs
hafa skilað góðum árangri þrátt fyrir
óhagstæð ytri skilyrði einkum vegna
styrkingar íslensku krónunnar. Allir
helstu kostnaðarliðir fyrirtækisins
lækka sem hlutfall af veltu,“ segir í
tilkynningu frá félaginu.
Veltufé frá rekstri nam 4,6 millj-
ónum evra á fyrstu níu mánuðum árs-
ins og handbært fé nam 6,3 milljón-
um evra í lok september.
Heildareignir félagsins nema 86,0
milljónum evra og heildarskuldir 61,1
milljón evra. Eigið fé nam 24,9 millj-
ónum evra og eiginfjárhlutfall félags-
ins var 28,9% og hefur aukist úr
27,5% í byrjun ársins.
Um horfur í rekstri félagsins segir
í tilkynningunni að fjórði ársfjórð-
ungur sé hefðbundið einn besti árs-
fjórðungur fyrirtækisins. „Meiri
óvissa er þó í ár um afkomu á tíma-
bilinu en oft áður. Verkefnastaða
móðurfélagsins er með minnsta móti
um þessar mundir, einkum vegna
þess að dregist hefur að loka samn-
ingum um ýmis stór verkefni sem
unnið hefur verið að á síðustu mán-
uðum. Verkefnastaða annarra fyrir-
tækja samstæðunnar er hins vegar
vel viðunandi.“
Marel hagnast um 210 milljónir